81
1
0
4-min walk from Exit A, Fortress Hill MTR Station continue reading
Telephone
25228599
Additional Information
reserve for the private party / BBQ on Sunday upon request
Opening Hours
Today
12:00 - 22:30
Mon - Sat
12:00 - 22:30
Sun
Closed
Payment Method
Visa Master Cash UnionPay Alipay AlipayHK
Number of Seats
40
Other Info
Wi-Fi
Alcoholic Drinks
10% Service Charge
Outdoor Seating
Spot payment
Review (90)
Level4 2018-08-27
2410 views
正所謂「辛苦搵黎志在食」經常都咁同老婆講。「食咁多怕肥呀」經常都得到咁既回應。有理無理, 一於帶咗佢上餐廳先, 唔通佢會忍得到睇住我食咩。美食當前, 試問有幾多個可以抵住誘惑呢。今晚帶咗老婆去炮台山, 一間商廈入面既西餐廳。其實係咁啱放工經過openrice搵出黎, 都算係做咗野呀。餐廳環境偏向高檔, 好乾淨。可以舒舒服服咁撐枱腳。煙三文魚凱撒沙律(晚餐) 嘩!沙律以外,我的最愛。唔客氣啦。老婆留哂所有三文魚俾我食, 多謝老婆!龍蝦湯 $78兩公婆食飯有好多好處, 例如每一個餸都可以share食。龍蝦味非常濃郁, 一啖入口已經充份感受得到。湯入面仲有龍蝦肉, 飲湯之餘仲多咗份口感。正!紅酒燴羊膝配香滑薯蓉及時菜(晚餐) $298指定動作, 相機食先。算係咁掛, 忍住唔一啖放入口影相你地睇, 唔like都睇兩眼呢。一定會有人問「羶唔羶呀?」哩個問題等於問「五花腩肥唔肥」。玩咩,羶味唔多唔少都會有, 佢算係輕微少量。肉質非常嫩滑, 一啲都唔韌, 手起刀落。入口嗰吓呢, 醬汁同埋濃郁既羊肉味一次過湧入口。好味!海鮮湯(晚餐) 質地較為Creamy, 啖啖既海鮮鮮味。雖然我比較鐘意濃味既龍蝦湯, 但係海鮮湯又有一種清新既感覺。人都係貪心既, 所以兩公婆一齊黎就可以試哂兩款感覺啦。卡邦尼意粉 $108面頭嗰隻係真水波蛋!礙於少有餐廳會真係俾隻水波蛋客人(有試過變咗隻全熟蛋、變咗煎蛋都有) 。做法非常正宗既卡邦尼,口感清新蛋黃味豐富。非常簡單既一道菜但就非常考功夫。唔知叫咩名甜品(晚餐) 少食甜品, 老婆話好味, 水果新鮮。唔係我食就唔多評價啦。 continue reading
(The above review is the personal opinion of an user which does not represent OpenRice's point of view.)
Level1 2018-08-27
231 views
非常可惜的一間餐廳。去過多次都非常滿意。食物健康,健康概念也好,亦坐得舒適。可惜,可惜... 請了一位既囂張亦不以服務為先的一個女員工。👎🏼 未食完碟上的食物,我同朋友整杯檸檬茶和咖啡都未飲,她竟然遞上單據,說「請先埋單,因為我有客人在等你的位置!」當我告訴她我還未吃完,並告訴她我覺得她的老闆應該是會以顧客感受為先的時候,她竟然大大聲的說,「我老闆在這裏也一定會跟我這樣做要你先埋單,因為有客人在外面等。」 君子不與小人鬥,於是抱着很失望的心情(我是替老闆難過,好好的一個健康概念餐廳就被這樣一個員工完全扭轉了⋯⋯)離開座位。最離譜的是,在我們還在等電梯的時候,她在櫃檯前大大聲的跟其他員工說,「做生意嘛!老闆喺度都會叫佢哋走接多一枱生意啦!」🙄😳 小姐,我哋係未食完野,連餐茶都未飲你就叫人哋起身埋單。🙄 現時咁嘅服務態度,老闆都可以容忍,顧客都唔可以接受! continue reading
(The above review is the personal opinion of an user which does not represent OpenRice's point of view.)
Level1 2018-08-24
142 views
餐廳地方細,樓底矮,比較應聲。正常都唔大問題,但侍應不斷大聲傾計,嘈到街市咁,連廚師都出黎傾埋一份,嘈到頭都痛埋。其實食物唔差,價錢亦算係中價,又話有營養師計過卡路里,但侍應質素將餐廳降格到街市大排檔環境。 continue reading
(The above review is the personal opinion of an user which does not represent OpenRice's point of view.)
Level4 2018-08-17
148 views
喺香港要搵個營養師嘅餐廳真係好難,喺炮台山地鐵站附近有一間樓上嘅小店,佢哋餐廳嘅嘢食都係由營養師設計,有晒卡路里表俾大家參考,非常適合健康的人。餐牌有唔同嘅菜單,意粉,扒都有。雅枝竹准山湯麵包是健康的穀包可以點上橄欖油食用,第一次飲淮山湯,估唔到咁美味。蟹肉及蟹籽沙律,沙律菜新鮮而且蟹肉鮮甜,問過員工原來佢哋嘅沙律係有機嘅,唔怪得知咁清新和清甜香煎美國西冷牛扒配約克布丁和海鹽牛扒煎得啱啱好,扒裹充滿肉汁,略嫌肉質小小硬。紅酒比目魚,這個主菜好食, 比目魚肉質鮮嫩而魚味清香,而且仲有甜甜的紫薯,感覺更健康。甜品是紅桑子慕絲,這個甜品超好食,紅桑子味道很出,而且慕絲質感濃。食完都唔會覺得好邪惡最後飲完一杯咖啡,就作一個健康嘅餐飲的結尾了。原來佢哋樓上都有瑜伽課程,讓學生瑜伽之後食返一餐健康又美味,令修身事半功倍。非常吸引,原來健康都可以美味的 continue reading
(The above review is the personal opinion of an user which does not represent OpenRice's point of view.)
Level4 2018-08-17
1499 views
早幾日約左個朋友食飯,就返佢要湊女👶🏻揀左間近佢屋企既餐廳,去到搵先發現原來係商業大廈度🤔連佢都話唔知原來呢度有餐廳🤣-呢度既餐都有寫明有幾多卡路里📝搞到我地都唔敢揀啲高卡既🙈仲有列出有咩營養價值,之後我問一問,原來同一棟大廈樓上,佢地有間yoga club🤸🏻‍♀️-我地點左一個營養師推薦餐(📌逢星期一換新menu)🔹日式照燒野菌秋葵意大利粉($150)⭐️8.5/10> 跟餐湯/沙律 及 一杯飲品個意粉完全係意料之外咁好食😍(內心覺得標榜健康既餐廳都唔太ok),但呢度連意粉都做到al dente!個汁好惹味,又唔會太鹹👍🏻秋葵同野菌同蘆筍都比得好慷慨,食落好香😋▫️是日沙律係牛油果沙律🥗牛油果好靚,熟度岩岩好,好淋好好味!仲有啲紅菜頭粒,好鮮甜👅-另外仲揀左 廚師推薦餐👨🏻‍🍳🔹焗寶雲酥羊架伴焗新薯配百香里汁($358)⭐️8/10> 跟蟹肉蟹子沙律🥗淮山湯🥣甜品🍮飲品羊架面頭鋪滿麵包碎,焗完之後香脆👍🏻我地揀左7成熟,肉質都唔錯,亦都無乜羶味,而且好大份下,兩個人share岩岩好🤲🏻我第一次飲西式既淮山湯,比我想像中正常🤣而甜品係梨味奶凍,都幾清甜👍🏻-🔺非常滿意的一餐☺️重點係環境好好,好岩朋友傾計/情侶拍拖去食呀!下次再去北角搵fd食飯都可以黎呢度啦😍高質! continue reading
(The above review is the personal opinion of an user which does not represent OpenRice's point of view.)