Video
4-min walk from Exit B, Quarry Bay MTR Station
continue reading
Opening Hours
Mon - Sun
Closed
Public Holiday
Closed
Public Holiday Eve
Closed
Above information is for reference only. Please check details with the restaurant.
因為番夜，嗌左個頭抽蔥油撈飯做晚餐，45蚊揀兩款餸仲包野飲，揀左豬扒同蓮藕肉餅，老闆娘見我諗緊糾結緊揀唔揀腸仔同餐肉，仲每樣請左我食一舊添，夠晒大盒。成間鋪貼晒鏡仔應援，仲有應援禮物拎，我都貪心咁拎左一個🤣番到公司過左一個鐘先食，輕輕叮番熱，叮完豬扒都冇話會乾，好入味好大塊，肉餅係冬甩形狀搓得好靚，味道同賣相肉餅絕對值得推介！餐肉一食就知道係用靚野，最後食晒飽到上心口，下次要叫佢小飯，咁嘅份量同質素，45蚊真係抵到爛！
continue reading
過開鰂魚涌就Search下附近有咩好野食，見到呢間新開既小食店個名好得意就過黎睇下😃一望入去已經見到好多Mirror既Postersss💕咁...梗係要幫襯下啦～😆因為之後約左朋友食飯，所以只可以叫d小食，見到有《椒鹽燒賣》就叫左盒，呢度既野食都係即叫即整，唔會炸定放到林晒👍等緊既期間店員好nice咁同我傾計，仲好熱情咁分享左佢收到既Mirror應援物資，超級親切🤗《椒鹽燒賣》$20一打開盒已經聞到好香好香，燒賣既外皮炸到脆卜卜，質地係少少煙韌個種，加埋椒鹽既香味，真係好好食😋下次再過開黎呢邊一定會再試埋佢地其他野食😌
continue reading
係外賣平台見到呢間新加入嘅餐廳就㩒入去望下，選擇唔多但勝在樣樣都吸引。。咁因為想溝淡個運費就叫咗兩樣，分別係蔥油豬扒拼雞翼飯，同佢講出個黃金雞飯。。通常我叫外賣之前都會上OpenRice睇吓食評先叫，但食評只得一個冇得參考，不過見佢價錢公道咪試吓叫囉。。咁送到上房，有驚喜喎，望落好靚仔，食落味道都好好，唯獨是蔥油偏甜，如果咸返少少就更加Perfect，你唔好睇佢盒仔細細，食完都幾飽㗎。。而雞飯個油飯都好好味，整體來講CP值高，值得繼續支持！
continue reading
聽同事講呢間新開d沙牛幾好食，今日就專登早啲返工買個秘製沙嗲牛麵返公司試吓先😋個麵底應該係專登用福麵，有人叫就落熱水焗住拎走。拎到返公司剛好食得，呢個方式都幾特別第一次見。牛肉份量夠晒多，湯底夠農有花生碎👍🏻牛肉唔似出面d茶記一係用鬆肉粉整到好淋一係就無整過咬唔爛，整體成個麵比到驚喜我，呢個價錢食到高質沙牛真心抵食，加埋蛋凍飲都係$37😋呀妹話買早餐仲送Mirror 貼紙，可惜呀叔我唔係鏡粉😅
continue reading