喜記 (Closed)

正月初五是五路財神的生日，之前走咗去車公廟拜五路財神。之前接咗財神。去到黃大仙中心揾咗間水餃店。目的為咗食水餃。因為坊間傳聞要在當日食油角或食水餃。形狀似金元寶。食咗等如接咗個金元寶。店內有水餃麵食。碗水餃麵有四粒水餃。賣相滿分。幼麵好彈牙。個水餃足料。好味。加杯熱奶茶都係$42。下午茶時間水餃麵餐好抵食。

在 附近工作， 時間有點緊迫，吃個簡單一餐就算了。選擇吃精選套餐，會有一碗粉麵或飯 ，加飲品。▶️鮮蝦雲吞麵 正正常常▶️鯪魚球 三粒剛剛炸起， 外脆內軟 ，都幾好食。▶️腸粉 另加10元▶️薏米水薏米水味道正常▶️熱檸茶整體來說 ，質數都正常 ，但是價錢有點偏貴，唔抵食。

久違的喜記，由於之前他們換了餐牌晚市比較少選擇，今天來吃下午茶，食品水準還是有保持帶子水餃河，平凡食物最重是用料新鮮，除此之外，最重要是特別淆製的湯底！ 濃濃蝦米味道，湯底絕對沒有偷工減料，非常一流！

昨日（24/4/2020）在喜記，叫了兩份下午茶，鮮蝦雲吞麵及叉燒湯米粉，兩份下午茶都抵食，份量足夠，埋單只是$68。今日（25/4/2020）又再幫襯，點了兩份午餐，川弓白芷魚雲湯米及梅菜蒸鯇魚，川弓白芷魚雲好少地方有得食，味道濃厚及鮮味，材料很多，好滿足。梅菜蒸鯇魚都好好味，同白飯食，可食兩碗飯，梅菜唔太咸，鯇魚蒸得剛好，魚肉很滑，份量都大份，由於太美味，全部食晒。價錢合理，又搵到一舖食魚餐，值得推薦給大家。

#小秘書 經過好多次「喜記」，覺得佢嘅裝修顏色配對好特別，但因為各種各樣嘅原因冇幫襯過。呢日中約咗 #朋友仔 喺附近 #下午茶，順理成章過嚟試吓。#喜記 俾我嘅印象一向都比較貴，依家下午茶時段，$40就可以食到碗 #牛腩河 加 #熱奶茶，確實唔錯。分量唔係太大，開始嘅時候仲驚自己唔夠飽， 牛腩炆得好淋，不過我比較欣賞唯一嘅 #牛筋，充滿 #骨膠原🤩 #河粉 配 #腩汁，的確係絕配。可惜呢度冇 #茶走，所以我只可以飲普通嘅 #熱奶茶，不過始終飲唔慣，最後都要 #服務員 幫我去拎多杯 #淡 奶俾我，不過阿姐似乎覺得我有啲麻煩，木口木面咁問我要啲咩、又木口木面咁樣拎杯奶過嚟，搞到我好冇癮... 不過都填飽個肚就算🤪

香港人一般都工作忙碌，無乜時間煮飯既打工仔，都想有餐温暖既煮家飯暖暖個胃，喺黃大仙原來都有吾少餐廳岩哂我哋依班渴望有一口煮家飯既打工仔👀黃大仙南館既‘’喜記‘’今個週末晚飯時段吾洗等位輕鬆入座，環境尚算寬敞，睇下個餐牌燒味/粥粉麵樣樣齊🤤最特別系有自選套餐俾你揀食霸皇后今次嗌左個兩餸2人套餐....豉汁蒸黃立倉，賣相大條，食落魚肉滑，新鮮汁多撈飯既話都可以食多幾碗，岩哂中意食魚既你蜜椒薯仔雞，蜜糖加燒燶椒既雞甜得黎幾特別，十足蜜糖Bbq 味，薯仔夠爽有口感,岩哂對食物質感豐富既我，哈哈除左2個煮家餸，仲有煮家味道既老火粉葛湯，味道當然無媽媽煲既甘鮮甜，但大大碗湯料十足，再歎埋杯凍齋啡，飽肚兼醒神埋單百五蚊左右，平民食府，價錢合理！中意住家味道既你，值得一試

呢排香港個時勢咁樣，好多食店其實都無開，而且吾會煮飯既三眼四胃，自然要四圍搵野食。食得多魚翅龍蝦，都會想食下住家飯，而黃大仙呢間"喜記"，會係大家吾錯既選擇。晚市時段入座，吾需要等位，都係一般嗌餸食飯，當然都有粉麵食，一行兩人，簡左個晚市既2人套餐，2個餸有飲品or湯同2個飯，選擇都吾算太多，但都有吸引人既菜色，三眼四胃就點左個"豉汁蒸黃立倉"同"蜜椒薯仔雞"。豉汁蒸黃立倉-魚大條，蒸既時間岩岩好，魚好滑，吾會一夾就散，魚汁夠多，夠撈飯。三眼推薦蜜椒薯仔雞-份量一般，雞好入味，但有點硬，吾夠林，蜜汁好香好野味，薯仔就人人吾同食法，三眼略嚴硬，吾夠林，但都好入味。值得一試例湯-濃味，足料，大碗總括-兩公婆食個飯其實都係岩岩夠飽，因為份量吾算多，但味道係吾錯既，兩個男人就要再叫其他野食，而衛生都吾錯，餐具夠乾淨，有紙巾供應，座位尚算闊落，最後係價錢，呢餐食左150蚊左右，兩餸有飯有飲品or湯，其實吾算話好低食，但味道可補救。黃大仙"喜記"，值得一試

今日同屋企人到了黃大仙食飯☺️餐廳格局似一般茶餐廳😊有卡位果類嘅，都有圓枱。適合大伙兒聚會食下飯。店員好快手比左幾杯水同餐牌😌我地揀左4人餐食。我地揀左蝦仁🦐炒蛋，涼瓜炒🐮牛肉，南瓜湯野菌菠菜苗🥬及豉汁蒸黃立倉🐟。蝦仁炒蛋好滑，用左少少牛奶去炒😍d 蝦好大隻😍涼瓜炒牛肉，涼瓜唔算苦，牛肉都幾入味☺️可以食多幾啖飯😌豉汁蒸黃立倉，好好味又唔腥，蒸得岩岩好😋菠菜苗好嫩，唔會食落有草青味😉最後不得不提佢地嘅例湯，天天都唔同，仲係無味精嘅湯😋推介大家可以試一試佢地嘅湯，你仲可以要求佢地唔要湯渣添😋

星期五晚黃大仙中心好難搵位食飯，大約7點行過見到呢度仲有位就入左去。因為我個日拎住好多野，所以侍應安排左我地二人坐四人枱，好貼心，就算有人係出面等位都無人係我地食緊嘅途中搭枱，幾好.我地叫左個二人套餐，包左兩個小菜，兩碗飯同兩杯餐飲/兩碗例湯。我地叫左一湯一餐飲，例湯係蕃茄薯仔湯，味道有啲淡，不過唔油，幾好；餐飲叫左薏米水，呢到嘅薏米水唔錯，仲有少少薑味！小菜叫左蜜椒薯仔雞同欖菜肉崧四季豆，味道雖好，但有啲失望，因為好細碟，唔值$150。蜜椒薯仔雞調味好好，蜜糖甜、黑椒香口，兩個加埋十分惹味，送飯一流！四季豆唔會太咸，都幾好，不過唔係肉崧，似係肉粒😂.整體而言，味道好，但份量細。不過，應該會再幫襯

之前吃過喜記，覺得算是不錯的連鎖式小炒餐廳，燒臘特別出色。這次特地再去吃一次，餐牌沒有什麼太大改變。看到附近的客人大多有點豉汁蒸黃立倉，豆豉的香味四溢，下次可以試試呢。因為今天的「Quota」已經留給燒臘了，另外還想再點一道蔬菜較多的餸菜。餐飲例湯當天的例湯是南瓜豬骨湯，比一般的例湯少了些味精，算是比較清潤的感覺，湯料很多很足料。熱豆漿豆漿表面結了一層豆皮，稍微影響口感，甜度適中。餐點金湯粉絲雜菜煲用上湯煮的雜菜煲味道偏淡，但是可以解吃肉的膩，比較清爽。而且用料豐富，有不同種類的菇菌，木耳及白菜等。略嫌粉絲不夠軟腍入味，白菜也可以再煮腍一點。菇類比較吸收湯汁，除了菇本身的香味，還帶有湯的味道。玫瑰豉油雞，有雞脾呢！鹹香的味道，加上啖啖肉，雖然雞肉不算嫩滑，肉味略淡，但整體還是可以的～脆皮燒腩仔是很推薦的！除了份量很足之外，味道不會過鹹，皮亦夠脆！唯一可惜是皮稍厚了一點點點點，就只是一點而已。但以份量和味道來說，性價比算是很高呢！

嗰日同屋企人 叫咗碟蝦仁韭黃炒蛋，川炒牛肉，雜菌扒時菜，乾扁四季豆同咕嚕肉。蝦仁炒蛋好滑好夠味川炒牛肉唔太辣 但好惹味 好好餸飯 雜菌扒時 因為本身好鍾意食菇類所以什菌扒時菜好岩我好多菇乾扁四季豆炒到夠乾身 但係唔會太硬咕嚕肉不過不失 唔難食

喜記位於黃大仙，地鐵站D3出口南館2樓，望見喜記門面， 似係新一派的茶餐廳，想試一試，進入餐廳內 ，環境整齊企理，職員禮貌地招呼我們， 估唔到餐牌選擇都唔小 。睌市套餐有兩款:㈠ 晚市粥麵飯套餐 。㈡晚市廚師推介套餐 。亦有單點分類:㈠撈麵類， ㈡湯麵類 , ㈢生滾粥 , ㈣ 腸粉，㈤燒味 ,燒鵝，㈥炒粉麵飯， ㈦ 小菜， ㈧小食等等。 而且各類都最少有十個選擇。今晚點了廚師推介:二人套餐$150，包兩款時小菜，其中有25款小菜可供選擇。 例湯或熱飲， 可選其一。 選了韭菜蝦仁炒蛋， 豉汁南瓜炆排骨。韭菜蝦仁炒蛋: 蝦仁爽口， 韭菜蛋食落口味清淡，送飯幾好。豉汁涼瓜炆排骨: 這碟菜式是煲仔上菜的，味道食落開胃。但芡汁比較黏稠, 如果不喜歡芡汁的人就未必喜歡。中湯:湯料有紅蘿蔔及一些肉排， 味道好家常,好飲。此餐廳選擇好多， 想食份量多少皆有選擇 ， 想要有蔬菜配搭的菜式 :可選馬拉盞西蘭花蝦仁 ， 欖菜肉鬆四季豆 ， 鳳凰北菇扒生菜 ，鮮茄蓉雜菌浸菜苗 ，椒絲腐乳通炒鮮魷及豉汁蒸黃立倉 。適合無飯一族 。

諗住見食評差，但家人話想試下就。食下啦。見個侍應，咁熱切叫人入黎。坐底即係變兩個人。茶涼既。中途叫兩三次先有人加水。送餐。丟上台面！講真，邊有人想要咁既送餐服務。我叫多飯。要加錢隔離台免費加。為何？好想知道下原因。二人餐$150蚊。 又唔係平，食物唔係好好味。普通。又唔算難食。但面對咁既服務，龍肉都無哂味。走果時，又係對人。 熟客就識講88生客冷漠無情。 埋單！都係目無表現。整個食飯過程，我都唔滿意！劣劣劣！

今日真係連個天都吳鐘意我，日又難食，夜又難食，我有一個哥哥住在這𥚃附近，今天沒有人和他吃飯，就找了我這個妹妹陪他吃飯，原本不是來這裡，見其他鋪都要等位，呢度吳使等又有位，米就求其入去食D嘢，叫左個二人餐咕嚕肉➕湯➕飯韮王🦐仁炒蛋➕湯➕飯老黃瓜煲🐷骨湯——-湯既味道可以超失望的咕嚕肉——隨左係好小形一碟之外，就好似人地D大獲飯，一大兜炒定曬果D甘，吳熱由至可，面頭又吳脆，林pack pack，連D配料洋葱，辣椒菠蘿都吳好食，我真係好小食到連生炒骨都可以整得吳好食😰韮王🦐仁炒蛋———-炒得都熟辣辣，不過好可惜呢度D食物好吳掂😅

貪就腳，選了這裡午飯，之前也幫襯過幾次，都深深領會過麻麻！一時到來，入面有很多吉位。餐牌選擇算多，侍應招呼都不錯，不過，食物質素有大大改善空間！粥品--另一頁有鮑魚的粥有過百元！菜遠牛肉炒麵，牛肉用了疏打粉或鬆肉粉醃到完全無肉味和肉的質感，啃著這樣的牛肉，感覺很差！結果這碟也吃剩不少！炒麵已是最基本的菜式，但都煮得不及格，十萬個無奈！北菇滑雞粥，粥底是綿的，雞的份量算足夠，雞件卻帶有雪藏味。吃完這個午餐，只有無奈！