囍運冰室 (鴻祥大廈)

Open Now

Now Closed

野食貴不在話下...食個乾牛河+凍飲收$74...最燥係原來差2分鐘就下午茶 一樣有乾牛河+凍飲 收$46...個西伙記唔講唔提...我一落完餐即刻比個下午茶menu我...又唔比我轉餐...好似比人呃左甘

好耐無寫食評，為左e間野我真係唔寫唔得，希望有人睇到幫助到大家。叫左個波蘿油，滑蛋叉燒飯，Oreo 沙冰， 紅豆冰。 兩杯野飲只可用垃圾黎形容，杯Oreo 無味，連甜味都無，只可以話佢係一杯凍飲，杯紅豆冰仲衰，酸酸地，唔知係咪個椰奶過期。唔知係咪兩杯野飲問題，覺得d野食都好一般，個飯食左兩啖食唔落。附近有咁多店記得唔好食e間野間野開係一個咁好ge地方唔該佢改進一下，唔好浪費左個到，永遠都唔想再去間野到食。

前幾日打風冇乜嘢食，今晚下午茶時間就喺旺角揀咗起運冰室，好少時間可能因為我係紅茶嘅忠實粉絲不過佢選擇得非常之多下午茶都有好多炒粉麵飯，乜鬼嘢海鮮炒烏冬嗰啲，我點左個乾炒牛河，味道OK嘅佢呢度嘅港式奶茶都可以夠晒凍，味道都OK

厚切豬扒鰻魚(黑椒汁）$73可選：薯菜/意粉/飯配中湯＆飲品一山好味指數 3/5 🍭🍭🍭{鰻魚味道不錯 但較為細條 豬扒不算厚切 味道和肉質都可以 不會太乾或者有雪味 我選擇了薯菜 薯條係厚切薯仔 外脆內軟 我朋友選擇了意粉 意粉既軟硬度剛好 配上黑椒汁很合襯} 香茜蠔仔菜脯炒蛋 $70配中湯＆飲品好味指數 3.5/5 🍭🍭🍭🍬 {蠔仔新鮮 沒有太腥既味 炒蛋熟度適中 整體配合得不錯 但菜脯切得較為大粒 如果一齊食 味道會太特出｝沙爹牛肉公仔麵 $53配3.6牛乳炒蛋+丹麥多士好味指數 3.5/5 🍭🍭🍭🍬{牛肉入味 有很多片 湯底沙爹味很香 麵既口感清爽 跟湯底很配合 蛋既熟度剛好 入口有一點點牛奶香 多士酥脆｝

未到三點三，個胃已經準備好食個light 下午茶，依間叫 「囍運冰室」嘅茶餐廳，個餠櫃內嘅包餅也挺吸引，就入去速食。店員都吾夠，上手食完嘅野都未執走，叫左兩次先有人理…….阿姐入單後，先上杯央，個蛋撻要再催多次先送到。酥皮蛋撻 $6雖然非新鮮出爐，但酥皮輕盈不油，層次略少，但酥脆十足，蛋香細滑，不錯。熱央$20茶、啡味道平衡，不苦，奶足、溫度足，杯鴛鴦有水準。收銀員有點燥底，態度麻麻。

點完餐問我飲乜嘢，然後我問佢有乜嘢飲，佢話咪就係正常茶餐廳架野飲，之後我無叫。轉頭個呀姐發脾氣囉個餐牌出嚟。個老闆真慘，咁貴租仲要比錢請左個趕客呀姐返黎趕客，唉

個炒蛋又凍又鞋 阿姐話換咗批師傅 佢哋點整我管唔到 我哋啲炒蛋係炒定 同埋鞋口 我哋知道就算幫你換都係照筆返啲凍蛋俾你食 佢哋覺得難食好正常 投訴好正常個豬膶枸杞公仔麵超鹹發誓永遠都唔嚟 離晒譜

晚餐唔多好胃口，所以唸住食常餐，點知個炒蛋多油到。。。我最後係無食過D蛋，個瑞士汁雞翼煮得有啲耐，肉質就麻麻。反而set dinner 牛扒夠份量，都juicy，唔係平價牛扒單薄一片，黑椒汁係好地道的港式味道。

經過這裏，見到他有新鮮出爐麵包，便進舖頭試食下蛋撻。點知個酥皮完全唔係酥皮咁樣（是一舊很實，沒有鬆化感的皮), 然後咬咗一啖先知出事⋯⋯入邊幾乎冇蛋咁樣，然後苦苦地，原來個底仲要燶埋。未食過咁恐怖嘅茶記蛋撻，唔會夠膽再試。

前天晚上，在這家冰室用餐，豈料吃了一肚子氣！！實在不吐不快！！🤬🤬🤬話說我在網上平台購買了這家店的常餐優惠券，所以我當晚步進餐廳後，便馬上向其中一位女侍應表示想使用此優惠券，然後她告訴我要先到收銀處出示憑證，讓收銀員掃描憑證上的二維碼。我照著辦，豈料那位操流利而不純正廣東話的女收銀員皺著眉、狀甚不滿地說：「我們餐廳已經沒有再與該平台合作了，幹嘛仍然有客人來使用這些優惠券？！」另一位女侍應聽到，又附和著說：「是呀，今天下午也有一個！」接著，那位女收銀員極不情願地為我掃描憑證上的二維碼，又粗聲粗氣地問我何時購買此優惠券，最後以極不友善的態度替我落單！！！其實我可是真金白銀付款惠顧的，但那位女銀員卻給我看臭臉，彷彿在施捨乞丐般！！至於食物方面，上菜速度很快，味道也算正常，但如此待客之道，即使食物質素有多高，恐怕也彌補不了！！！總的來說，這次用餐體驗極差，以後也不會再光顧！！永久列入黑名單！！🤬🤬🤬丹麥多士不夠熱，只有微溫，不夠香脆。3.6牛乳炒蛋炒蛋炒得夠滑，但近乎沒有味道。沙爹牛肉公仔麵公仔麵煮得過稔，沙爹汁尚算香濃，但牛肉完全沒有肉味。

#旺角 #囍運冰室 好掛住焗飯，就黎咗呢間食晚餐E同晚餐F，跟餐仲有湯同野飲，65蚊走人，便靚正#焗葡汁雞扒飯 雞扒有醃過，無雪味，炒飯底，好味🤤#焗鮮茄厚豬扒意粉 唔夠sauce, 意粉又太腍，搞到好淡味，豬扒略嫌有鬆肉粉味，不過芝士可以拉芝，算佢啦😂餐湯係#南瓜忌廉湯 一般，好多味精，唔忌廉🤣#熱奶茶 正，完👍味道: 7/10味精: 7/10價錢: 7/10環境: 7/10服務: 7/10

食物種類唔算太多，叫咗一個特餐，有一個烏冬㗎呢一個類似all day breakfast嘅餐。食物份量都幾大，但所有嘢都一般般，茶記質素。個丹麥多士都幾出色，不過今次冇試佢啲包，正常經過想食茶記可以試吓，價錢都正常。

滿心歡喜諗住去對面食沙嗲濃湯麵，點不知到最後落單時間都未有位。喺旺角行左成兩個圈，都睇唔中，唔知食咩好，唯有去對面呢間食茶餐廳😆椒鹽炸豬扒（是日晚餐）$71椒鹽味係有的，但係啲豬扒好濕，食落似有汁😆瑞士乾炒牛河 $60雖然有鑊氣，但係味道唔岩，食落有蝦醬味，加上河粉好糊，食咗兩啖已經冇食，老公勉強地食咗一半🙈樽仔奶茶 跟餐加$18好在支奶茶夠凍😆😆😆不過太細支，性價比唔高總括嚟講，到此一遊就算喇😆😆😆

今日同屋企人去食囍運 叫咗個鰻魚飯 同吉烈魚柳粟米飯 落單之後5分鐘個鰻魚飯即刻到咗，食咗一啖，啲鰻魚係生同凍嘅，同嗰個人講，佢話煎完係凍嘅，咁嘅一間服務態度又差，又貴嘅餐廳，唔建議去食。

同朋友睇完戲，因為而家疫情嘅關係好多地方10:00都閂咗門，咁啱行過見到呢一間仲開緊門可以入去食啲嘢。入到去人都幾多下，可能因為得呢一間餐廳比較開得夜，我諗餐廳坐滿都有8成嘅食客。同朋友坐低睇吓有啲乜嘢食可以叫，見到都有啲宵夜嘅餐，有飯面亦有麵包，價錢大概$50至$60左右麵包就比較平啲$40左右就食到。我最後揀咗一份全日特餐，佢有羅宋湯烏冬，炸魚柳香腸炒蛋，茄汁焗豆。呢個餐都唔算好貴，大約$70左右。我朋友就揀咗一個豬潤麵，味道方便普普通通嘅，魚柳都脆既，唔算差唔算特別好食，只係環境比較擠迫。