囍記車仔麵

Open Now

Now Closed

**淘大囍記車仔麵** 囍記車仔麵位於九龍灣淘大商場，主打港式車仔麵，並加入新派元素如菠菜麵底及特色小食，特色小食如黃金鹹蛋黃炸魚皮和秘製糯米雞翼。我比較讚賞其四寶麵配辣魷魚、清湯腩汁，餸料味道佳，雖價格稍高但值得試下。然而，亦有試過湯底淡而無味，配料酸菜腩肉份量少，瑞士雞翼過鹹，且服務態度欠佳。午市時段人氣旺盛，四餸麵送熱飲的套餐吸引不少上班族，下午茶抵食。整體而言，若追求傳統車仔麵風味，可能略顯失望，但若想嘗試創新搭配或性價比高，仍可一試。

搬左去第二區住三年了, 期間都回淘大商場吃幾次四寶麵加辣鱿魚, 油麵, 清湯腩汁再小辣, 配凍檸茶. 今天又來一碗, 大滿足. 雖然收銀的永不說多謝, 但我要的是那碗麵, 哈！今次所有的餸味道都非常好, 雖然不算便宜, 但我覺得捨得.

先唔講味道如何，酸菜腩肉比得咁細舊我。問職員職員仲話：「酸菜腩肉係咁㗎啦，一半酸菜一半腩肉好平均呀，算比多你㗎啦。」呢啲究竟係咩態度？腩肉份量少仲要瘦到咁樣，唔知自己食緊咩部位好似邊角料。唔會再幫襯。做街坊生意態度咁差，嘢食又唔係好食，唔知點解仲可以生存得到。

好多年前食過覺得還可以今日咁岩經過就再試下點知 真係一路食一路成餐都不停講好難食個湯完全冇味 我加埋辣汁都冇味 咸味都冇我自己不停落鹽先叫做有番少少味D送都好差 酸菜腩肉 麻辣豬肚 麻辣蓮藕 酸齋 雞翼都可以整得咁難食真係勁😅瑞士汁雞翼可以整到冇咸味簡直係令我眼界大開另外叫左個小食 豬頸肉都好一般 除左杯凍0茶叫做ok之外簡直浪費左我食野既quota 一路食一路諗唔明點解可以咁多人食？？？唔會再有下一次既車仔麵！！！

11點左右2個人去食lunch，當時不算滿座，但大多是1～2人客坐嗮四人枱，沒有空枱。咁就唯有搭枱。落完order等上菜時，已經有幾個客離開左，所以想坐番空枱，馬上就被人喝。話會有四個客來的話，又會被請移位。其他單人客一個人坐著四人枱多不勝數啦，我2個人換位都不比。還有一句不好意思都冇。算，不換咯。之後食完比錢，都估到有可能，真是冇一聲多謝。行到面前比錢時，收銀可以繼續做自己野，等慢慢做完才收你錢。不講以為我先是收銀她是客。最離譜是收錢找錢時冇多謝都算，更加不會望你一眼，全程只望張單同錢。在這家食野簡直是對自己的最大侮辱

囍記車仔麵將這些獨特的麵條與他們自製的特製醬汁完美融合。這種醬汁是店家多年調配的秘方,味道恰到好處,不會過於鹹甜,為整道車仔麵增添了濃郁豐富的風味。它在麵條、醬汁和配料等方面均有別於台式車仔麵。醬汁則較為濃郁咸香,常見調味料有蠔油、豆瓣醬等;配料也較為豐富,如肉碎、魚丸等。整體口味較重,層次複雜多樣。

路過車仔麵檔，甘耐沒食過未打算入來試下。結果一坐落，見到菜單，伏。豬皮豬紅得辣的。連車仔麵最基本豬皮豬紅都係辣的。油麵一上，吾夠淋，叫果2個餸，最平$11/1個餸。而且一路食，旁邊食客都吐嘈這間又貴又吾好食，溏心蛋吾溏心，仲要一食就知預制菜來。但收成$40，$50一碗。之後叫飲品，我叫錯佐熱飲想叫佢改凍飲，佢話整佐沒得改，吾係就浪費佐杯野。吾緊要，可能個廚師好忙，鬼叫我自己叫錯佐。這間有今次，沒下次。

今日同屋企人行過買外賣試下老人家眼睛唔太好，禮貌問女店員點餐紙上嘅麵類，女店員態度極為惡劣不回應問題，且不耐煩呼喝老人家儘快完成點餐。最後有位先生埋單時見狀，感謝出手 好心相助🙏🏻最後屋企人選擇咗至尊車仔麵湯底淡而無味瑞士雞翼過咸，蘿蔔偏硬，辣魚蛋寡，比街邊小食店口感及味道更差得遠，豬頸肉冇特別唯韭菜餃還好食過一次絕冇回頭，亦不建議大家去試呢個價錢食雪藏貨，店員冇服務又不懂尊重，一錢不值，與同樣打造懷舊味道，價錢相宜嘅車仔麵店三不館，文記相差得遠

淘大行行下唔知食乜好，甘岩見到呢間車仔麵👀 又真係好耐無食喎🍜叫左2個麵+2個小食🌟泰式豬頸肉其實個泰式就係甜酸醬🤣油脂感好重，點埋個甜酸醬中和左個膩🌟秘製糯米雞翼岀面好小見有地方有得食雞翼包住糯米炸到香脆，每隻都脹卜卜🌟蘿蔔，墨魚卷，酸菜腩肉配米線蘿蔔無渣墨魚卷正常發揮酸菜腩肉肥瘦相間🌟滷水金錢𦟌，新鮮豬大腸，魚腐，蜜味台灣腸，貢丸條配岀前一丁滷水金錢𦟌都幾簿，厚身小小會再好食d新鮮豬大腸好乾淨貢丸條第一次見貢丸整成條狀，不過一粒粒應該會好食d🤣🤣🤣

湯底無味 車仔面最重要就係個湯底 個腩汁只係得個顏色完全出唔到味 今次仲點咗餃子同酸菜腩肉 餃子好似係韓國細細粒嘅餃子 無味嘅湯底配果款餃子令我忍唔住即刻申請acc寫食評

返工經過呢頭，諗住食個quick lunch。叫咗個兩餸車仔麵，金錢展同埋白蘿蔔。金錢展味道幾好，份量正常。嗌白蘿蔔就純粹為咗健康，所以都唔會預佢有幾好味。凍檸茶沖得幾好飲。 兩餸車仔麵連嘢飲50幾蚊，不過不失。

食過好多間車仔麵呢一間叫做數一數二難食。 三年前食過一次已經好難食見佢噏立不倒，仲諗住佢有改善，同女朋友再食一次， 點知....... 首先， 蘿蔔完全冇味兼且唔夠林，牛丸同韭菜餃都好細粒， 個糖心蛋就咁用滾水煮熟而且中間係凍嘅， 連基本嘅鹵水溏心蛋都冇。 湯底好淡，我已經揀咗個佢哋強烈推薦嘅秘製辣醬做湯底， 最神奇嘅係個湯同辣醬係完全撈唔埋。 喂，仲要唔係平呀， 每個餸平均$12蚊，咁我情願食隔離街嘅文記車仔麵。。

今時今日喺香港食車仔麵都唔平，而且又細碗又少餸，食完都唔飽。😵‍💫但係今日喺喜記食嘅車仔麵價錢雖然唔係平，但係份量絕對夠，一定食得你飽☺️。我揀咗懷舊車仔四寶麵有豬皮、豬紅、豬腸、牛腩，揀咗河粉、腩汁。其實都食過幾次，我每次都會嗌返呢個麵，因為真係最經典，豬皮夠林，豬紅唔會一夾就散，豬腸乾唔乾淨就睇唔到喇，但係就一定好好食，唔會un到咬都咬唔開😆。特別一提，真係個小食，喺車仔麵舖食炸雞，諗住實唔OK，點知食出個驚喜，即叫即炸，溫度唔會低，皮脆肉嫩😋，唔係嗰啲翻炸再翻炸再翻炸，乾到一咬就放棄🤦🏽‍♂️而且叫四餸麵仲會送熱飲，加錢又可以轉凍飲～好啦，今次係咁先，下次再講😬😬

天氣真係熱到爆，真係悶得發瘋。行經九龍灣嘅時候，啊啊啊，突然聞到一陣食物香味，就忍唔住被吸引入咗一間叫做「囍記車仔麵」嘅小食店。入到去，見到店面好樸素，帶啲濃厚嘅懷舊風味。櫃檯上擺滿咗啲新鮮嘅食材，一睇就有啲飢餓感，即使太陽好似要烤爆人咁，都應該耐唔住啦。已經係受不住啲肚餓嘅折磨，決定咗點佢地嘅招牌菜式：金牌三寶麵。唔耐唔耐，依碗熱辣辣嘅麵食就上咗枱，啲香味啲熱氣直嚟撲面，啲口水都要流出嚟啦。金牌三寶麵係用豬骨湯底煮，麵條有彈牙嘅口感，加上雲吞同埋魚蛋等等，每一啖都係回味無窮。湯底啲味濃郁，食落令人捨不得停口，彷彿帶返咗啲童年嘅記憶。另外，唔能唔提呢間店嘅另一招牌飲品：熱奶茶！嗷嗷香濃嘅奶茶香氣撲鼻而來，飲落去暖暖地，嚟緊嘅精神都提哂返嚟。奶茶甘香唔太甜，苦苦地啖落好過癮。

離港一年，昨晚回來，最掛住香港嘅樣，梗係香港嘅美食啦，出面邊度有咁好，好似香港咁好咁多選擇。今早第一時間出街，梗係食番個早餐先，行過這個門口，雖然吾系好特別，但係都幾香港茶餐廳feel，好耐冇食過香港茶餐廳啦！而且佢個價錢🤨，好抵喎！嘩！$32這個價錢都有，唔係呀！梗係入去試吓啦，賣相ok啦，吾系特別靚，正正常常，試吓味道先🤗熱檸茶：濃郁有茶香，香港地道味，算唔錯👍火腿鮑絲通粉：🤔吾熱得暖暖，通粉吾夠彈牙，算一般般。多士：脆香，唔錯👍旦，芝士腸：冇特別好，正正常，食物指數，70分環境屬於茶餐廳式乾乾淨淨，飲食業第一要求，做到👍最吾中意系自己斟水🙃如果唔係太大要求，咁嘅價錢，都算唔錯✅不過唔係我杯茶😂😂😂