喜馬當先

Open Now

Now Closed

Semi buffetGo! Go! Go!水菓喺出面任拎，菓汁就可以喺下午1點前無限添用茴香籽刁草醃過三文魚冇咁咸之餘仲好滑口，好味鴨肉凍批一般餐廳走英倫風即開生蠔，見阿姐摩打手咁開先唔洗排咁耐，辛苦晒呀咁多件芝士都好味啵！其實，未食到主菜都開始飽，碟三文魚一上枱！嘩～咁大件😅不過好香，食落去外脆內軟朋友件西冷，我試食咗條甘筍仔，又幾好味喎！食甜品就預咗佢甜㗎喇！仲要點個蜜糖撻，以為死甜咩？佢又甜得幾有層次，蜜糖味夠香甜，配合cream上面嘅檸檬皮加上香滑雲呢拿雪糕，整體都OK㗎！唔怪得咁多人叫哩個甜品啦！朋友點嘅芝士餅，望落去好靚，但我已經好飽，冇辦法試吓佢件甜品喇！食完甜品，有位職員帶咗個主廚出嚟同我哋傾吓偈，了解下我哋對今餐食物嘅滿意度，感覺馬會好重視客人嘅意見，不過對比之前喺跑馬地馬會嘅服務體驗，哩間餐廳人流較多，人手好似就唔多夠喇！

疫情前已食過幾次Hay market.好難得事隔一年多又重開. 所以都爭取機會再試試但今次同以往模式爭左好遠,雖然都係semi-buffet形式. 但以往只需要落MAIN & DRINK冷盤出面可以拎凍蝦,螺,青口 之類海鮮. 仲有煙三文魚火腿芝士等等...甜品亦有不同款式既一口SIZE可拎,生果,雪糕之類. 好豐富好豐富今次真係失色不小.*飲品有果汁係free flow至1500. 之後每人一杯餐茶一入到黎 氣派依然 可惜坐唔到窗邊沙發位,但係訂左呢個位,都幾寬敞舒服 旁邊仲有電視仔水果已經唔係任拎 係一份份但竟然有生蠔頭盤亦小家好多,唔再係自己拎,但每人一份送上台面.奄列 好好食得番沙律菜可以任拎. 生蠔係酒店個款生蠔,非常鮮甜,但肉薄&細隻既挪威煙三文魚及煙鱒魚慕絲伴水瓜柳洋蔥圈&檸檬角煙三文魚唔知係唔係自家制,無出面咁咸同埋薄片片都好厚身而且好新鮮,夾埋旁邊既慕絲食,好有口感.奄列 以往黎都無幫襯佢 不過今次真係小左好多野食 所以局住試下點知又真係幾好食 有幾款配料可選 我就貪心樣樣都要小小.腸仔 洋蔥 小蕃茄 芝士  蘑茹MAIN: 香煎爐魚柳伴燒黃燈籠椒及橘子薯蓉香矛汁魚柳

一直想試馬場個semi buffet，早前就趁馬迷老爸生日，一家去馬場食不肥～上網訂好位畀哂錢後，就會有個QR code可以免費入場。餐廳好有空間感，一去到先望下有咩食，唔算好多款，但沙律，麵包，冷盤刺身等，仲有果汁特定時間任飲都算一應俱全。再睇睇主餐牌，除兩款外，其他都要加錢upgrade，由於想留肚食buffet，所以揀咗黑鱈魚柳。不過我覺得魚唔夠滑，另外牛同雞都是一般般而已。。。食飽飽main course，麵包區已變身成為甜品區，除咗細細件嘅蛋糕外，梗唔少得雪糕啦，Haagen Dazs 任食喔！食物供應至3點，但可以坐到賽馬完場總括黎講，食物質素唔算好突出，而Buffet區食物比主菜好。今次遲咗book冇窗邊位，不過開跑時其實睇唔到跑道，人人岀哂露台所以就算坐窗邊都只係睇patpat😂而基本$430一位 cp值都ok，主要食環境，同埋可以同屋企人hea一個下午很開心呢

幾個月前同Friend去咗馬會個活動，join咗佢個粉紅盛事Party，有半自助餐食又有嘢玩，仲可以近距離觀賞賽事，嗰日我哋仲見到靚女主持莎拉添！活動入面好多打卡位以Pink同花花Pattern為主飲品有西柚汁、橙汁或蘋果汁，飲酒嘅朋友都可以揀飲酒Semi-Buffet有特定主菜之餘，亦可去自助吧枱攞嘢食，似足Sunday Brunch有多士、麵包、曲奇、酥餅、芝士揀魚生刺身有三文魚、吞拿魚、魷魚等，好鮮甜仲有沙律同多款水果有牛肉批、烚三文魚、以及多款火腿，仲有新鮮海鮮冷盤供應，有凍蝦、藍青口、螺等主菜﹕青豆意大利飯餅伴豆芽配蕃茄汁青豆同意大利飯磨成蓉，之後打成餅狀，煎得勁香口惹味，口感似薯蓉青豆同飯變得好滑溜，加上蕃茄汁夠清新，減少油膩感燒美國肉眼配芥末籽汁伴焗薯仔及蜜餞香橙甘筍青豆煮到7成左右嘅肉眼扒好惹味，肉質軟腍，有好濃郁嘅肉味，有油脂香但無太多脂肪配芥末子汁可減少油膩感連伴菜都好花心思，旁邊以為係帶子，點知係薯仔烤西班牙黑毛豬肉漢堡包伴車打芝士、烤燈籠椒、啡菇及薯條漢堡包中間嘅烤黑毛豬肉超厚！好足料！一刀切落去見到豬肉更睇到好厚黑毛豬肉同啡菇、燈籠椒、車打芝士一起烤焗，好香芝

早前同朋友去左沙田馬場的Hay Market 參與粉紅盛事Pink Event Party😍💗🎉餐廳裝修得好靚充滿皇室風格💗好開心嘅下午✨同朋友影下相傾下計一齊食豐富的半自助午餐😍仲一齊參加左Racing 101活動💗✨仲學到好多賽馬知識💕🌸 #goracinghk #pinkevent  #hkkol #kolhk#digitalmarketing #hkbeautyblogger #hkevent #hkpr#hkevent #hkinfluencer #influencerhk #hkmodel #kolhk

媽咪好鍾意入馬場食飯，有得食下野又賭下馬仔佢覺得好開心，咁啱屋企人有張二人同行一人價錢嘅coupon，梗係同媽咪黎食buffet啦！自助餐包左一個主菜一杯餐茶，出面嘅食物就任食，指定時間仲有果汁任飲。食物款式當然吾可以同酒店自助餐相比，但應有嘅都有，沙津餐湯奄列冷盤魚生海鮮甜品等等，食物質素絕對有保證，加上環境舒服，坐位寛敞，抵食之選!👍魚生好新鮮，馬刀貝好爽口，三文魚腩好肥美(不過無影)，肥到好似食緊肥豬肉咁🤣主菜吾使加錢嘅就有兩款(其他就要加錢升級)，兩款我地都叫黎試下，一款係吾知咩豬肉腸，一款係蜆肉意粉，吾使加錢嘅基本主菜吾使預佢好食，水準一般，我寧願留番個肚食出面嘅buffet食物好過！海鮮種類吾算多，有蝦有藍青口有螺。蝦又新鮮又大隻，隻隻都有膏架！藍青口好食，而螺就爽甜無沙。另外，我尤其鍾意個煙三文魚，餐廳應該係加左啲橄欖油落去，令到啲煙三文魚多左油份，食落口感好滑而吾會乾爭爭，而三文魚本身嘅質素都高，伴埋洋蔥食一流，飽都要食多幾塊....甜品我本身就無咩興趣嘅，因為我最怕食海綿蛋糕，不過見到有個香蕉 cake ，無咩海綿蛋糕在內，我又鍾意食香蕉味嘅野，梗係拎件試下啦！食後感

父親節前夕剛好收到馬會寄來的推廣信件，有喜馬當先四位同行一位免費的優惠，父親大人平日也愛下點小注貽情，邊吃自助餐邊觀賞賽事，他當然相當感興趣！二話不說，立刻到馬會官網預約訂位，可惜餐廳坐位不多且有人數限制，雖然訂不到父親節正日的位置，但也無損雅興。當日自助午餐的供應時間為12:00-3:00，準備充足的我們，12:00左右就到了，空著肚子準備迎接大餐！入座時候已經看到有很多顧客在取食物了，我們很快也加入戰團。自助區的食物種類不算多，但也足夠填包肚子了。沙拉區有兩款沙拉菜、粟米、青瓜、腰豆等等的基本沙拉配料。冷盤區有凍蝦、藍青口、翡翠螺三款海鮮。凍肉區有煙三文魚、巴馬火腿、沙樂米腸、風乾牛肉等魚生區有三文魚、呑拿魚、魷魚等。麵包區有各款麵包、兩款牛角酥、迷你冬甩、餅乾曲奇、多款芝士及果醬等自選奄列-廚師即席烹調個人最愛當日的翡翠螺，表現出色！螺尾部分已預先處理好，而且處理得不錯，一挑出來整個可食用，非常貼心，而且新鮮無沙，好食！其次要推薦大家去取即煎奄列，可以自選多款配料，個人認為芝士係必選！即叫即煎好好食，仲有拉絲效果，中心位保持到半熟狀態。好食就自然多人拎，所以缺點就係要排隊等一陣啦

人生第一次嚟沙田馬場就去咗喜馬當先食半自助餐環境同普通自助餐廳冇分別仲有好大嘅落地玻璃同埋露台位可以睇馬自助餐方面拎咗啲頭盤冷盤 煙三文魚同ham加火腿沙律海鮮就拎咗啲凍蝦同埋青口螺等等全部都夠新鮮 不過就無生蠔既刺身冇乜選擇 得4款分別有三文魚、吞拿、魷魚同埋馬刀貝三文魚刺身好厚肉夠肥 魷魚爽口最驚喜係馬刀貝 超級爽口鮮甜 令我愛上左食馬刀貝主菜就叫咗一個煎魚 令一款係鵝肝牛肉2款都不錯 但牛肉有少少太韌食埋甜品就完美結束 坐左3個鐘大滿足

同男朋友禮拜日諗唔到去邊好又落雨濕濕上網睇見仲有位可以book咁就即刻book咗星期日去食啦其實之前都去過一次大概已經知道有乜嘢食首先要叫一個主菜，意粉唔使加錢，我哋兩個都加咗$100要細啦牛扒，叫佢比5成，佢比7成，但係塊野又勁薄又硬。 Blacklist呀！早知唔加錢！海鮮選擇唔算多，只係得三款，大嘅東風螺，蝦， 青口 冇蠔的！啲螺最鮮咪 又大粒又多肉亦都有煙三文魚 沙娜美腸 Ham, 沙律吧，刺身吧巴馬火腿就跩啲，反而沙娜美腸有驚喜熟食區 上次有龍蝦湯，不過今次得粟米湯就冇試了亦都有人即場煎蛋甜品佢好多選擇不過都唔係好啱我胃口，淨係拎咗Häagen-Dazs雪糕。水果亦都有好多選擇，菠蘿西瓜蜜瓜都好新鮮，亦都見好多人拎咗梳蕉返去食。講一講呢度嘅環境，行西式風格，裝修好有設計感，位與位之間嘅空間都足夠，侍應亦足夠。同朋友黎傾下計 計賭下馬仔都唔錯㗎 食飽飽可以行出看台到睇比賽不過出邊係吸煙區所以睇馬嘅時候都要食二手煙

之前聽朋友講這兒架自助餐很好吃！今日終於可以一試了！餐廳内的服務員又靚仔又靚女，個個都像明星！男架高大清秀，女架又瘦又靚女。只係用眼晴已吃飽了!今天餐廳有女仕貴婦帽送贈，可以讓我們愛美的女仕拍照一番！大部份時間都在拍照，門口有個位放滿馬仔公仔給食客拍照！這個是熱拍點。有露台看賽馬比賽，又是拍照的熱點。看賽馬高點看真一流！先叫了牛扒主菜+半自助餐。半自助餐包括沙津，魚生，甜品，冷盤，湯。甜品特別出色，美味之極。雪糕係haggen dazs食左2柸。甜品有朱古力，泡夫，蛋糕等。最推介蘋果焗雞最好味。有職員會幫手開新戶口，有馬仔公仔送架！可愛得很！

就係馬場站，一入馬場行幾分鐘就到啦，都算容易搵到。 餐廳係英倫風格，職員全都有格仔風，加上優雅的裝修，極有風格。 周圍都有直播賽馬賽事，喜歡戶外，仲可以到露台睇添。 餐廳係半自助餐形式，甜品，沙律菜，刺身，湯等。主菜就點了脆燒豬手伴燴甜酸蘿蔔配英式芥茉。 脆燒豬手伴燴甜酸蘿蔔配英式芥茉豬手既皮燒得夠香夠脆，又唔會好鹹，肉質軟稔。不過對於愛瘦既女士來講會帶點油。信義妹新覺得油脂夾雜肉，口感豐腴。覺得油可以用甜酸蘿蔔拌食一解油膩。英式芥茉無咩特別。 刺身有三文魚，吞拿魚，魷魚，北寄貝。冷盤有凍蝦，翡翠螺，青口，蝦彈牙又帶膏既甘香，呢個要 encore 幾次啊！ 甜品有泡芙，批，蛋糕，雪糕，生果等。最欣賞係香蕉蛋糕，唔太甜又唔會一 Pat Pat, 有啲咬口。藍莓批都讚不絶口，可以用雪糕相伴啊！ 有杯 Special drink, 飲品帶酸，塊餅偏甜，個別食都不太好，兩者一起就甜酸度剛好啦！ 最後，有杯熱檸水消消滯。

由於老公收到馬會的優惠券於指定日子惠顧Hay Market的semi buffet，可享二人同行一人價錢優惠剛好他的媽媽月尾生日可以一併慶生，所以就訂座來試試啊！成功訂座後就有QR code，於當日免費進入馬場丫～進入餐廳範圍，餐廳的裝潢華麗還有半旋轉的樓梯分成上下兩層，上層是洗手間餐廳內到處都是電視屏幕作觀看賽馬之用也設有投注窗口，方便食客落注除了侍應外，也有些ladies專門推廣投注！我們一行四人獲分配靠近看台的座位餐桌上也裝有小小的顯示屏播放賽馬相關內容semi buffet包了每人一份主菜及一杯餐飲沙律﹑前菜﹑刺身﹑甜品等則是自助形式，無限量添食！主菜方面，我選了慢煮烤鴨腿伴新薯及血橙配鴨汁，需額外加$60老公他們另外選香煎牛柳伴紫椰菜花及忌廉薯配洋肚菌汁+$100還有芥蘭脆片焗海鱸魚柳伴紅酒珍珠米配檸檬牛油汁+$80刺身是常見的三文魚﹑吞拿魚﹑甜蝦等等，味道都鮮甜沙律前菜款式都多，還有燒扇貝，肉質爽甜有咬勁！還有專放各式的麵包，但我怕太飽而沒試～～慢煮烤鴨腿伴新薯及血橙配鴨汁，烤鴨腿略帶鴨的羶香味利用慢煮的方式，鎖緊肉汁，而鴨肉保持分明軟嫩！橙與鴨的交融，血橙的果肉細嫩多汁，

因為有四送一優惠，蜜桃小丸子便到馬場的「喜馬當先」一嚐午餐，並試試買馬！餐廳要預先在網上訂位、揀位及過數，在當日再根據你點選的主菜，再找尾數，價錢要看看當日是普通賽馬日抑或是有特別賽事而會相應調整，已包括加一。訂位後，餐廳會把一個QR code傳送給你，可於當日免費進入馬場，餐廳亦可即時透過QR code，知道你訂的枱號而馬上引領你進内，很有效率，使你留下一個正面的第一印象。用餐時間由中午十二時至下午三時，即製麪包的範圍會在一時半後轉為甜品吧，而新鮮果汁亦會在一時半暫停供應。餐廳走英倫風格，到處都有電視螢幕讓你直擊賽事，近場地的一邊設有落地玻璃，採光度十足，你亦可走出露台觀賞賽事。櫈子很舒服，枱亦大大張，沒有侷促感，餐廳亦有櫃台讓食客可隨時下注，十分方便。場內設有自助餐區，而食客亦可點選一道主菜，有些主菜要另外收費。自助餐區的食物包括三文魚刺身、吞拿魚刺身、甜蝦刺身及螺片，全部都新鮮即切，三文魚頗肥美，味道不錯。另外還有沙律菜、煙三文魚、田螺、巴拿馬火腿、粟米、紅菜頭、沙拿美腸等等，選擇都足夠，遺憾是田螺吃兩隻都有幼沙，要小心吃。其他食物質量正常。至於即製麪包，很鬆軟，不會太甜，但吃幾

上個星期日到左沙田有賽馬，今次就同屋企人去睇賽馬順便去左喜馬當先試下呢邊既半自助餐！一入到黎覺得唔錯既係周圍既環境都好潔淨同埋裝修好有歐洲既風格，感覺幾華麗。服務態度都好有禮貌仲好有友善，一齊同我地傾下今日跑馬既心得！第一時間就緊係去order主菜先，我地總共叫左兩份香煎美國肉眼扒，同埋兩份burger。主菜每位只係得一份，而且有部份要額外加錢，以burger為例，就係唔需要補錢，而香煎美國肉眼扒就需要每份補上$120。呢度同跑馬地馬場既餐廳一樣，都係主菜以外都可以任食！咁係等緊既同時當然係去其他corner攞下野食先。自助餐既部份有沙律以外，仲有刺身！雖然種類唔算好多，但至少都有三文魚，凡立貝同埋吞拿魚，而且味道都唔錯，可以同平日食日式放題既質素差唔多，而且都幾份，吞拿魚食落都覺得好新鮮，而三文魚既紋路都好多。唔食刺身既朋友可以試下佢地既沙律，淨係沙律都有三至四款，而且都好足料，十分推介菠菜西蘭花雞肉沙律！主菜都只係等左十五分鐘就到！果然加左120蚊既餐質素上係有分別！我好喜歡食比較生既牛扒，如果你同一樣都喜歡比較生既牛可能會有啲失望，因為牛扒最多只可以叫五成，但五成都尚可以接受，望

今次呢個豬肉漢堡係意外地好味，熱辣辣嘅豬肉漢堡，啖啖肉汁爆出黎，再配埋隔離嘅肉醬真係好完美，連埋菇同蔬菜一齊食，完全帶出burger嘅精髓，而薯條有港女最中意食嘅芝士更加係無敵🤤牛扒叫咗7成熟，肉汁鮮美又唔會太硬，有4星級嘅水準。食完主菜就開始食其他小食，魚生方面除左三文魚仲有吞拿魚八爪魚等等，而沙律有4種以上，無論係西蘭花定雞肉波菜定粟米，都好好食，而肉類方面就有帕馬火腿同其他凍肉等等。食完小食又點可以少得甜品，藍莓鬆餅同杏仁牛角包真係超好食，又唔會太甜，如果呢兩樣都唔啱食仲可以揀千層酥、曲奇或者厚多士。蛋糕方面可以揀嘅種類都有好多，有特濃朱古力蛋糕、檸檬香蕉蛋糕等，而個人比較推薦芝士蛋糕，Cheese cake去到邊都係冇得輸。而雪糕就可以揀Haagen Dazs，有曲奇，士多啤梨同雲尼拿味。食完咁多野，最後仲可以食水果同飲杯smoothie清下腸胃🤤