41
2
0
4-min walk from Exit A1, Tin Hau MTR Station continue reading
Telephone
2494 7000
Additional Information
Authentic Indian Food
Opening Hours
Today
11:00-15:00
18:00-23:00
Mon-Sun
11:00-15:00
18:00-23:00
Payment Method
Visa Master AE Cash UnionPay WeChat Pay
Other Info
10% Service Charge
Review (45)
與爸共吃印度菜 Featured Review
Level4 2017-06-08
102 views
平時好少可同爸爸大帝兩個人撐枱腳,但呢幾日女皇同親戚返内地,得返我同大帝兩個係屋企而今日我傍晚要過銅鑼灣上堂,所以中午就拉埋大帝出香港嗰邊一齊食晏平日都係食中餐/西餐,難得同大帝二人世界,所以決定同佢食啲平日無咁多會去食既:印度菜!!!經過上次同同事去天后食飯之後,知道天后嗰邊有好多印度小館,所以今日就隨意選左一間去“撐枱腳”我地叫左兩個set lunch再另加一份羊肉咖喱角HKd$48先黎既餐湯同沙律酸酸辣辣好開胃羊肉咖喱角 新鮮炸起,外層勁酥脆,入面既咖哩免治羊肉勁重羊羶味!!我自己就好中意,但怕羶既就要注意下啦大帝點既“Butter chicken”配飯HKd$65,啲雞都幾滑,而且醬汁香濃,配飯/烤餅都我點既“Lamp Curry”HKd$65,有兩大舊又腍又香既羊腩,身為羊魔既我表示好滿意而我就當然揀配烤得熱辣辣既薄餅啦最後我地仲加左錢轉飲芒果酸奶咁就同大帝食左個異國風情既午餐啦店內裝修雖然好有異國風情,但冷氣唔太夠,怕熱人仕既要小心啦 continue reading
(The above review is the personal opinion of an user which does not represent OpenRice's point of view.)
Level4 2017-07-03
49 views
今次友人話想食印度菜,我地就選來這間正宗的印度菜,食印度菜就不一定要去重慶大廈了!餐廳內裝飾很有印度的風味,落在我旁邊的公仔裝飾,就陪了我一個晚上。薄脆小食我地點好菜之後,職員就比左小食我地,係薄脆,每薄脆捲成雪糕筒的樣子,很香口,可配合其特制的蒜蓉醬、薄荷乳酪醬、甜酸醬 & 辣醬等,各有各特色!咖哩角(羊肉)Samosa(Lamb) 每件咖喱角脹卜卜,大大件,內有大量羊肉碎,外皮炸得剛好,不會太硬,羊肉分量足夠且調味不錯!辛辣咖哩(羊)Vindaldoo(Lamb)這個辣度十足的辛辣咖喱,我們選擇配上羊肉,咖喱很香滑濃郁,羊肉吸收哂咖喱的精華,沒有很羶羶的味道,配埋烤餅一起吃,一流!白腰果汁咖哩(配蔬菜) Korma(Vegetable)吃咖喱,不一定只選擇肉類,配上蔬菜都可以一樣入味,蔬菜包括有薯仔、椰菜花、豆角、甘筍等,這個蔬菜咖喱,我們特別用上白腰果汁咖喱,不辣的,讓我地舒緩一下其他食物的辣度!蒜蓉烤餅Garlic Naan  & 古法烤餅Amritsari Naan印度烤餅煙煙靱靱,好有口感,古法烤餅內有薯蓉,蒜蓉烤餅有輕輕的蓉味,配合咖喱汁,絶配!這兩款烤餅,個人就覺得古法烤餅較特別,有多重口感!菠菜芝士球咖喱Shaam Savera 咖喱以一個小鍋連小蠋盤上枱,特色之餘又可保持熱度,Good!我個人特別喜愛這個菠菜芝士球咖喱! continue reading
(The above review is the personal opinion of an user which does not represent OpenRice's point of view.)
Level4 2017-06-17
47 views
老公大人最近迷上吃印度菜,今日再次帶他來天后覓食。走著走著,看見這間外牆裝修中的Haveli ,見OpenRice 的評價都幾高分,所以入去一試店內是走浪漫情調,燈光暗暗中有著華麗的水晶燈先來一個餐前小食<辣薄脆>!辣薄脆是印度的傳統餐前小食,如其名有點微辣,薄薄的脆脆的,要沾上醬汁才好吃!左上紅色是有點像烤羊肉的蒜蓉蕃茄,右上綠色是清新的薄荷乳酪。左下深色是甜甜酸酸的芫茜香葉,左下黃色是辛辣剌激的蒜蓉洋蔥。四個醬都各具特色,任君選擇由於天氣太熱,所以我點了這個<Virgin Mojito~$48>,冰凍的雪碧再配上清新的薄荷葉,大熱天時飲真係透心涼呢!接著主菜來了!<奶油咖哩雞塊>,軟滑香甜的奶油中和了咖哩的剌激和辛辣,狠狠的將這菜的辣度降至BB班,基本上可說是不辣而烤過的雞塊雖然表面烤至乾身,但內裡的雞肉依然嫩滑好吃至於另一個主菜<黑胡椒芝士咖喱>則比較剌激辛辣!一入口是大量的洋蔥和青椒味,接著便是非常重的黑胡椒味來襲而當中的芝士和我們平時在西餐時吃到的芝士不同,無論味道和質感都不一樣!這裡的芝士味道比較淡口,吃進口的感覺有點像峰巢豆腐,不過更乾身,感覺上覺得它的密度不高,是我第一次嘗試,感覺幾得意值得一讚的是每碟咖喱都會用小蠟燭在底下溫熱著,所以吃到最尾時咖喱還是微暖的,很貼心吖!差點忘了介紹這個<乳酪烤餅>,不過這個其實乳酪味不濃,但烤得很鬆軟,用來沾咖喱吃真是一流而且別看只有兩塊,絕對非常飽肚,我們兩公婆都飽到捧著肚子走這樣豐富的晚餐只需266元,非常超值 continue reading
(The above review is the personal opinion of an user which does not represent OpenRice's point of view.)
Level4 2017-06-13
60 views
印度菜??重慶大廈??原來天后都有唔少印度餐廳㗎!!今日我們就揀咗Haveli呢間嚟試試。印度菜的標準餐前小食,脆脆的脆薄餅,配上四款醬料,很開胃。印度名湯Lentil Soup,其實是把一些豆磨碎煮成的湯,很有印度的風味,味道不錯。咖哩角(羊肉)Samosa(Lamb),大大舊,外皮炸得很鬆脆,內裡的羊肉配上咖哩,香港人也可易於接受。菠菜芝士球咖喱Shaam Savera,個人覺得配白飯,應該會是香港人的大熱。咖喱不會太辣,加上芝士的咸味,真好。辛辣咖喱(羊)Vindaldoo(Lamb),我們問店員那款咖喱比較辣,店員就介紹了這款,不過不接受好辣的你,千萬不要試,否則你只會感受到辣辣辣的感覺。咖喱配上羊,很香,而羊也不會太羶,用來配搭印度薄餅,一定要。蒜蓉烤餅Garlic Naan和古法烤餅Amritsari Naan,兩種烤餅,各有千秋,個人推薦古法烤餅。 continue reading
(The above review is the personal opinion of an user which does not represent OpenRice's point of view.)
今日又過左黎天后!朋友話帶我食好野!跟佢行到黎食知食印度菜!我相信我食印度菜既次數一隻手掌都數得晒...不過我朋友推介得,應該冇介紹錯!入到黎,我地包場喎!朋友原本諗住帶我黎食印度buffet,點知原來今日冇喎~不過唔緊要啦!咪就咁叫囉!亂咁叫左幾款,就睇下有幾好食!職員係我地點完菜之後立即上左呢款餐前小食!係胡椒味好濃郁既薄脆!雖然佢係白色,但辣度都幾高!咸咸辣辣既薄脆,仲有四款醬料點黎食!黑色既醬料朋友話好咸,白色個款有薄荷,好得意。其餘兩款都有少辣。叫左一杯MANGO LASSI $48,好重奶味同芒果味,係我飲過既lassi之中質感最厚既一款。睇落細細杯,飲完都好飽。主菜黎啦~我地叫左個Garlic Naan $24 同印式椰汁咖哩雞$88~雖然話係咖哩,但係一D都唔辣喎!而個garlic naan就被一塊紅布包得好特別,仲放左入一個籃一面,好似一個BB咁~兩者加埋一齊食十分好!最後仲有一個印式羊肉炒飯$98,仲有一碟原味乳酪比你撈埋一齊食。印度米長長幼幼,同我地食開既米口感好唔同,佢比較乾爽一D。都係撈埋咖哩汁好食D!by the way 羊肉份量都好慷慨! continue reading
(The above review is the personal opinion of an user which does not represent OpenRice's point of view.)