Have A Date (Moved) New Location

通常每個星期早餐都會幫襯佢地，一直覺得餐廳衛生情況唔錯，平時我會有留意餐具污唔污糟問題，不過覺得佢地衛生意識好高，會安心堂食餐廳既裝飾幾特別，牆身貼左好多掛畫同相，加上牆身既裝飾令到成個氣氛幾有feel仲有部電視會長期播住非大台既節目，早餐大家可以揀麥皮，常餐款，三文治，alldaybreakfast等等佢地既麥皮會加粟米片落去令到平時食麥皮覺得好寡既會有多一份口感! 早餐推介試咸牛肉蕃茄湯，佢地既蕃茄湯好足料落左好多新鮮蕃茄，令到成個湯底都好濃郁味，加埋咸牛肉岩哂重口味人士，唔洗再加任何調味料都已經好夠味 All day breakfast 都好食。熱香餅即叫即整好味野飲都唔hea，我通常都會叫熱啡或者熱央，佢地個熱飲杯好keep到warm，而且味道好香濃。

店子細細，要等位，但仍出奇地多人願意等位。因為趕反工，所以大家食完就走，都好合作，所以好快有位。早餐A : 火腿通，多火腿絲，通粉是無紋那款，我喜歡煎雙蛋：上檯時還郁郁下，好吃多士：我本來不喜歡牛油的，但見他是特製，所以點都試下。咸咸地，有D拉絲芝士的味(但沒有拉絲的), 好吃。奶茶： 點了凍奶茶少甜多奶，味道ok, 不澀

全日早餐👉🏻蜜糖雞翼湯意粉 配黑松露炒蛋扒多士 $47蜜糖雞翼好食黑松露炒蛋炒得幾滑，不過有少少淡。牛油多士本來是很期待的，看起來金黃色的，但是一咬下去是淋的完全不脆，只是微暖，應該是預先做好再隨便翻熱的，有點失望。下午茶👉🏻瑞士汁乾炒牛河 $45這個有驚喜炒得乾身有鑊氣，味道也剛好。炒牛河通常都很油膩，但這個吃到底碟子上也沒有很多油。

星期六下午1點前經過灣仔次次經過都好多人等位難得星期六人少d 就決定等位試下等約5分鐘就入座入到去先知tea set都可以嗌😺不過我已經決定左食意粉😅😅另1半就揀食tea set的炒河粉職員服務態度不錯 肯主動執枱/問要唔要碗廚房鑊氣聲勁到出面都聽到👍👍即使係tea set都半點不hea卡邦尼口感順滑 醬汁份量和濃度剛剛即使71蚊覺得係值比 比西餐廳的水準更甚總括而且 餐廳身在灣仔 環境雖少 但食物和服務都好滿意下次路過灣仔必定再試其他餐👅👅

睇過食評，好吸引，想來好耐了！之前約埋同事想來食早餐，但眼見非常多人！為免要等位，今次專程11:45來，食個early lunch 。A1就係我想食嘅餐了！疫情時期，餐廳都好注重衛生，餐具放於盒內，有張紙寫住，提醒食客，取餐具後要蓋好盒蓋。另外，枱面有消毒噴手液，很貼心！二人限聚令之下，二人一枱，間隔分明。食物方面，蜜糖雞翼真係好好味，令人非常回味！黑松露炒蛋，很有口感！蒜蓉多士也很美味！總的來說，食物很有水準！

灣仔食飯真係好鬼死貴，平時要食得好少少閑閑哋都一舊水今日搵到一間幾唔錯嘅茶餐廳，佢嘅常餐係真係唔錯，仲要$50有找抵呀<常餐$47>常餐包一個蜜糖雞翼湯意粉，黑松露炒蛋同埋蒜蓉烘多士蜜糖雞翼醃得夠入味，成隻雞翼都係甜甜地黑松露炒蛋，雞蛋有蛋味，但黑松露味唔多，有少少失色蒜蓉多士蒜蓉鋪滿個多士面，烘完之後幾好味有少少微燶， 勁香蒜蓉味好似食緊蒜蓉包，但係又唔會太硬，幾好食不過講真，個常餐真係唔係好夠飽，如果份量多番少少會好啲

大食妹約咗同事喺Have A Date食晏之前喺OpenRice見到佢評價唔錯, 啲嘢食望落都似模似樣, 就揀咗呢間餐廳<蜜糖雞翼湯意粉•配黑松露炒蛋扒多士>大食妹嗌左份蜜糖雞翼湯意粉•配黑松露炒蛋扒多士黑松露炒蛋扒多士好出色, 多士上高曬上左芝士粉, 外脆內軟, 食落咸香咸香炒蛋又滑又香, 配上黑松露, 更係錦上添花蜜糖雞翼湯意粉湯頭小咸, 但意粉軟硬適中, 蜜糖雞翼超級入味<全日早餐>同事就揀咗份全日早餐肉食方面可以揀西冷牛扒或者豬扒, 仲有配雞肉腸、火腿、煎蛋、脆薯餅同雜菜湯通粉, 非常豐盛滿足度咁高, 連熱飲都唔洗六十蚊, 好抵食

這間店舖已光顧了多年，感覺環境不錯，只是座位比較有點窄， 嘢食方面這麼多年也沒有令我們失望，因為他的東西很好吃，這次叫了他們主打的常餐，感覺這常餐非常豐富只需$50🤪便可以吃到整個餐， 什麼都也能試到，另外他們的五香肉丁炒飯也很野味，出面很少見。朋友吃了半碟已不能再吃，因為實在太飽了，另外他們的多士外脆內軟，也是即時新鮮製造及熱鴛鴦非常濃郁。如果你們下次想約朋友也可以嘗試這間，我感覺很不錯，常餐的沙嗲牛肉通粉，牛肉亦很新鮮而且湯底也很濃口不會太酸，整體感覺也不錯

今日唔太肚餓，兩點半左右嚟到都有下午茶餐食。食lunch D人都未走，等咗5分鐘先有位。鋪頭細細，枱唔多，女仕坐都算ok，不過男仕坐可能就會覺得有啲迫。叫咗個三文魚芝脆蛋多士、熱檸茶。杯嘢飲真係細咗啲，不過個多士好味喎⋯ 脆口，唔會淋哂，食得出係焗過嚟👍🏻 食落好香蛋味，但芝士就唔太夠，不過三文魚鬆粒都唔算少... 預計之內，下午茶細細份，男仕都應該唔會夠飽，女仕輕食都還可以，以咁嘅價錢來講，喺灣仔，都算唔錯！下次試吓其他先😆

謝斐道都幾多野食，基本既粉麵、兩餸飯、三文治都有齊哂，原來連all day breakfast都有，仲要$50幾蚊就埋到單，非常經濟實惠，就係Have a Date👍🏻.餐廳既全日早餐由早上7時至下午6時供應，可以揀西冷牛扒/豬扒、雞肉腸、火腿、煎蛋/炒蛋，脆薯餅、牛油多士、雜菜湯通粉同熱飲一杯，聽到都覺得幾飽🤣下午茶去仲多抵食野，下午2時至6時價格最平只需要$20幾蚊，係灣仔搵到呢個價錢都算難得.上菜都幾快，而且雜菜湯通粉份量都唔少，不過湯唔係好濃稠，牛油多士烘得有點過度，偏燶左少少，不過外脆內軟，豬扒味道不錯🤤肉質軟稔，炒蛋幾滑，可自行調味

今日下晝同同事黎咗食have a date, 餐廳環境吾錯，lunch set睇落嘅菜式名都幾吸引，我就叫咗個滑蛋鮮茄燴汁豬扒配火腿意粉，份量尚算可以，味道還好，但個黑松露野菌忌廉汁雞皇飯味道同份量都有待改善。

經過灣仔，見到Have A Date哩間店噶評分都幾高下，於是就去穩哩間店去食個lunch。系外面體哩間店，裝修都好靚噶，就抱著好奇心入去試試，我就叫左個雞翼炒飯，雖然系好普通噶一個飯，但是都幾好味，雞翼有蜜糖系上面，甜甜地都幾好味，而且外脆內嫩，雞肉煎得剛剛好，不過就得兩只，吾夠喉，飯就幾大碟啦，如果多滴肉就更加好了！

平時好少去灣仔，都唔知邊到有野食，咁岩行過呢間，細細間，裝修又靚，就入去試下。.下午茶時間叫左兩個餐，瑞士汁乾炒牛河同蜜糖雞翼西炒飯。出奇地，兩個都好好食。用瑞士汁炒牛河多左個甜甜地既味，熱辣辣食又唔會好油，正。個西炒飯同平時既西炒飯差唔多，但個蜜糖雞翼先係重點，外面好脆，入面好嫩，炸得岩岩好，兩隻都唔夠喉。佢既野飲就無咩特別，凍檸茶同茶走同平時茶餐廳差唔多，下次叫咖啡唔知會唔會好d呢😂.如果去開灣仔一定要再黎食👍🏻

生活好匆忙, 節奏勁急, 每日既工作基本上都做到過曬lunch time, 今日去開入境處送文件,臨走比我見到呢間細細間既餐廳, 門口既餐牌上面既價錢就吸引入我入去食下午茶🌝餐廳唔係好大, 所以D位係有少少迫, 不過一個人黎享受tea, 其實又冇咩所謂既😂下午茶佢地都係30-50左右, 係灣仔區黎講 真係算平.我今次就叫左個碎蛋煙三文魚麵包配炸脆薯條$33加杯凍奶茶奶茶好滑😍😍 叫左少冰真係少左冰薯條炸得岩岩好, 又唔會好咸, 有成支茄汁比我自己黎😁😁但呢一份野既主角其實係個麵包, 十分鬆軟! 仲要好大份!! 會食上癮既麵包下次我會想試下佢地既瑞士汁牛河, 睇落真係好吸引, 隔離食得又香

灣仔野食多，但間間都好細鋪，常要等好耐才有位，環境裝飾懷舊風，店鋪噪音不大，有些餐廳噪音超勁好似街市多士配黑松露炒蛋，都幾香，蛋夠滑瑞士雞翼配意粉，雞翼偏甜，好食包一杯熱飲品