巧興麵食店

Open Now

Now Closed

自從土瓜灣地鐵站開通後, 不少飲食攻略都有介紹土瓜灣美食, 但不少小店或老店消失, 所以趁機去一間專賣北京麵食嘅小店📍巧興麵家📍試下. 📍巧興📍响土瓜灣安徽街嘅一條窄巷內, 原來巳開了30多年, 店內裝修十分簡單, 是舊式粉麵舖格局, 只有幾張枱, 所以繁忙時間, 好快就滿座. 所以買了生餃子回家吃. 🌸白菜餃餃皮比較厚而肉多, 外形像金元寶, 好有喜感. 餡料以白菜豬肉為主, 肉同菜嘅比例適中, 店員提議可跟北方煮法, 即用滾水烚熟，不連湯上, 然後可根據自己口味加調味料. 是的, 這食法可真實地吃出餃子嘅味道, !!!!

天氣太熱, 冇胃口吃飯, 去咗間叫📍巧興麵食店📍吃午餐, 📍巧興📍是一間小店, 主打北京麵點; 看店舖的環境, 相信巳開業多年, 應該是由外省人主理, 因店員是有國語腔廣東話的小姐姐. 😬看牆上菜單, 價錢十分大眾化, 叫了北京炸醬麵, 它有別於廣東式炸醬麵, 味道不是甜辣, 而是食感比較清爽, 醬汁濃郁但不膩, 但它又唔似在北京吃拌有大蔥那種, 可能是配合香港人口味. 麵條比較粗, 夾著鮮切青瓜條同沾滿炸醬嘅肉碎一齊吃, 口感清新而實在, 飽肚而好味. 另外📍巧興📍有賣唔同口味嘅生餃子, 價錢亦十分實惠. 是一間值得支持嘅小店.好食❤️❤️❤️🖤🖤抵食❤️❤️❤️❤️🖤📍巧興麵食店土瓜灣安徽街1-7號嘉信大廈

三十年老字號，食物無打卡嘅擺盤，仍然吸引唔少人朝聖🙂光顧時全店滿座😎稍稍等左一下，較年輕店員極有禮貌，多番走埋黎叫我地等多陣。入座後較年老店員就心急左d，明明我地已經落左order，但都走埋黎問左幾次叫野食未😅香煎韭菜餃- 韭菜味唔算香，但餃皮煎完香口得黎煙煙韌韌，都算美味😋湯三鮮餃- 店員稱三鮮餃乃係由蝦、豬肉同雞蛋組成，雖然我食唔到蝦味，亦食唔到雞蛋味，但餃子整體鮮甜美味🤨最神奇嘅係我食到韭黃嘅爽甜😝擔擔麵- 望落好似湯油分開，諗住個湯會好稀，但飲落都厚身😋花生味淡淡，飲落唔會膩👍欣賞店家用左上海麵，雖然浸耐左好似糊左嘅感覺，但佢嘅掛湯能力真係奇高🤩老公嘅評價係：菜式無主體嘅味道，但又覺得佢幾好味喎😜係咪真係咁神奇？！黎試下就知😙

It is no secret that this part of To Kwa Wan has a lot of small, authentic shops, and this is no exception since there are lots of them there, along with other small, authenticate products.As we arrived at the Hau Hing noon, the staff took care of us and promptly seated us.We ordered udon stir-fried with smoked red sausages, cabbage, and ham, which was not greasy. The udon was a little moist but did not seem to be overly greasy.Our other order was a pan-fried leek dumpling, with a golden colour

吃了三十年還是覺得你最好，老規矩必吃擔擔麵，再來個煎韭菜水餃半份，然後加個雞絲涼麵，當然要飲豆漿。擔擔麵吃來吃去就是喜歡這家的麻醬花生醬的杰撻撻，上面少少的紅色辣油惹味非常，有點粗的炸菜絲肉絲，還有花生碎粒，就是一碗令我連湯也喂掉的擔擔麵。雞絲涼麵的麻醬混芥辣份外開胃，雞絲加蘿蔔絲加青瓜絲清新爽口，再加上芝麻粒的香味，謹記要混好才開始食是常識。煎韭菜餃是典型厚皮的北方餃子，自家製自然比較新鮮，煎香後的韭菜餃特別香口。豆漿似乎也是自家製所以豆味亦香。

地方簡陋，小店一間，雖然不太好坐但價錢真的非常平民味道也很不錯，對得住價錢。$38就有11隻餃子，真的很便宜水餃麵湯底夠濃加杯凍豆漿埋單先$83一定會再來幫襯。

首先，我不是熟客餐牌價錢唔清晰我問清楚雙拼餃10隻加湯麵幾錢知道係55元照下單我食完後向事頭婆付出100元事頭婆真係好有家教掉，不是輕放，個5元在枱我係窮，但未算係乞丐

聽講呢間係一間地區老店，晚上8點多到達，唔洗等位。叫咗擔擔麵同埋菜肉雲吞，再加咗杯豆漿。先講擔擔麵，同平時食開的好唔同，佢有大量麻醬及花生醬，杰杰地的糊狀汁，又香又濃。入面D炸菜絲同肉絲都好好食，明顯唔係求其掉落去煮嘅，仲有D花生碎，整體感覺非常良好。菜肉雲吞竟然有一大塊紫菜，真係開心，仲有D蝦米仔，好喜歡佢個賣相。個菜肉雲吞食落都唔錯，D餡料好好食，D雲吞皮又好滑。杯豆漿有驚喜，好香豆味，非常難得。

之前睇YouTube有人介紹呢一間餃子和炸醬麵好有北京的味道，於是今日專程坐地鐵來一試，一入去就出事了，見到好多隻烏蠅飛來飛去😱😱😱，衛生情況影真唔得！但既然山長水遠嚟到、照硬着頭皮，點了餃子，炸醬麵，雲吞即管試試！煎白菜餃半份$28味道都可以的，炸得香脆，但不是報道說的那麼驚天動地泣鬼神！炸醬麵$37呢個真心好食，炸醬很正宗，不太咸，好香面豉味，真的很有北京的味道！麵條軟硬適中，不會過「林」！菜肉雲吞$37呢個就普通，雲吞皮煮得太久，有些皮已經爛了，湯底就有紫菜蝦米的，都幾鮮味！總結：呢間小店衛生真的麻麻，有烏蠅之外，空氣又不流通，冇抽氣扇，又冇空氣清新機，現在疫情還是那麼嚴重，真的有待改善，希望店主睇到請留意一下！

今日Lunch time去左土瓜灣度食巧興麵食店，上網見到好多人都讚佢地既餃子好多，話由細食到大，所以就去試下啦~我叫左一份煎餃，雙拼牛肉同三鮮餃，再加左杯冰涼豆漿豆漿頗甜，但夠晒凍~一般~煎餃一共有１０隻， 大大粒，個皮炸得好脆，不過裡面唔夠多汁；三鮮餃有豬肉、蝦同蛋做材料，味道清Ｄ，蝦肉爽口彈牙，又有蛋香；牛肉餃味道較濃郁，重牛肉味，唔錯～兩種都各有各好食餐廳充滿老香港情懷！下次再去試其他餐廳既煎餃~

遊走舊區 溜到內巷尋找舊有樸實的味道嚐一口鮮餃 餃子半煎炸的香脆可口 咬開肉汁四濺 一碗炸醬麵啜一口麵條有點像異國中華料理味道 微微偏甜𓇠𖤥 巧興麵食店土瓜灣安徽街7號嘉信大廈地下༶ 牛肉煎餃₃₉༶ 三鮮煎餃₃₉༶ 炸醬麵₃₅𓇠

聽聞土瓜灣有間屹立三十多年的北京風味餃子麵食店，仲被視為”土瓜灣三寶之一”，今日決定搭巴士再轉地鐵黎一探究竟。是日禮拜六下晝非繁忙用餐時段，黎到嘅時候未見其他食客。店內其中一位媽媽正在起敬包餃子，其他兩位媽媽就係廚房裡面忙碌。小店嘅環境唔單只樸素，可以講係比較簡陋，牆上嘅餐單簡潔明瞭，無花多眼亂嘅選擇。巧興既然主打北京餃子，當然要試下。叫左半分三鮮煎餃($25)，餃子煎得剛剛好，入口香脆，餃子皮厚度適中，而且又唔會太大隻，裡面嘅餡料肉汁香甜，係我喜歡嘅味道。另外炸醬麵($35)也頗有驚喜，肉醬汁份量足夠，而且咸甜適中，麵也夠煙韌，會令人食過翻尋味。小店內部環境雖然普通，但係食物嘅質素唔錯，感覺是用食物俘虜街坊用心經營的小店。埋單嘅時候留意到收銀臺旁邊貼著一張紙寫上 “事臨頭三思後行，怒上心一忍為高，退一步天空海闊，讓三分心平氣和”。收穫了一碗麵，一份餃子嘅美味之余，還提醒了自己與人相處謹記謙讓同包容。

今日放工原本呢就諗住去Lamees，就由沙田特登搭屯馬線慕名黎到土瓜灣呢個充滿香港老味道既舊區，試下中東菜。點知道原來佢係逢星期一休息。真係好唔好彩呀！咁呢就之前呢就睇過一d知名既youtuber，介紹過一間好好食既北京餃子。咁一場黎到土瓜灣，出師不利，咁又唔想兩手空空返屋企，就行遠小小，行左15分鐘，就由北帝街行到去安徽街黎到呢個既巧興麵食店。咁入到去呢就唔洗等位既。一入到去自己搵位坐就得啦。入到去既白燈同埋白色牆，一睇就知道係老店既味道呀。睇左一陣牆上面黃色既餐牌諗左陣，今次就食擔擔麵同酸辣麵啦！！！另外仲叫左半份韭菜餃同埋半份白菜餃。今次真係好可惜呀，想試下呢間今小店既涷豆漿，點知咁岩賣哂，真係唔好彩！叫完野食等左大概五分鐘，d野食就黎啦。我地仲叫咗兩隻碗。又好唔好彩呀，其中一隻好似洗得唔係咁乾淨喎。不過唔緊要啦，老板娘好好人幫我換過隻！咁d野食話咁快就黎齊勤。講下個擔擔麵先啦！個擔擔麵呢就普普通通，咁講起擔擔麵既精粹呢，就緊係個醬啦！呢個醬呢就稍為遜色小小勒，個醬就有d唔係幾夠濃喎，花生醬又好似唔係幾夠香啵。同埋呢佢d麵呀，就煮得稍為淋左小小呀。值得一讚呢就係佢個份量就岩岩好呀

包餃子果D生肉兩桶就咁放廚房地下，再望下個地下全地都係水+ 泡，雖然d肉用桶裝，不過成個場景……外賣咗個牛腩面，個外賣碗入面全部都係發泡膠粒，發生咩事？裝外賣前唔會望下個碗？另外關於味道方面，唔知係湯底變咗定夏天太熱變味，個湯面味道有d奇怪，同以前唔同味。應該唔會再有下次。以前食過幾次，加埋今次，係第二次見到有發泡膠粒係個碗度。希望佢衛生情況有待改善，唔好再係個碗度見到呢d野，畢竟食開嘅都係街坊客。

雖然店面小而舊，且有滴水….但是自家麵條水準高，當今香江之世，絕對值得一讚！餃子也高水平，名不虛傳。老闆店員待客真誠，沒有現時一般自恃”網紅”小店的待客惡形惡相。性價比高。衛生有改善空間。若盈利可以，應簡單裝修一下。