151
1
1
Telephone
24935333
Introduction
The restaurant is located at wharf, it is quiet. You can see the view of the wharf by the floor to ceiling window. It has both bar-setting and table setting. The skewers serve with a small hot stones stove in order to keep the temperature of the food. The skewers will not add too much flavour. continue reading
Opening Hours
Today
12:00 - 14:30
18:00 - 22:00
Mon - Fri
12:00 - 14:30
18:00 - 22:00
Sat - Sun
12:00 - 14:30
15:00 - 17:00
18:00 - 22:00
Public Holiday
12:00 - 14:30
15:00 - 17:00
18:00 - 22:00
Public Holiday Eve
12:00 - 14:30
18:00 - 22:00
*Last order: 14:00/21:00
Payment Methods
Visa Master Cash AE
Number of Seats
32
Other Info
Wi-Fi
Alcoholic Drinks
Cake-cutting
VIP Room
Parking
Phone Reservation
10% Service Charge
Sea View
Review (163)
Level4 2020-05-09
204 views
係西灣河海旁原來都有隱世串燒美食,其實一聽個名就應該知道呢間餐廳大概為處於海邊,入到去唔洗點等位,如果想坐正係海隔離就要一早book 定啦。呢間無論是環境和食物嘅級數都係附近認為食過數一數二咁好。蟹子沙律,就係有啊青瓜絲蟹柳絲同埋蟹子造成,當中覺得最欣賞嘅地方係青瓜每一條嘅粗幼程度都係一樣,所以成個口口感會非常之一致,而青瓜其實都非常之爽甜,食落去會打開咗你個味蕾,雖然份量唔算好多不過作為頭盤呢個係非常之唔錯。大蔥雞腿肉,大蔥本身嘅味道其實係非常之濃烈不過夾埋雞俾肉咁樣食就非常之夾,會令到沖嘅味道完全融入左雞脾肉入面,大葱面頭得非常之香,一上枱已經聞到非常之大浸嘅味道,而雞脾肉就非常之多汁,面頭美味燒到香脆,入面鎖死晒啲肉汁。雞翼即刻燒完即刻上枱熱辣辣呢個係基本嘅,然後唔會有過多嘅調味剩係得少少鹽已經非常之足夠,會食到雞肉嘅油脂同埋肉汁, 每一隻雞翼都幾大隻燒嘅時間亦都啱啱好 入面嘅肉係處於最嫩滑嘅時候唔會老曬。冬菇就略嫌面頭有少少燒得太黑不過菇味道重嘅,而且都爽口。如果入面可以再多番少少汁同埋調味會更加好。豆腐方面都係一樣少嘅時間好似有啲太長所以免頭黑咗少少。御飯盛,面頭係大量嘅大葱青葱,海苔和一對香料而成食之前要撈埋下面嘅米飯感覺上就好似高級版嘅日本飯加上一大堆的飯素,雖然感覺上好似冇咩肉會好齋,不過食食吓都食到當中點解啲人會叫嘅原因,例如食返米飯本身嘅香味,而家再入不同嘅香料就會令到米飯嘅層次更加多雖然唔係太知道真正嘅食法係點,不過總括而言呢個飯都幾新奇嘅冷稻庭烏冬,佢同一般急凍烏冬或者手打烏冬唔同,食落去嘅質感係非常彈牙同埋好需要咬口,一啖烏冬沾上旁邊嘅專用豉油,雖然份量唔係好多不過感覺上呢個烏冬都幾高質。最後職員嘅服務態度非常之好會得閒就過嚟收碟等等,而且上菜都會有返應有嘅次序唔會一次過上晒令到食物食嗰陣會凍咗 continue reading
(The above review is the personal opinion of a user which does not represent OpenRice's point of view.)
不要說咁樣真係得?試著說不如試左先啦;不要說我覺得好哂時間,試著說賺個經驗,當交學費囉;只要調教一下自己心態,睇既野原來真係唔同,擴大自己眼光,自然唔會忽略日常生活中既小細節,令自己活得更加精彩。好似原來西灣河除左太安樓夜市可以掃街之外,係西灣河碼頭就有間隱世既居酒屋「埠 - Hatoba Japanese restaurant」一邊對住個海,一邊思考下人生哲理,寫意呢兩個字咪就係咁解!👇📌お肉 - ▪ 牛タン - $52▪ アメリカ牛肉 - $64▪ アスパラ豚肉巻き - $38▫ 黎得居酒屋,串燒就走唔甩啦,先試左個「牛舌」先,質感夠厚身,裡面咬落好似食緊棉花糖咁,非常軟腍。入口帶少少趙口,牛味夠突出,唔錯;再黎「蔥蒜牛肉」,鍾意濃味既朋友有福了,調味均勻適中,係面前有個熱石爐保持溫度,咁樣可以保持住食物既品質,呢點值得大讚;而食落肉質夠爽口嫩滑,散發住淡淡既牛香味,肉汁係口腔裡面瞬間爆發,一個字正;試埋個「豚肉露筍卷」,薄薄一浸既豚肉切片捲住新鮮既露筍,露筍食落夠清爽,加埋豚肉香,兩者味道好夾,抵讚!📌お食事 -▪ ネギとあられの釜めし - $78▫ 最鍾意有生雞蛋既釜飯,所以苛呢個「月見香蔥脆脆釜飯」一定係我必點之一。用上日本新鮮雞蛋、大量紫菜、香葱、芝麻再混合蒜蓉黎形成個釜飯既底,撈勻之後聞到相當濃烈既香味,食落蛋味十足,醬油唔會蓋過本身既材料,而飯粒用左日本珍珠米,入口相當軟綿!▪ ズワイガニの鍋焼きうどん - $118▫ 另一主打我會推介佢地既「松葉蟹肉鍋燒烏冬」,蟹肉本身唔會連殼,食起上黎夠方便,唔洗再人手拆肉,呢點抵讚。蟹肉食落新鮮,爽口嫩滑,加上烏冬扁身,入口爽滑彈牙,配搭埋湯頭一齊食,份外鮮甜。唔好睇佢細細煲,兩個人都食都岩岩好。▪ かにみそ · おにぎり - $138▫ 好特別既「甲羅燒拼松葉蟹肉飯團」,飯團裡面用左蟹肉,賣相睇落好似粒大帶子咁,入口外脆內軟,幾特別;而旁邊就將蟹肉釀入蟹蓋黎燒,係燒到咁上下再放埋鵪鶉蛋攪勻,食落鮮味突出,蟹既香味彷彿係你身邊繞過,相當滿足。 continue reading
(The above review is the personal opinion of a user which does not represent OpenRice's point of view.)
星期六要翻半日 放工約左朋友食lunch~ 朋友住西灣河 佢帶我黎左西灣河碼頭附近食飯 估唔到碼頭呢邊係咁chill 🤣 附近仲有d 西式酒吧餐廳 成條餐廳街咁 大家望住個海濱長廊同埋望住過海食飯真係好寫意~ 我地見到有間日本串燒店正正喺西灣河碼頭而且對住海! 個view 一定好正😆 入面係透明玻璃 可惜我地黎得遲 近海邊嘅位已經坐滿人🤭餐廳有Lunch set 有哂前菜主食飲品🤤 所以我地每人揀左個 但你鍾意都可以散叫d 串燒黎食~ 前菜有蒸蛋 好滑溜 三兩啖就好快食哂😆 仲有個日式枝豆 豆咬落厚實 有點鹹香🤣我叫左呢個係鐵板美國安格斯定食 $248 估唔到安格斯牛超大塊 面上灑上大量香蔥椒絲炸香蒜片炸薯仔絲 令到牛扒完全唔黐底🥰 塊牛嘅質素都好得 半肥瘦而且七成 好有牛香味 而且已經放左海鹽 調好哂味 送日本嘅珍珠米一流 😝成個擺設同埋環境都好日本風 影d 相出黎好令🥰鰻魚釜飯三食 $208 鰻魚切好一塊塊,份量都幾多,而且個飯係用鐵鍋裝住,keep住個溫度,每一啖都食到熱辣辣嘅鰻魚同飯。至於鰻魚嘅特別之處在於,佢除左係用左燒汁去製作外,仲準備左四種配料,有蔥、海苔、鹽、芝麻粒,等你食鰻魚嘅時候可以配搭不同配料入口,嚐到不同嘅口感同味道!甜品係一個泡芙一口一啖,為完美嘅海邊午餐畫上句號🤤 continue reading
(The above review is the personal opinion of a user which does not represent OpenRice's point of view.)
Level4 2020-05-13
0 views
最近番工好辛苦,所以就諗住同男朋友食好西補償下。之前行海旁經過間餐廳已經覺得好chill,望住海景食串燒。佢主要係分咗幾種串燒,包括海鮮、雞、牛等,仲有啲小食同埋主食。值得推介既流心鵪鶉蛋真係一定要試,外面搽咗啲燒汁,配番一咬就流心既鵪鶉蛋,真係好夾,平時真係好少見鵪鶉蛋流心,但正正因為細粒啲,所以完全可以感受到佢流心個下。另外,紫蘇梅子雞腿肉,依個都係比較特別,因為會有啲紫蘇放係上面,配上平身雞腿肉既燒都好好食。蔥蒜牛肉都好正,因為佢有一大堆蔥蒜係牛肉上面,所以好惹味。而且,個牛肉燒得岩岩好,吾會overcook,仲有牛味添。月見蘇草免治雞肉棒好適合啲鐘意啖啖肉既人食,餐廳仲好細心咁比埋生蛋溝醬油,因為係免治雞肉既絕配。仲有另一樣好特別既小食,就係平時係其他日本餐廳都會見到既芝士年糕,但佢個質感係好吾同,比人一個吾濟既感覺,加上佢啲流心芝士,真係想再食。燒雞翼燒豚大腸最後,叫咗個甲羅燒拼松葉蟹肉飯團,個飯團都幾得意,因為外面係脆既。原來我地係飯團上面加咗甲羅燒撈埋食,但係之後發現就咁食甲羅燒先係享受。 continue reading
(The above review is the personal opinion of a user which does not represent OpenRice's point of view.)
Level1 2020-05-12
42 views
有驚喜既日本串燒。今次食朋友生日飯,一去到個環境就有驚喜, 被安排坐向窗邊位置,感覺開掦,放鬆,剩係呢個環境已經無晒Monday blue👍我地先叫左雞泡魚干同黑松露枝豆作前菜,雞泡魚乾好食,油脂清香,好有咬口,略嫌份量太少,唔夠喉!好在仲有枝豆,滿滿既黑松露,未上枱已經聞到好香,好食到停唔到口,好快就清晒兩碟前菜!原本諗住逐樣叫可以食熱辣辣既串燒,但原來餐廳會用個迷你串燒架,用熱石keep 住食物溫度,好用心,加分!主菜黎喇,d串燒幾特別,我自己最鐘意墨魚腸,又爽又入味。露筍豚肉都正,露筍包住豚肉一齊燒,燒到香甜多汁既豚肉,一d都唔乾,正!重有豆腐,估唔到燒豆腐可以咁好食,應該係加左特別醬汁!值得一提既係大蔥雞肉串同成條都係蔥既牛肉串,朋友十分鐘意,仲有舖滿紫穌葉既雞串,剌激味蕾,香氣十足!串燒普遍高質,唯一不足係燒廣島蠔,個汁好似太重味,蓋過左蠔既鮮味!作為蟹痴既我,最後忍唔住加左個松葉蟹稻庭烏冬,烏冬爽囗彈牙,蟹肉鮮甜,份量亦唔少,大滿足!另一加分之處係個職員超細心見我地分串燒食,主動話幫我地分,仲主動幫我地影合照,超好服務態度👍抵讚!下次想試埋清酒,芝士年糕同和牛串! continue reading
(The above review is the personal opinion of a user which does not represent OpenRice's point of view.)