HappyHun by Dandelion (Closed)

之前朋友請過我食呢間餅店嘅拿破崙， 試完覺得好好食， 所以 前幾日就打電話去諗住定返個再回味下。 問嘅時候先發現原來佢哋出咗個檸檬撻， 作為一個甜品控， 聽完當然要試下啦， 所以最後就揀咗檸檬撻。去到攞嘅當日，喺黃竹坑地鐵站行過去工廠大廈嘅樓上舖原來十分方便，只需要五分鐘路程就已經到到。 門外亦都有好大嘅店舖名， 門口係浪漫嘅紫色， 十分易認。佢嘅包裝好仔細有一個超大又美觀嘅白色紙盒 載住檸檬撻， 佢嘅盒係半透明可以望到裏面嘅蛋糕。 同市面上其他嘅高級餅店包裝一樣，精緻美觀。店員十分友善地提醒蛋糕要24小時內儘快食用, 亦都有提及原來上面嘅洋甘菊花係食用花, 所以係可以就咁食。而且店舖仲提供曲奇可以將想寫嘅嘢同店員講，佢就會預先喺曲奇上面寫上你嘅字句。檸檬撻酸酸甜甜配埋曲奇撻皮唔會太膩， 味道適中。如果怕太甜太膩嘅甜品嘅人，呢個絕對係一個十分好嘅選擇， 檸檬撻上面有一層cream中和咗檸檬酸嘅味道， 配埋洋甘菊花 感覺好清新。 冇諗過原來檸檬撻都可以做到咁fresh咁好食。 下次絕對會再訂嚟食。…查看更多

自從搬左公司去黃竹坑之後，同事就openrice到li間蛋糕店，成日都想去買d甜品試下☺️☺️ 上星期終於訂左個新鮮自家製法式榛子杏仁撻❤️ 成日食蛋糕，有時食下法式撻轉下口味都好呀🤤下次先再試拿破侖😋賣相好細緻，整到成個花花圈咁😍 表面放滿榛子粒，榛子忌廉好軟滑，榛子味濃郁，重點係完全唔甜，完全唔會覺得好有罪惡感😛 中間既蛋糕體好鬆軟，再加上好有牛油香味既曲奇撻皮，食到唔停口，好快就食晒成個😆…查看更多

有朋友生日所以買咗呢間蛋糕試吓，因為見啲款式都幾吸引。買咗二至三人份量嘅拿玻倫，其實飯後食四個人都夠。個蛋糕個樣好靚，拎出嚟朋友個個都話靚，因為上面有食用花做裝飾，逐朵放係吉士擠花上面，睇得出好有心機整。而且拿玻倫係心形，由三層酥餅夾住吉士醬組成，好適合送畀女仔！我哋切蛋糕時已經覺得個蛋糕會好食，因為酥餅好乾身好脆，唔會一切就散。酥餅表面金黃色，厚度岩岩好，食落有啲似蝴蝶酥，夾係的吉士醬亦非常軟滑，甜度適中，夾埋一齊食好好味！至於上面嘅食用花，其實就冇咩味，不過拿玻倫本身已經做得唔錯，值得買嚟做生日蛋糕👍🏻…查看更多

-HappyHun by Dandelion🍽-🍰French Lemon Tart $250雖然呢間蛋糕鋪係位於黃竹坑但因為佢d蛋糕非常出名所以小編都決定要去試一試😌呢個Lemon Tart真係不得了😍賣相整得靚靚就睇圖已經知啦😉Lemon Tart我覺得個Tart皮係非常重要佢係整得非常好超脆😋Lemon Tart🍋放心唔會係好酸反而甜得黎有好香既檸檬味👍凍食既話係超級透心涼又開胃😋下次要試千層酥蛋糕🤣-🌟評分:🏅🏅🏅🏅🏅🏅地址: 黃竹坑業勤街35號金來工業大廈第2座8樓D室…查看更多

跟友人慶祝生日，蛋糕又點少得呢！上網訂了一個蛋糕，呢間店工埸在黃竹坑，正好是朋友家附近，取完蛋糕，快速去參加生日派對。造型好靚呀！朋友好開心呀！各人都嘩然，非一般呢！檸檬撻，面層的蛋白用火烤過，似一座一座雪山被斜陽鋪蓋著。採用了食用花作裝飾，顏色的配搭非常美。整個撻檸檬味道好特出，清香撲鼻，微微的酸，增加胃口，不似其他甜品的甜膩。餅底好好食，酥脆，充滿著牛油香。生日牌都好特別，曲奇餅上是雲石紋朱古力，公公正正刻了壽星女名字，好靚，唔捨得食喔！…查看更多

這天吃了一個非常精緻可愛的蛋糕！這是心形原味拿破崙蛋糕 。它的酥皮非常香脆，是卜卜脆的香脆，正！拿破崙蛋糕真的要趁新鮮吃，因為香脆酥皮加上細滑的吉士醬真的很美味！雖然「甜點不會太甜」是很老土的評價，但都市人物質豐富，特別日子吃個減甜蛋糕既滿足又不會有罪惡感！這裡還可以訂制生日曲奇，連寫中文字都無問題，而且曲奇味道都不錯。本來以為糖霜餅乾會超甜，但我覺得可以接受。另外，因為要預留空間給生日牌，所以蛋糕本體不在紙盤的正中央。單是這個小巧思便值得送店家一個大大的讚！…查看更多

之前食過這間餐廳的拿破崙蛋糕覺得幾好食，今日適逢父親節，爸爸喜歡吃檸檬味的甜品，就試咗這間餐廳的法式檸檬撻～檸檬撻的外形很高級，有幾朵食用花作裝飾，上面的棉花糖忌廉用火槍燒過的焦香，不會太甜，有淡淡的檸檬味，幾滑～ 檸檬撻餡不會太甜，食落有非常清新的檸檬味，不過太酸或太甜，非常易入口，而且口感結實沒有榨，非常足料！最重要家人都覺得味道好好～撻底做得非常之薄，又不會太硬或太實，有糕餅的香味～跟檸檬批一起吃或者就咁食都好食～ 下次可以再試下其他蛋糕，蛋糕全部都係人手製，小店生意一定要支持下！…查看更多

太太生日是在六月中，一年一度為了隆重其事，專門從網上訂了她最喜愛吃的檸檬撻蛋糕，為她慶祝一番。HappyHun by Dandelion位於黃竹坑業勤街，從地鐵站出發大約四分鐘便到，地點方便就腳。之前吃過他的拿破崙蛋糕覺得不錯，於是encall叫了這裏的檸檬蛋白撻。 檸檬蛋白撻(⭐⭐⭐⭐⭐)上面鋪著的是食用花朵，而且有幾片的檸檬皮，看起來十分漂亮，打卡呃like一流。份量頗為大個，五至六個人分享也十分足夠。面頭的蛋白是輕輕用火槍燒烤過的，有微微的焦香，而且蛋白不算太甜。裏面的檸檬餡料十分清香，甜甜酸酸的，炎炎夏日就最適合不過。餅底是典型的曲奇皮，吃起來鬆脆可口，有十分香的牛油味道。 總括而言，這小店的蛋糕再一次給我們帶來驚喜，下次有機會也必嘗試他的其他味道。~~~~~~~~~~~~~~~~~~~~~~~~~   HappyHun by Dandelion 黃竹坑業勤街35號金來工業大廈第2座8樓D室推介菜式: 檸檬蛋白撻👍🏻地點方便👍🏻價錢合理…查看更多

今年生日想試啲特別小小嘅蛋糕 係ig碌吓碌吓見到有間ig shop賣心形嘅拿破崙蛋糕😍望落好靚又好似幾特別咁（出邊啲拿破崙多數係長條形）重點係見到佢有勁多好評 於是乎就二話不說落咗訂🤩🤩.▫️紅桑子吉士拿破崙 - $290 👍🏻👍🏻👍🏻👍🏻👍🏻呢個係細size 啱2-3個人食 因為我好鍾意粉紅色 所以揀味道嗰陣問佢邊隻會pink啲😂最後要咗紅桑子味 中間啲吉士真係粉粉哋色❣️好靚~ .𝘝𝘦𝘳𝘥𝘪𝘤𝘵 - 好推介😍整體黎講個拿破崙好好食🥰好酥脆而唔會好甜 賣相一流啦 上面有食用花做裝飾 仲送一塊曲奇 size就啱曬2-3個人一齊開心share👌🏻👌🏻呢個價錢有咁嘅質素真係好抵 而店主勁nice又覆得好快 下次會再試埋其他味😋😋…查看更多

一年有咁多要慶祝既日子，次次食蛋糕都會悶既。所以今次就係ig search 到呢間餅店，而且見到佢既cake 更有同實體店合作，大大增添我對佢既信心。法式檸檬撻，外殼非常鬆脆，裡面既檸檬酪酸酸地咁，清新開胃唔會太膩，面層既綿花糖so fluffy 軟軟咁而且微微用火槍燒過，所以非常香甜，配搭住食就會甜甜酸酸，更易入口，幾樣野既配搭非常唔錯。我鍾意佢連蛋糕上既金盞花都係可食用，更顯心思同誠意。其實呢個係父親節蛋糕，望上去除左有夏日氣色外，我覺得都岩幫男士慶祝，係比較含蓄既款式，但不失格調。有別於平日既朱古力牌，呢度既祝福字句會係寫係曲奇牌上，我見大部分人都用英文牌多，但我就request 左寫身體健康，店主寫既字好令呀，非常滿意。雖然個蛋糕唔大，但對現今既都市人黎講，都祟尚少吃多滋味，所以食完餐父親節飯一齊分享，每人食少少，一家人都已經食得好開心。而且店主好好人，相信大家訂過蛋糕都會感受到!…查看更多

街坊系列 – HappyHun by Dandelion💚正所謂一年容易又生日🥳大集團一路用一式一樣既蛋糕🎂騎劫大眾既大生及社交媒體📱而依家網上小店絕對係一個出路🔜成品更有心思❤️味道亦可因人而訂------------------------------環境: 位於工廈既工場連零售小店工埸內唔可以影相📷衛生都幾嚴格不設任何堂食⚠️都係要外賣為主客人會係工埸同門口既一個位等蛋糕😎------------------------------食物: 法式檸檬撻 ($250)🍰小店主張眼見的都可以放入口👄就算裝飾既花都會係食用花上層係自家制棉花糖🍬用火槍微微燒焦😍外觀非常吸睛檸檬撻味道唔會好甜之餘😋酸度岩岩好🍋仲有小小果肉係度餅底鬆軟唔會死實實👍🏼整體感覺唔會溜🥰酸酸甜甜好夏天------------------------------服務: 回應速度幾快👏🏻整個訂購流程都好方便順利💯要注意返訂購要預返3日時間⏰------------------------------環境: 6 /10食物: 7 /10服務: 7 /10…查看更多

工廈真係隱藏左好多寶地。好耐之前黎過HappyHun by Dandelion買一個心形既海鹽焦糖拿破崙，質素好高！今次友人送左個呢度出品既另外一款檸檬撻俾我。個蛋糕盒好靚好實净，兩邊印左HappyHun by Dandelion個名。仲要係有透明膠紙嗰隻。聽到個名係檸檬撻可能會覺得係普通料，但係見到個撻之後真係有d驚喜！個檸檬撻係冬甩造型，上面擠滿白色忌廉，仲加左少少花仔同檸檬皮裝飾，簡單得黎好靚，簡直係吸引眼球！重點係個檸檬撻超好味道！個撻厚實得黎好脆口，好重牛油味，撻上面有好多香甜檸檬味吉士醬，再上面就係白色輕忌廉，輕忌廉係完全唔膩，如果可以食到檸檬皮個部分就仲多一層口感。總括而言，呢個係我食過最出色既一個檸檬撻！…查看更多

位於黃竹坑工業去呢一間happy hun 係一家拿破崙蛋糕嘅西餅店， 佢嘅拿破崙蛋糕 唔單止有唔同口味揀，仲有唔同size選擇， 而且鄰近黃竹坑地鐵站，只係需要五分鐘路程就可以到到，十分方便。 而且呢間西餅店嘅selling point係佢嘅拿破崙蛋糕係喺拎之前冇幾耐做，所以絕對唔會有酥皮淋咗唔新鮮呢d問題出現。 因為今次唔多人食，所以就叫咗一個二人心型拿破崙， 一直都好鍾意食朱古力嘅蛋糕，發現呢間舖頭竟然有朱古力吉士拿破崙，就即刻揀咗呢一個口味， 感覺上出面多數都係生果口味嘅拿破崙，朱古力味好少見所以真係好期待。 最開心係佢可以訂製寫名或者寫句子嘅曲奇， 如果想同人慶祝生日就可以寫佢嘅名係曲奇餅上面，花花曲奇配粉紅色底同白色字十分搶眼， 最重要係曲奇寫字係免費嘅。 佢嘅包裝都好精美，紙袋亦都好靚，感覺好高級，當然最重要係佢嘅朱古力吉士配脆脆嘅拿破崙酥皮，真係一流，冇得彈，味道十分好，絕對值得回購。…查看更多

喺社交平台見到呢間舖頭，覺得佢甜品嘅相好靚，所以就決定喺度訂一個生日蛋糕俾朋友。雖然餅房位於黃竹坑，地點唔算好方便，但其實都容易搵，一出lift就見到。餅房內唔可以影相，但其實入面都冇乜嘢睇，想知有啲咩， Menu已經有，或者甜品師傅話WhatsApp佢其實資料仲齊全。同呢位甜品師傅傾咗兩句，覺得佢係一個好用心嘅女仔！佢本身係讀香薰治療同中藥，所以喺佢做甜品嘅時候都堅持唔用色素，平衡到快樂同健康！我揀咗檸檬撻，面頭係佢自製嘅棉花糖，質感軟軟綿綿好得意，但又唔會太甜。餅底好香好脆，而個餡就係lemon curd，夠酸夠fresh！我自己好欣賞，造型又靚。如果唔想去到黃竹坑咁遠，師傅話佢都有喺跑馬地同一間叫做「一川食材店」嘅店舖合作，喺嗰度都買到佢嘅甜品。…查看更多

HappyHun by Dandelion - 拿破崙專門店 今日介紹一間網上的甜品店，這間甜品店主打拿破崙蛋糕，有多款口味選擇，提供6.5吋或4.5吋的份量，形狀分為心形、正方形，字母或數字，適合一大班人慶祝或者情侶兩人慢慢嘆。拿破崙口味眾多，有原味吉士海鹽焦糖、芒果熱情果吉士、青檸青蘋果吉士、咖啡吉士海鹽焦糖、朱古力榛子脆脆、覆盆子吉士和藍莓芝士，這次是經典的原味吉士口味。二人世界心形拿破崙由於今次是慶祝朋友生日，兩個人的食量，所以就點了4.5吋的size，拿破崙賣相非常精緻，首先利用純白色有透明小窗的盒子載着。拿破崙頂層有着鮮艷顏色的食用花，酥皮的層數很多，鬆化酥脆，吉士醬甜而不膩，剛剛好。…查看更多