囍點心 (Closed)

雖然不是傳統中式酒樓,不過一試無妨,況且逛得倦倦地,順便hea一hea. 不過呢間的點心都係麻麻地.試食之選有:千層馬拉糕$15 + 四寶滑雞扎$15 + 懷舊糯米雞$16

與眾舊同學在附近飲兩杯,道別之後,肚子劇餓難擋,便來到在寶勒巷的喜點心,吃些點心才回家.凌晨兩點也吃到即蒸點心,全世界沒有幾多地方有,可見這個地方,雖然日漸沉淪,但仍保持強勁的生命力.因為已是夜深,好些點心如雪山叉燒包已沒有,唯有吃一些基本如蝦餃,燒賣,蘿蔔糕,見到有一味腐皮卷炸兩,很有趣.便要一碟試試.蝦餃在我心目中的地位,同大多港人上日本料理,必吃三文魚刺身一樣.所以我對蝦餃的水準,特別注重.如果連蝦餃也做不好,已打七折.可惜,這店的蝦餃,外皮做得過黏,吃落有點糊口.入面的蝦肉,並不鮮.燒賣肉質太實,好像吃著排骨.腐皮卷炸兩是將腸粉皮包著腐皮卷,但是兩者好像格格不入.雖然大家相擁而睡,不過同床異夢.炸過的腐皮,與腸粉皮產生排斥的作用.最後的蘿蔔糕,粉過多蘿蔔,不用再多說吧.深夜吃著這些點心,情況有點與那些火山孝子,火起上來,不理好醜,黑布蒙頭入閘,好醜都係一餐差不多.

今晚又想食點心喇, 近排香港流行唔駛去酒樓都可以飲夜茶, 真係好方便我地哩D成日夜鬼, 隨時訓醒已經係夜晚, 想將飲茶當早餐or lunch咁食, 剛剛好~旺角有好幾間夜茶點心我知, 亦試過, 尖沙咀都有真係要試試, 收工過嚟唔駛等位就有得坐, 正~本小姐最憎等位!!!成間舖好細, 得幾張檯, 都唔知坐唔坐到廿個客, 唔理喇, 落單先~ menu真係唔多選擇, 不過飲茶來來去去都係個幾味架啦, 叫哂一定夠飽, 當然我同朋友無叫哂啦~total叫左7個點心+一個盎頭飯, 剛剛好!!!咁少客都等左唔少時間, 唔知係廚房細所以慢, 定還是見同我地幾好傾, 覺得我地唔介意等, 所以將D order俾第二個客先呢?!好似幾個遲過我地入嚟嘅客都已經有得食, 我地仲未有…..不過佢有同我地講唔好意思, 係我地掛住食緊計, 同佢講左叫佢唔駛急嘅~~~點心真係無咩特別好味or唔好味, 飲茶我一向唔咀(雕), 蒸點心又無話會蒸得特別好食, 不過佢D料都幾足, 蝦餃燒賣蝦腸都有好多蝦架, 不過唯一要彈就係個咸水角, 炸到縮哂水, 勁干身, 唔好食!!!仲有推介既雪山X燒包, 最衰朋友唔食X包, 唔係我真係想

萬豚屋的人龍有成 30 多人，都係轉場吧。2 位黎到囍點心，剛好早到一步，如果唔係都無位。晚餐食點心已經不是 new news，立即叫自己喜愛的點心。沙律明蝦角 - 好似鍋貼的半月彎 shape，餡料不算多香茜牛肉腸蜜汁叉燒飽水晶鮮蝦餃雙囍餃 (雞脾同秀珍菇) - 出面未食過，將 d 菇切到好碎混合，幾夾，但皮太厚鮮蝦腐皮炸兩 - 腸粉內裡有脆脆的腐皮，正！好特別。蟹肉小龍包 - 蒸得太多，無晒 d 湯汁 蟹皇蒸燒賣薑蔥牛柏葉其他點心都係同酒樓差不多。呢度服務幾好呀，細心留意，佢既點心價錢其實唔平。$2 茶介

the location is very good !coz can have meal there after drink ,it's close at 3am ..in fact , i like their spring roll, it's so crispy !!but the chichen feet. it's not really good!! just can see very little chili & black bean on it!!anyway, it's good restaurant to go..coz the location is great & food is cheap too!!& the boss have check back too, nice serice !!

原打算吃的餐廳因為有些阻滯，所以我們當下決定乘船過海開餐。記憶中有一間食點心的小店，就來試試，反正也很久沒有吃過了。餐廳小小，座位擺得很擠迫，第一感覺已麻麻。點餐了，分別點了以下食物︰沙拉明蝦角($14)︰有點油，並沒有多少沙拉醬，要另點才可。蝦腸($18)︰比添好運來得貴又不好吃。粉粉的口感，蝦又沒有味。北菇滑雞飯($19)︰不抵食，而且飯比較濕，不是我杯茶。油菜($13)︰算是好的一道，可能沒有什麼烹調技巧吧。鳳爪($12)︰夠熱，也可以。牛柏葉($13)︰不算新鮮的，而且切得大大片。茶芥$2。整體來說是中下，只是服務不錯，時常加茶，不過茶只是微溫，不喜歡。

今日夜晚八點左右喇就去到門口 再等位 有個女WAITER好好禮貌咁就話要等 咁就等喇因為我同男朋友都想食點心 又搵唔到夜茶飲俾埋張單我地TICK D野食，咁可以入去快Ｄ有得食等到我估八點半到喇就入得去D位都係勁爆 原來入邊好細 坐得十幾人到。嗌左6樣野分別有-蔥花炸兩-蝦搞-燒賣-X姑滑雞飯-蘿蔔千絲SO-蜜汁叉燒腸粉真係呢....我淨係覺得蝦搞係好食。D燒賣丫...隨時惠康買包燒賣叮都好食過佢-.-個炸兩....一D都唔好食個滑雞飯普普通通喇.....個蘿蔔千絲SO..有蔥...嗌個時唔知...我最憎食蔥...無食到。男朋友食得蔥三舊佢食剩一舊半個叉燒腸亦都唔係好食........-.-........仲要個時佢間鋪既人係到鬧交 超嘈 入邊又好細總之食完唔想坐耐個D。頭先同男朋友食完覺得去對面間上樓餐廳食無咁嬲= =算啦。都講下佢D好野2蚊一個茶位都抵既 佢會KEEP住針茶但係.....總括唻講，係又細又有D迫D野食貴但係又唔好食去完一次唔會再去 .____.我同男朋友一致認為去茶樓飲,平過佢又好食過佢坐得又舒服。隨時仲要平過佢.....下次唔好咁笨lol

店面細細, 只有大概5張檯晚飯時間多人, 有"逼人走"的感覺樓面姐姐有點惡,另外比較年長的女店員比較親切~食物的選擇不是太多,北菇滑雞飯($19) - 雞和菇也很入味~飯比較硬身,不錯蘿蔔千絲酥($18)-最好食的一個,熱辣辣又不會太油膩蜜汁叉燒腸($16)-很滑!!!叉燒不會太肥千層馬拉糕($15)-每層都有少少蛋黃~味道好,但乾左少少雖然點得不多點心,但已經很飽!價錢不貴,是尖沙咀吃飯的好選擇~茶芥=$2一位

昨日放工6:45pm來到, 見冇人排隊已經奇怪,但來到就試試, 點知.....首先, 落單後1分鐘就來义燒腸, 明顯唔係即做啦,唔夠熱亦唔好味,跟住, 來推介的 菠蘿奶皇飽, 完全唔惦,唔明點解要推介,最後係沙律明蝦角, 好油, d蝦唔得,好彩只係叫3樣試咋, 同旺角間添好運差好遠呀!!!!!

與朋友在三號風球之下飲茶，正確點來說，應是食點心啦沙律明蝦角係必食的，脆脆嘅外皮夾住爽爽的鮮蝦，好難忍口我都好耐未見過咁有中國特色嘅碟喇，裝住沙律醬，感覺好中西合璧灼生菜，嫩綠嘅生菜唔會灼過淋，好清甜叉燒腸粉，皮薄而滑好難做到，佢就係做唔到囉，不過碟腸粉料足都還可以啦蝦餃，皮薄-有，料足-有，但無18摺，算啦，無18摺都好好食吖燒賣，豬肉筋太多了吧?亦鹹了點吧? $14當跌咗啦山竹牛肉，真係山竹墊底，無嘢好彈，如果要彈的話，喼汁唔夠酸呢餐$91，兩個人食到飽一飽啦 相關網誌 : http://hk.myblog.yahoo.com/jessicalim1112/article?mid=5028

飲茶實在是香港人的最愛除了上茶樓，新興一堆點心餐廳，讓大家可以隨時隨地吃到好吃的點心簡約的囍點心藏身在寶勒巷中今天剛好經過，就決定在這解決我的晚餐看在貼在玻璃上的報導原來囍是三位球星南華文彼得與晨曦朱兆基及羅志焜等還包括前奧運腳朱偉霖和一位圈外人合資開的營業時間由早上八點到半夜三點剛好吸納附近酒吧街的酒客晚上9點20分進入囍以白色為主的簡約風，是飲茶的另一種享受小店只能容納約4桌客人剛來時客人半滿離開時巳經滿座點心選擇不算很多但我最愛的蝦餃絶不失場就可以了，呵呵點了一客蝦餃、北菇滑雞飯及白灼油菜這裏的點心全部是現點現蒸的不過卻不用等上很久北菇滑雞飯(HKD19)先上蒸飯醬油由店員用壼子加上香菇豐厚味足，只有半片真的有點吊胃口，呵呵滑雞真的很嫩滑，也很入味比坊間的酒樓來的好吃米飯當天有點硬個人不喜來硬的，實在有點美中不足店家自動不加油的白灼油菜，HKD13著實有點小貴重頭戲蝦餃在點後約7分鐘登場只要是好料，絶對不介意多等一下蝦餃皮晶瑩剔透澄麵皮又薄又Q蝦子又多又爽脆，起碼有三顆嫩紅蝦仁實在是非常好吃！小店很適合個人或二人同來不會像傳統酒樓般吵鬧茶位才每位HKD2，比酒樓來的划算服務也很不

見到新開張,所以就去試一試.或者係因為我太喜歡食點心啦!地方唔算好大,但都還可以既.由於,點心全部都即叫即蒸,所以都等左一段時間~~頗耐.沙律明蝦角:即做~夠熱又脆口,又好味,仲係原隻大蝦.蟹肉小籠飽:麻麻地,皮太厚,D餡又太淋patpat,又少湯蠔油鮮竹卷:熱辣辣~good!又多料.味道都幾好.懷舊糯米雞:抵食,雖然唔算好大隻,但足料,D糯米又夠黏~正呀!咖哩鮮魷魚:大大件,個汁又好味.P.S.下次會試o下個盅頭飯,好似幾吸引.差唔多每桌客人都有叫...

今天行行下來到囍點心, 唔睇menu都唔知原來係食點心. 店子細細, 遠睇以為係時裝店添. 我叫了燒賣及蒸雞飯1.蒸雞飯 - 雞好有雞味及最緊要d飯軟硬及水份都剛剛好, 食完個碗底無油, 唔錯.2. 燒賣- 有點over cooked了. 一上台見到燒賣上有好多黃色既水, 及燒賣既形走曬樣. 食下去有小小酸味 <-不過我無出聲. 蝦及肉既分量都一半一半, 唔太多肥肉. 只係差在有酸味.店內提供2款茶, 茶味好濃及最緊要係不會太熱<-個人覺得唔錯 及D服務生常會替客加茶, 態度超好. P.S. 店子冷氣不太夠, 如果店內太多人, 一定會食到出汗. 怕熱既人要留意.

見到新開, 又多好評, 心郁郁去試吓, 地方不大, 約廿十個座位左右, 點心都唔算平, 比旺角區貴2-4元, 可能是地區關係, 約七時去到, 點知聽到客人投訴飯熟唔透, 要再番蒸, 心想可能一時失手啫, 叫了幾樣點心, 味道不是很好, 也不是太差, 很一般, 但其中一碟點心, 竟然無左主菜, 廚房師傅至侍應都不知道, 照樣放下枱給我, 吓, 有無搞錯, 好明顯少左啲野噃, 都照放落黎, 直至我出聲好似少左啲野, 佢先說, 唔好意思, 要比返廚房, 又要再等十分鐘, 想叫豆漿, 又賣晒, 叉燒飽, 又賣晒, 七點幾, 咁多野都賣晒, 唔係嘛, 呢間係我試過咁多間最差的一間, 相信我都一定不會再來了

點心小店的熱潮真箇是方興未艾，最新的一員新力軍便是位於寶勒巷內的"囍點心"....未吃之前先來這裡做做功課，想不到還有相當不俗的評價，那就更添期待了....十二時之前來到，仍未到午飯人潮湧來的時候，人自然不多。不過這樣細的舖位，人多起上來，又怎能支持得住 ? 若果真的是一如食友們說的高水準，恐怕這兒又會像"添好運"一般成為人龍店了....早餐專登吃少一點，到了這個時候，肚子已差不多餓扁。一口氣叫了一盅北菇雞飯、一籠鮮蝦菜苗餃及鮮竹牛肉球，這才對得住那已呈扁平的肚皮嘛....飯是一如食友說的，是用瓷盅乘着，未吃之先已留下好印象。飯是偏硬的一類，很乾身，配上沒甚下味精的豉油同吃，甚美味。雞件雖然是雪藏的，但醃得甚夠味，不錯。再看到那一件雖小但厚身的冬菇，立時想起上次在龍城的羊城內吃到的，對比實在太大了....即叫即蒸於現有云云點心小店來說已不算是什麼賣點，這裡自然亦不例外。菜苗餃剛蒸好便奉客，但小弟可能是太肚餓了，看見那餃便馬上舉筷，弄得那澄皮黐成一團實在是自作自受(正常情況都要攤涼一會才夾的)。蝦肉還算新鮮，若果菜能下多一點就更添爽口之感...牛肉球一碟三小粒，吃落不是淰pat pat的