韓食媽媽韓國料理

Open Now

Now Closed

東大街出名多野食 今日黎左韓食媽媽食lunch店員都係韓國人 多左一份地道既感覺而且溝通都絕對無問題👍🏻除左Lunch set之後 都可以散叫牛肉石頭鍋飯石頭鍋燒到慶合合 攪拌既時候要快手 唔係d飯焦好易燶😝辣炒年糕年糕係屬於比較幼身同細條 似係平時係超級市場買到一包包個D所以唔算特別煙un 但味道搭夠 亦都有好多魚糕做配襯海鮮煎餅🦐足料既海鮮配上脆卜卜既煎餅好食 亦都唔會蔥多過麵粉 岩曬我呢d唔係太好蔥做煎餅底既人原味甜辣無骨炸雞叫左半半既味道 但相比起黎 甜辣就比較惹味d炸雞既肉亦十分juicy 外脆內軟而且無骨炸雞啖啖肉 正🤤

Suddenly wanna have some korean dishes and finding online and have some delivery foods, the food is quite nice esp the crispy fried chicken haaBoneless crispy fried chicken having tender meat and crispy layer, the taste is yummy too, i just having too much of it laaaAssorted Seafood and spring onion pancake isnt bad and way better than pork pancake but you barely feel seafood insides lollKimchi and pork pancake is deeply disappointed me, too strong sourness and simply badEarl Kimchee Hot Stone P

成日都聽朋友講話筲箕灣東大街有好多野食，今次終於有機會嚟到試一試。兜左一個圈，最後入左一間韓國餐廳食lunch。.午餐都有唔少選擇，價錢平均六十幾蚊都算合理。前菜有泡菜、薯仔同芽菜，仲有一碗紫菜湯。薯仔醃到甜甜地幾好味，其他味道則普普通通，無咩特別。✨牛肉石鍋雜錦飯本身以為牛肉喺一塊塊的，結果原來只是肉碎粒，量少而且仲無咩牛肉味。食之前記得加埋韓式辣醬撈一撈，咁樣食落會惹味好多。飯既份量好多，默默食到最後都食唔哂，食到底仲有大量脆口既飯焦。食物味道平平，比較似家庭式的韓國餐廳。

聽朋友講，呢間好食來試，確實碟頭幾大，不錯，但比我見到一件小插曲，話說，有人叫外賣速遞平台，有個女人（速遞員）來拎，個男人比佢，走左之後，有個女人（應該是事頭婆）發現拿小一袋，仲話個男人，叫佢睇清楚，點知，好戲在後頭，個事頭婆打比外賣速遞平台賴個速遞員，拎少袋，因為如果鋪頭錯，要比多次服務費，但係，今次佢講大話明屈人，就唔啱，個速遞員15分鐘後再折返來拎，仲同番個男人講，係你比少袋，跟本唔知有兩袋，所以見到個速遞員好慘，所以幾好食都假，屈人好討厭

呢日來到東大街覓食， 周圍都好多人剛剛見到有人出來，所以不用等。老闆娘有濃厚韓國口音，一聽就知道呢道野食一定有水準今天點左韓式炸醬麵十分簡單，沒有花考野。係韓國食到的味道配菜都好好食，個人最鍾意薯仔甜甜地

店員盡責﹑有禮﹑友善，有幫手量客人嘅體溫。店內檯凳都企理﹑乾淨。燈光光線充足。黃色燈光令人感覺更加溫暖。杯麥茶嘅濃度適中。前菜有甜甜地嘅薯仔粒，爽口嘅芽菜，同埋泡菜。泡菜嘅辣度只係小小辣，啱晒我呢啲唔食得辣嘅人！紫菜湯略為鹹左小小。天氣凍凍地食石鍋飯真係好正！石鍋飯材料新鮮，唔落辣醬都好好味。石鍋飯好暖笠笠，我搞左十零廿下，就可以令到隻蛋變成熟晒嘅蛋碎。就算過左大約廿分鐘，個鍋都仲係暖嘅。啲飯焦亦都未至於凍晒。正呀！

呢間餐廳午飯時間都幾多人，所以預先就打電話book定枱，一去到就有得入。佢午市選擇唔係好多，有泡菜鍋飯，炸醬麵，我就揀咗比較養生嘅人蔘雞set。上枱係非常之滾，要小心掂到個鍋，唔係會辣親。人蔘雞仲有啲糯米，食落去有人蔘味，雞肉都非常嫩滑。套餐仲有一碗飯，其實就食得非常之飽，因為已經有湯有雞有糯米，仲有一碗飯。其實呢個套餐啱慢慢嘆，好似我返工放lunch嚟食，要趕住食就冇咁嘆啦，因為個鍋真係好熱，夏天食直情食到出晒汗添。餐廳侍應部份係韓國人，都非常友善。同行有人食嘅泡菜鍋飯都非常正宗，呢間韓國餐廳可以再試。

第二次同女朋友嚟食呢間韓國菜服務周到細心，見我哋燒到個爐有油會主動行埋嚟清潔！上次嚟食叫咗生牛肉同牛肋骨湯今次要再回味❤️牛肋骨湯來講， 好清好香牛肉味，送飯一流呀！喺香港好少食到好味嘅豬皮呢間好新鮮好爽口仲好有淡淡的豬味有少少食到韓國味道😍😍😍上次去大埔食一間韓國放題難食到即刻Lur出嚟仲要有豬毛好似沙紙咁🤮女朋友嗌咗最鍾意食嘅牛舌佢話好香牛味 好嫩滑仲嗌左廚師推介韓媽媽媽媽牛排骨好味有牛味 但係$198 4件兩人食都仲OK Overall嚟講我會為咗佢嘅豬皮牛骨湯再返嚟🥰🥰留意番都要等位㗎！個場好爆！

外賣叫咗雙拼炸雞同韓式年糕 炸雞唔錯 甜辣味好食原味就普通少少 但係薯條難食到入唔到口 同埋年糕同魚糕得好少全部都係洋蔥同菜同雞蛋 年糕得幾條 真係超級唔抵食 味ok但係cp真心太低

無去韓食媽媽一段時間，今晚想嚟食韓燒。星期五 7點嚟到，都幾多人。都等咗大約 25 分鐘有位。東大街小店係有啲逼，但坐落係 OK 嘅。今晚想試吓啲唔同嘅嘢，無叫套餐。一如以往有4碟前菜叫咗個韓食媽媽牛排骨， $198 有4條。比想像中幼咗啲，味道不錯。 最特別係有芝士跟埋，味道帶甜，同牛排骨一齊食又幾好味幾特別。另外叫咗個豬腩片。單叫比二人餐大概是多了一倍。嘢飲咗凍嘅柚子茶，$18 都幾抵食完份量剛剛好。但下次都會揀返2人套餐，抵食啲。

見有好評便來試吓，要等位，應該好食吧。點知～ 超級中伏！ 點了兩樣嘢，泡菜海鮮豆腐鍋（包飯）$78 和 燉牛排骨$128。 兩樣嘢都唔掂。首先海鮮鍋的份量極少。海鮮是雪藏貨，而且是微型晒士。可數到有2隻蚊型蝦仔，2至3小舊魷魚，1粒蜆仔，1隻連殼蜆仔。豆腐是半舊百福。味道還可以，但這價錢這份量這貨色，實在欺人太甚吧。 menu相片是好多海鮮, 有好多連殼蜆，完全違反了“商品說明條例”。（後來睇返原來之前也有食評投訴食物與相片極不符）好了，跟住是另一道菜炆牛排骨。心想貴咁多應該冇事吧。點知……這道菜在其他地方吃過很多次，我知味道是怎麼樣的。呢度嘅真的難食。因為居然是甜的！它的甜不是來自蘿蔔或者紅棗的甜，像是加咗好多糖。總之就是難吃。這餐廳不會再 encore 亦不推薦。沒有吃韓燒不知怎樣，但我已對它沒有信心。只覺得他們不是用心做菜囉。

小店的老闆娘會講少少中文，價錢唔貴但份量比較細。我們點了燒上等無骨ribs, 燒蝦。上等牛肋骨燒完juicy, 是不錯的，但只得4片，如果6片會更好。蝦方面，8隻內6隻都痴殻，係即未夠新鮮，大部份好刴！我地另外叫了煎餃子，炆牛肋骨. 正正常常不過不失！服務方面是不錯的，主動換爐板，但小菜是不會主動refill, 只把空了的碟子收走。但特別叫他們refill 了薯仔及菜，沒有給面色。今日星期日，7點已經要等位，記得訂位呀。我們會再來，但下次會叫熟食

香港連鎖經營嘅韓食成行成市，呢類獨立型小館嘅質素常常令大家驚喜。邊食邊觀察店員對顧客嘅招待，絕對係一種享受，因為呢一種一家人一起經營嘅小店，嗰種温情，令原本已好有水準嘅食品，再添一種令人回味的感覺。我分別點了水冷麵、泡菜煎餅再加豆腐海鮮湯。水冷麵跟我係平昌食嘅味道係相同㗎，麵條軟硬度剛好，冰冰咁剛好中和左泡菜煎餅嘅辛辣感，好正！豆腐海鲜湯好鮮甜，飲左個胃好暖好舒服，再加左個飯一齊食，真係好幸福呀！

筲箕灣東大街是東區皆知巷聞的美食天堂，揾好野食易過借火一向秉持著敢於嘗鮮的精神，便隨機衝進了這家像是家庭式經營的韓式烤肉店。 入座後點了食物，說韓語的店員便立刻端上四碟前菜，四款都很討喜，而個人特別喜歡香甜軟糯黑豆。配菜是可以免費refill的。我們三人點了四個小菜，份量價錢比例合理。有海鮮蒸蛋，水冷麵，泡菜薄餅和豬手生菜包。以食韓食經驗，我認為這家店有用心保持韓國小菜自身的味道和烹調方法，沒有因遷就香港人口味而調節，是值得欣賞的。有韓式住家菜的味道

韓食媽媽在筲箕灣食街已有段時間了！今日又專登帶左個同事去食飯！午飯時間店內都有好多人，我地坐在卡位，2個人坐埋一邊，都幾逼！韓藉老板娘中文愈來愈好，可以聽得懂我地講咩啦石頭鍋飯份量唔多，勝在熱滾滾地搬過來，左撈又撈，加番韓式辣醬就好好食！不過肉較少，肉食者慎叫！泡菜豬肉鍋+白飯湯底香濃鮮美，撈飯一流，不過豆腐及肉片超少，會唔夠喉，食完只係覺得剛剛好，男生慎入！其實我最愛食這家的前菜，味道非常正宗！