恆香冰室

Open Now

Now Closed

早幾日朝早要去石門整啲嘢石門站除咗京瑞廣場另一邊就係碩門邨村內都有幾間茶餐廳同冰室㗎今次試咗呢一間恆香冰室嗯… 整體嘅食物就好似標題一樣不過不失啦叫咗例牌嘅早餐沙嗲牛麵，配煎蛋多士今日啲牛肉有少少硬 其餘嘅都一切正常但就冇乜特別不過呢間餐廳都開得幾早有啲其他嘅仲未開門😅

簡單講，一食落去粒午餐肉入邊仲係凍嘅，或者可以講係有啲冰，湯底太過淡，隻蛋有鑊燶，杯熱奶茶，奶味茶味都比較淡。另外試咗都試老婆餅，不可一不可再。啲侍應都係舊式茶餐廳服務😌大家明就明

呢間小店，諗住去新開去試吓，嗰啲員工服務態度差到爆，咁本人係有一個問題先，首先我拎住隻狗仔問佢有冇位，咁佢答我有咁我就入去啦，之後有兩個員工衝出嚟，同我講，我哋呢度唔歡迎寵物，咁我答佢唔好意思，我唔知啦，我放佢入狗袋得唔得呀？佢話唔得。咁我咪走囉，佢仲話香港法列規定所有食肆唔可以帶寵物入去，咁我答佢哦，我唔知，唔好意思😅！咁我走咪冇問題囉，之後佢喺後邊鬧過份我都冇坐低過做乜有問題呢？佢係咪做嘢做到唔知自己有問題呢？未坐低就俾人鬧到咁甘，坐低咗之後咪仲金。食唔食？真係你諗你？呢啲態度想執笠多啲

11點半後入座見到仲有多空位，但員工安排坐冷氣滴水位，其他客人有空位都要搭枱，諗住試吓新茶餐廳，但係員工服務唔係幾好，嘢食都只係一般般，試咗個常餐只係一般，冇乜誠意。

午飯時段又去到沙田，今次唔係去市中心嗰邊，而係過咗石門原來同市中心都有一段距離，搭巴士都要十幾分鐘先到。望咗啲餐廳一陣，終於見到有間唔使排隊，就入咗去喇。我嗌咗一個全日早餐，入面有吉列魚柳、炸薯餅、牛乳炒蛋、牛油粟米、熱香餅同埋法蘭克福腸添。我仲叫多杯牛乳紅豆冰之外，嚟到呢一間舖頭，一定要食下佢哋嘅老婆餅啦。呢間舖頭整體嘅所有食物味道都唔錯，老婆餅熱辣辣就更加唔使講，非常好味。雖然價錢有少少貴，咁樣食法都要八十蚊。但係非常飽肚，份量冇呃人。

好似大鄉里出城咁，第一次坐屯馬線來到石門，估唔到出站後見到這裡咁繁忙，與朋友揾地方食晚飯，經過見到這恆香的招牌，和門口包餅櫃內的老婆餅，感到很神奇：老字號賣餅的恆香竟然有餐廳，便二話不說要幫襯！裝修幾靚，我哋坐在落地玻璃側的卡位。食物的種類就是茶餐廳類，我們二人都點了小菜套餐，就可以share 食！生炒排骨可以話係香港小菜的代表，真心覺得這裡做得幾有水準，鑊氣夠，絕對可以媲美大酒樓的出品。西蘭花炒魚塊也不俗，火喉夠，調味得宜。晚飯小菜套餐附送白飯一碗及羅宋湯一碗，幾抵食！很欣賞以餅食而出名的恆香，做飲食都幾有水準！

因為恒香老品牌咪入去試下第一已安排個冷氣風口下的位置，如果真係晤想閂細d 冷氣，下次比大隻嘅男士坐會好啲第二叫左個下午茶餐，想份多士走牛油，点知落枱冇不持止，仲要加厚第三因為下午茶時間知道繁忙，我都諗住快食快走，加上頭頂d 冷氣真係真心有啲大風，点知我個位仲有2處滴水位（左右手各一處）真係連杯秒速變凍及晤好飲嘅熱飲晤想飲，盡快啲走人。

噚日（2-2-2024 Fri)lunch hour出一出去，由於呢晚老公出街食飯，我自己一個返屋企蒸少少嘢食，驚唔夠飽，諗起呢喥有恆香，可以買皮蛋酥返去，咁問埋同事食唔食啦，問咗話唔食，咁我行到過嚟睇，皮蛋酥一個賣$11.00，再睇其他，見到$10.00一個嘅迷你....蛋酥？原來唔係，係迷你蛋黃蓮蓉酥，然後又睇到有流心奶黃酥，要$15.00一個，重貴過皮蛋酥。但上次喺富臨皇宮飲茶時share嗰個奶黃包好唔痛快，咁不如買呢個填補返。順便睇到上次運輸公司請嘅老婆餅,賣$10.00一件,食評係2024年1月26日刊登嘅呢篇: https://www.openrice.com/zh/hongkong/review/%E5%9B%9E%E6%86%B6%E5%98%85%E5%91%B3%E9%81%93-e5263238咁最後決定買4個流心奶黃酥同1個皮蛋酥，收銀問我要唔要多1個，可用盒，我答唔要lu。咁盛惠$71.00，但見到佢用兩個紙袋入住，咁大件事喇，我諗住皮蛋酥放工拎返屋企，點可以咁拎？於是唯有唔環保，我俾$1.00要一個膠袋，佢攞個大膠袋嚟，我指住枱上透明細啲嘅，我話呢個得唔得？

近聖誕星期六在此午餐，下午1點剛有位不用等直入。環境服務一般，較為擠迫，滿座也較嘈雜，選擇多。涼瓜牛肉配白飯$65，是大份量的，牛肉也足夠，稍鹹多油，涼瓜甘甜，還加了不少三色椒，平衡了鹹度，不錯。人多嘈吵，整個環境都給我要趕快食完離開似的。

今日同朋友去左石門搵下午茶食 見到呢間啲裝修都算ok 就入去坐先嚟介紹下個金磚西多賣相唔錯外脆內軟不過本人覺得煉奶少左啲😆然後再嚟雞翼沙律餐擺盤唔錯 好少餐廳會用一個兜仔裝沙律 呢個係一個小驚喜不過唯一失望係其中一隻炸雞翼 出血水同職員反映叫佢比過一隻我係完全零反應🌚🌚杯野飲 阿姐落單 寫少冰少冰少冰🤣🤣🤣佢係玩嘢定認真？？總結不過不失下午可以再試吓其他食物！比錢時見到有老婆餅出爐， 最後買左半打走人😎😎

今日第二次到恆香試早餐，今次終於叫到吉豬啦，仲要見到覺得比錢係大晒嘅奧客～先講食物～叫左吉列豬扒拼脆皮腸配 3.6牛乳香滑炒蛋 ＋脆炸薯餅 ＋牛油粟米＋熱香餅$48例牌叫凍齋啡走甜～吉豬上檯時仲係出煙嘅，外脆內軟，外皮剛剛好不會太厚，調味恰當。寫就薯餅，黎就薯格，雖然事小但最好同客講聲，炸到好嘅，咬落去唔會一口油。炒蛋，夠熱夠嫩滑，冇滲水。熱香餅，正常。其他叫貨嘅正常啦。凍齋啡，都屬於正常。基本上同第一次食嘅水準一樣，屬於正常冰室以上嘅水準。戴返頭盔先，我覺得好唔好食≠你覺得好唔好食，好唔好食因人而異。同場加映～奧客～話說 四人卡位有貼繁忙時段兩人坐埋一邊，咁我睇住個阿叔同個大媽，人哋店員入坐已經叫佢坐埋一邊，佢哋唔理，咁個店員都無奈，大媽到餐時店員再提一次，都唔理，阿叔果份到時再提個阿叔話得啦有客我會坐過去，點知，開始冇耐，真係有客，咁個店員有禮貌唔該前唔該後，但個阿叔鬧爆人，話食緊野叫佢調，應該一早講，⋯⋯睇到我O咀，個店員硬食，不過佢又豬左，阿叔同大媽講啲嘢都好信？店舖有時強硬多數都係由西客起，比個幾廿蚊當自己皇帝咁。

下午茶叫左一碟 XO醬楊州炒飯，以$49嚟講，有少少失望，因為叫咗之後大約2分鐘就送到嚟，已經有點奇怪，都幾乎可以肯定唔係即炒，食落只係常溫，好難過。蝦同叉燒嘅份量尚算合理，但由於唔夠熱令整個飯變得好難食。由於只係食咗半碟飯，我再叫一個蛋撻。蛋撻嘅甜味令人覺得有啲奇怪，冇蛋香。至於環境方便，新裝修，都好舒服。呢個都係好鼓勵我入去試嘅原因。同一條街附近商場都有好多餐廳，希望貴餐廳可以作出改善，俾我哋多一個選擇。

11:30am 入去堂食，人數1人，有一半空枱，都要同另一位陌生人搭枱迫2人枱，食完12點都仲係好多空枱😡隔離枱話野飲黎錯，侍應仲鬧返個客話佢講錯咪黎錯🙄食物味道：招牌金沙炒飯，正常蠟腸炒飯$68，無特別飲品：多次叫凍啡/凍華田少甜少奶，都無少甜，有時仲會多甜多奶，甜到飲唔落環境：2人枱迫夾，仲要次次搭枱坐衛生：正常算乾淨服務：個個員工都好似大曬咁，仲會鬧客人，都會比說話客人聽，完全無禮貌，入黎食飯仲要受氣？！結論：食得唔舒服，都係唔會再食

剛剛路過石門 發現新開了一間茶餐廳。滿心期待 因為由餅店 增線業務開餐廳看看水準如何。我點了個下午茶沙牛煎蛋漢堡配薯格飲檸茶盛惠 $49一送到後 有點失望 因與圖片不太相符不過因為恒香應該出名面包 餅類出色咬下包時 包是烘過的 很香 很鬆軟不過由於沙牛有汁 加埋漏出來的蛋汁底部的面包就淋哂… 有點失色😥薯格不錯 有水準 但份量不太多檸茶飲得出 同 其他普通的茶餐廳 茶味比較出 而且少甜 是真的少甜但冰還是那麼多呢 沒少到而且繁忙時間要搭枱 所以想hea而又要俾$50可能去coffee shop會比較好一些。

幫襯呢間冰室外賣，最好睇清楚個飯盒先攞走，午餐明明寫住： 馬蹄煎肉餅配香蔥煎蛋飯，返到公司打開一睇，本來充滿期待啲午餐變咗「豬扒煎蛋飯」 成個飯超失望🤦‍♀️🤦🏻🤦‍♂️馬蹄肉餅變咗豬扒，冇咗蔥油，隻蛋仲要好唔掂，蛋白散晒😠😠😠如果個餐賣晒，起碼同個客講聲，都好過求其俾啲嘢個客食…. 無下次❌❌❌