杏香園 (Closed)

我去的時候係月頭，港珠澳仲未通車，雖然通左車之後係好似方便左，但始終唔會為左食碗糖水而走到澳門吧，來自澳門的杏香園插旗香港，仲要係好方便我既九龍城，以後又多間糖水店選擇餐廳除左糖水甜品，仲有賣餃子同健康飲品牆上的其中一樣裝飾就係唔好食材的功效，揀野食之前可以參考一下先最吸引我的就係生磨杏仁、合桃、椰汁，仲有雪糕同鮮果類，選擇勁多，相信滿足到大部分人需要合桃糊湯丸 ($39)生磨合桃糊勁杰身，好足料，好彩當晚晚飯食得唔係好飽，如果唔係呢碗合桃糊都幾飽肚，湯丸煙煙韌韌，自家製湯圓用上同樣係生磨花生醬餡料，比起一般的花生餡香得多椰汁西米白果竹笙 ($52)將竹笙加入湯水都係第一次見，本身我都幾鐘意食竹笙，竹笙係完整的一大舊，睇得出唔係便宜貨式，白果每粒的芯都去除得好乾淨，如果唔係就會苦，椰汁香濃，雖然係家傳戶曉的一道糖水，由於椰汁係自家製，呢碗比家中煲出的高質得多白果杏仁茶 ($38)生磨杏仁茶濃濃的杏仁味，食完感覺好養顏，呢碗白果同樣地無食到一粒係有苦味，做得很好

大約晚上11點去到九龍城杏香園甜品舖， 未至於要排隊等位但店內顧客都好多。 冇打算食咩糖水或者甜品，後尾見到佢海報貼住推介羽衣甘藍湯豬肉餃或者羽衣甘藍素餃， 即刻食指大動。 掛住食都冇影到相， 湯餃個湯底係有羽衣甘藍，湯底雖然 對我嚟講鹹咗啲，飲得出係冇味精。38蚊8隻湯餃， 食完之後好飽。 叫咗個雪糕涼粉，佢啲涼粉有好多， 等個雪糕溶左啲，再把涼粉再撈埋‘溶左的雪糕一齊食，雪糕甜同涼粉嘅甘味一齊喺個口入面， 冇得頂。

次次經過九龍城都想試下呢間糖水舖，但一直冇機會，事關九龍城實在太多美食，次次都食到好飽冇機會黎食。今日決定點都要試下，就外賣左返屋企。侍應講解話最普通既杏仁茶可以揀唔甜或少甜，適合有唔同要求既人，果然係專門食杏仁茶，杏仁茶花款都比較多。 本身想揀蛋白杏仁茶但因為係燉只有熱嘅，又想食凍又想有d嘢咬下，就揀左凍既白果杏仁茶。呢個杏仁茶超正😋😋😋😋杏仁味夠重，白果量都唔少，冇苦澀味，一流呀🤤🤤🤤真心推介呢間既杏仁茶❤

【杏香園】始創於廣州，始創人於1963年移居到澳門，並且開了現在的【杏香園】。由於其甜品的製造方法都很遵循傳統而且食材經過嚴格挑選，因此【杏香園】頗有名氣，不少明星都是坐上客。筆者去澳門遊玩時，都去【杏香園】到此一遊。今日到九龍城買餸，踫不上周潤發，但竟然踫見【杏香園】 原來已經在香港開了三間分店，真正的過江龍。用上清新的翠綠色配上四、五十年代的地磚，是否要傳遞一些信息？牆上掛上幾幅甜品成材，而且細說每款甜品的功效，讓客人加深了解。【杏香園】原來與【farm direct】及【樂活】合作，因此加入新菜式，但都是非常健康而且本地出產，不得不支持一下。【杏香園】甜品餐牌沒有圖茂並。 前後兩頁杏香園的甜品款式逾 60 多款， 分為11種類: 杏仁、合桃、馬蹄沙、椰汁、湯丸、雪耳、腐竹、香芋、鮮果、雪糕/冰。【蛋白杏仁茶湯丸 $49】杏仁富含抗氧化物不飽和脂肪酸，可預防細胞老化，潤膚駐顏，延緩衰老，更可預防糖尿病和心臟疾病等。加上含豐富蛋白質的雞蛋白，能潤滑美白肌膚，增強免㽺力。真係女人恩物！杏仁的味道不是人人能夠接受，但這碗杏仁茶的杏仁味並不霸道，加上蛋白後，味道更加平易近人。 另外有時候吃

放工後，同朋友食過晚飯後轉場去食甜品。行經依間餐廳，見環境幾乾淨，所以就入去食甜品了！芝麻糊：芝麻糊有熱和凍選擇，個人比較喜歡吃熱的，所以特意order。芝麻糊既口感完全不同自己買沖濟既一樣，依度既口感好滑身！入到口中可以浪深感受到芝麻種香味啊！甜度剛剛好添呢！椰汁西米咋渣湯丸：依款甜品一次過滿足晒我四個要求！椰汁份量不少，充滿椰香既味道。至於我最愛既西米份量超級多，每一啖刀可以食到西米。咋渣甜度剛好有不少芋頭，非常香口。湯丸口感煙un，是花生味道。榴蓮綿綿冰：個人吾食榴蓮，是朋友order的。他不停大讚濃郁既香榴蓮味道，冰非常幼細。佢話一定要推薦比大家啊！

今天去左住九龍城的朋友家食晚飯，閒聊一整晚，我就請朋友食糖水做消夜，我知道衙前圍道有一間老字號的杏香園甜品店，澳門和香港都有多間分店，每次我經過也會入去食返碗。糖水真材實料，好好味啊！蛋白白果蓮子腐竹水 ，白果和蓮子都夠林，腐竹已煲溶在糖水裏，蛋白超滑嫩，甜度也剛剛好！竹笙蓮子杏仁茶 ，生磨的杏仁茶味道香滑又濃郁，竹笙爽口，蓮子夠林，不會過甜，是一碗健康的甜品椰汁西米咋喳湯丸 ，材料豐富，有蓮子、西米、芋頭、紅豆、白果，湯丸是自家新鮮手搓的，蔴蓉餡好好味，咋喳足料，甜度適中，加左椰汁更香濃！

來九龍城除了吃泰國菜，甜品亦不能錯過！要坐得舒服吃到有質素的甜品，杏香園是不錯的選擇。我還是第一次來，如果沒有朋友的好介紹，真的會錯過這家高質的糖水店。《夏威夷木瓜蓮子雪耳 $53》女孩子要滋潤一下，木瓜雪耳就最適合了！木瓜好香甜，雪耳又煮得夠軟腍，真心高質。《合桃糊湯圓 $39》份量十足的合核糊，質感濃滑，合桃味突出，而湯圓亦夠煙軔，如果喜歡傳統糖水的朋友就不能錯過！《芒果龍眼雪耳 $53》另一養顏之選！雪耳煮得很軟綿，龍眼及芒果味道香甜，份量亦夠多

今次試食糖水，香港人當然吃中式糖水啦！秋天到要吃滋潤的夏威夷木瓜雪耳，很大碗、木瓜好大件，裡面還有大概十粒連子，立刻感覺很滋味，😽如果喜歡潤潤的、清清的感覺的你一定要試！😋另外點了一碗紅豆沙湯丸，質感超實在，最喜歡紅豆沙是厚實沙沙的感覺，絕不是紅豆水。味道又甜又香，湯丸內的是餡是花生🥜，共有5粒之多呢，裡面也有連子，是很划算又飽肚的糖水之選。👍🏻👍🏻最後，重頭戲是腐竹雞蛋🥚糖水，腐竹溶化在整碗糖水內，每一口都嚐到腐竹連子的味道，雞蛋大大隻，特意留到最尾才吃，不然雞蛋滑來滑去就會掉出碗外，可先品嚐糖水再吃雞蛋，坐立在九龍城中比較高質的糖水鋪。🙀🙀而且，店舖更定時有不同新糖水推出，令你百試不厭！💪🏻

吃過晚飯後, 便在附近找到這間傳統中式糖水店吃糖水。餐牌上的糖水款式非常多, 我猶豫了很久才終於選定了一款糖水, 我選擇了蓮子白果杏仁茶。杏仁茶質感香滑, 有少少杏仁微粒, 充滿杏仁香, 甜甜的, 底下有很多蓮子和白果，非常足料, 啖啖也吃到非常多的蓮子。喝完杏仁茶, 我便看到一張海報, 上面有我喜愛的桑寄生蛋茶。桑寄生茶有助消化和消滯, 我很想喝但又有點兒飽, 所以我要了一碗桑寄生茶不要雞蛋。這裏還有很多款糖水我也想試, 下次要試一試他們的招牌合桃糊。

九龍城除了是泰菜集中地，甜品店、糖水舖也是總有一間在左近，這天我就在來自澳門開業跨越半世紀的糖水老字號 - 杏香園吃個糖水當下午茶。平實小店格局，裝修走懷舊風，環境就比舊式的糖水店企理衛生。甜品款式多不勝數，中式西式一應俱全。雪糕椰汁西米紅豆粒涼粉 $54左撈右撈超大堆頭的一碗糖水，可以一次過嚐盡多個款式。個人尤其喜歡大粒飽滿、熬得起沙的紅豆，配上處處飄香的椰汁、晶瑩剔透的西米和消暑清熱的涼粉，確實是十分足料，吃完這碗後肚子其實已經飽了大半。楊枝甘露 $44若論港式糖水中最有香港特色的款式，楊枝甘露必屬經典之一吧！這碗加了不少芒果和柚子果肉，毫不酸澀，吃起來充滿果香。完美達成柚子、芒果與椰奶的黃金比例，入口清甜沁爽，為味蕾帶來不一樣的幼滑感受。芝麻糊 $29雖然這裡是以生磨杏仁露聞名，但我還是獨愛益氣養血的烏卒卒芝麻糊。表面泛起光澤，口感濃稠細滑，不過如果甜度可以再減淡一點，就可更突出芝麻的香氣。

同阿媽出黎慶祝生日，食完九龍城泰國野咁重口味野，飯後甜品唔少得，要清潤返係九龍城發現左間新既中式甜品鋪，以為係新開，查一查原來係澳門開過黎既芒果馬蹄沙每啖入口都係粒粒爽口馬蹄，食過既馬蹄糕都唔夠佢咁足料芒果又新鮮鮮甜夏威夷木瓜蓮子雪耳木瓜好甜，加左有益既蓮子，雪耳軟身，整體煲出黎，好重膠質，味道甘甜又清潤滋陰，應該係女士們最愛白果腐竹湯圓 阿媽話好食，腐竹溶哂又綿，白果滋陰養顏，阿媽食唔哂俾埋我，白果原來超多，甜甜地無苦味湯圓係手搓，湯圓皮薄，花生芝麻餡但未夠流心

食完拉麵又好想食糖水，即刻又想起杏香園的蛋白杏仁茶，朋友未試過，我當然要帶佢去試下九龍城呢間我已食過好多次，呢間係杏香園進駐香港的第一站，剛剛去完澳門，反而沒有幫襯當地的杏香園，總覺得香港店更為適合我口味。店內裝修用綠白為主調，又清新，又潔淨蛋白杏仁茶(熱)~杏仁生磨，真材實料，味濃而順滑，蛋白超多，少甜，識食一定係熱食，入秋吃特別覺得滋潤美顏暫時未食過另一間糖水店質素比它好椰汁馬蹄沙(凍)~杏香園另一佳作椰汁味香濃，馬蹄打成沙狀，非常足料，與椰汁好match冰凉又潤喉，正！桂花蓮子百合桃膠~朋友指定一定要食桃膠，佢話係平民燕窩，桃膠口感爽滑，本身無味，但加上蓮子百合製成糖水就非常滋陰養顏，而且份量頗多，好足料夏威夷木瓜椰汁西米紅豆~紅豆好腍，入口即化，原來係天津紅豆，夏威夷木瓜亦好甜，好美味

仲好記得以前讀書個時，成日都會同成班同學圍來話要去食糖水，甜品店一到飯後時間，時常都排長龍咁等位，到而家出黎工作，一放工食完飯都甚少話會同朋友去食甜品，早幾日係九龍城食完晚飯，仲見有胃口食下糖水，就去左依間甜品店食糖水過下口癮同重捨下回憶依間甜品店原來係來自澳門，係澳門亦有唔少分店，佢地招牌主力就係杏仁，所以我都叫左佢地既招牌熱杏仁合桃糊，賣相雖然平平無奇，見到杏仁汁係合桃糊面頭，有少少扭紋效果，淨睇糊狀樣子都好滑，估唔到入口更驚喜萬分，口感順滑，好濃郁合桃味，夾雜杏仁既淡香味，磨得好滑完全無渣無沙粒狀，好好食，呑後亦無粘喉感覺，值得推介呀而朋友就叫左夏威夷木瓜蓮子雪耳，份量好大份，感覺夠兩個人食，木瓜好鮮甜順滑，食一啖雪耳，更加驚嘆！係因為雪耳肉入口非常軟滑，幾乎入口即溶，好似食緊燕窩咁水潤甜滑，同一般食到既雪耳糖水帶爽脆口感完全兩回事，味道清甜，食得好舒服，唔會感到過甜而停口，我地兩個都好喜歡依種口感味道整體而言，甜品雖然賣相普通，但味道的確會令人食完有驚喜，會有想再食既感覺，價錢亦合理，不錯喔

好一段時間無去過九龍城，今日在附近不如去食糖水，記得有一間開咗好多年的杏香園，始終都是傳統最好，芝麻糊合桃糊都是生磨，現在已經唔多。傳統裝修，店舖唔算細，傳統甜品，但組合款式很多，食物店員推介馬蹄沙，照辦。蛋白馬蹄沙味道清甜，幾所口，馬蹄切條，大小適中最理想的口感。同伴揀合桃露湯丸，吃得出生磨的，不過未算好香，湯丸都是自己每日新鮮做，吃得出唔同，又係幾好。另一位同伴點夏威夷木瓜龍眼雪耳，貪佢夠潤，龍眼好，雪耳腍，都唔錯。

今日嚟咗九龍城食糖水，九龍城出名食肆多，出名嘅甜品小店亦都唔少，今次就揀咗杏香園。之前係澳門食過，算係澳門老字號，好多人排隊，見到香港都有分店，當然要嚟試下！椰汁白果馬蹄沙（凍），好足料，好少糖水舖可以食到呢啲傳統糖水，好啱夏天食，食完真係透心涼！蛋白腐竹合桃露（熱），舖頭嘅招牌糖水，強調係生磨嘅，望落比一般合桃露稀，食落好滑！仲有蓮子，估唔到合桃露同蓮子都幾夾，蓮子有咬口但唔會太硬，感覺呢個糖水更加養生！腐竹湯丸糖水（熱），腐竹糖水唔同我哋食開嗰啲，腐竹煲得好爛，應該都係老火湯水嚟，重點係啲湯丸，係人手製嘅，而且入面嘅花生餡都幾多，餡料唔會太甜，唔同市面食嘅湯圓！