Video
Introduction
A Korean restaurant located in Kwai Chung, décor in industrial style, offers local Korean cuisine such as Korean fried chicken, fried Kimchi cake and Jeonjo Bibimbap, etc.
continue reading
Opening Hours
Mon
Closed
Tue - Sun
12:00 - 15:00
18:00 - 21:30
Public Holiday
18:00 - 23:00
Public Holiday Eve
12:00 - 15:00
18:00 - 23:00
Above information is for reference only. Please check details with the restaurant.
Signature Dishes
平時真係唔會寫食評，但呢間野真係一次起兩次止少....附近都冇乜韓式食店，本身都幾期待個韓式年糕好唔好食，點知份量連半個鐵碗都冇..年糕得10片左右，仲要唔係韓國個種條狀..係超薄個種..明明寫住韓式，唔知點解碗野係啡色牛肉得兩片都算..仲有堆多過年糕既蔥，似食蔥多過食年糕..唔知係咪同枱叫左幾碗，所以一碗變幾碗咁出貨..真係冇野食叫隔離比埋碟前菜我食⋯⋯仲要d年糕係硬嫁😭收人68俾d誠意好wor⋯⋯真係搞唔掂...
continue reading
香港地成日塞車，所以身邊有唔少朋友就算有車都未必日日揸車，係去啲偏遠地方先會揸。今次有車朋友就帶我黎到葵涌光輝圍食好西，哩度唔近地鐵站，亦唔多巴士直到，如果唔係街坊都應該唔會黎到哩頭搵食。朋友食過話唔錯，鍾意佢鋪仔細細老闆做野親力親為又有心做，最重要係泊車方便，所以耐唔耐都會黎食。四式前菜(免費) - 前菜有芽菜、菠菜、冬菇同泡菜，有辣有唔辣，清清涼涼都唔錯，食晒仲可以免費refill一次。韓式惹味甜辣炸雞($70/四份一隻) - 哩度嘅炸雞除左可以點全隻同半隻，其實仲有個隱藏版1/4隻可以點，不過menu就冇寫出黎，通常係熟客先知。1/4隻大約都有五件炸雞，兩三個人食其實啱啱好，仲有位食其他菜式。炸雞上面嘅甜辣醬份量適中，唔會食到周圍都係好狼狽咁，炸皮幾脆，雞肉亦唔會太乾太鞋，不過留意返，哩度嘅甜辣炸雞係比出面食倒嘅辣，辣度大約係中辣程度，真係食得辣嘅朋友先好點。炸雞旁邊仲有醃蘿蔔，酸酸地解辣又開胃。梨太院墨魚煎餅($75) - 哩個墨魚煎餅比平時食倒嘅泡菜煎餅或者海鮮煎餅薄身同脆口，所以食落唔會有成口粉嘅感覺，另外因為加左墨魚，所以亦比較有咬口，蘸埋個醬汁食味道都唔錯。大邱燉肉排配麻油香飯($128) - 肉排燉到好腍，連啲骨都燉到腍腍地，骨肉亦好容易分開。排骨個醬汁鹹鹹甜甜咁，好啱用黎餸飯，除左排骨，瓦砵入面仲有紅蘿蔔同薯仔，所以都比想像中飽肚。韓式牛尾湯配麻油香飯($138) - 牛尾湯好清，飲落清淡之中帶少少清香味，而且完全冇牛羶味，仲一啲油都冇，感覺係比較健康，似似地韓國嘅雪濃湯。牛尾煲到好腍，同頭先個肉排一樣骨同肉都分開晒。除左牛骨，同樣有加入紅蘿蔔同薯仔。燉肉排同牛尾湯都有跟麻油香飯，用左韓國珍珠米加埋麻油黎煮，粒粒都好飽滿，食牛尾湯時，可以加埋香飯入去變成泡飯咁食。無酒精飲料($15/罐) - 食店雖然細，但有酒精同冇酒精嘅飲料都好多款揀。總結，野食唔錯亦睇得出用左好多心機去整，雖然樓面得老闆一個落單執枱傳菜埋單一腳踢，但見倒當客人對menu嘅菜式有疑問或者要求意見時，老闆都好耐心答，非常值得支持嘅小店。
continue reading
是日收早，未到晚餐，想找點小食填充吓個胃。係路上遇到這間不起眼的小店——有酒有小食，就選他吧！進店坐下，是晚第一位客人，侍應生招呼用心，見我只點小食，便熱心講解韓國手工啤。點畢菜後，食物陸續遞至。小菜，小店所限，只有四款，但味道很好，特別是菠菜及磨菇，你還會感受到爽脆與新鮮。辣炒豬五花，豬肉軟糯滑香，薄薄一片吃下去完全沒有肉膻味及肥膩感。坊間很多韓食店都是一味死辣，菜味、肉味、汁水完全獨立而行。這裏倒令人食出「和味」，椰菜、泡菜、豬肉、辣醬、香油的味道混而為一，很好。泡菜煎餅，上桌時心中一驚「死火，中伏！」，表面有唔少焦香。挾起一塊放進心，由大驚變大喜！邊餅鬆化香脆，中心香軟惹味，完全沒有苦味。一份煎餅，兩種口感，不禁令人憶起幾年前係明洞內街誤撞進去那沒有遊客生意的老鋪，那種傳統脆香煎餅的口感頓然令人感動莫名。手工啤是侍應介紹，一淡一濃，很不錯。由於沒有廚工加持，這裏不作評論。趁餐間與侍應閒聊，才得悉他是店主，而且剛來兩碟菜是他親手製造的。至今仍記起他「家中的長輩堅持要這樣做菜，我們的出品與坊間有所不同」這種低調的堅持！兩個字總結，美味！
continue reading
星期六的下午，走到舊日工作的地方，懷緬一下，雖然仍想吃很多老店，今次想試一試朋友介紹的韓式小店。光輝圍除咗報章雜誌時常介紹的一蚊一件煎釀三寶，其實好多穩世小店。行了一個圈，見到這間韓式餐廳，在門口有一個介紹午餐的餐牌，價錢經濟實惠。店內裝修簡約，播着relax的音樂，不是大吵大鬧的韓歌本來想吃安東嫩雞，已經售罄。侍應介紹了燉牛尾湯和肉排只剩一份，心想咁好賣就試吓啦！牛湯先上，熱辣辣一喝，好鮮好甜濃郁的牛味；肉排，個汁好惹味，配上薯仔，全碗飯也吃清配埋兩罐韓式飲品
continue reading
平時都懶得寫食評, 但今次真係忍唔住 . . .見有新開的餐廳, 而且忽然好想食炸雞, 所以即管試吓。叫咗半份“奶香芝味炸雞”, 本來以為同某連鎖韓式炸雞店一樣, 係撒滿香香嘅芝士粉嗰種炸雞,點知佢所謂嘅「奶香」, 竟然係厚厚嘅沙律醬 , 而芝士粉則少得可憐！沙律醬嘅份量係多到包哂成件雞！即使沙拉骨都唔會放咁多沙律醬,總之就難食到不得了！！！完全食唔到雞味, 只係成口沙律醬！之後我哋抹走啲沙律醬睇睇, 原來入面嘅雞皮已經返炸到呈黑色, 炸粉好厚, 肉又乾。相信放咁多沙律醬就係為咗掩飾返炸到變黑嘅炸雞！平時我同老公都唔會食剩嘢, 因為唔想浪費,但今次真係難食到食唔落, 結果剩低大半盤 . . .
continue reading