20
2
6
1-min walk from Exit A, Tung Chung MTR Station continue reading
Telephone
26731113
Introduction
The restaurant offers Japanese-style hotpot, which not only have a shabu-shabu, but also a sukiyaki. The all-you-can-eat it offers is one person one pot, limited to 90 minutes. The restaurant uses different beef from worldwide, such as Australian M4 Wagyu and Japanese Wagyu. continue reading
Opening Hours
Today
11:30 - 16:30
17:00 - 22:00
Mon - Sun
11:30 - 16:30
17:00 - 22:00
Payment Methods
Visa Master AlipayHK Alipay Cash UnionPay JCB
Other Info
Spot payment
Review (36)
話說上次同媽媽黎東薈城行街食飯.. 臨走個時經過見到呢間餐廳門口好多人排隊.. 好奇心驅使下, 我地決定要黎試下佢! 我地晚上6:30黎到.. 估唔到已經有好多人係門口等緊 建議大家黎之前 真係要book位 (不過book位都係只可以book到18:30架咋 之後時間既 都係要親自黎等位啊) 呢度提供 壽喜燒同涮涮鍋~ 我同媽媽都揀左要壽喜燒~ 湯底有4款揀:: 九州豬骨湯, 蕃茄湯, 龍蝦湯, 自家制麻辣湯 媽媽揀返正宗既 壽喜燒湯底, 我就想試下蕃茄湯 ~ 想講呢度用個鐵鍋係好淺, 所以食物熟得超快!! 基本上就係不停忙住淥野同食食食~ 蕃茄湯味道幾天然, 不過就唔算好特別 牛肉方面 有7種唔同等級選擇~ 而且仲可以 揀任食定唔任食 我地揀左 澳洲M4和牛任食放題套餐$288/位, 限時90分鐘 ~呢個set除左可以叫M4和牛之外, 仲可以任叫埋另外幾款牛:: 上選美國牛肉, 嚴選美國牛肉, 美國極黑和牛 另外, 仲有美國豚肉 同日本豚肉都可以任叫~ 想講, 壽喜燒湯式 真係必叫!!!!! 好好味呀, 好少可食到唔會過咸既壽喜燒呢!! 味道好豐富, 同埋唔夠湯既話 員工會好快手幫你refill返呢個裝湯既壺仔架 呢個湯式真心做得很不錯, 建議必揀 初頭覺得員工無乜笑容, 好似無乜禮貌咁 但食落之後, 發現其實佢地好主動幫手, 加湯, 收盤都好快 加上見到店內真係keep住好多客, 佢地都可以做到咁helpful 其實已經不錯.. 澳洲M4和牛 肥瘦真係好適中啊 !!! 牛味亦好出~ 一食 我同媽媽都不約而同話 估唔到任食既質素 都可以咁高~ 真心覺得性價比高, 值得一讚...  日本豚肉 豚肉亦都食得出係靚的部位, 無平時我好怕個陣豬既味道 美國極黑和牛 呢個係平一個價位既牛肉, 但估唔到 佢質素更加高! 大大既一片, 肉質非常軟嫩, 十分推介大家試呢一款牛!! 特別想介紹下呢度既豆腐, 特別在 佢係炙燒過架~~ 無咁易散開之餘 食落又有焦香味, 唔錯唔錯啊 野菜好多選擇 又新鮮, 估唔到連superfood羽衣甘藍都有呢 ! 另外特別推薦 蟹柳 一定要試 好大條又好有鮮味 雪糕櫃竟然有MÖVENPICK呢😍😍😍不過我偏偏想試新野啊~ 呢度有特別口味既雪糕~ 我就揀左沖繩海鹽味試下 淺藍色的 好靚 : ) 食落原來牛奶味好重 比咸味重, 不過都幾得意既 自助醬汁調配區 飲品自己拎 ~ 好多凍飲款, 好彩都有三款熱茶茶飲, 適合中女如我 xd 店內環境不錯~ 雖然地方唔算好大, 但係絕對係坐得舒服架 兩個人黎食既話, 都會有一塊木板將你同隔離枱隔一隔, 唔怕眼望望會尷尬 XD 整體黎講係食物質素高的一間日式火鍋放題, 特別係 壽喜燒湯底 同呢度既牛肉 做得特別出色 ! 其他配菜同甜品都做得不錯 所以大家想試既話就真係要盡早黎呀.. 或者平日日頭黎 就可以避開人潮啦^^ continue reading
(The above review is the personal opinion of a user which does not represent OpenRice's point of view.)
Level4 2019-11-05
2296 views
送完老友機🛫,就去咗東涌啲outlet 店睇吓有冇荀野之後先返屋企,東薈城名店倉就都冇乜人行😂😂,唯獨係呢間餐廳出面有好多人等緊位😳,咁就八卦望吓啦,原來係食牛肉火鍋放題,橫掂都係就試吓佢啦😜😜大概等咗半個鐘到就有枱了,都係啲四人枱中間有塊板間開,都容易聽到隔離枱講咩😂不過我覺得食物質素先至係再緊要啦😚我哋叫咗澳洲M4和牛90分鐘任食($288),而呢度係一人一鍋食法,咁我哋叫咗佢個招牌壽喜燒同一個龍蝦湯底share食😛個壽喜燒一出嚟就覺得幾似樣,有齊啲大蔥,金菇,菇喺入面,之後放少量甜醬油,就可以落肉了🥳🥳啲肉大大塊,好啱整喺壽喜燒度食,油脂分布望落都係靚,雖然唔係入口即融,但都係食得出好柔軟,再加埋啲甜醬油汁,完全唔駛點任何野,而美中不足既係呢度係唔包生雞蛋,每隻要+$10,如果唔係就會更加柔軟🤩🤩而龍蝦湯底就滾吓自助吧啲食物,開頭淡淡地味,但隨著時間過去,啲龍蝦味越嚟越濃味,咁呢個湯用嚟淥菜就最好不過了😚😚呢度雪糕係movenpick 嚟,有三款口味揀,我個人就最鐘意食vanilla,夠哂香濃,飲飽食醉之後就開開心心回家去了😘😘 continue reading
(The above review is the personal opinion of a user which does not represent OpenRice's point of view.)
Level4 2019-11-01
1211 views
有天沒有太多工程,終於可以早一點出去午膳,然之後我們就急急腳🏃🏻‍♂️🏃🏾‍♂️來到這一間火鍋店,看看內裏其實人流已經不少,究竟人們在什麼時候才出來用膳的呢?🤔坐在路邊座,其實還好,因為坐裏邊,如果經常出出入入,其實好像挺老鑑。而四人枱的中間亦都可以加塊板,🈹將兩個兩人組合擋隔開。外面的東西大都是以蔬菜為主,亦都即是說,如果沒有選擇肉的話,基本上除了肉丸、魚蛋之外,也就像茹素一般,只有各式蔬菜(蕃茄、生菜、豆苗,較特別的花生芽菜,是飲管般粗壯的芽菜)以及麵條。🍜第一次就先試一試最普通最基礎的那一款🥓牛肉,的確,煮完之後, 這種牛肉,偏向鞋身,不算入口即溶或是肥瘦均勻的牛肉;反而本身的豚肉,味道也不錯😏🥓豚肉也有點肥肉在內,肥瘦均勻,與韓國那種五花腩亦都有點兒相像。😀雖然是日式火鍋放題店,但是可以見到的飲料也有點韓式飲料:例如有🥤可樂、忌廉、忌廉溝鮮奶、韓式錫蘭檸茶、還有馬蹄爽。外邊的調味料有明太子、醬油、芝麻醬、辣椒、青蔥、生蒜、炸蒜,在旁邊就有雪糕,雖然看上來像日式雪糕,但是看看側邊的那些描述,似乎也只是港式的雪糕,但味道還算不錯,玄米茶的就比較粗糙,而且味道不太濃郁😄反而沖繩海鹽的,味道帶微鹹,不會太甜的雪糕,起上來更加美味。😁後來拿牙籤以及用濕紙巾的時候,才發覺,包裝上邊寫着Mr Steak,才發現原來這一間火鍋店都是Mr Steak旗下,這也難怪,畢竟東薈城這邊裝修了那麼久,店租怎樣也不會便宜,不是集團旗下的連鎖店,有哪個可以負得起這麼高昂的租金呢?員工服務友善親切,屬新型店舖中佼佼,人員年輕但不會因枱子忙碌而煩躁不安,應予嘉獎!但不怕,因為這間火鍋店經常都內裏坐滿人,熱鬧非常,有時候甚至會見到有人訂座,或是有人在外邊排隊。如果不是較早吃午餐,或是訂了桌,都很難有位。第二次再來就等了一會兒才有食客結帳離開,這次是了一個龍蝦湯,龍蝦湯已經比我想像中濃香,而且即使煮耐了,也不覺得特別淡化了的味道。🍜第二次來,有很多配料都不同了,這次可以見到很多蔬菜,例如有那些聞青食店最為時尚的羽衣甘藍,想不到,羽衣甘藍用來打火鍋,味道清新🌿而且口感非常之結實,是厚厚的菜葉的質感,比起聞青用來做沙律,吃火鍋的質感好像好得多除此之外,又有皇帝菜以及火箭菜🥬用來做火鍋的配料,味道還是新鮮而清新,而且亦都是港式火鍋店比較少見的蔬菜。 這次的雪糕甜筒亦都有另一款不同的,就是上邊有一些看似泰文🇹🇭或是馬拉字體的甜筒,是朱古力味甜筒,🍦味道普通亦都不算太甜,朱古力味正正常常,就會只像是Drumstick那些,但是體積比較小,不用吃得太飽,而且底下的朱古力凝固了做實體🍫,甜筒的部份已經軟化,普普通通。 continue reading
(The above review is the personal opinion of a user which does not represent OpenRice's point of view.)
Level4 2019-09-16
3906 views
住東涌的朋友話我知係東薈城 個邊開左間日式火鍋的店🇯🇵🍲作為一個吃貨緊係要試下佢啦😂😆我地收工就即刻去喇 去到都係7點30分左右 門口就已經企🈵️很多人了 大約都係要等一段時間先可以入座☺️😁我地揀了澳洲M4和牛 90分鐘放題 個餐係🈶️和牛同埋豚肉嘅🐮🐷啲肉質真係高質架啵🤩😍真係食到和牛係有牛味👍🏽👍🏽豚肉嘅質底都係好好食 哩個價錢真係食得過😄😀湯底係揀咗壽喜燒 味道甜甜的 哩隻味係幾得意 大家記得try try 記得加隻蛋🥚真係無得輸👍🏽👍🏽啲醬料都唔惹少 都有幾款選擇的喔 例如係有麻醬 辣椒🌶️蔥粒 炸蒜粒😍👍🏽大阪燒汁 同埋日式醬油😀😄出面啲選菜區🈶️好多野揀 例如娃娃菜 南瓜🎃蕃茄🍅菇類🍄油墨菜 仲有啲腸仔類 丸類 豆腐類 整體都算真係好多野揀的了☺️😉因爲我地係揀左放題 所以啲菜菜菇菇肉丸可以任夾任食🤤😉啲食材都真係新鮮又乾淨 食到係有鮮甜的喔😊☺️飲品都🈶️好多選擇 總有一款啱你飲的喔🤩😍重點來了 啲雪糕係Movenpick 品牌 係有草莓🍓豬古力🍫雲呢嗱嘅味道 真係好好味喔 小妹都每款食左一杯😂😆其他雪糕口味係🈶️#沖繩海鹽 味 味道有少少咸咸地又帶點甜味 都幾得意丫 仲食埋蜜瓜味🍈芒果味🥭雪條 真係正正子😍🤤 continue reading
(The above review is the personal opinion of a user which does not represent OpenRice's point of view.)
Level3 2020-02-02
31 views
Hana is new Japanese shabu shabu shop in citygate Tung chung. The shop is really small. And there are not many choices of food. But they have small individual pot for 1 person. And their beef quality was very good.The staff were very kind so it was good lunch($158) for me. continue reading
(The above review is the personal opinion of a user which does not represent OpenRice's point of view.)