博多·爐端燒

Open Now

Now Closed

位於尖沙咀金巴利道盡頭的這間小店，為我們帶來正宗九州爐端燒體驗。食材新鮮，由九州及北海道地區直送。師傅同樣來自九州，以地道手法烹調，食物充滿驚喜， 同大家happy share 👼1️⃣ 前菜 築前煮 $48 配料豐富，包括冬菇、蓮藕、雞肉和蒟蒻等，每一口都吸滿鰹魚湯的精華，溫潤甜香，索汁入味，好令人滿足。 明太子薯仔沙律 $48 薯仔切片帶爽脆口感，配上鹹香明太子和帶點酸甜的椒麻油，味道清新開胃。雞肉丸大根煮 $68 雞肉丸手工細緻，辣汁提升香氣。煮得腍滑的大根吸收了湯汁的濃郁，是好舒服的一道菜。 辛子蓮根 $58 粉嫩的蓮藕夾着黃芥末餡。芥末超攻鼻， 辣到標眼水。香港人未必食得慣，但店員話係日本 人日常食法， 幾過癮 2️⃣ 海鮮 福岡志賀島蠑螺壺燒 $156/2 ($78@) 蠑螺新鮮現燒，肉質爽彈，鹹鮮味突出。 博多平和蒲燒季節性丸天魚餅 $98 魚餅充滿膠質，口感細膩。用七味粉蛋黃醬提升濃郁度，或者配上薑蓉蘿蔔蓉提鮮，兩種吃法各有特色。 3️⃣ 豬 万能蔥卷（月見酢汁） $128 北海道豚腩肉包裹蔥卷，豬肉肉汁充滿口腔，蔥香脆多汁，配搭完美。蘸上生雞蛋的日式醬汁更添濃郁，好治癒！ 4️⃣ 牛

無意中搵到，就試吓，不過位置有啲腳程。店舖唔算大，我哋兩個坐吧枱睇住師傅燒燒燒，店員話師傅係九州人，可能係佢認為要保持品質，未滿師唔可以燒嘢食，所以全程都係師傅一個燒晒，其他人只係幫頭幫尾，而且無乜笑容，比較cool。燒豆腐，豬腩肉椰菜（呢兩個無影相），燒牛脷（好味），燒和牛扒（覺得無牛脷咁正），燒茄子，万能葱卷好香，燒鯖魚干（都正，肉比較實），燒唐辛子（辣，不過後勁唔夠），最後甜品，布甸，店員話係師傅自己整嘅，相片呢個係4人份量，不過都係食晒，無剩，正，埋單，呢個價錢覺得貴咗啲，如果話值唔值得，我認為可以一試嘅，始終味道幾好，服務亦幾好，有機會會唔會再嚟？會！

最近睇新聞的話題成日講今年開始，日本地震機率非常高，攪到有啲驚，唔敢去日本旅行，真係有啲慘慘豬的感覺😮‍💨。不過朋友就介紹左尖沙咀有間爐端燒由日本人主理，有很多博多美食，今晚去品嚐啊😋。前菜：明太子薯仔沙律-將薯仔切片配上九州名物明太子仲有脆粟米片，食落爽口清新又脆卜卜😋。凍辛辣豆腐配上乾蔥及大量脆米粒，食落口好嫩但又有韓式辛辣的刺激又脆口的感覺🤟🏻。冷蕃茄-很簡單的一個前菜，就係夠新鮮❤️。食完前菜就到主角出場啦，真正嘅九州博多名物 - 牛腸鍋（もつ鍋）香港真係第一次見到有牛腸鍋食。二人前的牛腸鍋份量都幾多😋有口福啦😚首先牛腸好乾淨，食落口彈下彈下咁，又肥又嫩😋，口感好正🙌，加上個湯味道濃郁，韭菜椰菜同豆腐都吸晒湯的精華❤️非常滿足，食到咁上下加個日本生麵，正正正。很有以前去福岡旅行時食牛腸鍋的感覺🙂‍↕️🙏🏻。最後甜品係梅枝餅、和風雪糕批😋，我記得以前去福岡太宰府有食過，好味😋。食餐飯有咁多日本旅行回憶真係開心🥳。encore🤟🏻

聽講尖沙咀近佐敦果邊有間新嘅爐端燒，而且係咁博多嘅師傅主理，應該都會喺香港食到日本風味。因為想睇住主廚煮，所以就坐咗喺吧枱，有個透明板隔住嘅open kitchen。因為食得太多野，輕輕點評幾款我覺得比較特別嘅～蠑螺 $156@2食落唔會太硬，帶有小小調味，食落去更加鮮甜。和牛重辦胃燒 $128係博多牛腸鍋嘅變奏版，本身牛腸好肥美，而老公司令到佢增添咗一份惹味。和牛舌芋絲月見 $68沙律雞肉香味大根 $58築前煮 $48明太子冷烏冬 $148明太子係辛口，帶小小辣度，襯埋烏冬好夾。天神布甸 $48呢個比較特別，有一邊係有一片檸檬。仲有啲雪花鹽，撈埋變成一個又有少少酸，又有少少酸又有小小鹹嘅醬。同布甸一齊食個味道都幾特別。

近排經常聽到日本將會大地震的新聞，都不敢去旅行了，所以在香港了一間由日本人擔任主廚的爐端燒餐廳，一解思鄉之愁。筑前煮💕材料豐富，有牛蒡、紅蘿蔔、蓮藕、冬菇及蒟蒻等等，鹹甜有度的醬汁滲入每樣食材當中，吃起來十分入味。蕃茄芫茜沙律💕口感清新，可以先開開味蕾。紅酒燉牛舌💕入口軟腍，紅酒醬汁味道濃郁。雞翼一夜干💕雞皮乾身香脆，雞肉嫩滑略帶咸香。長崎雲仙火腿💕 味道甘香，炭火香氣十足。餃子魚卷💕外層金黃酥脆，裡面藏餡料，口感軟綿綿。博多豚腩肉卷萬能蔥💕豚腩肉包著萬能蔥，大大的一卷，賣相吸引，肉汁加上蔥香，實在太香口了！久留米豬肋骨條💕外層焦香微脆，肉質軟嫩不柴，醬汁香濃入味。博多燒茄子💕肉質軟腍，焦香滿滿。高知土佐甘長唐辛子💕味道清甜微辛。鰻魚蒸籠飯💕第一次吃蒸的鰻魚飯，鰻魚肉質軟嫩，鰻魚的味道滲入米飯中，吃起來更鮮香。天神布丁💕布丁十分滑溜，入口即化。梅枝餅💕紅豆燒餅外層酥脆，內層滿滿紅豆餡，甜而不膩。

真係俾佢門口嗰塊電子屏幕所吸引，再加上地震吹到越來越大，唯有留喺香港消費。✨前菜日本嘅前菜同韓國大大不同，今次試咗其中三款：新鮮蕃茄、金平根菜、白滝酢～蕃茄多汁鮮甜，可以點上少少嘅鹽份更衝擊味蕾；金平根菜大師傅自家烹調，整體嘅芝麻味道非常之香口，亦都好喜歡蓮藕嘅爽身；白滝酢完全唔知咩嚟，原來係師傅用咗牛油炒和芋絲以及魚糕，再一次品嚐到黎自九州嘅家鄉味道。✨牛腸鍋最典型嘅博多名物，牛腸鍋非常之大煲，廚師更加親自過嚟介紹！裡面放有肥美鮮嫩的牛腸、加上燉煮到軟嫩嘅韭菜、豆腐、椰菜！裏面除咗有大量嘅韭菜、椰菜之外，牛腸偏向肥身但亳無臭味，反而做得特別滋香。湯底亦都越滾越香，最後少不了一個日式拉麵，朔晒啲精華。✨甜品太宰府名物梅枝餅、天神布丁，兩款都係餐廳自家製作，梅餅好解膩，外皮帶點酥口，內裡煙靭加上澎湃嘅紅豆餡真係天衣無縫！而天神布丁更加係傑出之作，布丁滑捋捋，蛋香香盛，加上適量檸檬汁同薄鹽，瞬間有檸檬慕絲嘅感覺，特別又好食✨巨峰燒酎、紀州梅梳打你得日本餐廳當然唔少得啤返杯，燒酎相當容易入口，而梳打更加係令我鍾情，梅味特出飲落清爽

由日本師傅主理既隱世爐端燒小店, 師傅本身係九州人, 所以餐廳會沿用返部份九州食材,菜式每日則會因應當日返貨調整, 完美還原九州風味, 亦睇得出師傅對呈現自己家鄉料理果一份堅持!二人套餐 $1280🍽️ 博多前菜2款筑前煮 ｜ 通粉薯仔沙律筑前煮係九州北部既代表性鄉土料理, 入面有冬菇粒、雞肉粒、芋頭、蒟蒻等, 全部都燜煮到吸收哂高湯既鮮味.🍽️ 季節性食品當日食到既係來自持田農場既新鮮蕃茄, 非常爽甜多汁, 一啲都唔酸🍽️ 福岡志賀島 壺燒榮螺螺殼入面灌入咗清酒等醬汁去燒, 令榮螺吸收哂醬汁既精華, 螺肉亦非常大粒, 味道清甜.🍽️博多長茄子醬燒味道香濃, 非常惹味🍽️ 博多雞頸肉博多地雞都係不含激素既高級雞肉, 而其中雞頸肉肉質爽彈, 有嚼口, 雞肉味濃郁, 配搭蛋黃柚子醋後, 亦令雞肉更加嫩滑🍽️ 燒澳洲牛舌牛舌熟成度燒得剛剛好, 入面仲係呈粉嫩色, 好香燒烤味, 肉質亦十分爽嫩彈牙.🍽️ 蒸籠鰻魚飯呢個係福岡柳川既名物, 師傅特別用上日本產鰻魚, 舖滿兩層, 份量十足, 鰻魚表面呈金黃色, 肉質鮮嫩, 而米飯油光豐盈, 充滿鰻魚醬既香味, 非常好食!🍽️甜品梅枝餅｜冬甩梅枝餅發源於福岡既太宰府

博多·爐端燒是香港少有的正宗日本九州料理餐廳！餐廳設席前吧枱位置，可近距離欣賞日本師傅～中野大輔的純熟燒烤技藝。今晚我和朋友點了$1280的二人套餐，共有8道菜，價格合理。前菜：🥔🥗明太子薯仔沙律～薯仔切成條狀，爽口清新。🐮和牛牛肚味噌煮～牛肚及蘿蔔烹煮得非常軟腍，入味。🍅新鮮番茄～日本博多直送番茄，季節性供應。燒物：🐚福崗壺燒榮螺～榮螺大隻，肉厚。🐔博多雞頸肉～食材是博多走地雞，肉質嫩滑，更不擔心吃到激素呢！🍆燒茄子～茄子加上木魚絲，十分惹味。🐮👅燒澳洲牛舌～牛舌煙韌惹味，火候調較得剛剛好。主菜：🦈🍱福崗柳川名物蒸籠鰻魚飯～鰻魚汁鮮甜，鰻魚肉質肥美。每顆飯粒均吸收了鰻魚汁，美味可口。甜品：🫘🫓福崗紅豆餅～紅豆餅的外皮輕輕煎過後，外脆內嫰，紅豆餡料甜而不膩。🍮自家制天神布丁～與眾不同的布丁！師傅教我們先把檸檬汁與海鹽混和，甜甜的焦糖拖肥布丁蘸上咸咸酸酸的海鹽檸檬汁後，令口腔充滿多重口感味道，成功刺激了味蕾。

聽侍應介紹師傅係福岡出身，餐廳好多食材都係來自日本，我哋坐喺吧枱見到師傅喺度燒野食，師傅侍應之間都係講日文，感覺好似去咗日本咁，又正宗又有feel～前菜有金平根菜同埋紅酒燉牛舌，牛舌燉得非常入味👍博多冷青椒清新爽脆，看似平凡但係點埋麻油、蛋黃醬、芥辣味噌就生色不少，忍唔住一塊接一塊咁食🫑日本蕃茄🍅福岡志賀島壺燒榮螺，螺肉鮮味彈牙，好食！博多平和蒲鉾餃子魚卷幾特別，有別於用餃子皮包住餃子餡，而係用魚糕包住，其他餐廳較少見👌長崎雲仙火腿🍖博多地雞燒雞心好有炭燒風味，咬落爽口，以少少胡椒吊味好適合😋博多豚腩肉卷萬能葱燒🔥見師傅好有心機咁慢慢燒，不時要轉邊，豚肉燒得啱啱好，中間嘅蔥口感清爽而有香蔥味，一啲都唔草青，再點埋蛋汁簡直係完美👍燒博多茄子🍆燒飯團試咗天婦羅脆脆同攞埋日式瑪格麗塔，即燒嘅飯團零舍有日本風味🍙冷素麵🍜甜品有天神布丁同攞埋燒年糕紅豆湯，年糕外層微微燒香而內裏軟糯～

我哋又去食日本嘢啦！😜 今次黎到博多爐端燒😝體原來餐廳廚師喺嚟自九洲嘅日本人🇯🇵 食物款式同口味都係九洲風味😋 而且大部份食材都係嚟自日本😋仲有勁多日本客人幫襯😝店員當日好細心咁介紹食物又會翻譯俾廚師聽我哋嘅需要👍🏼勁nice🥳🥳⸝⸝‪⸝♡ ꔛ ꔛ ꔛ ꔛ ꔛ ꔛ ꔛ ꔛ ꔛ ʕ´•ᴥ•`ʔ ‧˚二人套餐（$1280）1️⃣ 博多前菜2款金平根菜🥕：金平根菜係日式傳統家常菜😊各種根莖類蔬菜切成絲☺️用醬油、糖、味醂等調味拌炒🍳口感脆嫩☺️仲有芝麻香味😊蕃茄芫荽沙律🍅🌿：新鮮既蕃茄同芫荽🤩簡單既調味🤓清爽可口😝解膩又清新。2️⃣ 酒肴- 鹽辛墨汁魷魚🦑：濃郁的墨汁包住著爽脆既魷魚😚鹹香鹹香😝口感豐富😚幾有咬口🤩柚子魷魚鹽辛：呢款多咗幾分清爽感☺️ 柚子皮既清香中和咗鹽辛既鹹味🤨非常開胃！👍3️⃣ 燒蠑螺🐚：新鮮的蠑螺😉經過燒烤😝鮮味更加突出😍清洗得好乾淨☺️配上特製醬汁😇口感非常爽口😋 不過醬汁偏苦😕睇吓大家接受程度有幾高🤣4️⃣ 博多雞頸肉拌蛋黃柚子醋🐔： 用咗博多地鷄😆雞頸肉口感非常特別😍脆嫩有嚼勁😋搭配蛋黃和柚子醋😘味道更加豐富😛酸甜可口😏非常開胃🤩5️⃣ 燒野菜 (當日決定)燒茄子🍆：烤得超

香港好少九州料理位於尖沙咀竟然有一間由日本人主理嘅博多爐端燒。餐廳居酒屋格局，可以清楚見到師傅烹調食材，我哋今次叫咗套餐，包括前菜，海鮮，爐端燒，主食及甜品。首先嚟咗三個前菜，有柚子魷魚，墨魚汁魷魚及沙律前菜非常開胃，適合送酒。再嚟就係原隻九洲產榮螺，加入清酒，配合海鮮嘅鹹香仲可以將湯汁全部飲用。博多雞頸肉及牛舌亦係餐廳主打燒得，非常香脆嘅雞頸肉配上蛋黃汁，非常惹味。燒牛舌用上日本和牛，啖啖油香忍唔住一件接一件。野菜方面就係麵豉燒茄子，所有食材都是日本新鮮到港。當已經七成飽嘅時候，竟然仲奉上鰻魚飯，鰻魚先蒸後燒非常嫩滑，魚油豐富，配上日本産米就算幾飽都要將佢食埋。最後甜品就係紅豆燒餅及雞蛋布甸為套餐畫上完美句號。

這間居酒屋的食物質素真係高，師傅用心製作，每一道菜都慢慢燒出來，令人感受到他們的用心。而且服務員也很細心，樂於介紹菜式，整體感覺非常好。白粟米這個燒得非常乾身，散發出淡淡的香味。用這麼簡單的食材能燒得這麼好味，真係需要師傅的高超技藝。牛油飯糰上面的牛油香氣濃郁，表面燒得脆脆的，飯糰的份量也足夠，性價比極高，吃得飽肚！燒絹豆腐這道菜的醬汁和木魚絲搭配得非常好，豆腐質感滑嫩，味道非常美味。博多風雞頸伴蛋黃柚子醋雞肉非常嫩滑，搭配蛋黃和柚子醋，整體口感清新，讓人回味無窮。整體來說，這裡的食物水準相當高，每一道都很美味。店員也懂得和廚師用日文溝通，可以隨時詢問當日的肉類和酒類推介。雖然價格偏高，但考慮到質素，實在是合理的。我們整晚都很享受這裡的美食和氛圍，度過了一個愉快的晚上！

朋友係識食之人，介紹我哋到呢間由福岡師傅親自處理，以九州料理為主的日式爐端燒餐廳。餐廳以灰色為主，裝修摩登。而所有嘅食材都係直接嚟自日本，坐咗入去就好似置身於日本咁，非常值得大家嚟試吓！今次我哋越叫越多嘢食，差唔多款款都好有特色，特別推介以下幾款：.🟢和牛筋呢個前菜已經份量十足，一口和牛配上日本酸汁放入口，好開胃！😋🟡福岡至賀島榮螺燒見到賣相已經覺得好啱打卡，榮螺燒完仲係好彈牙，食得出非常新鮮！😍🟣冷青椒呢個又係驚喜之作，一咬落去非常脆卜卜，青椒非常爽口，仲有鮮甜味🫶🏻🔴厚肉日本池魚池魚燒到金黃色，非常脆口又保持到魚香！😙🟠飛魚湯燒飯團茶漬飯團外層燒到有微微飯焦，再加入飛魚湯，紫菜、蔥花同芥末一齊食，口感豐富，咬落去飯團煙煙韌韌，好有口感！⚪️甜品：天神布丁及年糕紅豆湯布丁味道有濃濃蛋香，食落去好Creamy。紅豆湯同我喺白川鄉食嘅紅豆一樣甜入心，中間仲有非常煙靭嘅年糕，非常之暖心🫶🏻🫶🏻🫶🏻

服務員細心介紹食物，每道菜式都是師傅用心制作啱啱好坐喺爐嘅前面 見到師傅燒到無停手😆👍🏻而且玻璃隔熱功能係好好👍🏻 唔會覺得餐廳熱的餐廳內部份食客係有日本人同外國人，感覺真係好似去咗旅行一樣❣️去到居酒屋，點都一定要飲一飲酒啦😆😆有不同款式的清酒杯 🍶 簡個自己鍾意嘅款😘呢隻清酒好易入口，飲落好清純帶點甘味，適合初嘗清酒的人士喔❗️🔸海膽用左最中餅取代壽司飯，口感酥脆的海膽新鮮，而且大大嚿海膽🔸福岡唐泊產惠比須生蠔呢隻蠔係福岡好出名的，好多人去福岡都會食的～肉身肥厚又新鮮😙 而且係分左季節食11月至3月是燒的，而四月至12就是適合生的食法🔸厚肉日本池魚燒到金黃色既池魚，雖然係用燒嘅方式也保留到肉質嘅嫩滑🔸極尚和牛舌爭啲俾朋友將呢碟和牛舌獨霸🙈 證明呢個牛舌係好令人舔舔脷👅咬落去係好嫩口又有爽感🔸雞頸拌蛋黃柚子醋冇諗過呢個雞頸肉係一啲骨都冇肉質爽口，又唔會太細舊點一點蛋黃柚子醋，更加滋味🔸鰻魚蓋飯 每粒飯都是沾了醬汁 啲飯嘅顏色都係呈現咗啡色～ 鰻魚嘅份量有好多塊🤤🔸黑毛豚腩肉萬能蔥卷呢個人氣之選，因為我見到師傅已經燒咗好多次🤣偷偷地看每台食客都有叫到用上了黑毛豚腩肉薄切包住啲蔥加口感豐富好

呢間餐廳由日本人主理爐端燒，大部份食材都係由日本直送，保證新鮮，有多款居酒屋前菜、刺身、燒物、煮物、甜品等🏮💗本鮪魚刺身($328)厚切吞拿魚赤身口感較結實，魚味濃🐟💗海膽($188)海膽食落Creamy甘甜，配上最中餅同紫菜增加口感🧡💗燒雞腎($98)燒雞腎爽脆有嚼口🤎💗極上和牛牛舌($258)厚切牛舌脆嫩爽口，油脂十足👅💗和牛扒鹽燒($598)和牛扒肉質鬆軟腍滑，牛味非常濃郁🥩💗赤鯥. 紅瞳($958)鹽燒原條赤鯥非常新鮮大條，魚肉雪白鮮嫩，充滿魚油香🐟💗雞頸拌蛋黃柚子醋($108)燒雞頸肉爽脆嫩滑，沾上柚子醋中和油膩感🐓💗飛魚湯燒飯團茶漬($58)燒飯團燒到外層好似飯焦咁🍙再加上飛魚湯，撈埋紫菜、蔥花同Wasibi，做到外脆內軟🍵