83
12
0
All Branches (3)
Telephone
23222885
23222865
Opening Hours
Today
10:00 - 07:00
Mon - Sun
10:00 - 07:00
Public Holiday
10:00 - 07:00
Public Holiday Eve
10:00 - 07:00
Payment Methods
Visa Master AlipayHK Alipay Cash AE UnionPay JCB Apple Pay Google Pay WeChat Pay
Other Info
Wi-Fi Details
Open Till Late
Alcoholic Drinks
May Bring Your Own Wine Details
Phone Reservation
Delivery
10% Service Charge
Spot payment
Review (116)
Level4 2019-05-17
11626 views
海底撈聽就聽得多,但因為我無歡樂卡既關係,所以我只可以從朋友口中知道有幾犀利有幾吸引,終於俾我等到佢黎香港開分店,真係聞名不如見面呀之前成日都聽朋友講去大陸食要等好耐,但餐廳又會安排好多野令客人唔怕要等,估唔到香港分店都一樣,係等候大堂有湯有小食任食,唔怕餓住個肚等入到去見到唔少檯整左裝飾,原來特別日子例如生日,就可以叫餐廳做番佈置,費用全免,又真係幾好落單用PAD PAD就可以,圖文並茂,簡單直接,唔洗店員慢慢抄,減少出錯機會成日聽朋友話呢間野有幾好講到好誇張我都半信半疑,當晚我終於知道無作大,有好多位好都貼心,每人都有一條圍裙,大頭蝦就唔怕整污糟自己,而家D人最鐘意手機不離手,但打邊就最易整污糟,有濕紙巾抹電話同膠套俾客人袋住,細心到呢坐低就再有前菜食,另外每位加$15就有任添飲品,仲有三款味道揀,我就最鐘意無糖豆漿,夠曬健康清油麻辣湯底、蕃茄湯底 ($128)一辣一唔辣,麻辣湯底又唔算太辣,但就好香,蕃茄湯底超級濃,打邊爐之前我都飲左一小碗蕃茄湯先活蝦 - 半份 ($138)第一次係餐廳食蝦,竟然有店員剥埋殼俾我地食,我真係有少少嚇親,我地仲學識左快速剥蝦方法,長知識呀手切牛小排 - 半份 ($188)、滑牛肉 - 半份 ($98)打邊爐就梗係要食牛,叫左兩份牛肉,牛小排牛味較濃,滑牛肉撈左蛋所以就更加滑,記得唔好煮咁耐喔海底撈自製豆腐 ($68)、響鈴卷 ($28)兩款吸湯專用食品,食得辣既朋友可以挑戰放落麻辣鍋喔因為好多人排隊,所以我一早已經拎定飛,食食下就有店員叫我出去整指甲,食餐飯有得免費整GEL甲呢件事真係不得了,仲有180種顏色揀,指甲技師手勢好專業,大約20分鐘就整完啦呢個聽朋友講係海底撈經典表演環節,師父將麵團拋來拋去,我地全檯人睇到嘩嘩聲,好有功架!最後就每人有一粒糯米磁食,食完麻辣鍋食番粒凍冰冰雪糕舒服曬海底撈果然名不虛傳呀!! continue reading
(The above review is the personal opinion of a user which does not represent OpenRice's point of view.)
Level4 2019-05-14
5995 views
記得四年前去上海食過大陸著名品牌海底撈,之前一直未有機會再食,星期五Happy Friday 終於回憶當年大陸旅行我個人覺得香港不論服務食物比大陸毫不遜色!門口有服務員招待取票、有餐前小食供應、有修甲服務、有生日佈置、最貼心莫過於一人火鍋有大bear bear 熊倍坐服務餐廳地方算大,不過6點已經全埸爆滿,不過朋友一早等位坐底侍應遞上前菜、圍裙、手機袋、毛巾,招呼貼心,特別筷子剝蝦技術令人嘆為觀止除了調味料必有葱、蒜、醋、辣椒,還有前菜可以添加麻辣鍋見到花椒、指天椒及乾辣椒等十多款特色香料煮成,設有大、中、小辣,少辣味香辣平衡番茄鍋番茄湯味道幾濃,有新鮮番茄蝦滑蝦滑新鮮彈牙有鮮味響鈴 火鍋不能缺少響鈴,響鈴酥脆,滾幾秒吸番茄湯非常美味 西班牙黑毛豬豚肉 豚肉一望就知新鮮,肉質帶鮮紅有油花而且脂肪同肉平均,食落肉質厚、嫩滑、重肉味活蝦蝦新鮮彈牙,重點有人用筷子剝蝦技術令人嘆為觀止撈派豆花豆花比較鬆軟,比平日豆腐質地比較吸湯,加上特秘醬,非常美味撈麵去到海底撈一定會叫撈麵,有師傅特別過黎表現拉麵玩花式,除左貼心服務,拉麵亦係全晚高潮位最後,有水果同雪糕糯米慈作飯後甜品有貼心服務,有美味火鍋,有修甲,有娛樂,唔需要返大陸都享受到! continue reading
(The above review is the personal opinion of a user which does not represent OpenRice's point of view.)
Level4 2019-05-12
4414 views
久仰大名既海底撈終於係銅鑼灣有分店了。之前只在上海食過一次,今次第一次食香港店,今次我有幸試足美甲 ,睇變臉同玩playroom, 勁過癮。美甲: 一到步就拎票,留姓氏電話,等7個籌,但差唔多10分鐘就call我了。我整哂10隻手指,共用了半個鐘,整到岩岩好入位。美甲用既係油甲同uv light, 共有180色可揀,內地黎既美甲師幫我每隻指甲茶足5層,用左雙色。變臉: 呢個要睇緣份,上次係上海冇得睇變臉,好似係變臉大師放假定請唔到人。今次睇足兩次: 7點同8點。8點果次仲送左個紀念品俾我地Tim. 目測你可以好熱情咁叫佢過黎你個位,佢會同你握手Playroom: 以星期四為例,由晚上6點開到10點。要職員用密碼先可出入,可以安心放低小朋友自己放心去食野/美甲/ 等位。 入面唔大,但玩具都幾多,有Lego, 煮飯仔,棋類, 車仔,同電視睇。仲有職員陪小朋友玩tim設施:1。廁所好正,女廁更具備女性用品,橡根,梳。清潔嬸嬸會係門口歡迎你。2。有充電器可借3。等位處有小食(爆谷,粟米筒,青瓜 火龍果)和飲品供應,早去有梳化可坐食物1。推介點4格鍋比1格2格鍋更抵,蕃茄和麻辣都出色,麻辣更可揀有渣或冇揸2。侍應有時會送你免費食蒸蛋3。主動和侍應傾計有准山條送,勁好食。4。手切牛小排質素高,大份5。推介西班牙梅豚肉,勁嫰滑6。撈面必點,會有表演員係你面前拉麵,又好食。7。撈派豆花,好厚實,每人食一舊都好飽肚。8。活蝦都值得叫,除左質素唔錯之外,侍應會幫你拆肉。9。響鈴都正。因為本身湯底好味。10。兒童餐抵食,魚肉滑,底有菠菜,如有粟米更好見到現場有人慶祝母親節,氣氛好好。店內9成內地人 ,服務冇得彈。超正。 continue reading
(The above review is the personal opinion of a user which does not represent OpenRice's point of view.)
Level4 2019-05-12
3188 views
d同事成日都撩番大陸食野,話平靚正,不過我就懶番大陸,一直都未有機會去感受佢地所講既。就係今晚,飛雲黎啦,呢間紅遍大陸既火鍋店黎左香港再開分店,終於都搵到個藉口去食啦。呢間新分店係係銅鑼灣既利舞台,位置超級方便,我地大概1800鐘到,門口已經有人潮,不過係度等位都唔會怕悶,佢地會提供各式各樣既小食、水果同埋修甲服務等等...幫助打發時間,重點係全部都係免費架等大概15分鐘到就有位啦,入到去地方都算大,裝修四正,座位闊落,環境舒服仲唔會污煙瘴氣tim行緊個時仲會見到有d生日decoration, 一問之下,原來呢度仲會幫生日個枱既朋友佈置,好窩心呀Menu呢度係用部pad黎點餐既,分門別類,方便快捷,仲可以即時睇到呢餐既價錢tim。order完可以去攞醬料,仲有小食、水果、甜品等等...開餐前,記住著返呢度提供既圍裙,保護返自己d衫,至於鍾意相機食先既朋友,記住問佢攞個手機保護袋呀清油麻辣火鍋併蕃茄火鍋$128呢度既鍋底可以揀係單鍋、併鍋同埋四宮格,我地今晚就揀左麻辣併蕃茄,少辣都叫做接受到,不過越食就越麻,麻香好濃。個人黎講就鍾意個蕃茄湯底多d,蕃茄味濃郁,唔駛點醬都夠晒入味。值得讚既係佢仲會有個小分隔黎煮快熟同較細既火鍋料呢度既火鍋配料新鮮又算高質,而且價錢合理,每位加$15仲可以任飲無糖豆漿、柑桔檸蜜、凍檸茶、檸檬水、同埋冰水tim。值得一提既係店員除左會不停refill飲品之外,仲會用熟練既筷子功幫手剝蝦,整件事再大大加分,d海蝦食落就更鮮甜彈牙啦撈麵$18最有趣既係嗌個麵都有融合中華武術既撈麵表演睇,將本身平凡既麵都變到不平凡,仲可以自由選擇粗幼度,食落麵條有嚼口又彈牙 continue reading
(The above review is the personal opinion of a user which does not represent OpenRice's point of view.)
一直以來,都有聽一班返開內地食飯消費既朋友,會大力讚賞內地既海底撈服務有幾好,食物有幾正,有幾多人去排隊。但係自己就無北上消費既習慣,所以一直都未有機會試得到。正到前幾個月,海底撈終於正式登陸香港,身邊既朋友又話旺角好遠,唔方便過海。好啦,終於,海底撈既港島分店終於都開佐,仲要喺銅鑼灣既利舞臺,位置夠哂方便啦今次,朋友終於都再無藉口去拒絕我,而我,亦都終於有機會試得到。星期五既晚上大約6:30到達餐廳,門口已經人排隊。特別之處在於每個等位既客人,都會有位坐,可以慢慢坐住等。旁邊亦都有小食,青瓜,蕃茄仔,同埋花生都有,全部免費供應,客人等位既時候亦都唔會感覺被冷落。另一邊就有修甲,整指甲服務,亦都係完全免費既。餐廳採用全電子化,餐牌,落單,全部都可以在平版電腦處理。在現場看見有很多寫住 HAPPY BIRTHDAY 既 BANNER,後來問了一下店員才知道,如果有朋友生日,可以早姆天預定,餐廳會特別為客人預留座位,並且加上祝慶既BANNER,真係非常貼心既服務。每個客人也會有提供一件圍巾 ,以防湯汁彈汙我們的衣服 ; 同埋每人都會有一個透明的膠袋用以放置手機,即使把手機放入袋內仍然可以按製自如,感覺都幾正,唯一缺點係影相會有少少濛濛。每位加$15可以有飲料,基本上都係必加無異,有多款不同飲料可選,包括無糖豆漿,柑桔檸蜜,凍檸檬茶,檸檬水,和冰水,店員既refill 程度真係出奇地快,基本上我地既水杯都從來唔會少過一半既份量,有時轉身同朋友傾佐2句,店員已經為我們refill 完成,這樣好的服務,真的很難在其他餐廳找到。清油麻辣火鍋湯底 + 蕃茄火鍋湯底 $128湯底我地揀佐2款,包括麻辣同埋蕃茄,佢既麻辣我地揀佐少辣,個人認為係可以接受既程度,帶有麻香,而又唔會辣到舌頭變得沒感覺,另一款蕃茄既味道都好濃,基本上配料放2邊都唔駛再添友醬料已經好夠味。特別一讚既係餐廳既爐底抽氣設計,抽氣做到超好,食完埋單離開身上都唔會有濃郁既麻辣味。上完個湯底落完單後,上菜既速度亦都令我十分吃驚,不消5分鐘之內,所以配料就已經就位,雖然餐廳係非常爆滿,但係仍能有如此高效率的服務,實在令人很驚喜。招牌毛肚 (半) $64湯錮上特別會設有一個小小既分隔,用來煮比較快熟同埋比較小巧既食物就最好不過。招牌滑牛肉 (半) $49食落很有濃郁既牛味,配上麻辣湯底,令人食到停唔到口。海底撈自製豆腐 (半) $34豆腐會配上特別既醬料,店員會為我們特別泡製,用上特別醬料,再加一點麻辣湯,豆腐軟綿綿,但食落豆香味都幾重。撈面 $18起初以為係普通既麵條,但原來會送上拉麵表演,拉麵師傅會來到我們旁邊,好似玩「遙遙」咁張麵條扔來扔去,真係好厲害,最好會問我地想食粗麵還是幼麵,最後再為我們放湯,麵條食落真係充滿Q彈呢。活蝦 (半) $69平時食火鍋點活蝦都會覺得很麻煩,但係今次店員竟然會特別走過來為我們處理,看他很有技巧地拿著一雙筷子,3秒內就可以夾開一隻,真的很厲害,最後還教授我們開蝦的技巧,真的長知識了!海蝦大大隻,食落爽口彈牙,性價比很高。西班牙梅豚肉 (半) $84手切牛小排 (半) $94魚籽蝦滑 (半) $64蝦滑亦都會配上特別既醬料,有少少似醋既汁加上爽口既蝦滑,好好味。長生菜 (半) $14菜既份量唔算多,但係再看看這個價錢,其實已經好抵食啦。響鈴卷 (半) $14最後更加可以拿西瓜和米糍作為甜品。基本上今次食海底撈最令我難忘既除佐係抵食之外,就係佢地既服務。負責我地枱既店員既隨傳隨到,快如閃電既開蝦+ Refill飲料既速度實在令我難認忘。而免費既修甲 + 美甲服務更加令同行既女友人感到賓至如歸,難怪當日我地離座既時候都已經大約9點鐘,但在門外仍然坐滿等候的客人呢。 continue reading
(The above review is the personal opinion of a user which does not represent OpenRice's point of view.)