HABITŪ table (Mikiki)

今午喺mikiki同朋友食咗一餐好高性價比嘅餐廳，4個人埋單都係5百鬆啲，好抵食🍴是日餐湯係粟米湯🥣，清甜開胃。Chicken Spinach Quesadilla好好味，雞肉配菠菜配埋啲醬一齊食，唔會好heavy又充滿風味！😋 Spaghetti al Tartufo黑松露味好出，🍝闊條麵好食有咬口，彈牙惹味，松露香氣撲鼻 。Steak and Egg西冷牛扒煎蛋性價比超高，牛扒🥩煎得啱啱好，肉汁豐富，配煎蛋黃流心超滿足！加咗Fries蕃薯條好食，外脆內軟正🍟Garden Lemonade D只係加$20，好飲清新順口；另外叫咗杯Decaffeinated Caffé Earl Grey，伯爵茶味偏淡，但低咖啡因啱夜晚飲☕Pistachio Chocolate Cake開心果朱古力蛋糕都OK，有淡淡嘅朱古力香但唔會好甜，開心果碎增添口感🍰簡單美味😋…Read More

晚上5:30後主餐牌買一送一係幾抵食，餐牌選擇都幾多，但份量唔知關唔關買一送一事，男生自己食一份量的話應該唔係好夠。野飲就沒有特別優惠，落了薑黃奶只需加$38(原價$5x)，但本人覺得太甜，阿姨則點了紅菜頭奶，佢都係覺得太甜所以只飲了少少。整體而言食物質素是可以的，只嫌份量太少。坐位和環境舒適，7:30坐到尾沒有趕人走。大家可以考慮一下。…Read More

買咗$400外賣，叫左兩個lunch set, 兩杯咖啡加$12轉latte，仲要加咗$6 轉Oat milk. 但我從未見過咁少奶嘅Latte, Latte啊！深啡色咖大佬！先不論佢勁少奶，本身咖啡都好難飲仲要All day Breakfast 全熟蛋真心！真係難食到嘔！有圖有真相自己睇。個Risotto 顏色就夠深，但我就唔知個味道發生咩事去咗邊。完全無味其實我買完外賣半個鐘都冇，完全唔明點解個All day Breakfast可以凍到咁。價錢換咗兩個蛋糕，佢將兩個蛋糕都放喺熱嘅飯上面。個蛋糕拎出嚟又熱又溶。真心不推介。…Read More

除Dinner set冇一送一外，只要係主餐牌內的食品都係一送一，當晚揀咗以下兩款食物，味道唔錯，份量就略嫌細小😬1）虎蝦蟹肉意大利粉意粉食落口感軟硬都適中，唔會太淋，蟹肉亦都同意粉一齊煮，所以味道都唔錯，而虎蝦既蝦味就唔算有好濃蝦味。2）帶子意大利飯原本有蟹肉嘅，因為朋友唔食得，侍應話可以走蟹肉，上菜時發現意大利飯有粟米同毛豆，仲有五粒帶子，雖然唔係太大粒，但勝在鮮味，朋友好滿意。散叫主菜可以加$18有飲品或湯或沙律，我就叫咗一杯熱咖啡，大大杯好抵飲😃買一送一嚟講，晚餐都算抵食，環境舒適乾淨，有機會再嚟。…Read More

成日經過Mikiki都見到Habitu Table 晚市有做買一送一優惠，不過成日快快腳行過完全唔清楚佢個優惠詳情，今次終於有機會試試佢。佢個優惠係主餐牌的主菜/意粉及意大利飯/全日餐/薄餅 散叫買一送一，即係會free 平啲價錢個一份食物。我地今次叫左1份主菜1份意大利飯，另外加$48 升級左Set B，包是日餐湯、凱撒沙律同埋飲品，而部分飲品/凍飲就要加錢升級。………………………………………………頭盤凱撒沙律⭐️⭐️⭐️⭐️沙律菜新鮮，凱撒醬比較杰身，好容易沾到沙律菜，好味。是日餐湯 - 粟米忌廉湯⭐️⭐️味道較清淡，食到係用粟米粒打成蓉嚟煮，忌廉味唔夠濃，相對比較健康。封煎帶子蟹肉忌廉意大利飯 ⭐️⭐️⭐️意大利飯係偏硬身個種，帶子爽彈，比較細粒但欠缺鮮味。忌廉汁濃郁creamy ，有蟹嘅鮮味，但係見唔到/食唔到蟹肉。香烤厚切豬鞍扒 （配菜-松露薯蓉）⭐️⭐️⭐️豬鞍扒好厚肉，肉質都算鮮嫩多汁，但係豬鞍扒比較瘦，唔太啱我口味。 薯蓉就做得唔錯，口感creamy 有奶香味，但係就唔係幾食到松露味。凍鮮奶咖啡⭐️⭐️⭐️⭐️咖啡有幾種豆可以選擇，我揀左Classico No. 12咖啡豆，配全脂奶，咖啡濃郁，口感比較厚身，有堅果同朱古力香氣。（根據官方資料： Classico No.12是2024年HABITU全新拼配的咖啡豆，選用南美洲、亞洲及非洲的咖啡種植莊園精挑細選當季分值80分以上的咖啡生豆而烘焙，拼配比例配方定期調整，以充分澄現來自各莊園優質咖啡豆的特點與季節性風味。）凍香濃朱古力奶⭐️⭐️⭐️⭐️朱古力奶好香濃，口厚都係比較厚實。………………………………………………係我嘅心裡面，Habitu 的形象一直都係一間主打咖啡出色嘅休閑文青Cafe ，果然咖啡值得推介。…Read More