Ha Noi 越南菜

Open Now

Now Closed

行過重慶大廈，估唔到以前呢個位專門賣體育用品依家經過裝修，重新設計變成搵食好地方好多餐廳選擇 行嘅多數都係遊客 呢間河內越南餐廳比較地道 價錢相對公道去過越南嘅人就知道 河內鍾意用青柑桔仔胡志明 南方一帶比較鍾意用青檸調味湯粉用咗雞湯湯底 味道清清地幾好食另外香茅雞翼非常推介 係我食過最好食嘅香茅雞翼有冇誇張？一試就知優惠2人餐 $198選2款湯粉 ／ 撈檬雞絲湯粉 香茅猪扒湯粉 2選1款小食。我揀咗安南鮮蝦紙米卷田園灼時蔬1碟椰果椰汁西米露青檸梳打

重慶大廈下面嘅廣場原來同先前好唔同黎一個大翻身 基本上下面都係食肆為主大熱天時好想食啲酸嘢 所以就揀咗越式食物每一張枱都已經有晒所有嘅醬料俾你隨便用酸汁 辣椒醬 甜酸醬 仲有鹹醬我最鍾意食嘅就係撈檬 因為酸酸甜甜嘅汁好正加埋大大塊嘅香茅豬扒成件事好開胃豬扒好大塊一啲都唔會嚡口平時食檬粉冇咁多紅蘿蔔 青瓜呢度嘅份量好足夠😂😂🤤照顧埋你出街均衡飲食每一個餐都可以追加小食我叫咗蝦餅 蝦餅彈牙 點埋泰式辣醬 正🤤另外朋友鍾意食湯粉叫咗碗有生牛肉 牛腱 牛丸 河粉一嚟到即刻試吓個湯頭夠唔夠味先 好味鍾意食牛 一定會叫呢一個咩都有嘅朋友追加咗豬頸頸肉呢一份豬頸肉加$33份量好足夠 爽口👍🏻👍🏻👍🏻每次食越南嘢我都會叫牛油雞翼小食呢度嘅皮唔會好厚帶有少少牛油嘅香味另外飲品加$12特飲青檸梳打用嚟燒滯一流

👫同朋友行尖沙咀行到攰，突然想食吓越南嘢，咁就去咗一間位於重慶大廈隔離嘅慶方health地庫嘅越南餐廳食翻個dinner，呢間餐廳性價比都幾高，價錢錢都算平民化，我哋兩個人就叫咗一碗順化蕃茄蟹肉扎肉湯檬、順化豬肉卷米紙卷、濱海半豬頸肉串燒、椰青同埋一杯芒果西米露。🦀順化蕃茄蟹肉扎肉湯檬呢碗蕃茄蟹肉湯檬蕃茄味相當濃郁，配合埋蟹肉同埋扎肉一齊食，簡直絕配！🐷順化豬肉卷米紙卷而呢個米紙卷感覺幾清新，因為煙韌嘅米紙入邊包住生菜同埋一啲類似檬粉喺入邊，配合埋豬肉卷一齊食，口感相當豐富。🐖濱海半豬頸肉串燒豬頸肉簡直係我最愛，不過今次呢個炸得燶左dd，咬落有少少韌，不過整體配合埋生菜同埋米粉食都唔錯。🥥🥭椰青同埋一杯。芒果西米露椰青唔使講啦，鮮甜解渴； 而芒果西米露椰汁味重，夏天飲返杯正呀！

第一次嚟到重慶大廈搵食 原來都開咗好多餐廳朋友行咗一圈話想食越南法包，所以就揀咗這間餐廳天氣熱一開始揀咗飲品先我就揀咗牛油果沙冰，冇諗到係咁幼滑，打得好細緻，好似係食緊成杯雪糕咁，濃濃的牛油果香味朋友揀咗綠豆冰，很有越南風味朋友又想食招牌越南三文治又想食香茅牛肉三文治，所以就各叫一份香茅牛肉三文治包身比較脆口，而且裏面餡料份量多招牌越式三文治裏面有好多扎肉配埋青瓜口味比較清新我揀咗順化蕃茄蟹肉扎肉湯檬檬粉完全吸曬蕃茄嘅味道叫湯粉飯可以追加一份小食，我就加24蚊要咗份春捲春捲餡料好多大大條整體覺得所有食物都滿意，朋友相聚食飯很開心

平時一聽到越南菜就興奮，因為可以食材料十足嘅越南粉同埋越式法國麵包。今次嚟到尖沙咀位於重慶大廈附近地庫嘅一間越南餐廳估唔到都有驚喜。生熟牛肉湯河粉$69份量同味道一樣令人感到好滿足。又薄又嫩口geh牛肉片加上越南河粉和濃郁風味的河粉簡直絕配！招牌越式三文治$54香茅沙嗲串燒（3串）-雞肉（3串）68.00食落好香香料味，油炸過的雞肉加上沙爹醬汁。吃起來不會太乾。牛油果沙冰$36滿滿一杯牛油果🥑食落好rich 同creamy。必叫飲品。椰果椰汁十西米露 12.00味道唔錯仲有好香濃geh 椰奶味。食落好似港式椰汁西米露很相似！

難得有幾日假期, 星期六去左尖沙咀行街, 夜晚係附近商場搵左間餐廳食越南菜。餐廳位於商場地庫, 唔算多人, 入到去好快搵到位。我哋叫左幾款食物, 牛三寶湯河, 有生牛肉, 牛丸和牛展。牛肉肉質嫩滑和牛丸食落幾彈牙, 而牛展整得幾入味又有嚼勁。湯底由多種越式香料煮成, 牛味濃郁鮮甜。豬扒撈檬, 豬扒醃得好入味, 食落好惹味。我哋另外仲叫左幾款小食, 軟殼蟹好大隻, 炸得好脆, 唔太油膩。鮮蝦米紙卷, 入面有蝦, 生菜和檬粉等材料, 配合特製醬汁, 味道好夾。

上次喺度食車仔麵，已經發現咗呢間越南嘢呢晚同朋友喺尖沙咀，唔知食乜就諗起佢唔洗加一，座得舒服叫左個2人套餐生牛肉湯河粉濃郁鮮甜的湯頭，搭配滑爽的河粉，加上入口即化的嫩滑牛肉，完美融合越南特色風味香茅豬扒撈檬粉豬扒份量足夠，唔會炸到好乾身，而且幾入味撈檬粉都係配上青瓜紅蘿蔔絲夠哂清爽越式香茅雞翼4隻大大隻，熱辣辣香茅味十足灼時蔬1碟簡簡單單，夠晒健康另外仲叫咗個小食，濱海伴香茅牛肉，檳海其實即係米粉，當地人會捲埋生菜金不換酸蘿蔔配搭肉一齊食，估唔到又幾好味越式青檸冰清新爽口的青檸冰，微酸微甜怡到好處椰汁珍多冰滿滿的椰汁鮮甜，珍多冰最傳統

估唔到重慶大慶地庫新裝修後多左咁多餐廳😳仲帶間越南粉食😆🌟香茅雞翼湯河拼生牛肉 $74雞翼即炸，食落好酥脆，香茅味香濃😍可以加10蚊雙拼生牛肉，生牛肉軟腍好味😊湯底係牛骨熬製而成，味道鮮甜唔會太咸，仲有洋蔥、蔥花、金不換、辣椒、青檸汁調味🤤🌟越式香茅豬扒湯河 $66香茅豬扒醃到好入味，炸到幾酥脆，豬扒個size唔係講笑，都真係好大份🌟河內小食拼盤 $135想叫小食share食，但樣樣都想叫D😆呢個小食拼盤就岩晒，有雞翼、扎肉、蝦餅、春卷、鮮蝦米紙卷，蝦餅外皮香脆，爽口彈牙，春卷都卜卜脆，呢個拼盤值得試😍

是日嚟到食下午茶，特登嚟食呢個越南法包，單點一個包都要$58, 但下午茶就只係$45, 加埋杯凍越南咖啡，共$63，幾抵食~兩個items都唔錯，特別係個凍咖啡👍🏻雖然好多大冰，但飲到最後依然都係味道濃郁😋而且所有評價啡豆都好香~

作為一個熱愛探索世界美食的既我，最近造訪了位於尖沙咀重慶大廈旁既美食廣場既越式餐廳。喱家餐廳不僅充滿濃郁既越南風情,菜品更係好傳統正完。我們叫左一份越南牙車快，既雞絲沙律。碟菜色彩鮮艷,雞肉新鮮嫩滑,拌入各種脆爽既蔬菜如紅蘿蔔、青瓜等,再淋上特製越南醬汁,整個口感層次豐富,清新爽口。令人一口接一口,回味無窮。主食方面，嗌左一碗越南河粉。這碗河粉湯頭清澈透亮,含著雞絲、牛腩、鮮嫩牛肉等食材,再加上香脆紫菜肉卷,整個視覺效果十分誘人。每啖都感受到湯頭既鮮甜濃郁,年肉鮮嫩，以及紫菜肉卷既香氣扑鼻。係成餐精髓。除此之外,我們仲點了一個越式法包。喱個法包金黃酥脆外皮配上香氣四溢內餡,令人忍不住一再品嚐。在點心方面,我們點了一客炸春卷作為小菜。炸春卷酥脆可口,內餡豐富。沾上香醋或甜酸醬汁後,口感更加完美,令人難忘。最後,我們品嚐左兩種飲品 - 鮮芒果西米露和滴漏咖啡。鮮芒果西米露清新怡人,芒果既酸甜完美融合,搭配軟糯既西米露,整個口感層次豐富。而滴漏咖啡濃郁醇厚,恰到好處既咖啡香氣,係一個不錯既結束。

我去了Ha Noi越南菜餐廳，最近相約朋友去了品嚐這間位於尖沙咀的越南菜餐廳，位於重慶大廈附近，餐廳的裝潢充滿了越南的風情，牆上掛著傳統的越南藝術品，給人一種溫暖而舒適的感覺。餐廳的室內座位營造出一種溫馨的氛圍，而整個燈光柔和而舒適，讓人感到放鬆。餐廳的菜單提供了各種正宗的越南菜餚。我品嚐了他們的極品牛三寶湯河粉，湯底鮮美，配料豐富，真正展現了越南料理的風味。青木八沙律清爽可口，帶有一定的辣味，味道非常開胃。越式豬頸肉和法式牛油雞翼都烹飪得恰到好處，肉質鮮嫩多汁，每一樣食物都恰到好處，味道也很不錯✨🥰下次可以再約朋友再來！📍Ha Noi 越南菜 (尖沙咀)尖沙咀彌敦道36-44號重慶大廈heath慶方地庫S21號舖

先前食過其他分店，今次再訪就去重慶大廈分店，Heath地庫裝修完好有style好多餐廳，連呢間越南菜裝修都同其他分店有分別，好似cafe咁舒適~順化牛肉撈檬驚喜嘅係肥牛而唔係牛肉片，更薄更入味，牛嘅份量超多，撈埋配料加多啲醬汁，好開胃清新🙈生牛肉湯河薄薄嘅牛肉浸完熱湯僅僅熟😚入口即化，湯底都香濃牛肉味，咁大碗都係$61🥳越式蝦醬通菜出街食飯都會想食小小菜，越式蝦醬同港式原來都差唔多，不過呢碟菜都惹味而又無過鹹，清晒👍🏻👍🏻香茅沙嗲串燒可能因為聽日就係假期，胃口大開兩個人仲要食埋串燒😂😂雞肉炸得太過火有點乾，唔太啱口味🥲整體來講呢間店可以放入saved restaurant list 🩷

今日放工同男朋友嚟咗呢一間喺重慶大廈旁邊地庫嘅Ha Noi越南菜😆呢度嘅餐牌食物種類超多～連越南河都有好多選擇😉所以我哋一人叫咗一個主食，然後再叫咗小食～我叫咗河內生熟牛肉湯檬 ($69)，好鍾意佢呢度嘅生牛肉好嫩滑，而熟牛肉好重牛味，肉質一啲都唔韌～湯底鮮而不鹹，配埋檬粉食非常好食👍🏻份量都勁大碗，食完都飽咗一大半🤣男朋友叫咗越式豬頸肉撈檬 ($67)，一上枱第一個反應係啲豬頸肉勁多😍而且油脂勁香好好食～撈檬再加埋酸甜汁，食完一啲都唔覺得膩～小食方面，叫咗法式牛油雞翼 ($54)，雞翼炸得好香脆，上面嘅牛油，再加上蒜蓉勁惹味，勁邪惡😗另外亦都叫咗個越式生菜包 ($108)，估唔到份量都幾大，香料味重，炒得好香，包埋生菜，味道好均衡😉飲品就叫咗牛油果沙冰 ($36)，非常Creamy，牛油果好滑，唔會過甜，做得好出色！呢餐真係食到超級飽😆😆

成日都嚟尖沙咀，都係第一次行入呢一個地底商場，原來樓下呢度好多唔同嘅食肆可以選擇！我就嚟咗呢間越南菜試一試佢行到最入先見到佢食物種類都幾多選擇🦀軟殼蟹撈檬軟殼蟹好多膏，炸得好酥脆，又大大隻👍🏻配上清爽嘅撈檬，都幾夾👍🏻🍜河內特色綜合河粉 入邊有好多料，例如牛肉、扎肉、香葉卷等等，非常足料，夠晒飽😋🍘炸蝦餅可以用平啲嘅價錢加個小食，於是我揀咗蝦餅😋炸得好香口，口感好實在🫔鮮蝦米紙卷食越南嘢點會唔叫米紙卷！配上啲魚露醬，層次好豐富🧋椰果椰汁西米露跟煮食嗌加$12就可以加特飲‼️非常之抵食。-總結：最後埋單兩個人食咗大約$270左右，食到兩個主食、兩個小食、一杯飲品，個人認為係尖沙咀嚟講性價比都幾高‼️推薦大家嚟到可以試吓😋

尖沙咀重慶大廈是香港的一個地標，對外國人嚟講。但係本身local啲人都比較少去掛，起碼我係。但今日例外，約咗朋友去地庫行一轉，就發現咗好多新事物，當然係食肆居多，東揀西揀，揀中咗Ho Noi呢間越南餐廳。散叫或套餐都任君選擇，叫咗個198嘅2人套餐，内有主食二款，小食一款及時菜一碟還有2杯飲品，除咗滴漏咖啡要加錢，還有椰青要另叫，其他飲品都嗌得，你話抵唔抵？“生牛肉湯粉“係主食之一，但見生牛肉上檯時依然係粉紅色嘅超吸引，但係都係浸陣好啲咁就啱啱好啦，非常嫩滑；“香茅雞翼撈檬” ，雞翼真係好香口下次叫多幾隻，撈粉加埋啲汁真係一流；“安南鮮蝦米卷”，隔住米紙都見到大大隻的蝦，流口水，仲有多多配料；“田園灼時蔬”今日係生菜。“酥香軟殼蟹”成份嘢有2隻，1人1隻唔使爭，大隻又有蟹膏真開心，香脆多肉人人愛；“椰汁綠豆冰”和“鲜芒果西米露”亦冇揀錯。