260
15
10
5-min walk from Exit B2, Tsim Sha Tsui / East Tsim Sha Tsui MTR Station continue reading
Telephone
26388099
Introduction
Gyushige comes from Japan. They have more than 100 branches in Japan. The beef are mainly obtained from America, Australia and Japan, in a reasonable price and portion. continue reading
Additional Information
用餐時間90分鐘,留枱時間15分鐘
Opening Hours
Today
12:00 - 16:00
17:00 - 23:30
Mon - Sun
12:00 - 16:00
17:00 - 23:30
Payment Methods
Visa Master AlipayHK Alipay Cash UnionPay WeChat Pay
Other Info
Online Reservation
Alcoholic Drinks
Cake-cutting
Phone Reservation
Reward Dining Points
10% Service Charge
Spot payment
About Reward Scheme
Review (307)
Level4 2019-09-06
1163 views
趁暑假就嚟完,請咗日假帶埋小朋友出去去街街,老公鍾意食燒牛,特登搵吓尖沙咀邊度有,發現呢間牛繁的lunch set只需$128 ,似乎幾抵食所以就去視察下。原來牛繁係來自日本,有超過150間分店,歷史悠久,所以相信有一定質素保證。lunch set有六款選擇,部份要另外加錢,每個餐都包含沙律、白飯、湯同飲品,仲可以追加配料,白飯升級或加甜品。我哋兩大兩小,最後叫咗三個set再追加兩份配料。套餐包嘅沙律可選薯蓉沙律或者大崎蟹柳沙律,薯蓉沙律顧名思義其實就係一舊薯蓉,但除咗薯仔之外,裏面仲有紅蘿蔔絲、洋蔥絲和青瓜絲等等,淋上胡麻醬,都幾好食。蟹柳沙律就係蟹柳絲、粟米粒加生菜絲加汁,都ok。除咗套餐嘅沙律,佢仲端上了一碗芽菜前菜,應該是送的,作為餐前小食都不錯,開胃。今日嘅湯係蛋花湯,好多蛋花味道一般。主角終於出場,分別有「特上牛胸腹肉」、「元氣牛五花」(加$10 ),同埋「元氣牛小排」(加$20 )。每份份量都唔少,頭兩款,每款有八篇,牛小排可能因為每塊面積大,一共有五塊。牛胸腹肉顏色較深,油花不多,肉質有點韌,但都有牛味。牛五花相對薄身,脂肪均勻,肉質嫩腍,我自己最鍾意呢個。牛小排就比較厚身,中間有塊骨,感覺就真係似食牛扒,冇五花咁腍,但係亦冇牛胸腹肉咁韌。除咗以上套餐,我哋仲加咗一份「蔥燒鹽香牛舌」( $68 )同埋「嚴選櫻姬雞腿肉」( $58)。牛舌切得好薄,有啲醬汁醃住,份量好多,要快燒上碟,否則會變老就太韌。雞腿肉有五條,食落都好滑。相比之前食過嘅烤肉,呢度嘅肉醃得唔算濃味,可能係日式同韓式嘅分別,大家可以跟餐牌上嘅指示點調味料,悉隨尊便。跟餐可以選擇炭燒烏龍茶或檸檬茶,檸茶都好大杯,燒肉配凍飲是一流的選擇。除咗一般烤肉店都會有嘅抽風系統、夾,佢仲有鉸剪、圍裙、除味劑、牙籤、濕紙巾、漱口水(喺洗手間裏面)等等物品提供,另外亦有儲物服務和免費叉電(喺張枱下低有差電位,唔使用佢另外嗰個尿袋),我覺得相當細心,值得一讚。食咁多嘢,連加一都唔使$600 ,算好抵!如果夜晚嚟,仲可以like佢Facebook,會送一份澳洲和牛里脊肉! continue reading
(The above review is the personal opinion of a user which does not represent OpenRice's point of view.)
Level4 2019-09-04
856 views
之前喺東京食過呢間牛繁覺得CP值好高見香港開嘅時候已經好想試 今日終於有機會試啦我哋book咗9:00 都要喺門口等一陣原來平日咁夜都咁多人黎食仲有圍裙添Menu上面好多嘢揀 價錢都好公道選擇好多 齋講牛已經分左好多種類有澳洲M9和牛 牛舌 牛肋肉 肉眼扒都有😍我哋叫咗肉眼扒 個扒就嚟大過塊面擺上個爐度大細岩岩好油花分佈得好好 食落口唔會太韌又唔會勁肥另外仲叫左個澳洲特上胸腹肉基本上燒兩燒就食得 燒得好香入口好有牛味 食幾多舊都唔厭豬方面叫咗豬頸肉同埋豬五花佢啲份量都幾多 仲要好大塊豬頸肉燒完之後啲肉汁必晒出嚟 超好食豬五花係用柚子胡椒醃製 好入味再加上佢係薄切 燒兩燒就可以食 我哋都食到停唔到口野飲選擇都好多 有清酒 水果酒我地唔係好飲得酒 就要左杯巨峰提子梳打同埋蜜桃梳打 一啖肉一啖梳打 好解渴之前聽人講話覺得好貴 但係完全係物超所值啊下次一定要叫多啲朋友嚟一齊食 continue reading
(The above review is the personal opinion of a user which does not represent OpenRice's point of view.)
Level8 2019-09-02
3551 views
近排相信大家都特別多嘢煩,以往可能煩嚟煩去都喺工作問題、屋企問題,但依家有可能煩着咩色衫出街、煩去咩區食飯安全啲……等等。小弟份人好簡單,既來之,則安之,無論晌咩境況,不怨天,不尤人,因為怨天怨地都解決唔到問題,自覺應把每件事都做足應有本份先。有人話食餐好嘅可以減吓壓,唔知有無科學根據,但食到啲好嘢,喺會開心啲,所以,今晚就拋低一切煩惱食餐好嘅。「牛繁」喺友人嘅推介,喺日本過江龍,話質素有保證。再晌餐牌中嘅介紹,由1968年創立到依家,已經有超過150間分店,可見有一定嘅實力先可以做到咁嘅成績。怪唔之得有咁多客人捧場啦,當晚所見,可以講全場滿座,仲見有啲枱已翻咗一、兩轉,可見香港人喺幾鍾意食日式燒肉。好多日式燒肉店嘅裝修都喺走簡單路線,又帶點工業風。而個人覺得最緊要嘅喺抽風,佢哋嘅抽風用咗上抽式,個人咁多年食韓式、日式燒肉嘅體驗,下抽式嘅效果會好啲。然而,佢哋加咗個透明大膠蓋,效果算喺理想啲。不過,搶火起上嚟,都一樣好大煙吓。除此之外,銅鉗、鉸剪、醬汁、調味料……等等,已放晌枱上,一齊準備就緒。環境、用具介紹完,就講講有咩選擇,其實,翻一轉餐牌,就見到有好多嘢食,不過,唔知點揀,晌門口處楝咗個牌,就有啲人氣系列,不妨當個參考。而細看餐廳,選擇確喺非常之多,部份配有圖片,十分吸引。由前菜、小食、沙律、牛肉、豚肉、雞肉、海鮮、野菜、食事、甜品……等等,都一應俱全照顧到。而肉類選擇多到花多眼亂,當中,有用上澳洲M9、宮崎黑毛和牛,海鮮亦選用唔同國家嘅靚貨,更特別之處,有唔同嘅調味可選,如汁燒、柚子胡椒、香草醬、味噌……等等。另一組細餐牌,就提供各式各樣嘅飲品,主打喺酒類飲品,提供清酒、燒酌、紅 / 白酒、梅酒、啤酒、果酒,甚至威士忌都有;唔喜歡飲酒嘅,可以揀揀梳打、汽水……之類。蜜桃梳打 $45食燒肉點都要飲住杯凍飲嘅,揀梳打就最夾架啦,梳打口味共有5款,蜜桃就喺心水之一。睇色澤,應該喺白桃嚟,入口清爽冰涼,陣陣清甜嘅白桃味,感覺不俗。和風菠菜 $32趁未燒肉類之前,先有啲前奏,就喺食啲前菜或沙律嚟開開胃。呢小碟和風菠菜,有啲韓式前菜嘅感覺,菠菜簡單調味,再糝上大量生產芝麻,簡單而清新,啲菠菜又亳無澀味,而且,又可以作為肉與肉之間嘅間場。薯蓉沙律 $38搵薯仔做沙律,聽落普通,但確喺又喺不過,做得好嘅一樣可以好好食。將薯蓉做成波波咁,自然好睇咗,而薯蓉做得綿滑,加入啲甘筍絲後,增添口感,淋上胡麻醬,令味道唔單調,真喺可以返到屋企試做吓。特上牛胸腹肉 $98呢個喺一心想試嘅部位,因為睇見標示「鑽石」標誌,表示喺希少部位。上枱時見到啲牛胸腹肉鮮色紅潤,感覺「新鮮」,燒到帶點焦香,入口牛味濃郁,質感軟腍細嫩,脂肪唔會太多,甚具肉香,正呀!蔥燒鹽香牛舌 $98牛脷喺小弟喜愛嘅部位,亦喺餐牌中嘅「牛繁」推介,而牛脷亦有多款口味供選擇。呢一款口味則以薄切再加少少醬汁醃過,輕輕燒至表面乾身已OK,入口仍有少許牛脷嘅韌勁,以及獨有嘅羶香。極上厚切和牛板腱排 $198不然有一定嘅質素,而且,油花分佈平均,色澤又靚,睇見都心郁啦。簡單以鹽同黑椒調味,所以,食落既食出肉嘅原味,更充滿油香而不過火,細嚼肉質嘅纖維真喺有種入口即化嘅感覺。特上厚切牛肋條 $168 又喺採用澳洲M9和牛,亦喺「牛繁」推介,長長嘅牛肋條已經鎅晒花,以燒汁及味噌醃過,更加入味。我哋原條咁燒,燒至兩面都「上晒色」就覺得差唔多。剪開一小嚿一小嚿咁食,裡面仲喺嫩紅色,肉質軟腍,外層焦香,配點蔥花,好食。嚴選雞頸肉 $78豬頸肉就食得多,見有款雞頸肉,好奇唔知咩料,就試試其柚子胡椒口味喺點。單睇外觀,同平常食嘅雞柳唔喺太大分別,燒過之後,個樣亦喺,亦無預期好似豬頸肉咁爽爽哋,不過,口感就好腍好滑,而且,帶有柚子清香,又OK喎。特選豬五花 $68食咁多牛,又試埋雞,點都要試試佢哋嘅豬肉嘅,五花腩就最有代表性喇,以味噌簡單醃過,睇落都只喺有一層層窄身肥膏,但猛光燒後,逼出油脂,入口又唔算好肥,反而,有一份甘香感。大人氣!霧島溫泉蛋飯 $48食事裡邊,呢一款喺「牛繁」推介,講開霧島,我都識架,幾年前計劃去南九洲時,就有打算去霧島,不過,我哋唔識揸車,搭公共交通過去又好煩,先緣慳一面。講番個飯,賣相幾有心思,將中間掏空打隻半熟溫泉蛋,而飯面加上唔少飯素、芝麻同紫菜,撈勻嚟食,好好味。不妨配嚿燒肉,自製燒肉壽司,更加正呀!溫馨提示吓,入門口有個牌寫到明,用餐時限為90分鐘,不過,當晚嘅感覺,都喺先小人後君子,都無嚴格執行。不過,一般嚟講,個半鐘嘅用餐時間都差唔多。順帶一提,啲招呼幾好,主動幫手調校火力,先後幫忙換咗3次鐵板。一次過試咗咁多款牛肉,「牛繁」嘅肉真喺幾得,至於肉類以外嘅食物,都一樣做得唔錯,值得翻兜。 continue reading
(The above review is the personal opinion of a user which does not represent OpenRice's point of view.)
Level4 2019-08-27
305 views
P小姐呢排強烈表示要食燒肉💪🏻😠H先生當然要聆聽民意 回應佢既訴求👌🏻👌🏻牛角放題我地都會定期幫襯 所以想帶佢食下新嘢🤩今次去食既呢間原來係喺日本開左有成150幾間分店😱.三點盛合真係幾抵食👍🏻三款分別係上級牛五花 中落牛肋肉 特上澳洲胸腹肉🤗入口感覺唔係好大分別🙂牛味綜合黎講都算ok 脂肪分佈平均😚肉質偏向較為煙韌啲 醃肉醬汁味道惹味唔算好咸😋燒完香口都唔需要特別再點醬😛不過輕手返啲會更加突顯出個肉味😜要讚下每片肉既份量都唔細 大口既H先生都要分兩啖咬開🤣🤣.雞腿肉同豬五花就揀左鹽醬 個醬比較傑😌蒜蓉同鹽既比例較得幾好🥰唔會特別咸但又帶出到嗰種蒜香😘可能醬汁較厚身 所以入口連埋肉汁既感覺好豐富濃厚🤤雞脾肉好滑 無雪味 肉味甜😄五花肉嗰層脂肪雖然邪惡 但睇住啲油標出黎💦燒香左再放入口 又真係幾正似似地進化版煙肉🐷.最後唔夠喉加多碟霜降牛五花🐮呢碟既肉質再韌啲 有少少過龍🤔肉味相對上都較頭三款啖味😅不過仍然juicy👍🏻 continue reading
(The above review is the personal opinion of a user which does not represent OpenRice's point of view.)
Level4 2019-08-15
1615 views
今晚陪朋友到金巴利街試婚紗, 順便係附近搵間餐廳一齊dinner~每次經過呢條街, 總被"牛繁"所吸引, 呢間係日本過江龍既烤肉店, 正好今晚我倆就入去邊食邊傾!每張檯都放有一小個烤爐, 烤爐之上除了有一個抽煙煙囪, 煙囪額外加配了一個罩, 除左可以令燒烤散出既煙集中被抽外, 亦能避免到燒既時候唔會彈到自己。牛繁 主打牛, 當然牛既款式較多, 亦有豚肉、雞肉選擇, 除烤肉外, 都有沙律、小食、飯類等等..【壺漬牛肋條】HK$108壺中放左兩件牛肋條, 牛肋條醃得好入味, 而且夠林, 夾集淋左少少汁既香蔥一齊食, 甜甜地又帶香口, 而且冇筋連帶。  【蔥燒鹽香牛舌】HK$98薄切牛舌淋左少少汁, 燒既時候唔會令牛舌太乾, 夾住香蔥食, match!【極上牛板腱厚切和牛板腱排】HK$198牛板腱既牛脂分佈幾平均, 肉比牛脂多, 所以入口唔會成口油, 肉味幾重, 肉質都幾嫩。【雞軟骨 (日本雞三角)】HK$68平時食雞軟骨都係一粒粒, 第一次見雞軟骨係三角, 真係好少機會係其他餐廳見到。軟骨爽脆唔會太硬, 質地似豬耳既軟骨, 唔怕硬到咬傷d牙, 正!!LIKE & SHARE 餐廳Facebook page, 仲送澳洲和牛里脊肉一客, 雖然表面有薄薄雪氣, 但烤後入口, 味道又唔錯, 牛味較出, 仲要免費!!! 著數!!! continue reading
(The above review is the personal opinion of a user which does not represent OpenRice's point of view.)