69
12
7
Exit A2, Tsuen Wan West MTR Station, Exit E2, Tsuen Wan West MTR Station, Exit A3, Tsuen Wan MTR Station continue reading
All Branches (7)
Telephone
28540500
Opening Hours
Today
12:00 - 23:30
Mon - Sun
12:00 - 23:30
Payment Methods
Visa Master Cash UnionPay
Other Info
10% Service Charge
Review (93)
Level1 2019-12-09
102 views
和朋友食生日飯🎂6個人選了最貴果餐,食物 ok 。但服務態度好差‼️雖然我們是遲了交枱,最重要門口亦沒有客人等位,我們都是坐多一陣傾吓計,但用了很悔氣的態度趕我們走😡😡今時今日換來這樣的態度對待,不會再幫襯了,嬲‼️還有,結賬完後,朋友去拎甜品🍦🍦已被人阻止,為何要咁多限制‼️90分鐘打邊爐時間真的不夠,要自己出去Bar 枱拎,真的要90分鐘密密食😤連傾計的時間乜沒有,比錢仲要受氣,真係唔黑面就奇🤬🤬🤬🤬 continue reading
(The above review is the personal opinion of a user which does not represent OpenRice's point of view.)
Level2 2019-12-01
160 views
星期六放假同老婆去愉景新城行街,行到累見到牛陣午市百4蚊有90分鐘火鍋放題緊係唔好錯過,試試先!場地都算寬敞通風,揀咗堅魚湯底,冇咩味但勝在夠清!我地個餐有肥牛有豬,牛肉偏瘦,較為乾硬但都算有牛味。豚肉算高質,彈牙軟滑有肉味冇乜渣,最後食豬係多過食牛。去任食區拎野食都有大路野,菜類有生菜茼蒿,金菇冬菇豆腐蕃茄芋頭南瓜,算新鮮。丸類種類少較為失色d,墨魚丸唔夠彈牙,其他雜丸有通病係一滾就好快淋,烏冬都係,算比較失望。野飲係任飲,自己order,我就飲忌廉,老婆飲東瓜茶,夠凍,上既速度都快。甜品有Haagen-Dazs雪糕,係雪糕櫃一大桶放係到,要自己裝,略嫌舀雪糕嗰個羹太細,裝得幾辛苦下。總結加埋1兩個人食3舊水,我覺得算抵架啦,有下次 continue reading
(The above review is the personal opinion of a user which does not represent OpenRice's point of view.)
我組同事升職,幫佢慶祝佢想打邊爐, 收工同佢行到去荃新天地見到牛陣做緊一個泰式冬陰公湯底, 佢話想試下。這個湯底店員會先用牛脂肪在燒紅的鑊裏面,不斷游走,迫出脂肪,再把海鮮微微煎熟,再倒入湯令到這個海鮮湯更加出味。除左牛肉豬肉外,另外他有一個海鮮拼盤有魷魚,帶子,生蠔。牛脷煙煙靭靭 顏色方面紅 口咁啱啱好澳洲穀飼牛, 牛味十足,一涮即食,至高享受。最開心係呢度有乳酪雪糕,如果有紙杯提供更加好他還有紅咖哩飯, 泰式蝦片,薯角等炸物比你選擇。我加了我最愛的青檸汁, 酸酸味味,好開胃, 好喜歡這個湯底,不用再加豉油。雖然大家覺得食任食火鍋主要係食肉,丸等這些貴價食物才回本,但係我主要係食蔬菜的, 因為這裏有很多款蔬菜任我選擇, 這樣既可以滿足食肉獸的她和食草系的我。牛陣,因為任食嘅關係吸引咗好多年輕人過嚟用膳。最緊要他的食物是不斷補給的,所以不會怕不夠, 只怕你兩小時內未必食得完。希望佢越做越開心, 發揮佢的所長。滿分為10分(1分最低,10分最高)食物:8環境:8衛生:8服務:7.5價錢: 8.5舒適度:8總分:8 continue reading
(The above review is the personal opinion of a user which does not represent OpenRice's point of view.)
一直都有好多人講「牛陣」打邊爐好正,d牛又好味等等,但由於自己唔中意只有90分鐘既用餐時間,所以一直都無食過。直至發現原來佢有提供正宗壽喜燒,即刻燃點我對佢既興趣。可惜,入座先發現原來正宗壽喜燒係期間限定😂,而家已經改為冬陰公湯底,我同友人都係衝著壽喜燒而黎既,所以當下係非常失望,結果點左壽喜燒甜湯底。至於牛肉方邊,我地入座時係order左最高級果款「日本產特選黑毛和牛」,因為睇食評d相感覺唔錯,諗住豪番一次。職員好快就送上3款海鮮、豚肉片、牛舌同和牛片。當我同友人見到碟和牛既時候,當堂發表好多負評😧☹️,因為實物同廣告照片分別太大😠。當第2輪和牛片都係呢個情況下,我地忍唔住問職員「係咪真係比左特選黑毛和牛我地」。佢先話入單無錯,但就拎錯左次一級既和牛比我地😳😓,之後問我地要唔要繼續揀「特選黑毛和牛」。我地覺得既然都錯左,就由佢繼續錯算啦,最後我地轉食「日本產黑毛和牛」,不過期間有一盤和牛特別靚😲,估計係「特選黑毛和牛」,唔知係咪餐廳因為做錯野而送比我地呢?!😆黑毛和牛比肥牛瘦好多,所以油膩感無咁重,但又不乏牛味,肉質軟嫩,質素唔錯。我同友人都係牛魔怪,前後共食左9盤😋。唯一一盤勁靚既和牛片😍,我地估應該係「特選黑毛和牛」,雪花分佈平均,肉質更軟更嫩🤤。普通和牛即刻比下去😅牛舌切到薄薄一片,煮一陣就食得,肉質爽口又唔韌,食得過!! 如果唔係首輪有豚肉片,估計應該唔會食佢。個人覺得味道普通,唔係我食過最好味既豚肉片,試一盤就算。海鮮有帶子、大大粒既蠔、魷魚。帶子太細粒,而且無鮮味可言;魷魚彈牙,不過無乜鮮味;蠔有少少腥,但唔算難入口,勝在大粒又飽滿。自助區都有唔少選擇,最特別係蔬菜中有蟲草花同羽衣甘藍,前者食得過,但後者太老好多渣……😑。另外澱粉類有公仔麵、拉麵、烏冬、白飯供選擇,但烏冬粉感好重,軟淋淋,無彈牙可言。炸物有三款,分別係炸得脆口既薯角、味精好重既蝦片、大大件又嫩既炸雞😲。最後就緊係仲有Haagen-Dazs雪糕,當晚有4款:草莓、焦糖脆餅、Oreo曲奇碎、夏威夷果仁。當晚用餐環境唔錯、座位舒服、職員上送同收碟速度快、有禮貎,食物方邊和牛、牛舌質素唔錯,但個人覺得自助區既火鍋配料質素好似比港式任食既質素差少少🤔。如果係牛魔怪,主攻牛既話就會覺得人均$320包飲品(可揀酒精類)抵食,但如果對其他火鍋配料有要求既話,我就覺得可以再揀下。 continue reading
(The above review is the personal opinion of a user which does not represent OpenRice's point of view.)
Level3 2019-09-23
193 views
早兩日睇到人地既post起左邊爐癮,一心諗住今日走去但馬屋,點知臨出門發現啲popo自己無啦啦係葵芳集結搞到但馬屋都關埋🙄但我真係太想打邊邊,👦🏻提議不如轉戰同一集團既牛陣🐮去之前一樣記得要用the gulu拎飛真係慳返唔少時間!!.🔸嚴選套餐 $179今日揀左個第二平既套餐,但雖然係咁,佢既牛肉都絕對對得住個價錢!!肉質都算軟腍,亦都唔嚡口,加上叫左幾round個質素都保持到。🔸自助區自助區既選擇同但馬屋差不多,但就有埋蝦片同薯格等小食。特別推薦✨羽衣甘藍🥬✨同✨蟲草花✨!! 羽衣甘藍係superfood有咩好唔多講,加上唔係度度打邊爐都有! 蟲草花就個人喜好私心推薦🤣🤣.另外推薦佢個✨紅咖哩✨佢係唔辣既,但就好香椰香同香料味,入面啲牛肉都炆到好腍同入味!!👦🏻仲用黎做邊爐肉既沾醬,都好正🤩🔸任食Haagen dazs🍦食完咸食,唔好忘記佢仲有任食haagen dazs!!今日仲遇到我既第二最愛夏威夷果仁味🤤🤤(第一絕對係花生醬味!).除左無得一人一鍋之外,其實牛陣好多野都同但馬屋相似~$179依個價黎講,其實食多幾碟牛肉同雪糕就回晒本!🤣🤣所以依兩間都係我地懶豬豬經常encore之選🤣🤣.📍唔好忘記,唔做大嘥鬼食得曬啲野,埋單時可以問店員拎$29coupon,下次食就可以平啲嚕🤣🤣🤣 continue reading
(The above review is the personal opinion of a user which does not represent OpenRice's point of view.)