牛角J

Open Now

Now Closed

牛角J 燒肉位於啟德零售館2期，平日夜晚嚟食都要等位，不過因為我有金會員，所以都唔使等好耐。牛角J 係近年新開嘅燒肉line ，好適合一個人去食燒肉或者想食燒肉但係又唔想咁heavy 食buffet 放題的朋友。定食都包左沙律菜、味噌湯 同埋 一碗飯，肉嘅分量同組合都係可以選擇，而飯可以揀招牌嘅牛角飯、溫泉玉子飯 同 櫻花蝦鰹魚紫菜飯，而飯嘅份量都可以自由選擇。………………………………………………赤•濃雙牛定食 ⭐️⭐️⭐️⭐️選擇了200g份量的牛肉（牛板腱赤身、封門柳），肉的脂肪含量較少，但係牛味比較香濃。超特撰牛三重定食 ⭐️⭐️⭐️⭐️⭐️選擇了200g份量的牛肉（A4野崎牛西冷、骨附牛肋肉、牛五花），肉質比較林，脂肪含量較高，牛五花肥瘦適中，牛肋肉就過肥，而A4野崎牛西冷就最好味，果然一分錢一分貨！番茄味噲海鮮湯⭐️⭐️⭐️⭐️味噌湯可以加$18 升級做番茄湯，升級完大碗左，裡面仲有唔少海鮮，有魷魚同扇貝，番茄味都濃，又唔會太酸。原隻燒蠔  （蒜香辣油脆脆）⭐️⭐️⭐️⭐️限定menu 叫定食可以加$18 加原隻燒蠔，蠔本身都幾大隻，燒完縮細左都仲幾肥美鮮甜。免費醬汁⭐️⭐️⭐️⭐️⭐️牛角J 提供多款醬汁點燒肉，包括

今次去咗牛角J試佢哋嘅燒肉set，兩份一齊上枱，450g黑白胡椒牛五花真係超震撼！肉質新鮮，油花分布靚，燒起嚟香氣撲鼻，每啖都Juicy又有咬口，配埋五款特色醬汁，點邊款都好夾。牛五花食得多會比較膩，因為油脂比較多，建議同人哋share會比較好，但係講真送飯真係一流😚牛角飯都唔輸蝕，300g份量超足，紫菜加生蛋黃撈飯好香口，食完真係大滿足！套餐仲包埋前菜沙律、味噌湯，啱晒大胃王同肉食控，價錢合理，環境又舒服，服務都好有禮，會再回頭！🥰🥰

本身一直都係牛角fans 知道啟德開咗牛角J一段時間都未試過，今次特登過嚟試吓😉叫咗2個全日套餐：赤濃雙牛定食 包括牛板腱赤身同封門柳円滿雙牛雞定食 包括牛板腱赤身、牛舌同雞爽肉除咗本身燒肉可以揀唔同款式嘅醬汁之外，枱上面都有6款醬汁可以揀，特別推薦山葵燒汁，呢隻醬係牛角J限定(平時牛角冇嫁)沙律、湯同飯全部都可以加價升級我+$16升級咗櫻花蝦鰹魚紫菜飯比起平時食嘅牛角飯更加多咗一份鮮海鮮味👍🏻👍🏻

今次食咗花椒孜然雙牛&雞定食150g，仲忍唔住加咗個和牛定食🤣和牛定食就更加高質，嗰塊和牛油花分佈均勻，入口即溶🤤 另外雞肉方面，我地係燒嗰陣加左啲辣粉，就更惹味👍🏻

牛角J係啟得體育園零售館開分店啦！牛角J 係人氣燒肉店牛角旗下的餐廳，主打定食套餐，套餐包括前菜、味增湯同埋珍珠飯，依家仲有新開業既優惠，最平$48可以食到魔法塩醬牛五花定食，飯方面仲可以加$8升級牛角飯或其他菜品，另外仲有得揀飯既份量（100g、200g同埋300g），定食種類都幾多，有二重和三重的定食選擇，仲可以揀選唔同嘅醬汁，令口味更多元化。餐廳主要以一人一燒爐既形式，以日式風木質的枱凳為主，亦另設有梳化位，餐廳仲好貼心設有兒童套餐，望落幾豐富，適合一家大細嚟進餐。整體嚟講，定食套餐既性價比很高，一人嗌一個套餐食到好飽，下次如果係附近，會再試其他套餐。

-見到啟德體育園新開咗牛角副線：牛角J，見到佢全日定食都包前菜（沙律）、味噌湯同埋珍珠飯，飯仲可以俾你揀要幾多g，佢同好鍋日子一樣，啲醬汁又係可以轉，所以主要喺個Menu上面揀嘅都係肉，我同朋友一個要咗威士忌燒汁、另一個叫咗花椒孜然，威士忌燒汁比我嘅感覺係偏甜、我食唔到啤酒味，而花椒孜然就好重辣味十分惹味，基本上要咗花椒孜然都唔可以喺入面再加其他醬汁食，再加就會好鹹而家有匯豐信用卡仲可以白飯免費升級做牛角飯，可惜唔可以同牛角會員一齊用，所以我自己加咗$8去升級比起牛角本店，我覺得牛角J嘅沙律定係味噌湯都比本店好食好多，沙律係配上麻醬嘅沙律，味噌湯就係正常喺日式餐廳飲到嘅味噌湯其實醬汁方面有山葵燒汁、黑白胡椒燒汁、威士忌燒汁、韓風辛辣、花椒孜然、鹽醬、燒肉汁、味噌，但其實除咗威士忌燒汁、胡椒燒汁同埋花椒孜然之外，入面喺餐枱上面已經有晒啲醬汁，你想點試都得200g嘅肉份量都幾多，牛舌都有成8塊，雞爽肉就5-6塊左右啦，牛板腱就around 5塊左右，啲肉望落同牛角差唔多，咁當然唔係和牛質素啦，價位嚟講其實比起牛角本店更加抵食，我自己都已經去食過幾次，覺得如果經過啟德又想食燒肉嘅，不妨可以去

前幾日同班朋友十幾人去啟德運動場玩，玩到肚仔餓，一行十幾個人就去咗牛角食晏。一入到去，就見到牛角嘅裝修好有日式風味，木質嘅枱凳，燈光黃昏昏，好有feel。服務員好醒目，一睇到我哋咁多人，竟然都安排到我地坐埋一圍，仲每人一個燒爐，正啊！呢度食燒肉真係好抵，最平$48就有交易。但我就揀咗個貴啲嘅威士忌燒汁雙牛定食，$148有200g，有牛小排同牛五花。牛小排嘅油花好靚，放落爐度一烤，嗰個滋滋聲，聞到都流口水，食落去又嫩又多汁，威士忌燒汁味道好特別。牛五花烤到微微焦，咬落去好香口。我仲加錢叫咗個牛角飯，真係好好味！啲米被燒肉嘅汁浸到，每粒米都充滿肉香，配埋啲紫菜碎，正到爆！再飲啖凍凍嘅雀巢檸檬茶，食埋個生菜沙拉，真係大滿足！下次一定再約朋友嚟食！

又係真實食評既時間$158 450g肉真係抵到爛，新開決定一試重點係牛角個紫菜飯，必點。講返個牛先，呢個價錢唔好諗住會食到好高質既牛，但可以話係唔差既，cp值超高。環境：幾好，啲位又夠闊衛生程度：乾淨食物質素：cp值高，但質素唔算話係好好推薦菜式：牛角飯極不推薦菜式：/總結：燒肉呢個價錢真係抵，有機會都會再食既，下次會再試其他款。

抵食2人餐，唔洗$300開業有優惠，有兩款特價選擇2人餐唔洗$300有湯，沙律，飲品，一款7輪，飯同一大盤肉，5款，有哂牛猪雞蕃茄温入面有章魚帆立具沙律好足料，菜都新鮮肉類合格，但醬汁有响偏鹹敗筆：雞肉切得好碎好細粒，好難燒目測6點50分後開始多人8點左右就停止拎飛要食就要早去

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯最近啟德開咗好多新店都多咗去啟德行吓，牛角新開咗副線牛角J個J「J」代表「Junior」、「Japan」、「Juicy」及「Joy」! 價錢都好實惠啲定食都係百幾蚊左右，而且特別推薦佢哋五花肉定食！份量超級大😂黑白胡椒牛五花定食 $158 450/g依款係超大盤嘅相撲燒肉盛，$158就可以有一磅肉，份量真係好多。用咗少許黑白胡椒做調味咁就唔會蓋過牛肉本身嘅味道。韓風辛辣豚雞三重定食 $118 150g可以一次過試晒豚肉、豬頸肉和雞腿肉。韓風嘅辛辣醬辛中帶甜，一次過開始晒三款真係好抵玩。我自己最鍾意係雞腿，雞肉口感夠嫩，就算燒焦咗都不失肉汁。另外本身都好鍾意食佢哋個牛角飯今次佢哋嘅選擇多左，試咗呢個香蔥辣油玉子飯都好正🥰🥰🥰另外有一個好健康低階又好味嘅選擇就係低卡魔芋魔芋麵💕我都覺得幾好食，有啲QQ彈彈嘅感覺如果唔想錯過其他好介紹，記得follow我呀😘多謝大家！！！你嘅支持就系我嘅動力！記得點贊❤️ ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯牛角J (九龍城)九龍城啟德承啟道38-39號啟德體育園啟德零售館2 3樓M2-301號舖

講到食燒肉，相信多數人都食過牛角。最近牛角嘅副線「牛角J」首間分店登陸啟德體育園。「牛角J」嘅「J」代表高品質、高速度和多樣性。提供多款一人定食和多人套餐。花椒孜然牛三重定食 $98 150g包含有牛板腱、牛頸脊和風門柳三個部位。花椒孜然帶點香辣和麻味俾啲牛肉。我自己就最鍾意牛頸脊嘅部位，油花分布均勻又不失牛肉味。魔法塩醬牛三重定食 $48/100g$48就可以食到真係性價比超高。魔法塩醬可以帶返啲天然咸香出嚟，配搭濃厚嘅牛肉油脂香，簡直係絕配。

呢間開係啟德體育館既牛陣，新開張，有開業優惠，咁就啱啦～一於試下啦！我地叫左個牛五花定食！好好味呀！呢個價錢絕對抵！個定食入面有埋湯，沙律，同飯，夠曬飽，一定再黎！

日本人氣燒肉店牛角之副線 「牛角J」首間分店正式登陸係啟德體育園零售館😍 。全日提供1️⃣1️⃣款燒肉定食套餐，包括是日前菜、味增湯及珍珠飯🥰。開業期間，低至$48就可以食到「魔法塩醬牛五花」定食，但如果好似DuckGor🦆咁嘅食肉獸，就一定要試下 $158的「相撲燒肉盛」，黑白胡椒牛五花肉量約有一磅重（450g)，大滿足之餘價錢又唔算貴，又好食🤤。另外，花椒孜然牛三重定食(牛頸脊/封門柳/牛板腱赤身)、威士忌燒汁雙牛定食(牛小排/牛五花)，DuckGor🦆都覺得非常值得試下😍。除套餐外當然仲可以單點燒肉，將轉成套餐只需加$26，再+$8 就可以升級牛角名物，牛角飯🍚❗️DuckGor🦆 點咗 石鍋黑松露粟米牛肉飯 $88 ，同埋味噌海鮮湯(蕃茄)，前者好香黑松露味，仲要熱辣辣，後者，加咗蕃茄味道幾特別。「牛角J」推出5️⃣款由牛角秘傳燒肉汁變奏而成之限定醬汁，包括「山葵燒汁」、「黑白胡椒燒汁」、「威士忌燒汁」、「韓風辛辣」、「花椒孜然」，雖然已為每款燒肉定食預設好最佳醬汁配搭，但客人係可跟自己喜好轉配其他醬汁，又或者走醬汁再配檯上的各款醬汁，配搭多樣性，有夠貼心❤️。

星期六中午十一點半到達，見唔需要等位，就入去食，去到十二點鐘已經需要 排隊 嗌籌號 才可入座。我哋三大一細，被安排坐較近門口半梳化位， 呢間牛角係冇自助bar攞其他食物，全部都係嗌定食。服務員同我哋講話有開張優惠，有豚肉燒定食餐係做特價，同埋另一個威士忌燒汁雙牛肉餐200gram升級做250 gram ，我哋嗌咗呢兩個餐之外，仲order咗花椒孜然雙牛&雞定食， 肉質ok，牛舌good， 蕃茄味噌海鮮湯非常好飲+鮮甜，花椒孜然汁幾特別.幾惹味 ，埋單連加一，總共418蚊。四個人性價比尚可~