牛角Buffet (Lucky Plaza)

Open Now

Now Closed

和家人打算早少少食晚餐，見到好運中心呢間牛角，不過評語話佢哋超差，個心都打咗個突。當日一行4人最終都係決定試吓，比個機會佢才再作評論。食SS-2餐，所有肉類都OK，沙律、飲品及雪糕都幾好食。至於評論話服務差，老實講我真係唔覺喎。不論男、女店員都有禮貌，而且點餐都好快上菜。食100分鐘，到了80分鐘有店員遞上帳單通知，就如其他食放題的食肆一樣，當時已十分飽了，所以沒有再點餐。真心評論：可以再食嘅店。

我都係想好好地食餐飯啫真係咁難嗎？我哋一行2人係餐廳門口就已經要我哋點定食咩餐，位都未坐低就已經開始計時喇！咁職員都好快就帶我哋去咗一張有兩個爐的4人枱，但餐廳竟然將4人枱夾硬間為5人枱，最後隔離嚟咗兩個大人加一個小朋友，之後她們都覺得太迫頂唔順要求調位，職員先將張枱還原做返4人枱，咁我哋先之唔洗迫住咁食咋，但最離譜係我哋明明仲有7分鐘先夠鐘，有位男職員已經態度勁差呼喝我哋話夠鐘，要我哋走！但我睇返張單點餐時間明明係18:27，揀咗100分鐘嘅餐，應該可以食到20:07吖，但嗰位男職員20:00就趕我哋走，如果佢當時客氣啲話仲有幾分鐘就夠鐘，感覺會好好多囉！食物又唔係特別好食，價錢又唔係平，不會再幫襯了！

抵食又超有質素的午餐👏🏻🤩今個午餐超有驚喜人均85 就食到半自助餐重要樣樣新鮮好食👏🏻羅馬生菜沙律好甜，牛油果勁新鮮😍珍珠米飯，配咖喱牛日式野菜咖喱❤️定沖繩豚肉牛肉汁都好好食👏🏻😍再配埋佢個紫菜好好味變咗燒肉只係配菜😂自助吧先係主菜🤣北海道牛乳雪糕加埋Tiramisu雪糕勁正🍦仲有關東煮海帶湯其他甜品，好多好多都未食飽到呢😂❣️大家一定要多多支持香港飲食🥹🫶🏻唔想咁有質素嘅餐廳買少見少寫食評人系我老婆

星期六晚行開新城市，睇下有咩食，就諗住試下牛角自助燒肉，拎飛排隊，2人，拎飛行開唔夠5分鐘返黎，見個飛號已到，但就話過左要等下一張，過30分鐘先安排入去，以為好多人full 哂，點知入到去睇到有幾張空枱(2人），但一路唔叫飛。食物及種類麻麻，自助bar得飲品及少量蔬菜無乜野食。總結體驗麻麻！，下次唔會再去！！其實睇之前d人既評價我都唔信，心諗試吓啦，可能d人專登差評，點知原來係真係差到甘，唉！真劣評！

一早book 定位，所以準時入座 。因為朋友唔食牛的關係，所以平平地吖左個LV 2 ($4xx/位) 。之前同家人黎食LV 4 ($6xx/位)，所以以為今次都係食130mins！原來LV 2 只可以90mins ！(埋單至知)當我地又叫到一枱野食的時候，經理走黎叫我地埋單！話夠鐘了. 係我唔啱冇睇清楚時間！但乜你地唔係應15-30mins 後通知食客夠鐘嗎? 根本會燒得切！但我地照繼續燒 (主要唔想浪費食物) 佢只有不停趕我地走同趕我地走！(最後當然燒唔切啦)以為出面好多客喺度等？錯喇！係一個都冇！個場仲要大把吉位！怪不得你地越做越少客啦！上次同屋企人食$6xx/位，其實我可以去同區酒店食buffet 4小時！ 你個價位$482，但只有90mins！ 根本冇可能燒得切！冇乜事我都係走返去石門食韓燒！至少間韓燒唔會催我地走！而且只需要$2xx/位！

昨晚去牛角諗住食佢地限時優惠晚餐， 大約6點攞飛， 諗住最遲8點應該有得食，點知等到9點幾都未得，出面等位嘅客人開始鼓噪， 一路都有向櫃檯查詢， 過左的3個小時，都有零星客人離開，詢問下才知佢地的安排非常垃圾，客人過左限時100分鐘，係吾須要立刻離開，佢地只是截單，客人係可以繼續坐，食出面嘅熱食同雪糕，中途仲可以比佢嘅金會員插隊，呢個安排認真垃圾囉！裏面客人繼續吹水，出面客人一路吹風，到九點半終於安排出面所有客人入座， 佢地有講未必食得足100分鐘， 但已經9點幾周邊所有餐廳都關了門， 都冇嘢可選擇食用， 都等左咁耐， 都照樣食，但佢地都吾好咁過份，10點半截單，11點關門，出面所有熱食雪糕都開始收哂， 上半場夠鐘可以吹水食雪糕，下半場就比人趕走，真係超級10級垃圾。

今日18:13攞飛，結果等到21:30先有得坐。原本個餐係食100分鐘，那麼正常人都會唸我第一轉輪唔到我，那下一轉最多115分鐘清場，應該有啦！ 點知原來哩間垃圾係會不斷比飛所謂嘅 VIP 打尖，好似我張飛竟然會比20:15分先攞飛嘅所謂vip 打尖入座先。之後追問下，店員再講佢地係唔會叫夠鐘嘅客人交枱，佢哋只係唔可以 order 食物，但又好離奇地可以繼續去自助 bar 取甜品等其他食物，繼續吹水， 不需額外收費，那攞左飛嘅未入坐客，繼續係外面吹風那對於攞飛嘅客，係咪好不公平。冇可能如此安排混亂囉。其實，好似酒家分2段時間嗰啲，我都知道第二round 會到我啦！ 唔會唔叫客人交枱囉～好啦，終於排隊到我啦，進食時間又變左少過100分鐘，仲要準時23:00離場關門，那對客人十分不公平

今日大約5:30去攞2人枱飛，我攞嗰張飛同當時只差9個號碼，但到7:30都未到我張飛，我覺得佢哋按排入座好有問題，成日安排vip同3-4人枱，最終我哋都係放棄咗…..

這幾個月在這家吃過幾次lunch，感覺水平下降嚴重。1） 價格偏高但肉質偏差，午餐的set，去到200元水平（D餐）也只有少量美國牛，亦不是什麼靚部位。既然是set，還給這麼少的份量，性價比實在不足。近期剛漲價，漲價前還好，但現在漲價幅度過大了，食物同價格不對等。跟其他品牌連鎖店相形見絀。（某些店100+ 已有日本和牛食）2） 沙律吧質素較差，僅有罐頭水果，沒有新鮮水果。3） 最大問題：所有杯碗 都沒有洗乾淨，全部帶有一種怪味，好似洗碗抹布味道殘留，十分破壞食慾！ 尤其是金屬杯，摸上去還帶油。4） 進門時，就一定要讓人揀餐，有d人喺門口睇餐牌睇好耐，仲要幾個人討論一輪，都不會安排下一個，後面人點解要排隊等佢想清楚食乜？中午本身都趕時間，就不能考慮優化一下機制？唯一亮點，只是鹽醬，點肉確實好味。燒肉汁都淨係咸味，不好吃。不過這是個人口味因人而異。除了門口排隊體驗差，食嘢過程中侍應態度尚好，隨叫隨到。但這些已經無法掩蓋上述缺點帶來的負面體驗，若不改善，以後恐難再幫襯。

餐廳📍 牛角Buffet （沙田好運中心）地址：沙田好運中心3樓3078號菜式：日式燒肉放題適合：食肉獸價錢：$$$整體評分: 8.25/10回頭指數： 8.2/10食過好多間燒肉放題，牛角Buffet係日式燒肉放題入面性價比高嘅餐廳，而沙田分店只開張幾個月，店內職員服務態度不錯，牛肉品質亦比較有質素，所以小編已經由開張到而家，第三次來幫襯沙田牛角buffet，啱晒偶然想做食肉獸嘅我哋。全程係用QR Code落單，入坐前職員都好用心介紹menu，上菜及收碟速度快，無漏單情況。今次我哋叫咗 $438 「水之燒肉」餐，係餐廳中間值位既餐，當中唔計自助區，揀選食物多達118款。❣️飲品方面，有好多選擇汽水、茉莉花茶、雜果賓治、檸檬汁、芒果汁、蘋果汁、咖啡奶茶、牛肉湯任君選擇，而我最喜歡就係茉莉花茶，無糖之餘，茉莉花茶味好出❣️前菜方面，自助區有牛肉昆布湯、咖喱牛肉汁、泡菜芽菜冷盤小食，獨立樽裝沙律菜，甜品有泡芙、銅鑼燒、窩夫等等， 仲有必食既自製牛角飯及紫菜醬料等。❣️ 牛肉方面，牛類部位及級數選擇多，當中推介套餐既牛舌及美國SRF安格斯和牛肩脊肉係我哋會不停Encore又encore狂點嘅牛肉，

星期五晚去，揀咗四百幾蚊嗰個餐(第三個grade)，兩人食左$900幾肉質差，其中一隻有雪花既好少少，其餘8成既肉都唔得….叫鹽味都俺得好salty, 無味果隻又真係淡味… 蝦同扇貝ok但無下次

之前有個平日放假，唔使返工。一諗假期有咩餐廳好多人，平時冇機會去食，就即刻諗起牛角🤣於是我同男朋友就一齊去咗沙田嘅牛角食lunch buffet😋我哋叫咗最平嘅套餐，每人$2xx, 因為我哋都係志在食牛角飯，所以最平嗰個套餐我哋都覺得OK🤭而家牛角，原來仲有刈包同埋窩夫俾你喺個爐上面烘熱嚟食，好正😆食最平嘅套餐，我個人推薦食豬大腸，記得要燒到差唔多熟嘅時候，再將佢剪開一半嚟燒，就會外脆內軟👍🏻另外再推薦大家食牛角飯嘅小貼士😆（雖然可能大家都知🫢）就係落完紫菜之後，要加一羹燒肉汁同一羹鹽醬，最好加埋枱面嗰個鹽醬（如果鍾意食重口味嘅話🤭）結論：牛角都係平日食最舒服，唔使等位又唔洗同人迫🤣如果平日得閒會再嚟食～

好耐都冇出來食飯，今日同朋友食牛角。落咗單好快就上菜，肉質有口感，加埋個醬，咸咸地仲好食👍🏼不過我就食食下好口渴，本身飲汽水都轉左飲茶，清清地冇咁口渴如果怕食得太油膩嘅朋友仔，可以試下包生菜食。當自己今晚有食菜（笑）如果個肚仲有位食飯，都建議試下。一啖肉一啖飯仲滋味。最後，冇諗過羊肉竟然有驚喜，一啲都唔「蘇」，值得一讚食完咁肥膩嘅燒肉之後，諗住去食返雪糕中和一下，點知揀咗個白提子加朱古力雪糕，呢個配搭麻麻哋，但係白提子就好好食啦！

 : Gyu-Kaku Buffet has opened a new branch at Lucky Plaza, and they have some amazing new menu items that you have to try. 🍴However, I do want to share that the new booking system caused us to wait quite a bit before we could be seated. Unlike their other branches, you could book a table for reservation, which meant, if you get the ticket online, you had to wait for a bit before you can be seated. We had nearly two hours before we could start feasting on the delicious food. ⌛Despite the wait, th

做嘢夜咗未食飯，諗起牛角buffet 有宵夜，就去咗試吓💗💗叫咗一個$138 A 餐，有豬雞少少seafood , 出面buffet bar 任食，雪糕🍦最吸引💕💕平時少食雪糕嘅我都忍唔住食咗一大杯vanilla 💕💕好好味！$138 加1 ， 1 個小時，係食得趕，但依個價錢同質素就好抵👍🏻👍🏻個泡菜同蟹柳沙律好好味☺️☺️