吉吉點 (Closed)

觀塘近返工，上網知道港式點心店，帶阿媽去食下點心一盅二件。Q版炸錦繡雲吞 – 真的好Q版，雲吞少少但很爽脆卜卜，蝦肉不錯。 桂林頂級鮮牛肉球 – 看來大件牛肉球，彈牙結實，汁又多。蜜瓜脆脆卷 – 少有的蜜瓜脆脆卷，內餡都有些蜜瓜，十分可愛的脆脆卷。古法馬拉糕 – 聽聞馬拉糕幾好食，大件鬆軟，確不同。 

一直係觀塘覓食，都會去下工廈食西餐。今日就打破常規，去左食中式點心新式點心店環境比起酒樓就當然舒適不少，枱與枱之間有足夠既空間。芝士咸水角，味道出奇地夾，而且好香脆，好好食。入面芝士同肉粒份量岩岩好，外層唔會燶同乾硬，中間果層就好軟糯。燒賣王，兩個人，兩粒就岩岩好。比起茶樓食既，肉汁會更多，而且肉質比較嫩滑濃湯鮮竹卷，味道真係好濃，重點係唔味精鮮竹卷好飽滿，而且吸收哂湯既精華鮮蝦蒜芯餃，有蝦同蒜芯兩種不同既質感，將佢成粒放落口既感覺真係好滿足呢個點心味道相較係淡D，並因為有菜，感覺就會較輕盈楊枝甘露，楊枝甘露既材料都好充足味道反而有D似芒果布丁，幸好味道不會太假兩人吃飽飽後SHARE剛好

依個黑椒扣豬手好好惹味！黑椒辣辣地好刺激豬手好多肉，而且皮同肉都好滑嫩！味道濃郁！蝦餃好足料！入面既蝦好大隻！依蝦餃最驚佢痴皮，不過依個皮整得好好，唔會痴，而且皮簿餡靚！依個煎堆仔好有驚喜！外層有香口既芝麻，而煎堆本身就口感煙un ，好好食！一咬落去仲有大量奶皇流出！奶皇甜度岩好，同煎堆仔好夾！為左個依個包先食吉吉點饅頭炸到金黃色，外層勁脆，入面就好香口又鬆軟！牛肉亦都好新鮮，味道不錯！最正係個青芥末醬將所有野combine 埋一齊！成個包口感好豐富，味道亦好正！最後食埋糖水先走，楊枝甘露雖然冇咩特別，不過都好食。菊花密有菊花既清香，但甜度就不足，不過都可以一解點心既油膩。

假日想一盎兩件，奈何酒樓太多人太迫，兩人想靜靜地不如去小店。叉燒腸粉 $22第一次見餡料有菜腸粉皮幾滑，餡料幾豐富，而多了菜增加層次感，不錯不錯。薑蔥牛栢葉 $24: 整碟都是牛栢葉，沒有其他墊底，質感爽口有嚼勁，而且幾入味又不鹹。鳳爪 $21: 每隻size算大，而且夠腍入味。Q版錦繡雲吞 $20一咬就發出「卡擦」聲響，小量餡肉，再點酸甜醬。蜜瓜脆脆卷 $20雖然內裡是熱熱的蜜瓜奶，但外皮較硬較韌，比上次差一點。華麗邂逅 $27今次試柑桔咖啡，畫花確實一般，一嚐就是濃烈咸柑桔，再加咖啡苦味，認真麻麻。Mocha $27這杯賣相就正常，朱古力與咖啡合比例，不過就覺得太大杯，2人share都可以。

觀塘係吃貨小妹兒時住過既地方 亦係爺爺嫲嫲既舊居地 所以小妹對觀塘呢個舊地一直有一份難以言喻既親切感 雖然大部分家人都已經搬離觀塘區 但小妹間中仍然會走去觀塘覓食 順便懷緬一番今次就走到宜安街街市轉角小巷入面既一間隱世店心專門店廣東點心 香港人通常都會俗稱"飲茶" 所以杯茶真係好緊要 平日去過唔少點心專門店都無得揀茶種 更唔好話會有茶壺除左有得自選茶葉 係呢間點心專門店竟然仲發現到有特色咖啡同手工啤酒既蹤影店員推介既日本手工啤酒小麥味濃 配點心都唔會有違和感除左飲品 食物既味道不錯…錦鹵雲吞炸得香脆 蝦肉飽滿包點類蒸得軟熟, 馬拉糕軟綿綿 甜而不膩上湯鮮竹卷好爽脆, 另外同樣係上湯浸既時蔬都一樣好味 上湯清甜無味精最期待既青芥牛肉饅頭漢堡味道不俗 配搭好有創意同新鮮感 不過炸饅頭容易吸油 係易肥精選其他點心 牛栢葉同燒賣,仲有鳳爪排骨飯等都屬有水準之選食埋甜品真係飽到頂上心口

每天早餐都需要一杯咖啡提神，所以離不開cafe、茶餐廳，今次朋友帶我去食點心，竟然都有咖啡飲！Cappuccino $27，比起一般的餐廳大杯，係勁大杯！厚厚的幼滑泡沫，而咖啡味是香濃，雖不及專業cafe，但已經算不錯。蝦餃皇 $17去酒樓飲茶，點心多數是大大份，所以2個人就不太適合，這裡的份量剛剛好Q 版錦繡雲吞 $20熱騰騰上檯，咬開香脆外皮，既熱氣又滿足。牛柏葉 $27份量比起酒樓多，而且沒有用蘿蔔墊底，抵食！牛柏葉爽口入味。馬拉糕 $19最後才食馬拉糕，仍是鬆軟美味。

今日朋友帶我去食點心。原來牛頭角有間隱藏點心。門口好靚！叫左個蜜瓜脆脆卷。一入口，熱辣辣，好脆之餘，仲有好creamy既蜜瓜味流出黎，好有創意既點心。叫左蝦腸粉。六件腸粉，件件表面都咁閃，好正！每塊都有好大塊既蝦係入邊，仲要好新鮮彈牙，呢個腸粉好食！睇得出係認真整的。食點心一定要燒賣。燒賣好大粒，痴線。入口好彈牙，味道鮮甜，真係愛上左呢間野。之後叫左個芝士鹹水角。鹹水角甜既表皮，加埋入邊芝士味，甜甜鹹鹹，味道唔錯，幾得意。一咬落去芝士熱辣辣出左黎，正！最後叫左個焦糖布丁黎結束我既點心之旅。好少係點心舖食到甜品，而且呢個甜品唔錯，點心舖都整到咁既水準，有心思。好食又有創意既點心舖，下次再黎！

呢間野係位於牛頭角街市側的橫巷內，雖然住在官塘，我都唔知有間咁既野~@@後尾有次朋友帶路帶左我去呢度食飯之後我就成日黎，變左熟客 如果夜D黎，離遠已經見到好多呢D燈，都幾八十年代~XD 如果天氣涼，可以坐係出面食，都幾有風味架~不過家下仲有D熱，所以都係坐番入去算~ 眼望其實鋪頭唔大，廿幾個位度~ 設計就幾年輕，所以都好多後生仔女黎呢度飲茶~ 我自己就最鐘意食呢D度既蘿蔔糕~ 因為佢真係好有心機，煎到個面脆卜卜，但入面仲係軟淋淋 有一條條蘿蔔絲~，同酒樓成舊粉頭個D完全係兩回事~ 呢個，今次係第一次食，媽媽介紹的 辣度唔係好勁，正常都接受到, 而且佢既辣唔係死辣，而是有香蔥/芫茜的香味~ 而最好係食到牛栢葉的爽，唔係雪到霉霉爛爛的~ 呢度係我個囡既至愛 每次黎都必點~ 飽皮好軟好香，無個陣麵粉的宿味~ 最好係奶黃唔太甜，而且真係流的~ 當然，要趁熱食呀，凍左就無咁香同唔識流架啦~ 呢個就係媽媽既至愛 姜汁千層糕上枱時個下震震震真係好得意~話明係千層，糕真係可以一層層分開架~ 姜汁味係好香的~ 唔係流架，因為阿囡話辣食唔到~ 飲茶，點可以無蝦餃/燒賣~ 蝦餸皮係彈牙爽的，唔係大陸

吉吉點係以新式點心作主打，而且下午茶同晚午都有優惠提供，就比佢個2蚊桂花糕吸引左。食甜品之前，當然要食熟食先。馬拉糕就梗係要食拉呢到既馬拉糕，顏色較深，感覺更正宗而且質感鬆軟，蛋香味頗濃實屬不俗二奶酥，叫時其實不知二奶的意思原來是酥點中含有兩種涵料而且口感各異，幾得意黑椒豬手黑椒味很濃，而且每塊都有皮有肉不會只有骨頭給你啜比外面抵食來到甜品環節堂食只需加2蚊，就可以加配小王子桂花糕賣相很用心，以鳥籠放置花型桂花糕賞心悅目而且桂花香味充足，啖啖花香而且甜度不太高，十分滿意

店舖喺小巷，真係要識路先會發現呢間小店，店舖比較細 ，茶位就每人五蚊位，星期五夜晚六點幾去到都唔算多人。不嬲唔係好鍾意飲茶葉茶嘅我 就揀咗菊花。 落完單等咗唔使五分鐘左右就有嘢食啦。首先係吉吉蝦餃皇，呢度嘅蝦餃嘅蝦都好大隻好新鮮，而且好彈牙，可能比較大隻所以得兩隻。 寶貝二寶酥 酥皮脆脆地，唔會好油，入面個餡好似牛奶，食落好creamy,個人最鍾意就係呢個，因為本身鐘意食炸牛奶。 鮑螺雞燒賣 同想像有啲唔同 因為係冇咗燒賣個皮，用鮑片同雞代替，個人比較鍾意食傳統嘅燒賣，但有啲鮑汁同雞汁滲咗入去個餡度都幾特別。 翡翠豆苗餃，姐係豆苗蝦餃，蝦都係好大隻同豆苗都幾夾。 濃湯浸時菜，就比較普通， 啲菜太淋，但個湯算鮮甜。:整體嚟講都算唔錯，而且20蚊一籠左右 兩個人食到好飽都唔算好貴。

環境一般，進食時多次比蚊滋打擾。坐位好迫夾。要讚係茶夠香，茶壺特別（似鐵造），很保温！食物還可以，但不如外界吹捧那般好！春卷煎蘿蔔糕老火湯最好味，白拉腸粉一pat pat、吾熱又冇加芝麻，極吾掂，反胃。試過一次就夠了。

A small restaurant with quite nice dim sum and reasonable pricing. Suggest to try the radish cake!

寫了一系列和這區的工廈食肆的評論，看來是時候寫寫其他類型的店子了....這一間"吉吉點"，可算是區內最負盛名的點心小店。店位處於大街旁的一條小巷中，可真不太容易找....一個人前來，能點能吃的自然有限，而且是晚的胃口不佳，更是只能淺嚐而已....看到牆上寫著有好幾款頗具特色的飲品，對其中的榴槤咖啡更是大感興趣。著侍者要一杯，但不知何解她聽完後便唯唯諾諾走開，就好像沒聽到似的。其後再叫了一趟，竟都得不到回應....此時心裡有點氣，既然有生意您不想做，那便算了....今天少有地不點有米飯的東西，純粹就只來三味小點來吃，就當成今夜的晚餐....鮮蝦蒜心餃餃皮並不是屬傳統的澄麵皮而是用上潮式粉果的那種又黏又濕的皮。就算專登等了一會才夾但仍是落得黏筷食得極論盡的尷尬狀況；蝦肉份量不多且有感不太新鮮。蒜心粒份量反而比蝦還多，實應稱之作為"蒜心餃"才對。本來小弟個人是甚喜愛吃爽口而甜度足的蒜心，但現在弄出來的是偏暗啞色看來是蒸得過了火....蜜瓜脆脆卷用米紙卷作外皮不錯是脆而爽身不太油，但可惜的是蜜瓜內餡是呈半溶甜度非常令人膩口，一嚐之下就估計到它不是用鮮貨弄成的....不過以二十大洋的收費來講，這

最近大家都忙於捉小精靈，我都不忘四圍捐窿捐罅去四尋美食。這日去宜安街街市附近，特意穿入巷仔，發掘到點心美食。誰說早起的鳥兒有蟲食？早上賴床不肯起身飲早茶的我，最喜歡下午茶時段去食點心！這間店子的手工點心都是即叫即蒸，需時大概15分鐘，等待時間是可接受的範圍，而且全日免收加一，是一個飲茶的好去處～點心紙與坊間差不多，但是手工點心配上fusion咖啡和養生靚湯的三合一點心店都是第一次見！每日都有老火湯，讓人十分期待！除養生的老火湯外，也有常見的蒸籠點心、煎炸小食和煎腸粉類。店子沒有常見的奶皇包、叉燒包，反而會有一些特別的點心推介予食客，點心名字也挺有趣和生動，加上價錢實惠經濟吸引不少前來一試！黑椒扣豬手$25個人不好豬手，朋友就鐘意到暈！雖然只有數件，但朋友邊吃邊說惹味，又說煮到好軟腍又有彈性。蟹子燒賣王兩件＄17夠大粒而且又多餡，粉皮不會過厚；製法地道，食落肉味鮮，而且蒸的掌控時間控制得很好。煎雲石馬蹄糕$20平日飲茶最愛煎煎炸炸，這個馬蹄糕給我很大的新鮮感！從顏色看來，驟眼看以為是芝麻口味，但其實是採用爽口的馬蹄粒為主打，糕點的質感很軟，而且配合溫熱，使我更喜歡這個甜點！鮑片冬菇鴨胸荷

今日去amp 整電話，順便係附近搵野食， 朋友推薦吉吉點食點心，位置有d難搵，要靠Google map 搵左一輪先搵到。餐廳唔算好大， 但都坐得幾舒服，唔同酒樓會好吵。2個人食左$160，價錢合理同埋唔使加一，下次可以同屋企人黎試下。