Fine Dining Restaurant 
長輩於飯局中提起「君悅酒店」間意大利餐廳「Grissini」水準幾高，見到個個聽到流哂口水，二話不說即擇日兼訂埋位請肥肥家族一試，實在太客氣啦
！據悉，網上訂座必先預繳訂金，$500/位，唔可以取消，改期亦有限制，十分嚴謹
。五星級酒店大堂延伸至升降機到餐廳嘅樓底都一樣咁高，氣派十足。用餐大堂空間感足，開揚通爽，六人被安排入座落地玻璃窗旁，雖則係雨天都可欣賞到維港嘅景色。餐桌上嘅枱布、餐具、餐巾同餐牌全部都白雪雪，感覺好乾淨衛生。意英混合嘅餐牌未必人人識睇，幸好年輕嘅服務生極之有耐性，面對問題多多嘅薯爺都樂意一一解答。其中五道菜廚師節令套餐（$1,080/位）一定要全枱人點；席上有兩隻雀仔肚，自然冇資格點
。主人家乃「Club at the Hyatt」會員，除咗可享折扣優惠之外，持券亦可同時於餐廳飲用指定紅酒。Auntie專登點咗名牌香檳俾一向唔飲紅酒嘅XO仔
，係咪好有心呢？！點好菜，迅即有餐店以其起名嘅Grissini麵包條食，暖手嘅包品酥脆鬆化，塗點牛油更覺芳香，正到未上頭盤已經食哂咁多條，美味程度不言而喻
！哥哥仔見大家咁肚餓，仲快速地俾多份大家享用，細心周到得很！40+ month aged S. Daniele ham and Italian cantaloupe melon（$240）：頭盤舖面嘅火腿每片都刨得咁薄，質感柔潤，連同碟上清爽嘅哈密瓜食落去，咸甜交織於舌上，夏日炎炎尤其清新！Battuta Di Manzo – Beef tenderloin tartare, buffalo milk yogurt, Oscietra caviar, chicken consommé jelly（$380）：以魚子醬點綴嘅牛肉他他香濃惹味，黏上乳酪醬即倍添潤滑，意外地一個人食哂一客都唔覺溜滯。Vitello Tonnato – Roasted milk-fed veal, tuna sauce, caper leaf（$270）：柔和嘅燈光下對焦出現咗問題，仲飲緊奶嘅牛仔肉肉質柔軟粉嫩，清香淡雅。Candele Alla Genovese – Broken candele pasta, braised Montoro onions, beef short rib, 36 month Parmigiano（$640）：長條形嘅意粉麵條堅挺得黎有嚼口，一啲都唔硬，柔韌度適中，混入牛仔骨肉、洋蔥及芝士足以添上咸香惹味
，如果可以加加多啲肉，效果應更佳。Pollo Piemontese Cotto in Pentola D’argilla – Roman clay pot baked chicken, morel mushrooms, pearl oinions（$820; Limited availability）：每天限量供應嘅雞雞先原隻上枱
，亮相後即交回廚房代為拆開及加以調味。焗雞半金黃嘅皮層大部份都好滑溜
，雞背位置嘅雞皮則多咗份香脆，超難得白雪雪嘅雞胸肉竟然如此幼嫩潤滑，鮮香美味！Filetto Di Maiale – Slow cooked pork tenderloin, apple puree, Swiss chard, red wine jus（$430）：豬扒經過慢煮，故其色澤乃能保持粉紅，厚切嘅豬肉鬆潤多汁，塗上酸酸甜甜嘅蘋果蓉都唔覺得搶，組合變得清甜易入口。Zucchine Alla Scapece – Deep fried zucchini, mint, white balsamic dressing（$90）：炸翠肉瓜好夠乾身，當中嘅薄荷香及醋香成功產生中和作用，令配菜不甚油膩。Broccolini Saltati – Sauteed broccolini, garlic oil, chilli（$90）：修長嘅西蘭花苗上半條呈深綠色，下半條就好似中菜啲芥蘭咁批咁啲皮
，莫非啲西蘭花苗老咗？！幸好菜菜清脆爽嫩，完全冇苦澀味，散發出微辣嘅蒜香輕巧討好。甜品項目都有成頁咁多。Bianca NARDINI（$95/杯）：甜品環節時，幾隻酒鬼先點咗杯意式拔蘭地，諗住可以有助消化。點知酒酒並非喺餐桌上斟出，份量仲好少吓
，飲落其甜味遠比酒精度濃郁，唔得醇厚，感覺樽酒開咗好耐咁，屬整頓晚餐最弱嘅一環
！Tiramisu All’Amaretto – Espresso coffee, ladyfinger biscuit, mascarpone, Amaretto liquer（$130）：招牌甜品由專人原盤攞出，並現場匹一大羮上碟。薯爺欣賞提拉米蘇軟滑唔太甜，但就嫌佢冇乜酒味，更一度懷疑師傅冇落酒酒添
。Crostatina Alle Fragole – Shortbread tart, Italian Chantilly, strawberry, basil（$120）：哥哥大讚撻品鬆脆，舖面紅艷吸睛嘅士多啤梨清爽甜美，預先切成薄片更易入口
。酒店西餐廳「Grissini」華麗且有靚景睇，服務生專業有禮，傳統意大利菜高質味佳，會員優惠下平均消費每人六百幾絕對抵食。…Read More
！據悉，網上訂座必先預繳訂金，$500/位，唔可以取消，改期亦有限制，十分嚴謹。五星級酒店大堂延伸至升降機到餐廳嘅樓底都一樣咁高，氣派十足。用餐大堂空間感足，開揚通爽，六人被安排入座落地玻璃窗旁，雖則係雨天都可欣賞到維港嘅景色。餐桌上嘅枱布、餐具、餐巾同餐牌全部都白雪雪，感覺好乾淨衛生。意英混合嘅餐牌未必人人識睇，幸好年輕嘅服務生極之有耐性，面對問題多多嘅薯爺都樂意一一解答。其中五道菜廚師節令套餐（$1,080/位）一定要全枱人點；席上有兩隻雀仔肚，自然冇資格點。主人家乃「Club at the Hyatt」會員，除咗可享折扣優惠之外，持券亦可同時於餐廳飲用指定紅酒。Auntie專登點咗名牌香檳俾一向唔飲紅酒嘅XO仔，係咪好有心呢？！點好菜，迅即有餐店以其起名嘅Grissini麵包條食，暖手嘅包品酥脆鬆化，塗點牛油更覺芳香，正到未上頭盤已經食哂咁多條，美味程度不言而喻！哥哥仔見大家咁肚餓，仲快速地俾多份大家享用，細心周到得很！40+ month aged S. Daniele ham and Italian cantaloupe melon（$240）：頭盤舖面嘅火腿每片都刨得咁薄，質感柔潤，連同碟上清爽嘅哈密瓜食落去，咸甜交織於舌上，夏日炎炎尤其清新！Battuta Di Manzo – Beef tenderloin tartare, buffalo milk yogurt, Oscietra caviar, chicken consommé jelly（$380）：以魚子醬點綴嘅牛肉他他香濃惹味，黏上乳酪醬即倍添潤滑，意外地一個人食哂一客都唔覺溜滯。Vitello Tonnato – Roasted milk-fed veal, tuna sauce, caper leaf（$270）：柔和嘅燈光下對焦出現咗問題，仲飲緊奶嘅牛仔肉肉質柔軟粉嫩，清香淡雅。Candele Alla Genovese – Broken candele pasta, braised Montoro onions, beef short rib, 36 month Parmigiano（$640）：長條形嘅意粉麵條堅挺得黎有嚼口，一啲都唔硬，柔韌度適中，混入牛仔骨肉、洋蔥及芝士足以添上咸香惹味，如果可以加加多啲肉，效果應更佳。Pollo Piemontese Cotto in Pentola D’argilla – Roman clay pot baked chicken, morel mushrooms, pearl oinions（$820; Limited availability）：每天限量供應嘅雞雞先原隻上枱，亮相後即交回廚房代為拆開及加以調味。焗雞半金黃嘅皮層大部份都好滑溜，雞背位置嘅雞皮則多咗份香脆，超難得白雪雪嘅雞胸肉竟然如此幼嫩潤滑，鮮香美味！Filetto Di Maiale – Slow cooked pork tenderloin, apple puree, Swiss chard, red wine jus（$430）：豬扒經過慢煮，故其色澤乃能保持粉紅，厚切嘅豬肉鬆潤多汁，塗上酸酸甜甜嘅蘋果蓉都唔覺得搶，組合變得清甜易入口。Zucchine Alla Scapece – Deep fried zucchini, mint, white balsamic dressing（$90）：炸翠肉瓜好夠乾身，當中嘅薄荷香及醋香成功產生中和作用，令配菜不甚油膩。Broccolini Saltati – Sauteed broccolini, garlic oil, chilli（$90）：修長嘅西蘭花苗上半條呈深綠色，下半條就好似中菜啲芥蘭咁批咁啲皮，莫非啲西蘭花苗老咗？！幸好菜菜清脆爽嫩，完全冇苦澀味，散發出微辣嘅蒜香輕巧討好。甜品項目都有成頁咁多。Bianca NARDINI（$95/杯）：甜品環節時，幾隻酒鬼先點咗杯意式拔蘭地，諗住可以有助消化。點知酒酒並非喺餐桌上斟出，份量仲好少吓，飲落其甜味遠比酒精度濃郁，唔得醇厚，感覺樽酒開咗好耐咁，屬整頓晚餐最弱嘅一環！Tiramisu All’Amaretto – Espresso coffee, ladyfinger biscuit, mascarpone, Amaretto liquer（$130）：招牌甜品由專人原盤攞出，並現場匹一大羮上碟。薯爺欣賞提拉米蘇軟滑唔太甜，但就嫌佢冇乜酒味，更一度懷疑師傅冇落酒酒添。Crostatina Alle Fragole – Shortbread tart, Italian Chantilly, strawberry, basil（$120）：哥哥大讚撻品鬆脆，舖面紅艷吸睛嘅士多啤梨清爽甜美，預先切成薄片更易入口。酒店西餐廳「Grissini」華麗且有靚景睇，服務生專業有禮，傳統意大利菜高質味佳，會員優惠下平均消費每人六百幾絕對抵食。…Read More
