Green Waffle Diner (形點) (Closed)

為慶祝週年紀念，又想帶埋🐶，於是近近地揀左Green Waffle食晚餐。由於寵物車要放係出面既關係，所以一早Book左要坐最出面既一張檯。當晚我地就揀左個Dinner Set for 2，可惜我唔記得影低張Menu😅頭盤揀左一個湯同一個雞翼湯就不過不失，雞翼係唔錯，但略嫌炸得太勁，伴碟揀左牛油粟米同埋炒磨菇🤔個人覺得係油左少少主食揀左魚柳同羊肩肉魚柳幾好，但我個人唔太識欣賞下面啲豆羊肩肉好林身，汁都煮得好食 甜品方面選左一窩夫一班戟，窩夫真係好好食，好脆，餐廳好有心仲寫埋Happy Anniversary比我哋😂 相較之下班戟就無咩特別，如果下次再食，一定要揀返窩夫我地仲另外叫左一個香草薯粒雜菜鑊仔，之前一路睇相都覺得好正想試，今次叫左之後都發現唔太差，但如果可以再脆口少少可能會好食啲。整體黎講都唔錯既，服務都好好，另外叫左個Dog Menu既南瓜餅，🐶都食得好開心不過檯可以大張啲會好啲，野食根本放唔晒係檯面，要借用埋隔離張檯

Green Waffle 曾是我最喜愛的餐廳之一，當年經常到中環本舖歎個All day breakfast，再加份Pancake，坐上一兩個小時，周末就係咁寫意。宜家越嚟越多同類型舖頭，選擇多左，就少左食Green Waffle。藍莓香蕉士多啤梨窩夫配焦糖雪糕只可以講Green Waffle既Pancake係好味，但未至於食完成日都想再食，肚餓會諗起果一種。價錢：$82簡評：招牌菜，點都要試煙肉薯粒鑊仔點解我鍾意食Green Waffle既All day breakfast？完全係因為佢啲薯粒炸到脆一脆，又唔會乾爭爭，又食到內裏薯蓉軟熟既口感。當咁優質既薯粒放响個熱騰騰既Pan度，配上芝士、煙肉、兩隻流心蛋黃炒埋一碟，絕對係平民食材既頂級配置，但是係有時限嘅！當個鑊上枱時，薯粒仲係脆嘅，芝士同流心蛋炒埋一碟之後，薯粒會變淋，變得無咁好味，想食脆薯嘅口感，蛋真係唔可以亂炒。價錢：$112簡評：真心推介，小弟最愛牛油果炒蛋三文治例牌無得輸配搭，牛油果大大舊，中和煙三文魚嘅咸味，加上滑溜溜嘅炒蛋，有食完想再食嘅感覺，雖然係好味，但係呢個配搭好難會唔好味，亦唔係Green Waffle的招牌菜

1️⃣六安士肉眼三文治配薯條（$185）麵包烘過 都幾油牛肉全熟 好硬 頗難咬 同好細塊有少少菇 但好油薯條不過不失 唔算咸推介：🌕2️⃣多寶薯粒鑊仔（$132）薯粒本身已經炸過加上大量芝士 好拉絲可惜水波蛋冇流心煙肉同牛肉好似比油浸過咁整體雖然偏油 但味道不錯好彩叫左細size 推介：🌕🌕🌕🌕3️⃣焦糖latte☕️好甜 有咖啡味 但冇特別4️⃣白蘭花茶清清地 唔錯 同埋好大壺服務：好差 服務員冇禮拜兼成程黑面明明都唔少員工 但門口冇人招呼 上餐果陣 突然拎野過黎 完全冇話「小心」/「唔該」果啲放低野食之後就完全唔理拎碟/賣單都要等好耐先有人show 環境：都算寬闊 坐得幾舒服每人$214 味道唔值 性價比好低同埋佢主打健康 但樣樣野都好油可能佢出名既窩夫會比較值得試

今日媽媽話放假要帶陳紫萱🐶出街喎~本來好興奮㗎點知⋯⋯聽講係好受街坊歡迎嘅動物友善餐廳，天氣咁熱，萱萱當然要親自嚟試一次啦~狗狗枱只有一張，位於餐廳門口，萱萱有私家車，當然無問題啦，餐廳有規矩，萱萱當然樂意配合啦～不過，呢度嘅服務態度真係麻麻，又要做寵物生意，但一啲都唔友善，呢度係自助落單嘅，我哋upload唔到個order，請職員（疑似經理）協助，佢居然唔係行過嚟幫我哋落單，而係企喺reception隔住條通道嚟落單，好似我哋有瘟疫咁，又聽唔到我哋叫啲乜，要好大聲重覆咗幾次先成功落到單是日餐湯焗迷你肉醬螺絲粉熱綠茶燕麥奶咖啡萱萱嘅水果窩夫🉑其實呢個價錢食下午茶，真心唔平，食物味道普通，加上咁嘅服務，又係偽動物友善餐廳，有人請都唔會再嚟食完梗係要做返正經事啦，聽講愛麗斯夢遊仙境擺到八月尾，打咭就係港女呢指定動作啦

First dogs are welcome in this mall so I love it here. If you go to the restaurant you can take your dog (in a dog pushchair) which is nice. Ordered a salmon which is nice and crisp. But the buckwheat waffle with matcha ice cream is the star of the dining experience. The waffle is nice and thick. The coffee is just so so but considered it's not a coffee shop I can't complain about it.

Green Waffle Diner (形點) (元朗)這間餐廳已窩夫為名，當然要試試他的窩夫。窩夫上加了一球朱古力雪糕，朱古力醬是一支另上，可以由自己加上朱古力醬🥰🥰，控制自己喜愛的甜度。窩夫是即叫即製作，並非預先製作，真的可以做到外脆內軟，而且是暖粒粒的，非常新鮮😋😋 窩夫上面加了少少忌廉，和一片薄荷葉做裝飾，賣相也很吸引。除了窩夫還有其他西餐，例如意大利飯，不過相對窩夫🧇來說比較普通，還是吃窩夫和甜品較佳。地址：元朗元龍街9號形點一期地下G002號舖

出發去玩之前餵飽個肚先😀朋友sᴜɢɢᴇsᴛ呢間窩夫餐廳我哋下午茶時段入去除了sᴇᴛ ᴍᴇɴᴜ 仲有好多選擇左睇右睇 最後點了sᴇᴛ ᴍᴇɴᴜ上的.✨牛油果煙肉溫泉蛋🧇〰️🥑好多 新鮮的味道😹🥚好流心 手機食完之後仲ᴋᴇᴇᴘ到💯窩夫我分開咗2種食法-一甜一鹹鬆鬆軟軟的😋我不吃煙肉 給了友人.✨ʟᴀᴛᴛᴇ (sᴋɪᴍᴍᴇᴅ ᴍɪʟᴋ).由於未食午餐牛油果增加了飽腹感呢個份量我食完剛剛好😎佢仲有其他ɢʀᴇᴇɴ ᴅɪsʜ 望落都吸引下次有機會再食😋

同老婆一齊放假 難得唔想煮 帶埋個女落街食野 都多人等位 但我地等左15分鐘度就入座 仲有bb椅安排左比個女 不過佢要坐走廊位 算啦我地快食快走 個waiter都好似好趕住接位 講野無尾音既 又唔算無禮貌既 但印象唔太好囉 第一次食呢間 牛肉粒薯粒鑊仔好似好吸引 黎到真係幾surprise 未試過將d薯仔切粒粒去焗 仲有d牛粒 幾好食 仲要係熱辣辣 佢檯邊有好多sauce可以自己用 好方便 另外叫左個軟殼蟹蘆筍南瓜意大利飯 個飯好creamy 有南瓜蓉 飯唔似意大利飯 佢比意大利飯軟身少少 都岩香港人口味 同埋原來個蘆筍咁樣撈入個飯都幾香 最後 個軟殼蟹都係唔錯的 熱辣辣加上好脆口 之前聽朋友講呢間麻麻 但係今次試過 都改觀丫 唔止好味 而且都幾特別 價錢唔太貴 我地坐坐下都越黎越多人等 食完都走了

Green Waffle Diner (形點) (元朗)元朗元龍街9號形點一期地下G002號舖焦糖青蘋果窩夫 $86 🧇店家主打waffle🤤果然好食！青蘋果唔酸，清甜！窩夫外脆內軟，口感適中，有淡淡麵粉香，焦糖脆脆好食😋唔會過甜過膩！蝶豆花藍莓士多啤梨班戟 $128 🥞本來純粹因為班戟被蝶豆花染色成藍色， 因方便打卡而點菜，以為pancake只係普通野，但原來除咗以藍色作招徠外，食落pancake仲有一陣淡淡的麵粉香😳煉奶亦沒有過份甜膩😳有驚喜牛肉粒薯粒鑊仔（Baby size $105）薯粒食落唔粉，有薯仔香味，似平時食粗薯條的口感咁，鑊仔薯粒淋上熱溶芝士，🧀配合埋流心蛋，非常治癒😋牛肉粒口感軟林適中，原本大胃小編唔鍾意食薯仔嘅，但都因為呢碟牛肉粒薯粒鑊仔而清晒😳黑松露野菌意大利飯 $138以黑松露醬煮成的忌廉味，香味濃郁平衡得不錯，忌廉香味重芝士忌廉蛋黃長通粉 $114蛋黃汁令整體口感濃厚，但芝士的鹹香味同忌廉味唔算特別強，可能因為煙肉同野菌配合的香味偏重，蓋過醬汁味道，但口味又不會過鹹

假日元朗人山人海，入yoho等車位都等左半個鐘，當然要用apps遙距拎位啦！一起身就中午，當然想食大大份的brunch!🥰💫勁量早餐Lumberjack Breakfast $144黎到Green Waffle 🧇，必點窩夫😛😛整體感覺似all day breakfast，用了分量十足，有德國🇩🇪式小香腸，味道不過不失。香煎煙肉比較肥，煙三文魚發揮正常，多士脆口，炒蛋略嫌不夠滑，配以哈密瓜🍈。重點窩夫真心是必點，是整份早餐嘅靈魂，新鮮即製，配以牛油及果醬，發揮一流。✅限時90分鐘✅侍應招呼周到，不停加水，讚👍🏼‼️由於餐廳靠近商場大門，熱空氣比較多，烏蠅昆蟲飛入，環境不理想。📍 Green Waffle Diner (形點) (元朗)元朗元龍街9號形點一期地下G002號舖5⭐️評分好食指數：⭐️⭐️⭐️餐廳環境：⭐️⭐️

都明嘅香港pet friendly嘅地方唔多，難得yoho商場係可以帶狗入去。今次選擇左去Green waffle。雖然毛孩冇得入餐廳，但可以相隔一條柱咁放喺商場嘅範圍，而主人就係餐廳內進食。難得可以涼住冷氣同狗狗一齊進食特別要讚嘅地方係，仲有pet menu比狗狗選擇，雖然我地冇叫到，但都欣賞餐廳提供比毛孩講返食物，今次係星期五夜晚黎。happy hour時段先黎一杯cocktail火龍果在加酒，浸味其實都幾特別前菜先食咗雞翼，酸酸甜甜咁都幾開胃主角嚟㗎叫咗個全日早餐，鍾意食waffle既我覺得好味呀！仲一定要加埋maple syrup一粒粒嘅薯仔都好特別鍾意食薯條嘅我，最後再食埋fish and chips 飽哂埋單兩個人五百幾，可以享受到商場嘅泊車優惠。平時想帶埋係室內涼冷氣食下野，都係一個好選擇。不過留意番只可以坐近商場位置嘅時候座位，可能預咗向餐廳留定位好啲

同屋企人去Yoho食飯，間間餐廳都好多人排隊等食，得呢間得一兩枱客，由於唔想等，所以明知佢拍烏蠅都入左去😟食完就知點解間間餐廳都咁多人 得佢係拍烏蠅😣😣首先d員工既服務態度好差，個個等收工唔想做你生意咁，係度hea,圍埋傾計，仲有個幾鐘先收已經叫你不如下次先黎食，落餐後又等左over半個鐘先出餐，最慘仲要係落錯餐，都算啦，main course未上就上左甜品迫我地食，阻住佢地收工咁，主菜以為慢工出細貨，但係睇相都見到d牛整到老哂，超鞋口，條魚仲要係多骨又腥😟 好失望🙍🏽 咁既食物咁既服務都收900蚊，一半都唔值😞😞我寫呢篇野唔係針對佢地，我希望佢地老闆睇到可以改進，以前食過唔係咁差，員工態度希望可以改善

「Green Waffle」 <元朗>🔸美式勁厚車打芝士鑊仔通心粉 Mac & Cheese Skillet $135Cheese Macaronn 🧀!!D 芝士堅多同濃厚 入口既滿足感足已彌補個罪惡感🤤唔好睇佢細細碟 再多就會好漏🔹火龍果窩夫配自選雪糕 🧇Pitaya Waffle with Ice cream $78QR code 落單既關係，一下就點曬所有食物，結果甜品早到🤦🏾‍♀️比起正正常常叫個朱古力、士多啤梨waffle , 我地選擇挑戰下其他野😆係試伏既心態下 又覺得ok wor 火龍果同waffle 雪糕都match同埋食咗咁多芝士後，食火龍果可以平衡下心理，好似健康d😛🔸炸魚薯條沙律 Fish & Chips $128好。大。件大過隻手掌、同炸得比較深色，我以為上咗兩條油炸鬼👻重點係條魚真係足料！唔會係一大舊炸麵粉 入面細細啖既魚 兼且肉身軟熟。當然 係食唔晒既😬🐶friendly當天係假日中午，都幾多人，明顯地跟唔切應對，但侍應們係幾nice 既#GreenWaffleDinner📍元朗型點一期地下G002號舖分店：中環、銅鑼灣

下午茶時間和朋友經過形點肚餓，就random入左依間餐廳。餐廳坐位寬敞，坐得舒服我們一行人叫左四樣野包括：炸牛油果有驚喜，外脆內軟。比想像中好食。煙肉薯粒鑊仔因為有d肚餓所以叫左依個。薯粒加芝士非常野味香脆雞翼雞翼香甜脆口，算中上之作香蕉雜莓窩夫招牌窩夫名不虛傳好好食，但價錢有d貴。如果要movenpick 雪糕仲要加$28

首先行到去餐廳外面個陣已經見到好多人係出面，我自己一個人食，諗住咁多人就禁飛（票）等位，點知個度冇得俾人禁飛既，我就企左係門口個度等，等到個待應行到過門口我見先過黎我到既啊叔話兩位，我接住就講一位，跟住突然有個女人彈出話兩位，個待應俾左張飛俾個啊叔，然後再俾個女人先俾飛我，明明係我黎先，我唔明點解可以光明正大俾個女人打尖，俾個女人入先？係咪蝦我得一位俾少啲錢所以俾兩位入先？然後我入到去完全冇人同我講可以QR code落單，個待應幫左我落，落完隔離檯個女人問係咪搵待應落都得，我先搵均曬啲menu ，搵到落最底見到張QR code紙，但我已經搵左待應落單，不過個待應幫完我落單同隔離檯個女人傾左兩個字都未將我張單送去水吧，我想講我真心趕時間，我兩點07分入座等到兩點35分先有得食。咁都算，其實我本身係門口等緊位個陣，見到有lunch set，但係我入座之後，佢俾我既menu冇lunch set，我以為完左時間所以冇，當我落完單之後我見到隔離檯拎住個lunch set menu 係度睇，呢個到底係咩服務？仲有個待應將幫客人斟水既水壺放左係我張檯前面，一直唔拎走，張檯已經細，其實有冇諗過尊重下個