綠島茶餐廳小廚

Open Now

Now Closed

多次光顧，多次失望。今次係咸魚雞粒炒飯，炒得仲差過自己炒，飯一舊舊炒唔開，明明又多油咁都炒唔開，證明鑊氣不足，而且食得出一pet 鹽。自問對茶記要求是不高，附近幾間都過佢

應該是家庭式經營，落單至上菜都係冇系統，經常都聽到欠呢樣欠個樣，當然自己都係其中一名，追佢應完又叫第二個做，第二個又忙其他或者聽唔到，追左兩次最終都係冇黎齊，食物味道正常，係附近或同區都更多好既選擇。

成日經過呢間茶餐廳但未試過入去食！今次就試下佢！可能因為地點係上環所以點都有少少期待，但入去到係......普通茶餐廳叫左個早餐/常餐首先早餐A黎講唔太餓嘅話都叫做岩岩好，火腿蛋有2隻蛋都唔錯不過可惜佢個3色腸今日無紅腸所以收左2條肉腸+1條芝士腸 其實睇落真係無咩特別個沙爹米睇落平平無奇，好睇撈勻左都有番d味道好彩叫番杯茶走，咁就滿足哂喇不過聽人講其實呢間茶餐廳出名嘅係夜晚食佢嘅蒸魚，下次可以夜晚黎試試😊

打工仔最重要的一餐！又開始尋尋覓覓，也許我會吃遍上環每一個角落這次經過的是綠島餐廳小廚台灣人肯定知道「綠島」！我不做大哥好多年～～～吃飯的時間總是讓我可以很悠閒的選下午茶餐選擇也算蠻多的，還有是日午餐推介，$40塊價錢算合理，50塊以內都算抵食！！星洲炒米 $38 凍飲+$2又是星洲炒米，沒錯，其實我到香港才知道這道菜微辣，配上炒香的肉絲還有火腿，爽脆的甜椒份量也夠，調味也不錯上環的打工仔，可以來嘗試，我下次試試其他餐！

行過叫外賣，早上人不多，侍應姐姐用近廚房對出張枱整理其他外賣，我坐在隔離張枱，有新客人想坐係佢整野張枱，居然問都唔問，一句「靚仔你外賣俾個位呢位堂食坐」問題係張枱仲有兩個吉位，其他枱都仲有位，點解要我企？外賣已經加錢，我見近先自己攞埋，費時佢地送..，唉早知去隔離果間，唔使受氣！

我去過好多似呢間茶餐廳食嘢㗎啦！都覺得其中一個呀姐態度好差！不過都算！但有次忍唔住！我同我老公叫個炒飯叫少油個呀姐話無得少油寫單都唔可以寫！跟住再叫双腿治！呀姐態度好差講即係腿治咩双腿治呀！我老公忍唔住就發惡大聲講即係兩塊火腿！唔識就返去訓覺！我都未見過態度咁差嘅樓面！我都唔明點解話少油都唔得任何一間都可以

連續幾日落失魂雨,已經習慣幾時落雨就入最近嘅餐廳,今日嘅幸運兒就係綠島.或者落大雨多人嚟避雨順便食飯嘅關係,人手嚴重不足.想點餐但係侍應根本應接不暇,應咗我都分唔到身行過嚟.好不容易點咗個咖哩牛脷飯,都預咗要等耐啲㗎啦,點知出菜出奇地快,個飯由落單起計兩分鐘內放喺我面前.切成條狀嘅牛脷,加埋份量唔多.其實可以煮耐少少,依家食落有啲靭,雖然勉強可以接受.洋蔥要溶溶爛爛先至入到味,呢度做唔到呢個效果.而且成個咖哩只有牛脷同埋洋蔥,冇其他青椒紅椒之類嘅配菜,食落味道好寡,只係得唔辣嘅咖哩味.餐湯唔知點解仲等得耐過飯,越等得耐就越期待,因為今日係沙參玉竹湯.碗湯飲落真係幾甜,但如果話佢係沙參玉竹湯,又覺得沙參玉竹嘅味道唔夠重.湯係好飲嘅,唔敢話冇味精,更唔敢話係沙參玉竹湯.合埋眼,當佢係一碗好味嘅湯就算喇.

綠島外面睇好似普通茶記，但其實佢有住家飯食，有蒸魚、有蒸肉餅、時菜炒牛肉，呢D家常便飯。夜左放工又想食清淡D，就最啱嚟綠島啦！例湯係青紅蘿蔔豬骨湯，簡簡單單的老火靚湯。節瓜蝦米粉絲煲，節瓜清爽，夏天啱晒，好有住🏠菜的感覺。豉汁蒸黃𩶘䱽，好正，蒸得啱啱好，條🐟好新鮮，D汁送飯正到我自己食晒成碗🍚(平時食唔到)。食完係舒服嘅，會再幫襯。

綠島早餐的吉列魚做得都算脆，魚還有汁在，不會太乾。可惜是牛油方包而不是多士，但牛油都算多，點的是紅腸和芝士腸，紅腸較少見，芝士腸也是不錯的選擇，但蛋煎得不夠。凍奶茶的茶味、奶味不夠，而且實在太甜了。

前幾日去過一次，吃的水煮牛肉。沒想到還不錯，麻、辣口味都夠。去吃的似乎本地人較多，這是一個好的徵兆。地方小，但是服務人員都還和善。過後幾天，又跟兄弟去過一次。他點的豉汁倉魚，我點的豉汁盲曹。在舊金山，游水的盲曹8、9美元一磅，算是較貴的種類。結果兄弟的倉魚比我的盲曹好吃很多，豉汁味道好，魚肉一點都不硬，很下飯。盲曹差一點。昨晚，我一個人去，本想點倉魚，但是不小心點成完魚。上來的時候，不是一條，而是幾塊。問過才知點錯了，但是都幾好吃。這是在這次出差期間會經常去的地方。

曾幾何時，每一年的選美會，是城中大事，每年的七月八月，馬季球季收鑼後，緊接的是選美季節。小學年代直到初中，我曾是港姐迷，看美女是男生之天性，尤其是香蕉尚未成熟時的年代，哈哈哈。不過，當年參選的佳麗，質素甚高。由其是廿多年前，大約是八七年的一屆，時至今天，還有很多人說該屆的整體質素，是史上最高。並不像今天，個個面目模糊，甚至乎連冠軍也被外界冠上豬扒之惡名。。執筆之時，晚上將會舉行今年的港姐決賽，其實，港姐與此食評有甚麼關係？這間位於上環水坑口的"綠島茶餐廳"，其貌不揚，幕後老闆的女兒，正是兩年前的香港小姐冠軍 - 劉倩婷。店內貼滿她的相片，包括選港姐帶后冠的一刻，與娛樂圈中人的合照，還有港姐的宣傳海報等等，彷彿，她成為該店的生招牌，可是，我前後到訪過三次，還是與她緣慳一面，哈哈。在此一帶的餐廳普遍關門時間早，此店的營業時間直至晚上十一點。每一次來也想炒碟牛河，店員回覆是：河粉賣晒！三次也一樣。來碟肉絲炒麵，麵上的肉絲汁不算很厚，算是適中，但麵條炸到非常之韌，絕不是一碟有水準的肉絲炒麵。某一夜的例湯是金銀菜豬骨湯，喝得出是沒下味精，很清甜。大坑順興的滑蛋做得真好，試試這裡又如何？這個滑蛋牛

星期日到綠島食tea，食咗碗餐肉豬扒出前一丁，豬扒幾好食，overall普普通通喇！食食吓期間，隔離枱有位哥哥拿着份報紙娛樂版，問我地今屆港姐冠軍靚唔靚，係我地未嚟得切回應之際，佢已笑笑口指住老闆娘，話佢就係港姐媽咪！哈哈！恭喜說話當然不能少，最後老闆娘更請我們吃喜餅。呢個世界真細小！

今天中午要到上環辦點小事, 出門前, 忘了去sraech下呢附近有乜野值得去食, 之後估下估下, 由同事亂指. 綠島吧. 就綠島.方便至極的茱記一間, 本想食午餐的我突然覺得飽飽地, 昨夜的飲宴仲未消化. 本人都係黎一個常餐算. 這亦正正是品嚐茶餐廳真味的一個重要的必食之物.又是悶透的叉燒湯意, 胃口不好時, 輕輕地黎一個常餐, 絕對不浪費食物. 不過, 此叉燒意明顯地比較厚切了少少, 雞精湯亦不夠甜口. 煎蛋, 忘起加點豉油, 如有豉酒相配相信僧更好.同事來了個扒餐. 看見個茄汁都幾精心調製, 雖見不到津津有味的樣子, 但總算食得落肚既野啦.

我同男友都係冇反家庭黎架, 住左上環咁耐, 得呢間外賣小菜係最抵，$40包反包湯, 街市起碼都要4十幾仲要冇反冇湯仲要唔好食......堂食食過蒸魚好滑，o者o者雞煲都幾多肉....但外賣就細份左><

開頭我都幾鐘意呢間野, 有部大電視, 但有一次, 我個同事食下午茶, 三文件夾小強呀~~!!!!!!!! 唔係講笑, 咁同個伙記講, 換第二個餐, 佢態度好有問題, 好似我地搞事咁, (個陣無乜人客係度) 換左第二樣la, 咁佢都係照收貴個個餐錢, 黑口黑面, 都唔知隻小強係你定係我地帶去格。