Green Entrance

噚日（18-6-2024 Tue）朝，女同事PM叫我同佢出去食lunch，啊，好吖。佢叫我揀，我就揀我食過嘅呢間(上次食評係2022年3月5日刊登嘅呢篇: https://www.openrice.com/zh/hongkong/review/%E7%AC%AC3388%E7%AF%87%E9%A3%9F%E8%A9%95-yeah-%E9%A3%9F%E5%80%8B%E7%B4%A0%E5%85%88-e4335596)。PM嚟攞咗位先，咁我就坐埋去，睇埋menu之後， PM要$62.00嘅泰式脆皮素鴨飯，飲可樂，我要$74.00嘅葡式乳豬飯，要花茶。落完單，首先俾咗可樂同花茶，然後係素湯，素湯有薄切冬菇片同粟米粒，味道唔太鹹，而嗰種鹹味，似海藻味嘅鮮鹹，唔錯。然後我哋嘅嘢食嚟到，影完相，同PM交換素鴨同乳豬，咁就食得。我先食啲飯，有薑嘅辣味，PK話係黃薑飯;脆豬皮比素鴨皮深色，而兩個都同樣係外脆，但脆嘅感覺有分別。個醬嘅味都好似燒味舖嘅，配菜都OK冇問題。服務:睇menu睇到葡式乳豬飯時，店員同我哋介紹menu未有嘅泰式脆皮素鴨飯，話同葡式乳豬嘅處理方法唔同，攪到我放棄黑松露野意大利飯，即係佢哋有睇呢篇食評https://www.openrice.com/zh/hongkong/review/%E7%9B%B2%E7%9B%85%E7%9B%85%E5%85%A5%E9%8C%AF%E7%B4%A0-e5416110作出改善。環境：開頭冇乜人時，我食食吓嘢就覺得熱，重流晒汗，之後人多，就feel到佢開大咗冷氣。2.8分抵食係2.5分…查看更多

第一站樓下巷仔澳門清湯腩、第二站隔離商場素食店。氣氛寂靜死氣沈沈的齋舖，步入餐廳無侍應接待，連打聲招呼也沒有。侍應們坐定定自顧自的邊按電話邊用餐，幾張枱上手食客已離開，但餐具食具都未有清理，竟然我地坐低先過黎執枱。沒有介紹菜色或推介菜色，沒有任何表情或交流或對話，感覺比茶餐廳的無服務更無服務，被冷落得難受。黑松露野菌意粉⭐️⭐️估唔到用上天使麵，餐牌沒有寫清楚。餐碟勁大隻就連薄餅都放得落，捲起大大舊天使麵準備塞入口，意料之外有點反胃感覺。有股泥味直擊喉嚨，松露味怪怪的，用開那隻牌子？天使麵彈牙長長完整但味道太寡而單調，可能係素的關係。口水素三鮮，是辣椒豉油嗎？襯上雲耳、豆角、蓮藕，味道唔難食。娃娃菜素鯪魚球湯，悶悶的味道十分清淡，素鯪魚球都有幾分似魚肉，沾點豉油會較好食。…查看更多

Lunch time係石門附近行街，見到有間「入素」素食餐廳，餐牌上嘅素海南雞飯同桂花叉燒賣相好吸引，就嚟試下。個素海南雞飯，個雞件好滑嫩，肉汁豐富，而且皮都係脆卜卜嘅，真係好似食緊真雞咁。油飯嘅味道都好香，仲有少少薑蓉味，好開胃。再講個桂花叉燒，個叉燒嘅味道好似真叉燒咁甜甜鹹鹹，而且咬落去好鬆化，真係好正。我覺得佢哋能夠將素食嘅味道同口感做到好似真肉咁，令食客唔會覺得食素係食得虧。…查看更多

Lunch time見到呢間素食啲菜式模仿肉食好真就嚟左試試試左個喇沙海鮮湯配擔擔醬拌麵味道同平時食開果啲係有啲唔同架啦不過都幾特別同得意既海鮮湯既蝦都做到好似Lunch time套餐送埋野飲埋單$69，夠飽，都唔錯啦下次再食會想試試海南雞呢！…查看更多

再訪石門入素。沙嗲牛肉烏冬 配口水素三鮮 (細) ($89/晚市套餐)沙嗲汁好惹味，唔會好辣。素牛肉用咗豆片，有咬口得黎帶有少少爽口嘅感覺。口水素三鮮包括有四季豆、蓮藕同雲耳，味道偏麻辣。手工海南雞飯 配油飯、香菇素湯 ($79/ 晚市套餐)入素嘅招牌菜式，素雞用腐皮整成，表面嘅雞皮質感似硬身啲嘅啫喱。醬汁好好食，味道偏甜。串燒雞 ($14.5/ 2串)素雞質感似烤麩，爽口，吸哂沙嗲汁嘅味。跟餐飲品: 蕎麥花茶、汽水ㅤ…查看更多