40
0
1
Exit D2, Lai Chi Kok MTR Station continue reading
Telephone
27438055
Introduction
The sub-line hot pot brand of Greater China Club. The Executive Chef, Mr. Chan Wai Ting designed eight different broths, presenting a unique hot pot experience for everyone. continue reading
Opening Hours
Today
11:00 - 15:30
18:00 - 23:00
Mon - Fri
12:00 - 15:00
18:00 - 23:00
Sat - Sun
11:00 - 15:30
18:00 - 23:00
Payment Methods
Cash
Other Info
Online Reservation
Restaurant Mode of Operation - Type B
Reward Dining Points
About Reward Scheme
Review (44)
Level4 2021-10-04
53 views
位於荔枝角嘅D2 Place有好多有趣嘅小店4個女仔行完街當然要搵個地方食飯啦,打邊爐係我哋嘅首選餐廳裝修別致門口富有古時中國特色,內裡其中一間廂房又有西式嘅bar台打邊爐首先梗係「混醬 $15/位」「鴛鴦湯底 $328」川蜀麻辣鍋 配 花膠濃湯雞窩「美國極黑和牛封門柳 $288」味道上,美國和牛不比日本和牛遜色肉的紋理和油脂分佈均勻,肉色較深紅牛味濃郁,脂肪油香亦縈繞喺口腔個人覺得毋須點醬汁都已經好好味「本地新鮮牛頸脊 $238」食肉獸嘅我哋,一碟牛肉點能夠滿足我哋本地牛肉賣相亦相當不錯同剛剛美國和牛一樣,好大碟!雖然味道當然與和牛有距離,但都已屬中上級水平,脂肪度適中「鮑魚雞粒餃 $68」有驚喜!真係有鮑魚係入面雖然係迷你size,但食落都有陣鮑魚味打邊爐都有得食鮑魚,感覺好奢華啊哈哈「豆腐紙 $32」睇落去貌似一塊燙直咗嘅腐竹口感比起一般腐竹”唉”口少少,但豆味濃郁碌起之後成塊布咁,好過癮「淮山麵 $38」麵質較硬,口感爽滑建議加落麻辣鍋裡煮熟,麵條將湯汁掛喺表面,非常好味「金箔懷舊芝麻卷 $16/條」最後食埋條芝麻卷作為完美嘅句號芝麻味濃,食落feel到有磨碎咗嘅黑芝麻,好有誠意總括而言,估唔到D2 place除咗有嘢行之外,仲有咁特色嘅餐廳下次嚟必定再次光顧! continue reading
(The above review is the personal opinion of a user which does not represent OpenRice's point of view.)
呢排慢慢有啲秋意,打邊爐嘅季節要開始啦🥰。去開大公館食飯都知道佢啲嘢係正嘅,佢而家新出左火鍋係大公別館梗係要捧下場啦!佢有好多好吸引嘅湯底,天麻魚頭棉花鍋,鯊魚骨胡椒豬骨鍋等出邊都係好少見,最搶眼嘅就係極品佛跳牆湯鍋,但價錢就都好搶眼😂。最後揀咗花膠濃湯雞鍋小朋友又岩食🥰花膠濃湯雞鍋 $288一大兜奶白色嘅湯,湯嘅質感都幾濃厚,唔會唔湯唔水咁,小朋友瞬間飲晒😘。佢嘅雞係用花雕嚟醃,所以未落雞之前比小朋友飲咗湯先!雞件皮滑肉厚,唔好滾太耐唔係會鞋!!!招牌四寶丸 $128分別有脆骨烏雞丸,呢個好特別口感層次豐富入邊有爽口嘅脆骨,同埋手打嫩滑嘅雞肉、芥末豬肉丸、芫荽牛肉丸、芝心墨魚丸,因為全部都係新鮮手打,滑口又唔會有筋。美國極黑和牛封門柳 $288要食肉味濃首選一定係封門柳本地新鮮牛肉一牛頸脊 $238牛頸脊要來打邊爐真係冇得輸,油脂分布得好平均,入口滑到一個點,油花又夠香。淮山麵 $38之前好抗拒食淮山,因為覺得用嚟煲湯。今日食過呢個淮山麵個質感好爽好滑,面既質地雖然係淋,但唔會一pat pat!自家製千層枝竹 $48好似佢個名咁,入面有好多一層層,吸晒湯🥣汁嘅精華,口感濕潤有層次!手打魚腐 $48呢個個樣好cute,好似棉花糖咁,煮完之後會發脹肥騰騰咁😂!味道有啲似細個阿媽成日煮嘅老少平安,口感就似雲朵多士上面嘅雲朵,入口溶化!比起大公館嘅中菜,我覺得大公別館既價錢更加親民,最重要嘅係佢唔會係好似酒樓打邊爐咁污煙漳氣,仍然可以保持到大公館本身嘅優雅感覺,話晒都係私人會所形式嘅餐廳! continue reading
(The above review is the personal opinion of a user which does not represent OpenRice's point of view.)
無庸置疑,一年四季,香港人都鍾意「打邊爐」,所以各式各樣的火鍋店,開到成行成市。但講番火鍋食材質素,就會分差好大。 今晚我哋一行四人,嚟到荔枝角「大公別館」食火鍋,因鍾意呢度賣嘅食材新鮮,而且環境非常舒適,可以一路烚下烚下一路傾計。 餐廳位於D2 Place 一期10樓,同一個鋪位,有小菜/火鍋,「大公別館」就主打火鍋。 湯底就點咗一鮮一辣嘅鴛鴦鍋,花膠濃雞湯+川蜀麻辣鍋,嫩滑雞件加上軟腍花膠,湯底入口順滑鮮甜、骨膠原豐富,川蜀麻辣就香料豐富,仲加有少量鴨血,辣辣惹味。 美國極黑和牛封門柳,封門柳較為罕有,油花豐富,滾湯內拖兩、三下,入口軟腍,牛肉味重。本地牛頸脊,脂肪少,軟腍有咬口,肉味香濃。 手工火鍋料,就點咗招牌四寶丸、手打魚腐、豆腐紙、千層枝竹、飽魚餃 豆腐紙超薄,放入濃湯拖一下,即刻軟化,入口豆味香濃手打魚腐白滑,質感輕軟,好特別層層疊疊的千層枝竹,枝竹吸滿湯汁精華,越嚼豆香越濃飽魚餃,軟滑餃皮,加入以飽魚、鮮蝦做饀料,鮮味十足招牌四寶丸,包有脆骨烏雞丸、芥末豬肉丸、芫荽牛肉丸、芝心墨魚丸,手打丸粒粒入口脆彈,尤其鍾意脆骨烏雞丸,雞肉加入脆骨,口感豐富,越嚼味越濃,芝心墨魚丸,中間爆漿芝士,非常美味 健康淮山麵,入口爽滑黑豆水,清甜解膩最後唔少得嘅,係餐後甜品,金箔懷舊芝麻卷,芝麻味香濃,加上金箔點綴,又名貴又好味。 continue reading
(The above review is the personal opinion of a user which does not represent OpenRice's point of view.)
Level4 2021-08-30
134 views
神秘既門面,高雅既中式裝潢,非一般既火鍋美食,真係食過番尋味💯佢既花膠濃湯雞鍋真係不得了,不得了在於有不少花膠在內👍,而且當你未落雞、只飲湯既時候係會有明顯花膠味,全部女仕搶住飲!飲到咁上吓可叫侍應加湯(佢加既真係湯,唔係水),之後便可落雞。好想講一句,好耐冇食過新鮮雞,係呢到就食到, 千期要睇時間烚,唔好浪費咗佢又鮮甜又滑既雞呀! 三百蚊有找個湯底有花膠有新鮮雞,真係抵讚到暈。食火鍋梗係唔少得叫本地新鮮牛肉/牛頸脊, 佢脂肪比起平時食果啲均勻,又香又腍, 必食😋!另外想讚吓個鮑魚雞粒餃, 邊有咁誇一咬開餃子裏面會有半片飽魚?!仲要有海鮮味既。佢同雞粒配埋係可以互相保留番自已既味,非常好吖👏👏!跟住推介吓招牌四寶丸, 佢哋分別係:脆骨烏雞丸、芥末豬肉丸、芫荽牛肉丸、芝心墨魚丸,全手打,味鮮質嫩,無得彈!而當中我最愛係脆骨烏雞丸和芫荽牛肉丸😋🤩🤩,前者有軟骨係入面,好有咬口;後者則是我柸茶,一個字"掂"!之後呢個正囉 千層枝竹, 一早放入湯底都唔怕,要浸到入哂味同輕輕腍腍哋係最正,佢質感似素鵝,超好豆味,又有咬口, 未試過咁既效果😋😋。朋友推介吓第一次食淮山麵,又几滑身喎,冇食烏冬同公仔麵咁濟,唔會霸咗我個胃🤭。 continue reading
(The above review is the personal opinion of a user which does not represent OpenRice's point of view.)
Level4 2021-08-13
56 views
位於荔枝角D2 PLACE大公館中菜一向遠近馳名,唔少人都慕名而來品嚐,我當然係其中一個。到達門口時得知大公館旁開張咗大公別館,雖然位置一樣,但大公別館係主打手工火鍋。既然新開張,倒不如試下大公別館有咩花樣。餐廳以房間形式分隔,房間只有數張餐桌,獨立感,空間感,舒適感十足,整體環境非常滿意。火鍋醬料齊全,基本醬油、蔥花、芫荽、麻油等等應有盡有。個人就非常喜歡沙嗲醬,又香又濃。▪️ 鴛鴦湯底 (川蜀麻辣鍋/花膠濃湯雞鍋)川蜀麻辣鍋有麻香得嚟唔會太辣,切合返香港人口味。麻辣鍋內裡仲配有鴨血,鴨血煙韌入味。花膠濃湯雞鍋個人非常喜歡,大量花膠係鍋入面,非常足料。而且雞鍋設有雞件另上,雞件有濃郁酒香味。放入濃湯煮一陣,雞件熟透入口嫩滑,湯頭濃郁鮮甜。▪️ 美國極黑和牛封門柳封門柳色澤鮮紅,入口有嚼勁,牛肉味非常豐富,必點。▪️ 本地新鮮牛頸脊牛頸脊同樣高質素,油香豐富,口感嫩腍。▪️ 鮑魚雞粒餃賣相雖然唔太特別,但餡料卻充滿特色。鮑魚作為餡料鮮味十足。▪️ 手打魚腐魚腐非油炸,顏色雪白,口感軟綿綿。▪️ 招牌四寶丸四款手打分別墨魚丸、豬肉丸、烏雞丸、牛肉丸,當中墨魚丸係我至愛,咬落芝士爆漿而出,芝味一流。▪️ 豆腐紙豆腐紙豆味出眾,薄薄豆腐紙輕輕係麻辣湯滾一滾,非常滋味。▪️ 自家製千層枝竹千層枝竹之確層數非常足夠,索湯一流。枝竹煮至腍身後煙煙韌韌, 配沙嗲醬一絕。▪️ 淮山麵火鍋湯底吸收哂食物精華,此時一碗淮山湯麵當然係最好不過。淮山麵營養豐富,口感彈牙煙韌,作為飽肚食物不二之選。▪️ 金箔懷舊芝麻卷芝麻卷作為甜品,外觀質感十足一條芝麻味腸粉。芝麻卷芝麻味濃厚,口感軟滑,今晚大滿足。 continue reading
(The above review is the personal opinion of a user which does not represent OpenRice's point of view.)