糧心製作

Open Now

Now Closed

相信喺黃竹坑返工嘅人都知，黃竹坑係冇嘢食。就算而家開咗新商場都好，其實選擇都係非常少。糧心製作都開咗一段日子，平時冇帶飯嘅日子，有時都會跟同事叫呢間餐廳外賣。通常都會加$5 ，餐湯轉鮮蝦🦐濃湯。鮮蝦濃湯超級正，口感creamy同超級有蝦味。講返正餐，最鍾意都係燒春雞🐥配忌廉薯蓉（$72)。佢個燒春雞燒得好香，好似黃油雞咁。另外佢個忌廉薯蓉都好香滑。食得出有一粒粒嘅薯仔嘅薯蓉。另外配菜有西蘭花。女仔就夠食男仔可能差少少要叫小食。11點前落單有九折都OK嘅。係有時送到過嚟凍咗少少。如果仲係熱辣辣就真係Perfect啦。⭐️

個個同事確診返工得幾個 都係叫外賣自取抵過d d app壽喜燒牛肉飯 見個名已經二話不説order佢surprise 係仲有隻溫泉蛋 不過飯量 我覺得可以多d. lunch配埋餐湯/娘茶原來十次有9次娘茶都係酸梅湯但我唔飲酸梅湯嘅, 到畀錢拎外賣我先同店主講改餐湯, 佢都立即ok唔會串串貢唔知點解openrice話佢裝修中今日啱啱同同事叫外賣自取減$8 正☺當然la一個飯盒60-70 我都係覺得唔抵架喇. 但鬼叫黃竹坑無嘢食咩好食又有良心 已經好難得! Support!

難得喺黃竹坑有好食既lunch, 仲要係黃店選擇都幾多，每個套餐都跟一杯嘢飲我揀左mushroom risotto 配自家製涼茶今日係羅漢果茶 凍既 Mushroom risotto 好好食 係素既 配菜有西蘭花蕃茄仔蘿蔔同大啡菇份量都幾大份 可以Whatsapp落定單 外賣自取減$8

去過黃竹坑嘅人都知道嗰度係冇嘢好食，唔帶飯嘅話就唯有叫外賣，以我所知黃竹坑好似剩係得一間黃店，所以次次去開黃竹坑都係會嗌呢間外賣。如果外賣自取仲會有優惠添。佢哋每個禮拜嘅餐單都會唔同，要自己上去社交平台度睇，每日都會有五個餐可以揀，其中一個係素食。值得欣賞嘅係，佢哋每一日都有一種自己煲嘅涼茶，暫時試過佢哋嘅雪梨茶同埋菊花茶，都係好好飲。同埋抵讚嘅係，佢哋每一份飯盒都一定有啲菜，有家嘅味道，值得推介嘅黃店。

平時返工呢頭冇咩食都係叫外賣多，呢間就係少數既黃店所以經常叫👍🏻價格幾公道仲有涼茶送，每日五個餐個個星期都唔同質素都唔錯🤪不過送外賣既時間有啲唔穩定，如果人手安排到穩定送餐時間就最好啦

整一個8月既疫情上班訂每天既午餐，我由 foodpanda 開始訂第一次既午餐直到同事可以再有返信心返回堂食既日子。但因這店有埋電話可接人whatsapp 外賣就變得更方便。所以這店為我和同事送的外賣一起抗疫，而且外賣姨姨真的好人到我的同事也很喜歡她，謝謝。講到食咩最大滿足，良好第一印象來自於松露大菇意飯，但喺公司既大熱就係時日麻辣手撕雞刀削麵同蒜香大蝦意粉。

一直都有聽朋友講過呢間位於黃竹坑金來大廈嘅糧心製作！💛💛💛今次終於有機會試吓我哋首先試咗下午茶先 其實都有試到佢嘅正餐 但係唔記得咗影低相 不過我會照分享嘅！下午茶：一口西多士食落仲係熱辣辣 入面充滿花生醬外面嗰層都脆 但係都同時沾滿左糖漿同埋煉奶！ 食落唔會好油膩 所有嘢啱啱好嘅比例！推介呢一個西多士 ！吉列豬扒配薯格對比之下呢一份下午茶就有啲普通豬扒炸得有少少乾啦入面冇咩肉汁薯格呢就正常水準冇話特別！醉蛋牛肉潛艇牛肉有d肉騷味 而且亦都睇到佢成個餡料係比較濕潤嘅咁可能令到個包都會比較濕 整體來講都唔算太好味！晚餐：我哋一共叫咗五個飯意粉我最推介嘅係明太子海鮮意粉香蒜意粉首先佢嘅份量都好足 然後食落好creamy唔會太膩明太子嗰份好香海鮮味 香蒜嗰個就識落有啲似Pizza Hut嘅香蒜肉絲意粉但係偏creamy 嘅唔會太乾所以好推介呢兩款！

呢間小店係黃竹坑開左好多年，食物質素一直都keep 得好好，係黃竹坑返工的話，叫外賣可以多個選擇。.皇牌燒春雞本身見menu 寫係薯菜，點知打開個蓋就發現係薯蓉，不過呢個薯蓉整得好好食，個味道調得好好，仲會食到一粒粒嘅薯仔，好有咬口。至於個燒雞賣相都唔錯，食落都幾juicy ，唔會焗得太乾。另外有西蘭花、紅蘿蔔、車厘茄同埋粟米做配菜，非常加分。.飲品揀左自家製涼茶，是日涼茶係竹蔗茅根，正正鍾意個涼茶唔太甜又清熱，啱晒夏天飲。.小食加左份餃子雞翼，略嫌焗得唔夠金黃色，食落去個味道都唔錯。好多年前係呢間餐廳仲做堂食既時候，食過紅絲絨蛋糕，到今日都仲回味緊😂，一間小店捱到咁多年真係唔容易～

糧心制作是良心食堂 松蟹肉闊條麵味道一流~蟹肉味濃厚芝士燒汁薯條味道很好~芝士同燒汁味道平均凍即磨咖啡味道濃郁濃厚的咖啡味疫症全日禁堂食糧心制作值得一試👍👍👍👍👍👍

因為新工作地點，不論是去熟食市場還是到香港仔吃午飯還是有點覺得山長水遠 ... 所以最近和同事就在研究會不會有什麼外賣可以點！沒想到就發現這家餐廳囉能選擇的菜式還頗多，而且還包了飲品 (特別的飲品當然要加錢吧)松葉蟹膏蟹肉闊條麵 ($72) - 沒想到除了主食外，還有配菜。說是配菜，但也滿豐富的～就有白蘿蔔、紅蘿蔔、冬菇、菜 ... 每一款也很入味，特別是白蘿蔔~而且吃起來一點也不老耶～冬菇也是很入味的！不過要說最好吃的倒是那個甜蛋喔！汁也是偏甜的！重點的蟹膏蟹肉超多！拌勻後就是每一條闊條麵也能沾到醬的足料份量！蟹膏的味道也很濃郁，豐厚但卻不會很膩～即使外賣送到來，闊條麵的口感都不會軟爛，還是很彈牙啲飲品則選了蘋果汁 - 頗澀的。南瓜汁蟹肉意大利飯 ($72) - 沒想到會有帆立貝。這個的汁也是很多，入口有濃厚的味道～但個人不太喜歡飯太軟稔飲品選了檸檬茶 - 因為樽是長型且樽口很細 ... 沒辦法將檸檬拿出來 ...浸得太耐的檸檬讓茶也變得苦澀到很難入口就是囉！

每次無帶飯既都靠佢拯救味蕾絕對係黃竹坑美食沙漠中既綠洲，性價比又高又好食，多選擇之餘仲要一個都肯送（當然亦可以自取減8蚊）10月10號，諗唔到理由唔支持呢間敢言小店今日食生姜燒相入面仲好多肉疊住左影唔到，有幾足料唔駛多講重點係味道有驚喜！可能喺日本住既時候食生姜燒食得多，自己對個汁既味道都幾挑剔好多時出面啲生姜燒都係死甜無薑味，或者太重薑味呢間一打開就聞到好香薑味，食落口薑味同甜味勁balance，食到薑香味但無辣味，一啲都唔沖，係我喺香港食過既生薑燒入面最好食既，沒有之一無論鐘意定唔鐘意食薑，呢個生薑燒都一定滿足到你口味強烈希望店主可以加佢落regular menu另外要讚既係跟餐涼茶，唔會好甜，應該係自己煲既呢間好好，每個餐都會跟焗蔬菜同飲品（涼茶/中湯/西湯）今日係竹蔗矛根咁多野加埋只係59真係抵到爛唯二可惜係焗菜係凍既（一直都係），同埋今日送餐太遲，據說係廚房出事係太多單定真出事就唔知啦，不過之前次次食都好準時既，伙記態度都好好，好有禮貌道左幾次歉加上又好食又敢言，再遲都一定原諒你

I ordered their food as takeaway for a few times and I have to say the crab meat pasta is so good! It’s made of real crab meat, and I am pleasantly surprised with their side dish, such as grilled carrots, corn and pumpkin. Would highly recommend!

是日午餐，再次試下「糧心製作」，自己本身好鍾意愛炒滑蛋同雞，所以就叫咗份C2餐滑蛋煎雞飯，原價$60，因為早上11點前落單就有9折，盛惠$54。滑蛋雖然唔算好嫩滑，但由於落咗芝士同唔知咩調味料，食落味道勁濃郁！搞到我食晒隻蛋先食飯，唔係講笑，真係好想請教老闆點整，偷下師🤣煎雞方面不過不失，醃味夠但唔會太鹹，至於配菜方面我就最鍾意有粟米！套餐配搭自家製「娘茶」，今日應該係羅漢果，味道適中唔會好甜，天氣熱解下毒消下暑一流！

糧心 一向都幫襯開依家變左外賣店 但味道依舊出色每天午餐唔同今日就比佢c4吸引11點前落單有9自取拎仲平啲馬頭魚柳煎得香口再配埋香草味道一流闊條麵嘅忌廉汁 不多不少配合得好好 唔會太濕或太乾勝價比高 $64食到高質素嘅食物真係好抵唯一可惜係加$8嘅凍咖啡味道太甜了

是日午餐，選擇咗黃竹坑工業大廈嘅食堂，11點前落單就有9折。第一次試，就叫咗份餐廳推介嘅韓式醬烤牛頸脊煎蛋飯，配上自家製「娘」茶，正價$68，折後實收$61。初頭睇menu覺得幾貴，純粹想試下其他工業大廈飯堂，好過日日食啲好低質嘅茶餐廳，對唔住自己個銀包，但起碼要對得住個胃！先講飲品，涼茶係凍嘅，可能有人比較喜歡熱涼茶，但我就無乜所謂。味道唔算好濃，不太甜，應該無乜落糖，所以絕對適合我呢類想減肥嘅人士飲用。飯方面，賣相的確係幾吸引！飯身夠硬👍🏻煎蛋會係我最鍾意嘅太陽蛋😍如果係熟蛋的話就扣晒分！另外配茶有豆，蘿蔔絲同粟米仔，感覺上有少少菜會健康啲，好過附近好多茶餐廳，想食條菜都難。重點係牛頸脊，韓式醬甜中帶點辣，幾惹味，肉唔會太熟，如果牛肉過熟就完全唔好食。整體對呢個飯嘅評價幾高，下次再試下其他飯，因為佢每日menu都唔同，主要3-4款午餐選擇。