貢茶 (華匯中心) (Closed)

講到珍珠奶茶一定無人唔知道貢茶自中學畢業之後都無幫襯過今日無食早午餐行過見到一間就諗住買杯超甜嘅黑糖珍珠奶茶黎補充下糖份結果令我非常之咁失望😞杯奶茶望落顏色都唔錯但飲落第一啖就岀事完全無茶味 又無奶味 好似飲緊杯加左糖嘅水咁係我無叫少甜嘅情況下一竟然一啲甜味都無 同我以前飲嘅質素真係差太遠~~~~~~~~~~~~~~~~~~~~~~~~~~~~~~十分唔推薦 伏到死 相信以後唔會再簡佢

天時暑熱市面大量台式飲品橫行總有一間係左近今日熱到不行一出地鐵已經好想搵野飲咁岩一出北角地鐵就有一間貢茶喇新出飲品令人花多眼亂消暑解熱就梗係選簡單既飲品檸檬冬瓜茶酸酸甜甜好醒胃解渴呀

由細都大都住北角， 眼見越黎越多台式飲料， 本人都係鐘愛珍珠奶茶呢d 經典野多， 所以每次8 成都會飲珍珠奶茶， 而今日收工後勁累又渴， 所以再去飲佢，去到門口眼見黑糖珍珠拿鐵， 差d 想飲佢， 但突然諗一諗點解係拿鐵， 唔係奶茶， 因為我有時飲拿鐵會肚痛， 所以都係放棄佢，眼多兩眼決定試格蕾三兄弟奶茶， 見佢有好多野係入面，又有d 餓， 所以試下先， 人唔多， 排左兩個到我， 到落單再等拎飲品大約5 mins, 入面除左有珍珠，仲有似涼粉既東東， 另外一舊係黃色， 似布甸既野， 但飲落去味道又唔太似，整體口感幾好， 口痕想咬野可以揾佢

個人覺得呢間貢茶嘅水準幾高 d珍珠嘅軟硬同甜度都啱啱好 奶茶都煲得好好味🤤🤤飲過其他貢茶都覺得呢間最出色 不過建議最好唔好weekend買 唔係就要等一陣先買到😵

朋友介紹我話北角呢度有個剪頭髮名師，一個人打理嘅，細細間，但飛虎驚老細嘅佢就好用心剪嘅，好似係美都大廈，咁我就一早WhatsApp同佢約咗今日去剪。咁我搭車嚟到北角，諗緊買啲咩嘢飲或者小食，可以陣間整頭髮嘅時候可以飲下食下，冇咁悶呀嘛。行到嚟新光戲院呢度附近，又比我見到貢茶啦，今日想飲清淡啲，就叫凍頂烏龍茶啦，我揀咗大杯，跟住無糖，少冰，其實有人會話10幾廿蚊買杯咁嘅茶不如去七仔買盒紙包菊花茶仲抵啦。但我又會覺得其實冇得比，因為貢茶係每日新鮮即沖嘅手沖茶，贏哂。

北角區的奶茶店可以話少之又少，無奈呢區居民消費力較弱，又以住宅區為主少了打工仔的力量，所以呢間貢茶係呢邊絕無僅有嘅一間。由於絕無僅有所以有時都會有唔少人嚟幫襯，甚至要排隊添。貢茶在呢一輪台式奶茶飲品的流行中的先頭部隊，貢茶可以話係最先在香港出現，流行，擴張。但係天仁，Share Tea，茶湯會之後好似出現倒退，分店減少了，由於香港人都愛新鮮，貢茶都難敵眾多對手。貢茶較現時大多數嘅奶茶店嘅價錢稍為優惠一點。今次我叫咗一杯格雷咖啡凍奶茶，價錢只係21蚊，份量仲幾大杯下。味道方面亦唔錯，甜度適中，咖啡凍亦味道突出。總括嚟講，性價比一流，北角地區奶茶的綠洲，但其實貢茶在部份產品味道上我唔太喜歡，就今次嘅格雷咖啡凍奶茶是值得推薦的。

放假帶肥髀去覆診，再同大小姐行街添置啲衣裝，行到身水身汗下，肥到間台式飲品店真係無骨氣地停低買！呢間只有外買，一個櫃檯大，貼滿飲品圖片，花多眼亂，因為我同肥髀嘅喜好不同，叫分開兩杯！當時有一個客人等緊，咁我去落單，呢個時候有個婆婆插隊，店員都好有條理叫婆婆等一下等，因為我早過佢，落單店員有禮斯文，仲好好咁解說（因為我叫錯我要嗰款，佢同我傾咗幾句，我又將我要嘅款式比圖片佢睇，先攪清楚我要嘅款，佢有耐性慢慢解說，讚！）小島假期甜品沙冰（$30）走珍珠，半糖，沙冰深綠色，打得幾滑，半糖飲到少許抹茶味，加上紅豆大粒，炆到入味，味道甜膩，夾沙冰食好味，個仙草凍，嫩滑好香涼粉味！整體味道好夾！珍珠奶茶加仙草（$23）叫了半糖，肥髀飲！飲品好味，尤其喜歡個仙草凍，好香涼粉味，店員有禮，安排幾好！不過當時門面比太陽🌞照到正！加外牆反射，等飲品短短時間已經曬溶了！😵解暑止渴

屋企附近開左間貢茶之後我間唔中都會走黎買其實我黎黎去去都係買焦糖奶茶加珍珠或者芋頭奶茶加珍珠我本身都幾鍾意飲奶蓋但我覺得貢茶既奶蓋麻麻地今日食左dinner之後我就黎買左芋頭奶茶加珍珠微冰半甜黎到既時候9:45pm左右都有大概三個人買/等緊可能因為我叫左微冰 今日杯野係唔滿既珍珠咬落我覺得硬左少少 略厭唔夠回彈力芋頭奶茶味道正常雖然佢係用奶粉沖 但都唔會太重奶粉味芋頭味足夠 唔會搞到好淡有時有d沖得太淡會搞到好似飲奶水咁今日呢杯就唔會貢茶就算係同一間舖 都可以沖到唔同味道既野飲期待下一次杯野更加好飲