五目屋

Open Now

Now Closed

吉列豬扒味道差，口感好硬。流心芝士漢堡扒味道都係差，芝士係流心，不過唔好味。咖哩汁正常。價錢唔算平，同區灣仔有好多選擇好過佢。總括而言，質素唔係好，唔會有下次。

喺灣仔蘭杜街呢一間日式蛋包飯舖，前兩日行過本來我想去嗰間台灣舖頭呢，但係執咗，所以我就睇到呢一間就入嚟試吓。佢哋主打三樣產品，第一係蛋包飯，第二係日式咖喱飯，第三就係其他日式嘅井！我哋嗌咗一個蛋包飯加雞扒，另外一份就係蛋包飯加吉列豬扒，我哋都係要咖喱汁嘅！一次過試晒咁多樣！我覺得雞扒都唔錯，咖喱都幾好食吉列豬扒呢我嫌佢太乾身。 蛋包飯同埋咖喱汁都好食。我哋仲叫咗一個煎餃，呢個就一般般！小店總係要鼓勵嘅，我見平時都好多人去食飯！

首先，想讚一讚店員服務態度好好👍就算係午膳好忙碌嘅時間，佢哋都好樂意解答問題。今次就嗌咗個烏冬拼炸豬，份量好多，一個女仔食唔晒。豬扒炸得啱啱好，烏冬都好豐富，有埋溫泉蛋同腐皮，價錢喺灣仔區嚟講都算係適宜🤭今次就喺外賣平台上面訂嘅，咁啱撞到有折扣優惠，60蚊已經可以買單🤩整體嚟講都推薦大家去食，雖然餐廳鋪面唔算好大，但係都有幾多位，如果lunch喺灣仔附近返工又唔知食咩嘅話，依家係唔錯嘅選擇，同埋佢哋啲外賣餐具都好精緻！

五目屋. 用餐日期: 2024年2月5 午餐位於灣仔既小店，食日式咖哩飯同一D家庭式料理。睇番價錢好多都係$100樓下，偏親民。午餐時間都要等位，不過唔算等好耐就入得。餐廳係用QR code自助落單，而午市套餐會包一份日式沙律同一杯綠茶(綠茶可轉麵鼓湯)。跟餐沙律係好普通既椰菜絲沙律，中間加左少少羅白絲同栗米粒，配沙律醬，普普通通。《$24 炭火免治雞軟骨肉串》$24係跟餐價，正價單點要$36，一份有兩串，扁身既肉串長過隻手指，冇炭火香，上枱唔係熱辣辣，只係暖暖地。就咁睇就平平無奇，咬落可以食到雞軟骨，口感都幾特別。《$72 特製吉列豬扒蛋包飯+秘製日式咖哩》特製吉列豬扒咖哩蛋包飯，上面淋左少少豬扒醬，本來係無得輸既經典配搭，但可惜豬扒炸得太燶，見到顏色偏黑，食落可以食到苦味，豬扒又乾又柴，完全冇肉汁，咬落實的的唔鬆化，扣左好多分。配既飯係普通白飯，唔係調味飯，亦唔係茄汁飯，但新奇既係飯中間有少量蘑菇真係好少見。飯唔係粒粒分明，用既係普通米，唔係珍珠米，雖然未去到爛，但係飯粒冇咬口。蛋做到半流心，但就唔係一切落去好似瀑布咁流落黎果種，感覺比較似茶餐廳炒滑蛋放左係上面咁。《$67 流心芝

Went to this resto which is relatively nearer to my office for with colleagues..My colleague and I ordered two lunch sets, which were Pork Cutlet Omurice and Deep Fried Oyster Curry Rice respectively. The lunch set was served with either green tea or daily soup as well.For the Pork Cutlet Omurice, my colleague chose Japanese curry sauce instead of creamy mushroom sauce. The egg was silky and smooth, while the pork cutlet was tender but a bit soaky. It would be better if the dish could be hotter.

每次喺灣仔附近食飯外賣唔知食咩朋友都會揀五木屋menu好多選擇好多都好想食不過最鍾意都係咖喱蛋包飯雞扒嫩滑入味咖喱汁都比得好多而且入面都有薯仔蛋亦好滑唔會好老餐仲配熱茶/湯咖喱配蛋包飯係一流

難得好耐未試過想買下日本野 試食日本豚肉蛋包飯 食到差唔多最後發現d豚肉有件系唔熟 仲粉紅的 我成個人都爆炸左 哇大佬 豬肉唔熟好大獲嫁wor 可唔可以尊重下食客同廚房 簡直比錢買難受

Lunch Time 灣仔行過見到食蛋包飯，就行入去試下，鋪頭唔算多人，6-7成滿。叫左個咖喱吉列豬扒蛋包飯，上菜速度都幾快，不過個吉列豬扒真係炸到有啲燶，炸到有啲黑，唔係出面金黃色果種吉列豬，食到某幾舊真係有少少苦味，同埋個豬扒都真係炸得有啲老，小硬。蛋都算滑，個飯有落左啲菇、蘿蔔絲果啲炒埋入去，都算ok。不過跟餐杯綠茶真係有啲淡，同飲水差唔多。跟餐仲有一個涼拌木耳，味道尚可。整體黎講，中規中矩，普通food court 咖喱豬扒蛋包飯咁。

🟡CP值⬆️灣仔日式蛋包飯餐廳🍴🟡同豆爸誤打誤撞入左間食蛋包飯既餐廳🍴平時叫兩個餐係食唔哂🫢今次見到一個餐可追加唔同小食 所以叫左餐廳最出名既特製咖哩吉列豬扒蛋包飯🍛🤤🤤 再加幾個小食✌🏻✌🏻 🍛特製咖哩吉列豬扒蛋包飯吉列豬扒外脆肉嫩 而且仲要厚切😍蛋包飯一啲都唔馬虎 係炒飯底👍🏻仲有🍄添 咖哩係日式 甜甜的😋 🦑唐揚魷魚鬚炸得香脆😜可能用細魷魚🦑可以一口咬 推介💕🥗五目炒野菜有椰菜🥬菇🍄洋蔥🧅炒 面頭加上芝麻更香😋🍢🐽炭火免治雞軟骨肉串燒到少少燶邊😍加上燒汁 唔會乾身👍🏻🐮🦀牛乳蟹肉可樂餅呢個有驚喜🤩咬落去好濃牛乳忌廉味 加上蟹肉同脆卜卜既外皮😍正 推介💕🐥🍗日式芝麻手羽先炸粉適中 芝麻香口🥰最緊要係肉嫩

岩岩去完台灣返黎🤣硬係要約朋友出嚟派下手信啦🎁今次去左食灣仔食飯😏嘩🤠呢間餐廳的菜式分左四大系列😳分別係日式丼飯、五目蛋包飯、日式咖喱飯同月見烏冬🌟如果想食得再豐富啲😃仲可以滿腹追加小食添😀每款套餐都有一份前菜小食😆芽菜小食🙂開胃開胃☺️特製吉列豬排蛋包飯 $72🍛呢個價錢可以食到嫩滑蛋包飯🍳又可以食香脆的吉列豬排🥩真的十分抵😉性價比十分高。蛋包飯加上自家制的咖哩汁，不但可以食到蛋香味十足的飯，還能品嘗到日式風味的咖哩汁。除左可以揀秘制日式咖喱之外😯仲可以揀忌廉蘑菇汁添🤘吉列豬排外皮炸的干脆得來，內面汁水橫流😀一口豬排，配上口飯，令人回味無窮😋。大阪醬燒和風牛丼 $71食過店員熱烈高度推介的當店人氣No.1 之後🤠我地亦揀選左一款日式丼飯😊🌟充滿日本風味的牛丼☺️令我想起今年二月去過大阪旅行🧳講返個味道先😜牛肉同飯的品量都比得好足😆而且牛肉夠厚身😋洋蔥🧅口感唔錯😉再加上紫菜、木魚同沙律醬❤️味道更上一層樓💓其味無窮💕如果我下次幫光顧呢間餐廳🍴我亦想試吓日式丼飯系列的黑松露雙色芝士和風牛丼🤭感覺都係好菜餚🤫除左食左特製吉列豬排蛋包飯同大阪醬燒和風牛丼之外😝我同朋友還想品嘗更多的菜式😏呢間餐廳有

五目屋喺金鐘太古廣場三期附近嘅蘭杜街內，點餐用QR code落單，超方便👍店員好有禮貌，隨主食跟熱綠茶或日替餐湯及日式前菜。見到餐牌上的五目蛋包飯超吸引，就點了蛋包飯，特製吉列豬扒蛋包飯，豬扒炸得酥脆，肉質軟啦。日式咖喱汁濃，好好食，份量超大份。🥢No.1 特製吉列豬扒蛋包飯(秘製日式咖哩)$72滿腹追加配五目炒野菜$25加錢轉特濃咖啡🥢吉列芝士漢堡扒蛋包飯(秘製日式咖喱)$72滿腹追加配五目炒野菜$25加錢轉凍檸檬茶

#灣仔地膽 今次去公司附近嘅人氣咖喱小店 – 五目屋。地點位於蘭杜街，餐牌主打咖哩、吉列炸物蛋包飯及烏冬，價錢十分親民！小店不大，但坐位唔會太迫！ 🍱特製吉列豬扒蛋包飯 $72擺盤用心，一列金黃色炸豬扒，下面有滑溜嘅蛋包飯，豬扒酥脆惹味，炸漿輕薄，肉嫩帶點肉汁；蛋包飯香滑好味，甘口咖哩汁味道帶點甜又唔會好辣，日式地道口味！套餐跟左前菜或湯同飲品另外追加了小食日式雞軟骨餃子 $28，相當唔錯！仲可以優惠價配特飲，飲品揀左巨蜂提子梳打。  🍤🍱滑蛋吉列炸蝦 $80有三隻炸蝦，下面係日式滑蛋及洋蔥；炸蝦鮮甜爽口炸粉啱啱好，食落唔油膩之餘仲好香口！小食追加了温泉蛋，蛋汁加埋飯汁令到成個飯更香更惹味！飲品點了柚子梳打，唔會太甜好啱我！五目屋（灣仔）地址📍 灣仔蘭杜街2號麗都大廈地下8號舖

晚上，同朋友在灣仔一帶搵食，好想食一些日式簡單便當，上網一搵，就找來這間五目屋，見到餐牌上多款的蛋包飯、日式丼飯、烏冬及咖喱飯、及小食選擇，種類五花八門，配搭多多、超乎想像，而且價錢親民，值得一食。🍱☺️☺️🎈特製吉列豬扒蛋包飯（$72），豬扒炸得鬆化，蛋包飯的蛋煎至金黃色，蛋包鬆軟。至於蛋包飯的飯是有香菇、蘿蔔粒，飯都有d菇汁嘅香味。咖喱是微辣，整體都不錯。🍛😚滑蛋吉列炸蝦丼（$80），三大條吉列炸蝦都粗大厚身，新鮮炸起、非常熱，炸得酥脆可口，蝦肉彈牙。至於飯底，滑蛋配芝士、洋蔥炒香後，放在飯上，很濃味。飯由第一口至最後一口，都唔會有Dry的感覺。🍤☺️大阪醬燒鱆魚丸子（$26）［滿腹追加］，每粒鱆魚燒的鱆魚很有咬口、帶有彈性，以小食的份量過下口癮是不錯的選擇。🐙吉列芝士漢堡扒（$29）［滿腹追加］，炸得好熱、好脆，將漢堡扒分開一半後，漢堡扒的芝士非常流心、而且濃味。🧀🤤另外，套餐跟一個芽菜小食、餐湯是味噌湯/轉飲品，轉飲品方便，我們揀了凍宇治抹茶鮮奶（+$16）。🍵🥛🫕整餐飯種類選擇多多、價錢又親民，加上又冇加一，真的不錯。😋❤️🫶🏻

‼️必食咖喱吉列豬扒蛋包飯🍛灣仔超親民價🤩大大份日式料理🥢🏡五目屋 (灣仔)今日同豬仔嚟到灣仔，一直以為灣仔野食物價會好貴，估唔到哩邊竟然都有咁親民價既食堂，免加一‼️仲要係大大份😍味道一流👍🏻我同豬仔食過都讚不絕口🤩餐廳環境衛生乾淨，採用日式設計，地方細細，但坐得舒服唔會逼🥰✨特製吉列豬扒蛋包飯 $72+ 秘製日式咖喱🍛一上堂餐點賣相超吸引，好似動畫入面既食物咁靚🤤蛋包飯色澤金黃，蛋味超香，仲好嫩滑😍 吉列豬扒炸得金黃香脆，大大件，肉質一啲都唔乾柴，配上秘製日式咖喱，香濃得嚟甜甜的，仲有薯仔、紅蘿蔔粒，炆得好腍好入味，越食越開胃🤤份量仲大大碟，夠曬飽肚😍✨流心芝士漢堡扒蛋包飯 $67+忌廉蘑菇汁除咗咖喱醬，竟然仲有忌廉蘑菇汁🍄 忌廉好香濃，有洋蔥同蘑菇粒👍🏻蛋包飯色澤金黃，蛋味超香，仲好嫩滑😍流心芝士漢堡扒真係一流，漢堡扒牛味好香濃，保留肉汁，口感好嫩，配上濃郁嘅芝士醬，一切開芝士就流出來🧀必有令一番風味🤤✨照燒雞扒蛋包飯 $70+秘製日式咖喱必點照燒雞扒蛋包飯‼️從來冇食過咁嫩滑、咁香嘅雞扒🤩雞扒一放入口，簡直入口即溶，嫩滑非常😍雞扒燒得好香，配上甜甜嘅醬汁，成個口腔都充滿雞肉既鮮甜，超

之前食飯既時候已經留意倒呢間算係隱蔽吾多起眼既日式餐廳，但係假日離都吾算少人，坐坐下都差吾多坐滿哂，用左而家好流行既手機落單，主打蛋包飯之外，仲有日式丼飯同烏冬小食，重點係個餐牌先發現呢度吾收加一服務費，野食味道有水準，真係好抵食😎.👁‍🗨 特製吉列豬扒蛋包飯(7.5/10)💲72.➰蛋包飯算係呢間店既招牌，款色都有吾少，咖喱汁係一向日式咖哩偏向甜身既果種，份量多夠哂用離撈飯，吉列豬扒外皮較薄炸得香脆，冇咩油咁☺️另外仲加左芝士(+$10)落個蛋包飯度，再用跟餐價加左$28要個日式雞軟骨野菜餃子😝一碟都有4條，煎到岩岩好，外皮脆入面仲係juicy😋.👁‍🗨鰻魚柳川丼(7.5/10) 💲82.➰幾有驚喜既鰻魚丼飯，啲飯既份量感覺比蛋包飯多咁，成隻碗都係，已經好努力食都食吾哂🥹半熟既滑蛋加埋洋蔥撈珍珠米食，真係好正好香口🤫鰻魚吾算好大條，但係鰻魚燒汁份量十足，食落又吾覺有骨，直得encore🤭.👁‍🗨凍宇治抹茶鮮奶(7/10) 💲+16. ➰跟餐加左16蚊升級左杯野飲，本身諗住叫熱既綠茶latte 點知冇哂🥲抹茶鮮奶個漸層做得好靚😍雖然吾算有好濃既抹茶味，但整體都吾差，對得住個價格.👁‍🗨凍