金泰燒烤

Open Now

Now Closed

成日經過呢間野，都冇留意食乜。有日試左佢地名物，燒雞翼、燒牛肉同埋蜆，好食到震，尤其係絕世秘汁，酸辣得來又唔嗆味。沙爹汁又夠濃，咁又當左一餐宵夜，仲有炒通菜都係必食。

就算嘢食有幾好食都唔會再黎服務差到喊 有隻蟲飛咗落杯飲品度 然後想佢換過 佢一句:唔關我地事 係佢自己飛落去。。。 我同個fd無奈咗 佢一句唔好意思都冇講過。。。真心嬲。我唔希望有一間鋪係會咁 講真杯沙冰$30成本可以幾貴 換過一杯有幾難 講埋佢用餐環境簡直係差！周圍都係蚊 啲牆呀枱呀又多污跡好似冇清潔過咁 行到入黎根本行都行唔到 啲位勁迫！其實講咁多嘢我一句佢啲嘢食唔好食都冇講過 只係想講咁做生意係唔得 就算幾好食都不可一不可再！

呢晚漫無目的去咗九龍城食晚飯，其實我本身極鍾意食串燒。既然去到九龍城緊係要揾間有質素嘅串燒店啦！誤打誤撞碰上呢間座無虛席嘅小店，喺店外已聞到陣陣的肉香。咁點會唔入去大快朵頤！甫坐下，我已目測身邊D人叫咩食、邊款食物嘅賣相及食味似不錯。當然每枱都會點串燒，這是小店嘅賣點嘛！當然我也不例外，點了一碟雜錦串燒。還有，炸蝦餅、海鮮冬蔭公湯河及焗蒜蓉包。呢碟串燒有燒牛肉、雞翼、雞心、雞腎、雞軟骨及豬頸肉。肉食好新鮮，肉質鮮嫩，最讚係附上嘅泰式辣汁，將串燒嘅食味大大提升，令人垂涎欲滴。焗蒜蓉包很抵食，這樣一碟賣三十蚊，包内嘅蒜蓉醬很豐富，可見店主的大方，絕不吝嗇。海鲜冬蔭公湯河做出水準，海鲜配料很足，食到尾仍有很多餸，物超所值。炸蝦餅嘅蝦肉很新鲜和彈牙，蝦肉唔會有“鯹”味，蝦膠真材實料，唔似其他食店加大量麵粉打蝦膠，配埋泰式酸辣醬，油膩全消。食咗咁多正菜，都係二百五十蚊左右埋單。今時今日仲可以去邊度揾？真係不妨一試！

食完金泰沙冰既串燒後，愛上左佢個辣汁！後黎發現佢有另一間係堂食，就黎試一試！堂食串燒要叫至少六串，叫左墨魚丸、酸豬肉、牛肉、豬頸肉、雞肉同雞翼。佢啲沙嗲汁放係底，又唔夠多，啲沙嗲汁唔出，另外俾左兜辣汁，點食都係食唔到外賣店咁既風味，因為外賣店入完紙袋先淋醬汁，令到成串串燒都沾滿汁，滋味好多！講返食物本身，墨丸魚唔係淨係粉，有啲墨魚粒，幾好食！酸豬亦即係佢地泰國人叫既「腍肉」，呢個有驚喜！食落酸酸地燒得幾香口！牛肉、豬頸肉同雞肉無外賣店咁juicy，比較乾。雞翼唔係因為有汁，都無乜味，而且都係乾乾地。另外重叫左青木瓜沙律，都係普通無乜特別，個人會鍾意車厘茄多過用番茄。重有泰式炒椰菜苗，等緊野食期間，聽到個廚師教個waitress：「你問下佢：『唔夠椰菜苗搭啲芥蘭得唔得？』」一聽到就即刻諗起有開飯友都講過唔夠椰菜苗事件，估唔到案件又重現。咁佢問完我地話ok。椰菜苗得面頭幾塊似樣，食到中間唔新鮮有好多黑色一撻撻，而且好醬塊。諗住收錢時佢會主動扣返$10，因為椰菜苗係$78，芥蘭係$52。點知收錢個女人話芥蘭少少，但我地同佢講返椰菜苗貴好多喎，佢先黑晒面話減$10。咁即係唔出聲就照收純椰菜苗價

逢星期五，例必跟老公二人世界！喜歡九龍城，因為喜歡這區的泰菜，仍然能夠保留泰國地道的風味！不只一次來這裡吃串燒，醃料味道好，烤出來的串燒有陣陣烤香的味道，一串點夠呀？！特別推介烤蒜蓉包和豬頸肉，每次必定order!咖哩炒聖子亦非常鮮味，聖子新鮮無沙，咖哩汁香甜不辣，用來配麵包，一㳘！飛天通菜有鑊氣，亦是必食推介！兩個人搵位容易d，人多就要等耐d啦！雖然地方迫少少，但與其他客人背對背吃泰菜，再加上泰國人滿口泰文落單點菜，感覺係好親切，呢點最正！

啲人成日問 九龍城泰國野邊間好食我覺得見仁見智 好似好廢話事實上 我都冇特別去死一間因為我覺得佢地啲水準一時時 唔得穩定今次想介紹呢間 佢啲串燒係keep到水準 周不時門口都大排長龍炸蝦餅 $58唔駛問 一定會嗌 每次都即叫即炸 上到枱熱辣辣 脹卜卜 串燒識食一定要食燒雞心 $12好快賣晒 好多時去到都食唔到燒雞腎 $12燒豬頸肉 $12燒牛肉 $12要點埋佢地個啲醬 尤其是個辣汁 辣到媽媽聲👍🏽👍🏽整多杯象啤 不得了 人生一大樂事

平時都係去衙前圍道個間串燒外賣的金泰燒烤，今次終於去到有堂食同提供其他泰國菜嘅總店一試究竟夜晚等十五到三十分鐘入座，舖頭細細，人客通常二至四人一枱，多人飯聚嘅要留意啊我地兩丁友就叫咗一個菠蘿炒飯，飛天通菜同豬牛雞豬頸肉各兩串墨丸司華力腸各一串菠蘿炒飯上個陣唔會原隻菠蘿上，但食落有鑊氣有鮮菠蘿香！而且粒粒分明，實在不錯！飛天通菜亦炒得不過不失！重點的串燒，其中牛同豬頸肉最突出！燒汁淋串燒面，辣汁另上，所以放面的串燒較淡。同衙前圍道個間串燒外帶專門店比，都係專門店個醬汁好食啲總括而言店舖性價比高，會再一食

之前經過九龍城見到呢間咁多人排隊就打算下次試下~今次同朋友兩個人去, 因為知道呢間野多人, 座位都唔多, 所以就約早D約左7點, 就唔駛點等位啦! 😄我地今次叫左4款野食, 包括串燒, 菠蘿炒飯, 飛天椰菜苗 同 炸蝦餅呢間餐廳既廚房同串燒係分開既, 廚房唔大,  出野食都有D耐, 而串燒除左堂食一路都聽到有好多外賣單, 串燒都大約等左25分鐘最先黎既係炸蝦餅, 幾爽既, 不過感覺有DD過左火喉同偏油跟住上既係菠蘿炒飯, 炒得唔錯, D飯粒粒分明, 夠乾身! 👍🏻到個飛天椰菜苗啦, 個姐姐話因為D椰菜苗唔夠, 所以俾D芥蘭我地, 由於價格相差20蚊, 我地問個員工咁計幾錢? 個員工就話減返我地10蚊~都fair既!炒得岩岩好, D菜仲幾爽, 不過略嫌油左DD至於D串燒呢, 個沙爹汁幾好味, 另一隻泰式辣汁對我而言就太辣啦....泰國菜黎講都價錢都算中等以下少少既, 不過遲左去既話預左要等位同上菜時間會更耐但係食完果晚成晚都幾口渴, 可能一黎味精多, 二黎泰國菜偏濃味吧?!整體而言不過不失啦! 

心血來潮到九龍城食泰國菜，憑記憶再次到訪這間金泰。九龍城多泰國菜，不過不是每一間都性價比高又好食，這間是其中一間抵食之選。到達時要等位，沒有票拿，最緊要跟店員說一聲，然後就可以在外面排隊。說是排隊，其實也沒有隊，只靠大夥兒守規矩。跟老婆二人中午吃了放題仍未肚餓，打算點少一點菜，雖然最後好像仍是點多了。菠蘿炒飯好多肉鬆，菠蘿也不少，飯粒分明，不錯。咖喱炒蟶子蟶子數量很多，特地數過有14條，而且也不細小的，如果可以再多點菜就好啦。蒜蓉包邊邊位置烤得很脆口，蒜蓉味很足很香口。一份五個有點多，2人吃的話就吃不到其他東西，如果可以點半份就好了。墨魚丸、蝦餅、豬頸肉、牛肉、雞腎串燒墨魚丸一般，蝦餅太"淋"，牛肉中規中矩，雞腎很爽口，豬頸肉最好味很惹味﹗沙爹汁好味，辣汁則很辣點不了。高質美食，超值啊！

黎到九龍城，真係十次有9次都因為泰國野食而黎，今次因為得2個人，所以朋友建議可以試下黎呢間，因為鋪仔細細，但泰國菜最出名既野食都有，雖然係迫，但話野食搭夠，好啦，見佢落哂咀頭，即管試下我地叫左生蝦刺身，螄蚶，6串串燒(2串牛肉，2串雞翼，1串雞心同1串魚餅)，馬拉盞炒椰菜苗，龍眼冰同菠蘿冰，共$394頭2樣都係一般水準，馬拉盞炒菜好惹味，少少辣同馬拉盞咸香味，到串燒，最初以為普通野啫，但牛肉好juicy, 唔會燒到乾哂又un, 跟住雞翼同樣外脆內軟，亦同樣juicy, 雞心冇特別，魚餅亦燒到皮脆卜卜，但亮點係跟一小碟汁同跟串燒碟既汁，兩樣點哂真係好味到不得了跟住2杯野飲，龍眼冰冇特別，但菠蘿冰飲得出係新鮮菠蘿打，好fresh, 好解到辣

每次一講起食泰國嘢就會嚟嘅金泰美食😋佢嘅位置比較少人指導而且地方逼夾 甚至可以用坐得唔舒服黎形容但係價錢絕對合理而且野食好食嚟到必叫嘅係生蝦、菠蘿炒飯都好食佢嘅全隻雞翼必點必點💖最鍾意佢嘅醬汁甜甜地雞翼燒得啱啱好 juice！

金泰金泰沙冰係金泰燒烤的分店，兩間都是賣串燒，兩間都在泰國街，九龍城內。分別是一間有位坐，另一間冇，一間有飲品，另一間冇，一間有炒餸，另一間冇。串燒就兩間都有，味道兩間都一樣。燒雞亦$13，燒得好細心，慢慢燒，一陣陣燒烤味，好香，好好味，雞肉嫩口。推介指數：10/10燒雞肝$12，一串裏有好多舊，每舊都有囗感，䊢住成個口，好正。推介指數：10/10其實，串燒除咗肉好味外，最好味都係特製的泰國醬汁，有辣味或者不辣味。搽上肉面，一齊就好味變成超好味。

放假都會約出黎玩感情唔係辦公室同事咁簡單出黎社會打滾能夠識到班好朋友好難得再難得既係，被調去其他部門之後還會常常聯繫大家這是人生的小確幸 🌷-生活呢可以有一百萬樣野抱怨但這類人唔會開心 容易在微小事物裡發現幸福的人他們大多數都是快樂的一群 🙃-今次為食豬🐷小隊黎到九龍城食泰菜小豬一號記住舊鋪位置但原來搬左鋪，我地都搵左一陣餐廳職員好好 一邊電話教我地點去亦都行緊出黎接我們 😳-我地叫左串燒第一Round 太肚餓冇影相第二Round 掛住吹水唔記得影串燒即叫即整豬、牛、雞串都醃得入味熱辣辣 好香口點埋泰式醬 更加好味 🤤-叫左份海南雞飯很新鮮呀 亦唔貴份量都多抵讚-煮蜆都很出色大大隻，冇沙原汁原味幾鮮甜我覺得唔駛加調味醬仲好

中午剛開鋪，衹供串燒🍢，嘻，因獨食(1人前)亦衹打算吃串燒， 影響不大。舊地重遊，間舖頭裝修過，明亮光潔左，價格沒有大調整， 但美味依然😋。至愛，燒🐔翼 $13 ! 雞肉和豬肉🐷， 仍然不錯。 蝦餅🦐則一般。 除雞翼以，外其他全部$12/串。 佢哋嘅泰式醬汁，微辣帶酸，令到燒烤食物更加惹味😋!芒果沙冰 $30 好似大杯左， 真係用芒果肉加冰打半而成 ，味道就要視乎芒果是否當造了， 季節性。。今次甜道偏輕。

今晚收工肚餓，想食泰國野，落咗嚟九龍城，呢間叫（金泰燒烤）但餐牌叫金泰美食😂😂（泰式濕炒牛河）炒得幾好，汁調味得唔錯，河粉夠鑊氣同炒到有色👍好少地方啲河粉仲會炒到有色，同食到最尾都夠熱，真係唔錯，好多地方炒得唔夠鑊氣，食到尾已經唔熱再加多一串牛，一串墨魚丸，一串蝦餅，汁底唔錯，牛醃得夠味，墨魚丸唔會太乾，蝦餅就麻麻，唔夠蝦味，但整體感覺良好，間中得閒可以再嚟試下其他炒野，炒野真係唔錯👍下次要多啲人嚟，要試下其他小菜