金沙餐廳

Open Now

Now Closed

看完電影已經是下午一時四十五分，一般餐廳下午茶時段為二時開始，現在去搵食，時間就剛剛好。朋友想吃港式下午茶，所以我們就到附近的茶餐廳坐下來。炸雞肶薯條一上桌，就感到一陣熱氣撲面而來，應該是剛剛炸好的。雞肶炸得恰到好處，色澤鮮亮，一咬下去，外皮酥脆，內裡的雞肉充滿肉汁，還有著誘人的孜然粉香味，應該是用來醃制雞肶的。入口不油膩，也絕對沒有油膱味。相比之下，薯條炸的時間稍短，顏色不夠深，味道也比較淡，吃的時候一定要搭配茄汁食用。干炒牛肉河粉牛河上桌時，顏色明顯不夠深，也沒有什麼香氣，吃起來也不夠味道，需要搭配辣椒醬一起食用。有部分牛肉好韌，完全咬不開也吞不下，不知道是否下午茶餐關係，感覺這牛河可能是翻炒或者用微波爐加熱的，完全沒有鍋氣。熱檸檬茶和熱檸檬水算是中規中矩，茶味不夠濃，但總算是合格的。另外，檸檬浸耐了也沒有苦澀味，值得一讚。

今日大概下午兩時同朋友去食飯，本人點左一個燒汁豬扒炸蝦飯，結果嚟咗一個豬扒腸仔飯，都炸蝦變咗腸仔，問侍應侍應唔出聲，甘搵返同我落單嗰個阿叔問佢，佢竟然同我講唔係佢幫我落單，莫非佢認為我是老人癡呆，早幾分鐘前落單嘅人都認唔出，好，錯咗一個都算，結果等我朋友個餐嚟咗，我朋友點嘅係蝦醬豆卜蒸腩片，結果係嚟咗個蝦醬枝竹蒸腩片，啲嘢又係唔同咗，又係冇人出聲，好明白餐廳食材用完換轉其他嘢，其實都冇問題，但係點解落單嗰隻陣侍應唔同客人講，擺低就算，仲要態度咁差，覺得係應份嘅，佢出乜，我哋就要食乜，好老實你哋咁樣做已經係違反咗商品說明條例，告得，如果你地真係有心做好間餐廳 ，一定要多注意員工態度 有時食物質素好唔好食都其次，惡劣態度真係死穴，唔係要5星級服務 ，至少基本對答及尊重都要，十問九唔應嫌人麻煩點解要做呢份工，得罪講句：「感覺你地侍應生都趕客，既然係要客，咁亦都唔會再去，費事俾人趕，俾錢買氣受，今日食咗嘅係一肚氣

本來平時只係睇 無出個post 今日忍唔住要出希望救到大家 我寧願唔食 以後都唔會再去呢間餐廳搬左黎大角咀都有六年。開頭見屋企樓下有間好光好大既茶記。本人對茶記要求無乜特別 始終明白一分價錢一分貨 茶記只係填飽個肚既餐廳 食左幾年好正常無特別 之後過左幾年。可能疫情關係 佢大鋪轉細鋪 我都依舊有去食野。但轉左鋪之後 餐廳工作人員服務其差 食物質素唔多講（明白茶記唔通要有酒店質素咩）但份量可否正常啲。 講返正題 兩個人去食叫左個雪菜肉絲米粉 火腿炒旦 凍檸茶我就叫 五香肉丁雞翼太陽蛋出前一丁 熱咖啡 個雪菜米叫左5秒即到（絕對無吹水） 個米粉硬既 雪菜凍既 好明顯係整定加湯落餸就出 炒旦野飲正常我個麵啲肉丁得三粒 仲要有粒得半粒 肉丁本身都細粒 仲要得半粒（好似仲要加錢）我就問下個員工 係咪不嬲都係咁 但理都唔理我 仲好似不屑我咁之後到我個麵都食完 杯咖啡都未黎 就問員工 個答案係無杯 要等其他杯收左先有得出我一聽到火都黎埋 都算數 我忍你 就轉凍咖啡 個員工就改單加錢問題 又攪左幾分鐘 想飲杯野都咁辛苦叫個辣椒油 入面無渣 好明顯係比人bug晒又無補給我只係想正正經經咁食一個正常早餐

平日嘅中午來嗌碟叉燒炒烏冬，等咗成20幾分鐘先來到，仲要喺隔離張檯遞俾你！等到食完嘅時候，茶都已經凍曬喇。叉燒切得又大又細唔平均，suppose係乾炒但係好多汁喺底濕立立！

🐽肥叉燒香蔥炒滑蛋飯 $56嚟到賣相同我哋想像中唔太一樣以為係一齊炒但原來係分體嘅炒蛋滑溜 上面鋪咗爆多蔥花叉燒算係半肥瘦 份量都幾多飯粒扁長 粒粒分明有口感唔會過硬旁邊附咗椰菜同埋少少蘿蔔絲最大扣分位係個底部食到底啲飯浸著好多油 🐔椰香葡國雞焗飯 $60葡汁顏色金黃 黃薑同椰汁味平衡得啱啱好飯粒扁長 撈埋葡汁唔會過份軟爛雞排連雞皮有5條 肉質頗嫩滑表面仲灑咗椰絲同埋芝士 視覺效果同樣兼備🍜煎雙蛋米粉 $30看似簡單但絕不平凡～兩隻荷包蛋熟度恰到好處平時太陽蛋如果要做到蛋黃流心蛋白部份都會生生哋但呢度唔單止蛋黃流心 蛋白亦無滑潺潺湯底味道濃郁唔油膩 似茶記老火湯米粉條條分明 份量都好夠🧈特脆奶油豬仔包 $17呢款就最遜色一上枱就見到豬仔包表面烘到深啡色烘得太過令成個包都好乾硬 仲帶少少苦澀味都幾失望☹️

喺大角咀買完野隨意入左呢間餐廳食下午茶，價錢實惠，呢個特價菠蘿包餐應該係暫時食過最平🤔$20 包熱飲☕️我個人鐘意菠蘿包熱辣辣夾住牛油再慢慢溶化喺菠蘿包裡面，咁先好食😋可惜呢個菠蘿包並唔係熱辣辣🥲下午茶一向食得好簡單，普普通通又一餐~

諗住今日放假 嘆番個靚早餐 咪打去樓下間金沙 響左勁耐都無人聽 諗住收線 有個女人 爆咪咁喂 我。我當時問係咪金沙呀 個女人 拉長語講 係....呀.....我話我想落外賣 當時早上大概7:00 我一落完order 佢用好命令式語氣語 你而家即刻落泥拎啦 我當堂呆 我心諗係咪我太早打泥未準備好 所以發我脾氣 我其實有睇營業時間 6:30 如果真係未ready 就唔好話自己營業時間6:30 我咪食過第二間 隔左一陣落去 眼見個場係幾大 都有幾個顧客 原來我阻住呀姐 同個男人傾計 怪唔得我拎外賣時 黑口黑面 妙晒咀收我錢 唔好意思囉 幫襯左你 打擾左你 我以後都唔會再幫襯你地

返工前於大角嘴「金沙餐廳」吃早餐。一般港式茶餐廳格局，樓面面積不算少，舒適感及衛生情況可以接受。早餐款式沒有驚喜，正常茶記早餐收費。 牛油厚多士牛油塗滿整塊多士無欺場，只是油臆味略重。炒蛋做工挺香滑，色澤金黃帶汁，唔錯。濃湯火腿通心粉整體食味偏淡，沒有享用濃湯的感覺。水準持平。特脆奶油豬仔包脆感不俗。倘若麵包質感能鬆軟一點更佳。熱檸茶略帶微微澀味。熱奶茶奶味相對重而合心。整體而言，金沙餐廳的早餐水準持平合預期。

今次入嚟試吓個下午茶，我哋分別叫咗一份炸雞脾餐同一份炸蝦多士餐，配薯條同雜果沙律。個蝦多士用左麵包糠沾係多士外面，香脆得來又炸到金黃色好靚，而入邊就有好彈牙既蝦滑😆😆整體來講成個配合得好好，最緊要係佢炸得來唔會太油非常之乾身。 呢個質素係下午茶食到絕對係唔錯，可以一試！！而個炸脾相對下就比較遜色左少少，一來佢都比較細隻，炸完之後縮左水同有啲乾🤭🤭 另外要讚嘅係個炸薯條，唔會太油之餘都好脆。最後一提既係佢哋嘅食物都好夠熱！

大角咀@金沙餐廳 賣相味道:C服務:B環境:B+衛生:B價格+WIFI:有,但不提供給客人使用冷氣:C簡評: 這間金沙餐廳可說是大角咀其中一間大型茶餐廳,N年前,未搬過嚟之前在這裏工作, 和同事食過一次lunch之後就食返之前食開嗰間, 到我搬過嚟大角咀住,我有畀多次機會佢啦, 食兩次都係失望,N月前食, 我係畀佢嘅餸菜款式吸引, 我係好清楚睇住個餐牌係吉列豬扒, 結果唔係囉…今次再食佢lunch,冇希望亦冇失望,眼前呢pat野兼冇湯飲既午餐就$59......完成唔抵食

叫了個茄子煲價錢合理,份量都足但係味道太普通本身舊時幫襯過,見質素差,無再試間隔了好耐再試一次,質素依然係差唔明點解咁多人食個茄子煲,牛腩得好少,牛筋多牛腩淡到咩咁........牛筋好食過牛腩,但我唔食牛筋茄子最多,但味道好普通整個菜味道都偏淡醬汁太淡了..............................送了一個清菜又係好淡..........10分滿分味道:4/10香味:3/10樣子:6/10抵食度:5/10份量:8/10

每次來到大角咀都是匆匆的來，匆匆的走. 這次的課堂要上一整天，所以中間有時間於附近尋吃的~由於時間不多，就在附近選了一間看似店內空間十足的茶餐廳. 難得假日中午時份都不用等位，那就最適合趕時間的我了. 與剛認識的同學一起吃午餐，不用自己一個吃也好! 如果是我一個人，應該會去老麥吃包算了!鮮茄濃湯肉碎水晶通粉 ($41)這款通粉竟然是相當有誠意，有番茄、胡蘿蔔& 洋葱，酸甜開胃. 至於水晶通粉，原來就是我喜歡吃的米通粉，不過有點過淋，如果有咬口一點會更好!腸仔炒滑蛋配迷你牛油豬仔包由於我唔好半熟的滑蛋，所以要求熟一點的炒蛋，這點都做到. 豬仔包也是即烘的，香脆可口~熱檸茶茶底幾濃厚，喝一杯解膩的熱檸茶有助消化. 坐了大半個小時，又要回去上課了!

每次到金沙餐廳吃早餐都可以坐到卡位，每次來到都會食它的沙爹牛肉出前一丁，炒蛋腸仔配餐包， 也只不過是$33.沙爹牛肉很濃味和很淋，另外出前一丁的面煮得不會過淋，麻油都放在枱上面自己自行加在面裏，這裡的炒蛋很滑，腸仔也是有煎過的。 餐包也是有放在焗爐磬熱的，不會馬馬虎虎。餐廳的夥記們都很專業， 手腳很快但不會沒有禮貌 ， 所以個人認為這是一間很有人情味的餐廳，難怪這麼多年來在大角咀仍然能夠屹立不倒，得到街坊們的支持。

食野點解要受氣？換左個大堂長髪經理之後兇神惡煞之餘態度奇差坐低成五分鍾冇人執枱上面啲嘢又冇落單食物水準亦大降 味道差之餘 size 又細左連咖喱都唔掂 吾夠味以後吾來啦太多其他選擇喺附近今年仲已經加左價

叫左份鐵板燒炒烏冬，好香，味道唔錯。跟住我地叫埋枝竹牛腩煲，冰梅焗肉排，啫啫通菜煲。+9蚊中有套餐，一個飯，湯+菜。。好抵。牛腩味道一般，不過竟然有好多牛筋，我最中意食，不過有d 牛筋軟身有d 就一般。最好食係啫啫通菜煲，配飯一流，肉粒勁多。配飯就唔咸。冰梅肉排唔評價，因為我唔中意食酸，但見到好大塊..我屋企人就話好好味。值得讚的係服務態度。good ，我要杯水，佢問我要熱的還係岩岩好的。平時去餐廳鬼有人甘問你咩，係唔係都懟杯熱水比你，飲都飲唔到。值得讚。