金鳳大餐廳 (晴朗商場)

Open Now

Now Closed

今天啟朗邨探個朋友，朋友話一齊食個晚飯，我們落咗去樓下一個商場鋸扒， 一間老字號鋸扒出名嘅餐廳 ，金鳳餐廳。地方好舒服，侍應服務態度良好。我朋友揀咗個咖哩羊架配意粉晚餐 ，先嚟一個湯加麵包。雜菜湯好好味，好香蕃茄味。羊架好淋，好有羊味，咖哩唔會太辣，食唔到辣嘅朋友亦都可以嘗試， 咖哩加羊架真係一個好好嘅配搭。意粉亦都好爽，軟硬適中。這個套餐加22蚊可以加個是日沙律 ，今日係鰻魚雜果沙律。帶子牛柳餐，我愛吃五成熟牛扒，因為鐵板上菜時還熱嘅，食落去就啱啱好。牛柳亦都好淋，肉好新鮮，帶子亦都好鮮甜，再配上薯條，真是很好的配搭。味道一流。懷舊紅豆冰，好多豆，味道亦都不會太甜，真係種懷舊嘅感覺。港式奶茶，好有茶味，真的不錯 選擇。

位於晴朗邨一間小店，啟德附近環境怡人，最適合過來走走同食野！一入黎見到唔同餐牌同裝潢賣點都係鋸扒，紅色主題加上霓虹燈，環境都算寬落！今次叫左貴族牛扒，晚餐A菠蘿海鮮炒飯, 同一個gelato 朱古力雪糕，有配上鮮牛油餐包！貴族牛扒🐮($208)屬於牛肩肉，價錢雖然唔算平，但叫得貴族真係唔同d！相對於一般扒房，肉質更為鮮嫩，唔會有根咬唔爛；肉味係香口而唔會有重牛膻味，個人建議配黑椒汁，非常好味！菠蘿海鮮炒飯($71)如圖所示，都有唔同種類既雜錦海鮮，菠蘿甜味多汁，唔會炒到霉曬，有提子乾（個人覺得咁先正宗），鑊氣夠，唯一係個人覺得可以鹹多少少！Gelato(跟餐加$10)個人被佢既特飲金牛黑牛幾種吸引，但今次淨係叫左Gelato 雪糕！有驚喜！朱古力味香濃，入口口感細滑！佢總共有5種味道，想試既都可以試吓其他味道！

第二次幫襯呢間茶餐廳，晚餐時段入場入座率大約7成左右，所以等待入座時間不長。提供4款基本扒餐選擇，惟一要注意的無論要3/5/7成肉類成熟程度都差不多是全熟首先上餐包，普通餐包一個，唔太甜及好鬆軟。好咸嘅蘑菇湯正常檸檬水，冇特別要求，偏淡西冷扒，賣相正常，5成偏熟，汁好傑上菜後由職員淋汁，職員會貼心提醒客人小心枱面個人物品及記得用紙巾遮擋衣物。配搭的薯菜不太新鮮整體而言，菜式可接受，味道偏咸，不強烈推薦。

以前食開尖沙嘴過間分店，依家金鳳越開越多啦！依間分店水準我覺得係差少少嘅，不過黎金鳳通常都係想食個港式餐廳情懷～ 而家好少港式懷舊扒房/餐廳，而且呢個價錢有咁嘅分糧，真係抵食嘅。最鍾意同埋掛住始終都係嗰個熱騰騰，好鬆軟嘅餐包同埋牛油，仲有充滿金鳳特色嘅白/ 紅湯🍴💕

今晚嚟到呢間港式茶餐廳食飯，餐廳專食扒餐，由於我哋實在太鍾意食肉嘅關係，二話不說就決定食呢間，由於係晚餐時間，餐廳門口都幾多人等，可想言之，食物質素應該好唔錯👅👅我哋係坐卡位，位置寬敞又坐得舒服🫡我哋分別叫咗兩個是日晚餐😍一個係海鮮三文魚燴意粉🍝另一個係鐵板牛扒餐🤭我哋兩個都揀咗羅宋湯，超好飲，入面好足料，勁多蔬菜，同埋湯嗰酸甜調味啱啱好☺️佢哋仲跟個餐包，個餐包熱辣辣又軟綿綿，好正！海鮮三文魚燴意粉🍝：勁多三文魚🫣而且煎過好香口。同時仲有啲海鮮，例如八爪魚粒，蜆肉粒，蟹柳等，非常足料🤘🏻重頭戲就係個鐵板牛扒餐❤️有齊一頭盤、主菜、甜品同飲品🤗頭盤竟然係鰻魚配沙律😋然後份牛扒係配司華力腸，成件事好得意好有港式風味🫣同埋啖啖肉嘅感覺真係好正☺️最後，我哋兩個仲叫埋黑牛同紅牛飲，佢哋係用意大利雪糕🍦黑牛就成日聽得多，原來仲有紅牛，佢係士多啤梨雪糕加利賓納，味道好清爽好舒服😳我好鍾意，佢哋仲有隻叫金牛，係芒果雪糕加忌廉，下次一定要試埋呢個🥳

細個已經食過金鳳，突然想食，但好似間間都好多人，所以我哋決定搵一間冇咁多人嘅分店。介紹同埋呢度方便泊車，就係餐廳隔離。（奉勸各位千祈唔好拍泊街，因為我見到有人泊低左唔夠10分鐘就俾人抄咗牌）可能時間尚早都唔使點等位就有位喇，個環境都算坐得寬敞，唔會太迫！雖然當時d阿姐勁忙，但我哋又問廁所喺邊，又問呢樣果樣都冇燥底，服務ok wo個羅宋湯值得一提，足料㗎，又夠濃，唔係加水加到好稀果隻～～我地分別叫左「貴族牛扒-美國牛肩肉」6成熟& 大蝦牛柳7成熟貴族牛扒好嫩口，咬口彈牙有肉汁，我地+$2多蒜如果再多啲就會更好，大蝦牛柳-對比6成熟，我個人認為6成熟好食d(可能我比較偏向食生少少）大蝦都夠大隻，重點係有膏份量好飽

好耐冇食鋸扒啦，好掛住個個（炸。。。炸。。。）既感覺啦，所以就黎左呢間親民但高質既港式扒房-----金鳳大餐廳啦👏🏻👏🏻👏🏻👏🏻👏🏻金鳳就係食港式扒房，一入到就黎完全係感受到年代感，就係個個情懷啦，雖然唔係西餐個種情調🙈，但就係濃濃既港式味道，懷舊，年代感，呢個真係冇得輸👍🏻👍🏻一紅一白，配埋實的的既包包，佢仲有點熱熱的，再放埋個牛油入去，不得了🤤🤤🤤不論紅湯定白湯，都係好香濃同足料，唔會係冇野比你咬，一d都唔手軟咁💪🏻💪🏻💪🏻美國德州頂級西冷餐我簡左五成熟配蒜蓉汁（重點要有鐵板😂😂😂😂）炸個下既儀式感拉滿😘😘😘頂級即係頂級，香濃既牛牛味，廚師掌控熟成度技能高超，會預埋用鐵板上整生啲，咁樣上到檯就唔會overcook另一個餐簡左雪花牛小排套餐，呢個就冇簡到鐵板啦，但上枱一樣做到五成熟👍🏻👍🏻👍🏻不得了丫，掌控度滿分而呢個同西冷比起黎偏重油香，好好食兩個餐既配菜薯條薯格都做到外脆內軟，唔係翻炸再翻炸果啲。不得不提個汁汁，非常多，唔會好小氣既，個汁汁係淋到滿瀉的，唔需要再問職員拎汁汁，加分加分餐飲簡左個出面少見而且又好好飲既鹹柑桔蜜特飲，食左咁多肉肉，飲左佢可以幫手解解個油膩感，棒棒的

金鳳係我平時嘅飯堂之一，呢到嘅晚市套餐除左大份夾低食外，鐵板餐同樣係幾抵食同大份😋雖然要等位，但上菜速度就好快，落單一陣已經有得食☺️🌟帶子牛柳餐 $168跟餐湯、餐包、餐飲點左款鐵板牛扒餐，仲有兩粒帶子，味道都幾鮮甜。牛柳有兩塊，七成熟切開見到粉嫰嘅肉，入口非常軟腍，完全唔會韌👍🏻仲有薯菜，加入黑椒汁非常惹味😝另外可以揀蒜蓉汁。飲品加$15升級黑牛，係我最愛嘅懷舊飲品，唔係咁多地方有得飲咖😬🌟 芝士咖喱牛腩焗飯 $74晚市套餐包左餐包、餐湯同飲品，呢個焗飯份量十足，咖喱牛腩鋪滿成個焗盤，加大量芝士令牛腩更香口感更正😆呢個份量細食嘅人可以考慮share食🤭飲品加$15升級雪糕紅豆冰，大杯又有雪糕食🤤

金鳳大餐廳開左唔少分店，啟德竟然都有一間，真系有少少驚喜。裝修同其他金鳳差五多，中西扒房，卡位同正常凳位都有，但系位置好似闊落少少，唔知系未錯覺。事關上次無食到距地噶貴族牛扒，今次索性補翻。另外就系例牌牛小扒。白湯忌廉味濃郁香滑，跟餐餐包熱辣辣，好軟淑，搽埋牛油。嗯~系金鳳的味道。美國貴族牛扒：鐵板上，半熟，勁厚切。食落口感肉質都好鮮嫩，唔韌，牛味香濃，味道唔錯。美國雪花牛小扒：同貴族牛扒一樣，半熟鐵板上。Keep得住質素，肉質鮮嫩多汁，入口細膩順滑。因為雪花的關係，個人覺得牛味比貴族牛扒更加豐富而濃郁，味道一流。服務都好正常，落單迅速，收碟快手。P.S 今次竟然發現距地都有晚市套餐，價錢都唔算貴，下次繼續試下。

👶🏻平日夜晚帶埋bb落街食飯，突然間想食扒，所以揀咗屋企樓下呢間傳統扒房。🐂貴族牛扒套餐 $208之前食過晚市套餐，今次想試下食貴啲嘅牛，試下個分別！佢可以鐵板或者碟上，嚟得扒房梗係食鐵板啦！牛扒size適中，肉質嫩滑，牛味堅重！有對比有傷害，真係俾貴啲有分別！配薯菜，唔知可唔可以薯條用碟上呢😆招牌牛柳餐 $130建議大家可以嗌五成熟樓下，因為鐵板有熱度，會繼續burn，所以老公食食下話有啲老。本身味道都唔錯，不過食咗貴啲就真係食到分別😆但佢勝咗實惠，有厚度，夠飽，啱老公食😌Waitress好細心，見到我帶住手抱bb，特登留張卡位枱俾我，值得一讚👍🏻

好少黎啟德呢邊食野，見到有金鳳大餐廳，就入左去試下！見到menu有超多款扒可以揀，淨係牛扒都已經超多款，有唔同部位同埋產地，總有一款岩心水🥰我地就揀左美國安格斯肉眼扒餐同埋西冷牛扒餐，一份揀左黑椒汁，一份揀左蒜蓉汁。一上枱見到好大塊扒，真係好有滿足感呀😍啱晒我呢d食肉獸！兩份扒都揀左鐵板，因為我地都中意落汁個陣，「咋」一聲，覺得咁先有feel😂 如果唔想要鐵板嘅朋友都有得揀用番碟上。呢方面幾細心！美國安格斯肉眼扒，揀左五成熟，好有牛味，有少少咬口，但都唔會好韌。配左黑椒汁，夠晒濃味，正！西冷牛扒，都係揀左五成熟，口感軟稔，好厚身😍 好夠份量個餐包左餐飲、湯同埋餐包，真係超多野食，好中意呢度d餐包好柔軟。

今日去左啟德，搵朋友之後去了晴朗商場搵食，見到有出名嘅金鳳餐廳！ 金鳳餐廳係人都知係老字號嘅鋸扒餐廳！二話不說入去食。佢有新穎嘅裝修，但亦保留經典嘅原貌，餐牌都好多選擇， 我揀咗招牌雜扒餐！餐是包了餐包同湯的！ 有羅宋湯同埋忌廉湯選擇！餐包配美味嘅牛油，熱辣辣上碟，軟熟美味。 另外飲品方面，而家有四款特別飲品選擇，分別係有金牛，黑牛 ，紅牛同埋白牛四個飲品款式！只需跟餐加15蚊就得啦！另外雜扒餐方面加兩蚊就有新鮮嘅蒜蓉做配菜，雜扒餐有牛扒：大大塊汁多肉，厚豬扒：林而彈牙，有好有豬肉味，另外再配腸仔同餐肉！薯條亦都份量多同脆口新鮮！我朋友就點了牛柳餐，可以自己選擇幾成熟，上碟同樣可以有蒜蓉汁同黑椒汁選擇加上，在你面前倒落鐵板上，炸炸聲，很香很吸引，揀左5成熟都岩岩好，肉汁豐富，好食！總括嚟講十分之有質素，而且價錢亦大眾化，百零蚊就可以，超值！

和對歷史有興趣的姪女乘搭屯馬綫去啟德地鐵站參觀附近啟德大道公園展板上的舊啟德機場照片和亨用遊樂埸設施後，一同散步去附近的晴朗商場覓食，無意中發現歷史悠久的金鳳大餐廳在這裡也開了分店，門面全是清澈透明的玻璃，感覺時尚，餐廳裝潢實而不華，也有舒適卡座位，牆上掛上介紹老闆大叔的威水史照片。有多款主打牛扒套餐，美國牛扒有安格斯肉眼扒、貴族牛扒美國牛肩肉、西冷牛扒和美國雪花牛扒等等….街坊價有牛扒套餐的招牌牛柳、香燒羊扒、豬骨牛扒、和西冷牛扒餐等等….我倆Share腍嫩牛柳餐和羊扒餐，配上酸酸甜甜羅宋湯、綿滑濃郁粟米忌廉湯和牛油餐包，另加新產品香脆脆炸手指魚。下次過來要試吓平民價錢的超值午餐，同樣也包牛油餐包、羅宋湯或粟米湯、餐飲。

老字號港式扒房🥩講起香港扒房真係人人都會諗起佢雖然話係老字號 但裝修一點也不老環境燈火光猛 充滿香港風味🇭🇰餐牌食物種類豐富除咗鋸扒仲有好多其他選擇焗飯意粉都有我地就一心想鋸扒🤣😁落完order好快就上餐包🍞麵包夠熱好鬆軟會附上牛油搽麵包🧈餐湯🍲有紅湯同白湯紅湯都幾多料入口有濃郁蕃茄味好飲👍🏻🥩西冷牛扒餐 $123 & 🥩招牌牛柳餐 $125薯條可另上👍🏻鐵板超熱🔥啲醬汁倒落去Jarjar聲叫左5成熟 黎到時都有見紅👍🏻幾好肉質軟腍有咬口係鋸扒好去處✨

有朋友搬咗去啟德附近今日去參觀佢嘅新居搵餐廳食時 佢就提議我食 金鳳 食平靚正入到去坐卡位 闊落同舒服 揀野食已經聽到餐廳周圍都係"咋咋"聲係鐵板餐嘅香味所以我同朋友被吸引 都揀咗排食 我個人比較貪心所以就食特選晚餐有齊湯，包，Starter, Main, 同甜品，野飲我朋友就揀咗 招牌牛柳餐 餐湯 我地兩個都揀忌廉湯都幾creamy 麵包都好軟熟 頭盤係吉列鳳尾蝦沙律 吉列蝦剛剛炸好 熱辣辣 同 好脆沙律就酸酸甜甜 幾開胃 D 排嚟到 侍應阿姨好好服務 幫我地淋汁 即刻到我地枱 "咋咋咋" 塊鐵板好夠熱！ 我果份係 鰻魚拼西冷牛排 塊排好大塊(就嚟大過個鐵板）啱哂我呢d 食肉獸 好香！仲有不得不提嘅薯條，點埋d 蒜容汁好味朋友都話佢嘅牛柳好香牛味！ 最後仲有我個餐嘅雪糕佢餐牌寫係意大利雪糕今日係跟綠茶味（啱啱好，係我嘅最愛）唔會太甜 香茶味～總結：呢個價錢 鋸到質素不錯嘅排，確係性價比之選 侍應阿姨雖然全晚好忙，但好好態度又會提我地小心彈汁，小心辣親！