金殿海景宴會廳 (Closed)

服務態度差，有兩個小朋友係度但冷氣開超大，點左食物未來想轉隔離枱都唔比。結果食物容易吹凍唔好食。魚肉讓尖椒，第一件都ok，一陣間吹凍晒就唔好食。芋蓉包都可以，但都係要即食先好，吹凍晒就麻麻地。

國際廣場，26樓，點9樣野，都唔好食，叉燒包粉軟，燒賣軟，雷沙湯圓唔得，南瓜餅太油膩。4套餐具2套要換，有污漬，茶壺蓋有茶漬，整體而言，一次機會，信用用完，無瑕疵。

要宴請親朋戚友，尤其是很久才在外國回來一次的，總會想找個好一點的地方，洗下塵咁啦。而這一次，是我堂兄少有地一家四口返齊黎，我同兄長便決定去設宴款待下他們。我心本來想食日式，但堂兄嫂二人的生活太傳統了，結果我們選擇了中餐，選了一間有美麗夜景，性價比又夠高的食肆，位於《iSQUARE》的《金殿海景宴會廳》。 不用多說，這一家酒樓，這一個地方，基本的 setting 是為了辦婚禮酒席而設。場地大，少柱，有一個靚靚的海景。不單只是婚禮，在這一個場地辦其他宴會，都有點派頭。 為了辦婚禮酒席而設的地方，裝修上當然帶點華麗啦。單是樓頂上的大吊燈，已經可以令整個場地增添華麗的感覺。 場地有柱，不緊要，因為場內的每一條柱都是 LED 屏幕。早由成20年前，我阿哥結婚既年代，已經興起要播 video，而這一個設計，就好讓全場的賓客都唔會 miss 到幸苦拍出來的 video，再者，也可加上特別的動態畫面，配合宴會的主題。 做宴會，基本上是食裝修。好多人說，裝修靚，領錢更靚，但食物出品，好多都只是一般。不過，並不是間間宴會酒樓都咁黑既。好食的，價錢合理的，其實不少。是日，我們不想用腦去想食什麼了，直接叫一個

工作時跟㚈國訪客到過此酒樓晚飯覺得不錯，一直想找機會跟家人到此試試這裏的點心，今天終於有機會，訂了枱下午一時，一行四個大人加一小孩一時零五分到達，誰知沒有機會吃㸃心，只有一肚氣和一頭火，還要拋下一句「我以後唔會再嚟」就走了！原來此酒樓只招待熟客。我訂了枱準時到，到達時酒樓剛有醒獅表演，知客叫我等一下，因為枱set在門口，因為趕時間，等了十分鐘，我再問要等多久，她説客人埋了單，因有舞獅未走，我感奇怪，為什麼會有不同答案，望望訂枱紙，寫的眀明就是那張吉枱。轉頭見一個著西裝疑似經理的帶兩個人跟知客握過手，然後坐了原本應該給我的那張枱，我用忿怒的眼神望著那個知客，然後打電話到另㚈的酒樓，可惜另外的酒樓已經沒有位了，不久，另一個知客行近並說差不多有位了，那時已是一時半，我說不用了。既然你們只招待熟客，不應接我的訂座，我訂了座到了，就不應把枱給了另外的人。既然你們有熟客已經足夠，以後無論在公在私，我都唔會再選這間酒樓，香港酒樓多的是！

2017年...第一個聚會就係有老友結婚~搵我兩姊妹去幫佢處理婚禮既野佢就約我地去佢將會舉行晚宴既地方睇下~~一去到, 大家都肚餓即叫左幾味睇完餐牌....唔知點解, 感覺上覺得選擇既款式好似唔係咁多會唔會因為呢到其實係婚宴酒家既原因呢..hahhaaaa我又叫左我既至愛..口水雞我發現口水雞既醬料好多地方做法口感都唔係好同而今次食呢個既口感似XO醬唔係話好辣, 肉質尚算滑..唔錯忘記左呢個叫咩酸酸meimei 肉質好腍入面仲有菠蘿, 增加食欲魚香茄子每件茄子都係腍味道好夠... 好香咸魚味送白飯食.. 一流但可惜一樣野.....油太多了楊枝甘露呢個味道普通.奶味重UM... 呢到既野食... 味道不錯但係.. 呢到既服務確實差...有D人好似唔知自己做緊咩咁連個經理都無咩禮貌.. 老實...野食幾好食...但無禮貌...有得簡我都簡其他..

2016月1月3日，我和許久不見的一班好友(包括2個3歲小孩及1個嬰孩)到這酒樓吃午餐，進餐約一個半小時後，朋友說見到有一隻超過半呎長的老鼠跑到距離兩張枱外的枱底，我老婆向一名女侍應反映，只想提醒她去跟進問題，但她卻淡淡的回應:「哦，你地見到老鼠呀」，頭也不回便轉身離開，似乎這只是一個平常不過的事情。我明白酒樓餐廳有時候無可避免出現蟑螂和老鼠，但最可怕的是，餐廳泠然面對，沒有打算去處理，只有決定以後不會再光顧這地方。由於難得約齊一班好友聚會，加上已經吃飽，大家還是繼續留下談話，卻不幸令我們遭受酒樓經理的粗暴對待。本來覺得這酒樓的侍應的服務只是普普通通，我也理解忙碌會令侍應木無表情。不過，在大約下午3時前，酒樓後方的窗邊附近幾張枱都沒有茶客，只有一張細枱有一名穿西裝，胸口有名牌(字體太小看不到寫什麼)的男子在吃飯(後來知道他是酒樓經理)，我的印度裔朋友帶著他的3歲女孩(他是在香港出世、讀書、工作、成家立室，會說廣東話的香港人)到窗邊看風景，我想女孩看到風景自然有點興奮的（這女孩並不是吵鬧的那一類，聚會上她曾碰到頭哭喊，但也不是呼天搶地，她比我其他朋友的子女乖巧安靜得多。利申：本人是華裔土

今日係isquare睇戲，睇之前想飲個茶，所以就上左去26／F 金殿海景。對比起同一座既利寶閣，我較喜歡依間，因光猛d,新d.食左六樣野，埋單二百蚊，OK la, 你話平就一定唔平，但佢地既點心雖然唔多款，但樣樣都整得幾好食。

在OP番查記錄發覺上次來已經是11年的事, 當時是17回(封塵的記憶),當年是新店, 現在也是翻新過後的新裝修, 週末來只有點心八折優惠, 而現在則已有"下午茶"時段(大/中/小點均一價$18.80), 如果吃特點/頂點/小食比較多嘅客人可以不用等下午茶時段進場,因為那些是在週末正價時間有八折的, 大部份點心質量不變, 當日品嚐:金殿蝦餃皇$38 圓圓嘅外形, 蝦肉餡料豐當, 每隻計$9.50 比紅磡區貴出兩蚊/隻芹香上湯竹卷(大) 一盅三條, 每條$6.3, 味道適中但太座話腐皮好油可能係走油時的油索了進去吧薑蔥牛柏葉(大) 份量看似都幾豐富下的, 點知道個底其實是墊了兩三件麵根的, 雖是這樣牛柏葉份量都算足夠的, 清湯都足夠味道, 牛柏葉有口感又不是過淋身的豉汁蒸肉排 (大) 肉多骨少, 大都是梅頭肉,松子芋粒餃(大) 三大個芋粒餃餡料豐滿, 有粟米粒粒/唐芹粒粒/芋頭粒粒, 整個餃子是素蒸餃, 餃皮半透明, 調咗味嘅粒粒好好味, 要注意的是這個蒸餃食兩隻則很飽肚了安蝦咸水角(中) 一厚四粒, 每粒$4.70這點心算是這餐裡比較失色的一品, 皮厚餡少是特色!香煎蘿蔔糕(大) 一碟三

與朋友約食飯，搵食肆嘅責任不成文都落在晌我身上，佢哋成日有個錯覺以為我周圍食，周圍試，食遍香港，目前全香港有成四萬幾間大大細細嘅餐廳，就算一日3餐出晒街食，一年365日如是，都要食成40年啦。小弟雖貴為殿堂食家，都喺虛銜嚟啫！今次約番啲舊酒店同事食飯，難得有人有建議，我都唔多諗舉腳贊成啦 ，餐廳原來就喺晌isquare嘅金殿海景宴會廳。睇酒家名字，你就知佢主打仍然喺搞婚宴酒席，所以，環境裝修都喺較為華麗大體，灰白色雲石牆身，高樓底，加置大型水晶燈，枱布、茶杯、餐具都光潔如新，佈局企理四正 ，連所有座椅都加有金色椅套，可見一斑。雖然酒家位處尖沙咀區，又喺isquare高層，裝修有氣派，但出奇哋收費唔高 ，菜式定價非常合理，仲要惠顧有贈送，連埋茗茶$12位，酸菜$10碟（6個人擺低咗兩碟），加一，再者，同枱老友唔大食，食咗七百蚊都未到，每人都只喺$115，實在好划算 。 金盞明蝦球（免費）晚飯大放「送」，期期不同，每星期都會轉款，每枱限選一款，我哋就要咗依個金盞明蝦球。酒家又幾好喎，我哋6個人，就跟人頭俾番6個明蝦球。所謂「金盞」，就喺炸蝦片，然後兜住個脆炸蝦球，外層粉漿炸得幾酥

今年慶祝父親節的重頭戲便是到這間擁有無敵環迴大海景的地方喝頓午茶。很幸運地被店方安排了在一張靠近窗口的大圓檯就座，再加上天公造美，故此外頭遼闊的景致可謂一覽無遺....一行十多人，一口氣的叫了十多二十碟點心，再另加兩碟飯，計起來每人竟不用花多過百大洋便可走人以這個地段來說，真的是超抵吃....印象中沒有記錯這裡好像是某連鎖酒樓集團旗下的。對這一類地方的食物質素一向沒存太大信心，唯有以既來之則安之的心態去面對吧....先嚐嚐幾款的小點 ---- 煎釀青椒有點不太夠熱而且也油膩，不過魚肉甚是彈牙實淨令人滿意；叉燒腸的粉皮不黏筷且厚薄適中，但餡內的叉燒就稍嫌瘦了一些....芋角的最大缺點(亦是可預計的)便是外皮乃超油，而且芋茸又是一pat pat糊糊的沒有包含冬菇及肉粒在內；煎墨魚餅有咬口彈牙之餘亦真能食得出墨魚粒，不俗....豉汁鳳爪的醃味極之濃厚，懼鹹者實不宜入口，不過一向愛濃味東西的我卻是甘之如飴；牛肉少不免有梳打粉味，而且肉太淰，可以不理....蝦餃的皮雖夠薄但弄得太濕，蝦肉徒具一個爽字但欠鮮味；蘿蔔糕的優點是外表沒有溶溶爛爛的，但缺點則是粉多蘿蔔少以及臘味粒差不多是完全絕跡....

平時什少寫食評~難得因病放假就寫吓啦~以往聚會都好少會揀中菜....朋友唔係日本野就HAPPY HOUR飲2杯~難得有朋友提議黎呢度食中菜就試吓啦~由於BOOK左位唔駛等就可以即刻入去....我地坐近玻璃窗既位置...維港既景色一覽無遺...完全係好好VIEW~先唔講食物質素...呢度餐廳既員工態度值得一讚~因本人常常出街食飯~見盡好多餐廳好客或視若無睹既一面...我地一行幾人聚會少不免會影相留念~在沒有請他幫助既情況下都會主動提出幫我地影相真係好難得....(我實在遇過太多隱形人)好喇~入返正題~食物上菜既時候岩岩好~~喺你差唔多食完既時候上另一碟~唔會食得好趕~食物雖然看似普通~但水準不比出面既連鎖大集團差....中菜看似間間一樣...但本人好怕腥~無論大少魚類我都很怕聞到或會主動去試....但呢日試到一道用魚整既菜式~(名已經全部唔記得) 唔知佢點煮法...見佢用個沙鍋裝住~應該似炆 ANYWAY~冇魚腥味~加埋佢入面既雞脾菇一齊食真係好好味....整體都好滿意~但最值得一讚係出面露台吸煙位置 (唔食煙都可出去影相)環境真係一流....完全望晒成個維港~真係好靚~比起由山頂

近日無啦啦都會下大雨，所以約朋友食飯，都係去D商場穩陣，最好仲係連住地鐵既，就最好喇。所以，今晚約了朋友仔去ISQUARE食晚飯，地點就腳方便!!其實都只係志在一班人聚下，所以食中菜，圓枱會比較好。這間酒樓，之前都沒有食過，都只係看食評，同埋選地點而已。故，是沒有特別高的期望的。不過，沒有期望，反而又不錯呢!!食物水準OK!!尤其是炒桂花，又香又靚!!喜出望外的，是送的蝦球，都OK!!個白肺湯好好味，自己屋企唔會整，所以出街晚飯時必叫。燒雞不錯，好滑，皮也脆!甜品選擇好少，而且等左好耐才上枱。尖沙咀食飯，不會限時限刻，一班人可以聊天，食物又不錯，這間酒樓下次可以再嚟!!!

當天朋友到港,特意前往一試,在門口已等10分鐘(但裏面無人).一進入那待應生之態度極其差.我們點了.翅.帶子及蝦,其食品中之油令人吃驚,未道亦無.(淡而無味).之後叫甜品,其甜跟本太甚,,跟待應反影他只是看一下而未有理會.最後只好結脹離開.更失望是茶芥都收多2位.(離開才發現)THAT'S VERY POOR EXPERIENCE ..I NEVER TRY AGAIN.THANK YOU

聽朋友講過...就記得isquare 高層有lee 間酒樓...之前食晚餐想要訂...點知好多isquare 高層食肆都滿座..所以冇機會試...今次終於試到lee 間既飲茶啦!!環境真係一級棒...但原來地方好細0家咋~怪不得成日都book 唔到位啦!!我地3個人叫左以下點心:1.流沙香芋包:睇openrice 既comment 好多人都讚lee 個呀!! 所以未來之前已經決定一定要食..香芋流沙包真係係出面好難搵的呢~雖然唔係好大隻,同埋唔係真係流出來0個隻流沙...不過味道不錯!! 大隻d咁好2.叉燒包: 冇咩特別...3.金錢肚: 都幾入味,好淋..不錯!4.蝦腸: 第一舊入口都好似唔錯...隻蝦好爽...不過其實都幾厚皮...同埋咁樣樣切開一舊舊上碟其實少左一條..平時有3條丫麻~5.蘿蔔糕: 我覺得好粉唔夠香脆..可以煎香少少更好6.咸肉粽: 食左少少...好細個粽囉! 味道一般...我諗以環境黎睇...都仲有下次既~~但點心就可以要揀下食其他野啦!!

母親節不是唯一的一天...在不少人而言...整個月也算是吧這天妹妹剛巧不在...就讓我暫且獨佔媽媽一段小時間下一次若我不在...才讓她霸佔整個媽媽囉媽媽上午沒空...過後才跟她在尖沙咀相會喝個小小下午茶遺憾是很多酒家晚上將舉辦婚宴...早就停掉茶市跑盡尖沙咀一帶的酒家...都無功而回突然想起曾到過這家店...那次還算是不錯的經歷...印象甚佳沒想到事隔一段日子...改變蠻多點心款式當然不用說...想不到連價錢模式也有所變更以往這裡以環境壯麗見稱...眼見食客們都愛它點心有不俗的水準...加上價錢優惠吸引...值得一吃再吃崧子芋粒餃 $23.8金粟百花餅 $23.8蜜汁叉燒腸 $23.8和風牛柳粒 $38椒鹽蒜香蝦 $38茶 $10 一位酸菜 $10 一碟崧子芋粒餃好像很有趣也見特色...就選來一試餃子大得驚人...包裹著滿滿的餡料各種餡料味道分明...粒粒質感有異...卻也頗相配芋粒沒有過於軟掉...保持爽脆有咬口金粟百花餅不是彈牙那款...但味道清甜怡人金粟甜味突出...令百花餅甜上加甜蜜汁叉燒腸賣相走新派路線...以特長方形碟上桌這擺盤添魅力...加分不少可惜弄法沒有加以創新...