金壘餐廳

Open Now

Now Closed

今日男朋友話帶我去食一間由細食到大既餐廳，因為佢以前係呢度附近住，屋企人有帶過佢黎食，咁有意義，就襯半週年既時候去試下啦！😝 聽店主講呢間餐廳有45年歷史，加埋舊址就更加耐！好多一家大小幾代同堂咁返黎食飯架！🔴金壘海鮮拼盤入面包齊晒魚、蝦、蟹之餘，仲有吉列蠔同青口，大部份想食既海鮮都有，三文魚煎得好香，青口新鮮，長腳蟹一開成條蟹條可以慢慢食！吉列蠔夠香口，成個拼盤份量十足。🟠炭燒美國牛小排我地叫左五成熟，鮮嫩度剛剛好，牛味濃郁，有炭燒香味。🟡法式香草焗田螺酥盒酥皮既牛油味好香，咬落去感覺好鬆脆！加埋田螺肉口感好豐富。🟢牛肝菌松露意大利雲吞份量真係好多，我食到勁飽😝😝每一舊都勁大舊！雲吞入面fill晒滿滿既牛肝菌再加上松露既香味😍🔵香煎法式鵝肝配鮮藍莓汁鵝肝夠晒肥美，而且煎到好香，啲油脂咇晒出黎好好食，加上藍莓汁，酸酸地中和返個酒膩感。🟣酥皮豆腐花真係第一次見😳😳聽店主講好多人專程黎食呢個甜品，豆腐花夠晒甜，溝埋酥皮感覺好新奇，黎到值得試試！

早幾日同朋友去錦上路買蘭花，路經餐廳，朋友話三十幾年前已去食，我未食過一於試下，餐廳環境舒服打卡好地方是日午餐都好多選擇餐飽好特別用蒸蘢上焗雞脾飯，份量足夠又好味道BBQ豬肋骨水牛芝士肉醬長通粉食物水準值得一試

適逢周末，在錦田區購物遊覽，跟街坊閒聊間，提到區內高級餐廳，得知金疊餐廳已有四十多年歷史，當然不容錯過，立即驅車前往。餐廳佔地甚廣，除停車場外，更有露天雅座。室內陳設懷舊但仍有保養及翻新，地方企理整潔，格調經典而高檔。晚餐有超軟熟的餐麭，配香港地道風味的紅湯和白湯。香煎原條澳門大龍脷配檸檬牛油燒汁$328原條的龍脷魚，外皮煎得十分香脆，內裡熱騰騰香噴噴。肉質鮮嫩，配十分開胃的檸檬牛油燒汁，邊食邊讚。意式香草燴紐西蘭羊膝$328羊膝口感超級軟熟，香草汁燴得入味；充分為羊肉去膻提鮮，越食越開胃。餐廳推介特式甜品：阿拉斯加火焰雪山$138（2人）侍應在焗蛋白上澆上著火的甜烈酒，欣賞著熊熊火光之餘嗅到烈酒的香氣並感受到熱力，可謂多重的感官刺激。蛋白泡沫空氣感十足，配以濃烈的甜酒，適合愛刺激味蕾的朋友。晚餐我們選配了經典港式飲品：凍檸茶和紅豆冰。

今日朋友帶我嚟試呢間錦田隱世餐廳聽講呢度鹹豬手好出名愛食豬手的我點會客氣😍餐廳設備✅有免費泊車✅bb椅✅洗手間🚻星期五晚嚟到好靜場得2枱客🙈環境夠哂靜，卡位坐得舒服啱哂傾計💬叫咗德國鹹豬手 $368點咗左傳統烚方式，廢事咁熱氣再點埋碎上😂方便食豬手夠哂味，豬皮比較爽口，但幾多豬毛😅有啲吉咀最後我飛哂啲皮無食，留番比朋友食香煎原條龍脷柳 $328香脆可口👍🏻食落一啲都唔腥外脆內軟，好食Pussy Foot🍹Fruit Punch $98整體環境好，舒服又免費泊車價值偏貴，食物一般水準

放假約了朋友去大帽山行山，再落去錦田附近的農莊親親大自然，晚上朋友帶了我去附近的打卡餐廳吃晚餐。餐廳有停車場，亦有室外座位，現時入秋在外面露天吃飯，環境一流又舒適，身處庭園之感。餐廳有套餐亦有單點。法式洋蔥湯表面舖上芝士及麵包焗至熱辣辣，麵包吸收了洋蔥甜味。羅宋湯配餐包羅宋湯酸甜開胃，麵包鬆軟。炸魚薯條炸魚薯條份量十足，魚柳炸至金黃香脆，而且炸漿很薄，魚肉嫩滑；炸粗薯香脆好味。蜜糖芥末焗招牌德國鹹豬手鹹豬手表皮充滿彈性，而且膠質豐富，有陣陣蜜糖甜香，豬手煮至肉質鬆化。墨魚汁海鮮意大利飯意中利飯軟硬適中，裏面有青口、帶子、蝦、三文魚及魷魚等，用料十足。

金壘係一間有歴史既餐廳，細細個已經知道呢度出入既人非富則貴。過左甘多年，仲係保持到佢獨有既氣質，但不再是遙不可及，非常親民既價錢，保持食物一流水準！黎個龍蝦湯先再黎頭盤，辣肉腸OpenRice 訂座另送的頭盤：肉醬茄子主菜意大利飯同肉眼非常滿意👍🏻會繼續支持！！重點：呢度仲係寵物友善餐廳，餐廳仲要主動提供食兜比狗狗，我自己有備而黎，所以無享受到！不過Oreo 仍然食玩得好開心！有特色餐廳，買少見少！請大家繼續支持留港消費！

之前見到網上有人介紹「金壘餐廳」，而且門口亦可以泊車，岩晒我地駕車人士，非常方便，唔駛周圍搵位泊車，所以今日我地去食晚餐。餐廳環境非常大，設有露天雅座，環境寧靜，室內環境有情調，環境寬敞，坐位不逼狹，好適合一家大細聚餐或情侶撐抬腳。美式炸薯條比預期中份量大份，用上粗薯條，新鮮熱辣辣炸起，金黃香脆。蒜香蜜糖雞翼有4隻雞翼，4隻雞搥，炸得香脆，外層脆卜卜，蜜糖唔會過多，甜度剛剛好，雞翼夠juicy 。法式香草焗田螺酥盒賣相吸引，酥皮有牛油香，層層酥化極酥脆，內裡有薯蓉和田螺，田螺肉吸收牛油及香草味道，底層的薯蓉香濃細滑。金壘炒飯炒飯入面有蟹籽、雞肉、蛋，炒得夠鑊氣，炒得乾身，飯粒粒粒分明。日式燒白鱈魚配薑酒燒汁可以加$68升級套餐（西蘭花忌廉湯&餐包）白鱈魚煎得夠香口，魚肉口感嫩滑，好鍾意佢地既薑酒燒汁，味道好夾。心太軟伴朱古力雪糕心太軟朱古力味道濃郁，配埋朱古力雪糕一齊食，一冷一熱，冰火交融，口感極滿足。黑牛&熱阿華田

朋友琴日生日一行四人嚟咗金壘餐廳食飯，星期五晚市八點都唔算多人，出面都幾多車位可以泊車。在場有食煙朋友，但七月咁熱咁梗係坐室內啦，不過佢哋出去食煙話戶外有冷風機吹住都唔熱喎！講返食物先，嗌左朋友話必叫嘅招牌德國咸豬手（炸），啖啖肉但略嫌咸左少少，所以唔落醬都好夠味！之後嗌左周打蜆湯同龍蝦湯兩款湯，周打蜆湯無得輸，入面勁多蜆好足料。因為想試多d嘢食嘅關係，我哋係叫全部係小食，除咗蒜香蜜糖雞翼同沙嗲雞mix豬串燒normal 正常發揮，法國鵝肝、肉醬焗薯皮同牛肝菌松露意大利雲吞我哋一致都話好食，下次嚟都會再encore！最後餐廳好好service ，Waiters 會主動斟水換碟，經理有問d嘢食O唔OK！

🙋🏻‍♂️餓底探員今日去咗元朗八鄉調查呢間西餐，餐廳座位多，設有露天茶座，環境闊落舒適，店員親切友善，餐廳亦有停車場方便泊車，假日去開八鄉郊遊，呢度係一個唔錯嘅用餐地方，如果夜晚嚟更加有情調🍗蒜香蜜糖雞翼 $108📸表示個雞翼有4件，而且係全翼，面頭鋪滿炸蒜，中間有嚿薯仔沙律🙋🏻‍♂️表示個雞翼炸得香脆，雞翼淋滿咗蜜糖，連埋啲炸蒜一齊食，份外香口，薯仔沙律味道清新，可中和膩感🍔安格斯漢堡 $168📸表示個漢堡夾住厚厚嘅安格斯牛肉，芝士，蕃茄同生菜，配上薯條同茄汁，睇見到興奮🙋🏻‍♂️表示個安格斯牛肉充滿肉汁，厚厚嘅牛肉好有咬口，麵包口感鬆軟，搽咗牛油，味道香口，配埋香濃嘅芝士，鮮甜嘅蕃茄，清新嘅生菜同沙律醬，食落好有層次感🥟牛肝菌意大利雲吞 $168📸表示個意大利雲吞有8嚿，份量唔少，浸住喺滿滿嘅忌廉汁入面，面頭有燈籠椒同芝士做配料🙋🏻‍♂️表示個意大利雲吞用咗牛肝菌做餡料，味道濃郁，配上香滑嘅忌廉汁，夠晒creamy又美味🦑墨魚汁海鮮意大利飯 $258📸表示個意大利飯用上大蝦，青口，三文魚等海鮮做配料，面頭有溫室豆苗同芝士點綴，雖然個飯烏卒卒，但聞起嚟味道好香好吸引🙋🏻‍♂️表示個意大利飯食落

難得有一間又有得泊車又坐得舒服嘅西餐廳。下晝三四點又有營業。不過錯過咗午餐時間又未到晚餐時間，不設下午茶，只能夠散叫。叫咗一個焗豬扒飯，仲要加$68加個湯同埋嘢飲，其實都幾貴。如果係好食嘅話就冇所謂，不過呢個焗豬扒飯超級鹹而且嗰啲豬扒又唔滑。另外叫咗一個炸魚薯條，所有嘢都熱辣辣脆卜卜，不過薯條一凍咗就好難食，唔係嗰種波浪嘅薯條。最好味都係個湯啦，西湯嚟講佢都耐唔耐轉下一個餐湯，有時係薯仔湯有時係甘筍湯，起碼唔係嗰種普通茶餐廳好難飲嘅忌廉雞湯。

金壘有30幾年歷史，細細個巳嚟食，而加嚟就真係食回憶，因為佢既味道無變，仲有佢既鎮店之寶到而加我喺出面都未見有，例如酥皮豆腐花、芥末蜜糖焗德國鹹豬手都係非常好食的今日嚟食生日飯，當然要豐富一D啦😁香草田螺酥盒半打 必食的小食，中間個薯蓉做得好好，同田螺一齊食超正👍🏻蕃茄青醬水牛芝士🍅大大份，厚切水牛芝士😋泰式燒牛肉沙律🥗只能夠講好食過泰式餐廳龍蝦湯，洋蔥湯都好香濃配埋蒜蓉包好滿足青醬帶子意大利飯及黑松露龍蝦肉寬條麵，兩者都係兩老最愛芝士茄醬茄子🍆小朋友最鍾意食，難得蔬菜類食唔停😁安格斯漢堡 （6安士）配薯條七成熟既漢堡，非常Juice，又係小朋友最愛蘋果批伴雪糕、梳乎利(香橙）、酥皮焗豆腐花每次飯後甜品，都要有呢3樣先圓滿 🤓位於元朗鄉郊，有露天雅座，亦有拍車位駕駛人士不用膽心無位哦，而搭巴士都好方便，落車都唔駛5分鐘就到👍🏻如果近近地，外賣自取仲有七折真係好抵😁

情人節餐廳好熱鬧好full，好在屋企人有book位!但泊車麻煩d, 因為大部分人都揸車，加上係特別節日，d車位好full，食食下要出去揸開讓位俾其他車出入，所以記得要攝張紙仔方便聯絡啊同我家兩老食情人節大餐要食得豐富d, 叫左兩個小食+三個主菜+兩個甜品小食叫個芝士蕃茄醬焗茄子，我覺得無論芝士定蕃茄醬都可以重手d，因為兩者味道都唔太出，味道有d淡仲有叫個沙嗲雞串(6串)，雞肉好滑嫩燒到色澤焦黄，配沙嗲醬好惹味👍🏻叫main course+68蚊就升級至套餐，有餐湯(兩款揀:羅宋湯同蒜蓉忌廉湯同餐包)加餐飲食西餐但見到餐包用蒸籠裝，幾特別好搞笑😂炭燒西班牙黑毛豬鞍(9安士)好食!可以揀8成熟同全熟，我揀8成好好食，肉質鮮嫰唔鞋同埋juicy，肥肉比例適中，連啊爸啊媽都話掂🤤，果然係餐廳推介❤️~配菜薯餅暖又脆，黑椒汁濃而不辣炭燒頂級西冷牛扒(10安士)，娘親話要7成熟，肉質都唔錯架煎得岩岩好但比較黑毛豬鞍下有d失色哈哈，佢既配菜薯格都係脆卜卜架😬招牌德國鹹豬手，有3種煮法揀(蜜糖芥末焗/炸/傳統烚)，想食脆皮就緊係揀炸~黎到大大份，2-3個人share岩哂!不過可能醃得有d重手，但係皮脆肉

晚餐食物唔錯，服務OK，環境舒服，但認真唔抵食😅 所有食物都overpriced，未去到呢個價位🤨 食之前就想睇下邊到值咁貴，食完之後都搵唔到邊到值咁既價錢😅 雖然唔係天價，但咁既價錢有更好既選擇🙈

金旅餐廳是元朗一間很久的餐廳，主打是港式的西餐。我們叫了套餐，有羅宋湯，餐包有趣的是用蒸籠上的，像點心一樣。芝士茄子很好吃上面的芝士香濃，加上了茄子10分美味。香草田螺酥盒也是一絕，田螺的肉很嫩，配上蘇脆的皮，好吃。甜品火炎雪山，很有酒香，回味。焗飯也很好味，上面鋪了濃濃的芝士，炒飯底，配上了肉，美味。

Recently drove out to the long established Golden Castle in Shek Kong. It is convenient as it has car parking right outside the restaurant. We ordered from the set lunch menu, the Spaghetti Carbonara and the Char-grilled Pork Lion with Black Pepper Sauce. Soup and breads came along with the meals and a hot or cold drink. The Carbonara was one of the best I’ve had anywhere, even from well established Italian restaurants, the spaghetti was Al-dente and the sauce was creamy with a velvety egg an