38
14
14
Telephone
24881642
Good For
Drivers Friendly Dining
Opening Hours
Today
11:00 - 23:00
Mon - Sun
11:00 - 23:00
Payment Methods
Visa Master Cash UnionPay
Number of Seats
200
Other Info
Wi-Fi
Alcoholic Drinks
May Bring Your Own Wine Details
Cake-cutting Details
Parking Details
Phone Reservation Details
Delivery
10% Service Charge
Outdoor Seating
TV Broadcast
Signature Dishes
德國咸豬手
Review (78)
Level2 2020-05-06
152 views
友人今次揸車載我同 P san 去元朗錦田食扒。去到餐廳, 餐廳門外大概有 10 個泊車位, 友人將車泊喺店家花園門外停車場, 我哋一行四人, 落車就經過店家花園同露天坐位步入餐廳。 店員問我哋想坐露天坐位定餐廳內, 我哋因為怕有蚊同埋有人食煙, 所以揀咗坐餐廳入面。 店員都有為我哋量體溫。 因我哋無預先 book 位, 所以入到餐廳坐中間一排由六、七張二人枱拍成嘅長枱嘅一端。 餐廳環境燈光比較昏暗, 甚有情調。我哋睇完餐牌, 各自點咗一個晚餐 set, 有沙律、餐包、餐湯同一個主菜, 仲有一杯飲品。沙律係煙鴨胸胡蔴醬雜菜沙律, 除咗煙鴨胸唔太咸之外, 沙律無咩驚喜。餐湯方面, 有鮮甜嘅南瓜味, 再配幾塊脆麵包粒, 賣相同味道都無咩特別。餐包算係不錯, 不過可能因為當時肚餓, 而且我比較鐘意食麵包, 所以覺得好味。到主菜了, 就係西冷扒同埋肉眼扒, 我同 P san 都喜歡食扒, 而且嚟到喱啲較高級嘅餐廳, 對店家嘅牛扒有信心, 所以兩份都點咗 5 成熟, 因為餓, 所以急不及待開動。西冷同肉眼扒望落都好靚, 有烤時嘅網紋, 聞落有少少焦香味, 好香, 但食落就有啲失望, 肉質唔軟淋同埋鞋, 切落去仲有少少血水, 係 5 成熟嘅感覺, 唔係 overcooked, 因為肉質鞋而且無咩牛扒嘅肉味同甘香, 覺得咁嘅質素唔值喱個價錢, 而且份量亦唔算多。雖然食物性價比真係唔高, 但餐廳環境寧靜而且有格調, 侍應生亦招呼周到, $4xx 就當係食餐廳環境。 continue reading
(The above review is the personal opinion of a user which does not represent OpenRice's point of view.)
Level3 2020-04-11
314 views
今日到效外走一走,晚餐選擇到有數十年歷史的食肆用餐,一如以往附近空氣清新,環境寧靜,非常舒適。食肆有室內和室外,當日天氣仍然涼快,選了室內的雅座進餐。見到餐牌的推介幾吸引,點了兩份心想有份量的食材。餐包與餐湯餐包有兩款,以蒸籠上幾有趣,可保麵包的和暖及濕度,入口鬆軟,好窩心,別有風味! 餐湯點了羅宋湯,帶點辣,正常水平。日式煙鴨胸沙律配芝麻汁 (兩份)煙鴨胸軟腍,加上芝麻汁幾開胃,沙律菜新鮮,份量不錯。炭燒西冷牛扒十安士配薯菜炭燒西冷牛扒賣相吸引和大份,炭燒網紋很美,五成熟烹調到位,配燒汁好味,薯肉也軟綿綿。蜜糖芥末焗德國鹹豬手配薯菜有睇頭又有香氣,拍照花了一點時間,切開也花了一點時間,雖然骨頭大大但也多肉。油脂適中,油膩感不大。豬手腍身入味,蜜糖芥末調味也恰到好處。伴在豬手旁有薯菜和酸菜,酸菜通透色澤微黃,有德國風,可中和豬手的油膩感,調整過的酸味容易入口,滿意菜式配搭!兩份主食三人分,還可以再添一份甜品。餐飲點了熱檸檬水和熱咖啡,品質正常。火焰雪山 (二人份量)起初還在猶豫應否點四人份量,店員看着我們討論,耐心地等待我們的決定,真有點不好意思!在餐枱上店員純熟地上演火焰雪山一幕,近距離看得興奮!看着火焰雪山由高高長長的火焰變成細小的火焰,為慶生帶來另一種特別的感覺!火焰雪山內有雲呢拿雪糕、蛋糕和菠蘿塊,外層有蛋白、草莓和朱古力醬,是有鮮果的雪山,陪添另類風味! 不貪吃的二人份量,又開心又好味!食肆經營多年,保養完善,有少量免費泊車位。附近環境清幽,用饍完畢後可以散步,幫助消化! continue reading
(The above review is the personal opinion of a user which does not represent OpenRice's point of view.)
Level3 2019-09-22
1609 views
呢間位於錦田嘅西餐廳,地點真係好難搵,就算揸車都唔係咁易搵到,如果唔係有熟人帶路我諗我真係唔會入嚟食飯,講真佢今次我食嘅係鹹豬手豬手份量夠大隻但肉質偏硬,但係氣氛一流可能因為身處郊外所以心情零舍放鬆,呢間餐廳都係食一次夠啦! continue reading
(The above review is the personal opinion of a user which does not represent OpenRice's point of view.)
Level1 2019-08-26
1164 views
屋企停電趁等電力公司嚟維修出去食個靚飯先。之前Lunch 睇過要2佰蚊一個人覺得有點貴,咁就算啦不過今次決定近近地點都要入嚟食吓!餐廳有自已車位唔駛等,唔駛爭!(上村㕷車要撞彩,好多時都要等一陣)待應出嚟殷勤咁問我哋幾位。俾左張卡位我哋坐,環境燈光唔錯幾舒服😌,拍拖談心夠靜又唔會太拘謹。細心睇吓餐牌發現豐儉由人,平平地佰五六蚊一個餐有交易,當然豐富到五六佰海鮮都有。我哋叫左個凱撒沙律🥗(+$20煙三文魚)老公叫左烟肉蛋意粉(升級套餐),我個沙律本來無得升級套餐,個待應好好俾我升級埋。是日套餐有羅未湯同忌廉南瓜湯,羅宋湯一般餐室勝在無咁咸又夠濃。跟住前菜要左個炸魚薯條,炸魚做得唔錯,係實淨啲既鱈魚類,貼近正宗,而今失回味係個他他醬,配落個魚度超夾,食完想再食。待應見我哋食到差唔多就主動提我哋梳乎里要等13分鐘。好貼心!而不時留意到我哋需要,而且非常有禮貌。好耐食過喇!造型可愛,好似個巨型cup cake 咁,有兩種味揀雲尼拿同橙味。我揀左雲尼拿未,好味!最後,到餐飲咖啡喇。唔好以為咪普通咖啡一杯,佢俾嘅係暖鮮奶,而且杯咖啡酸味唔高,啲暖鮮奶撞落去杯咖啡度令到佢更加滑,感覺好似飲日本啲咖啡一樣令人回味。 continue reading
(The above review is the personal opinion of a user which does not represent OpenRice's point of view.)
剛過了的星期六,從屯門揸車入嚟搵食 。 其實附近都有唔少特色食店,但見家人推介便來試試。 叫咗一客德國咸豬手 及 墨魚汁海鮮意粉, 再各加四十幾蚊升級 (即有餐湯、 餐包及飲品) 。可能我見識少 ,第一次食到感覺有餘用"紅燒元蹄"煮法嘅德國咸豬手。個外皮嘅"融" 化度簡直可以用飛機餐嘅刀叉切開都綽綽有餘, 墊底嘅酸菜過甜(港式風味啩)。 明白嘅~香港人工貴 、租貴、 皮費貴 。為咗縮短烹煮時間 ,怎可能將 一隻豬手用烤爐由生焗到熟, 但都冇理由唔將隻豬手放入焗爐最後焗一焗 ,等佢外皮都叫做有啲啲脆先送出去比客人食吓嘛 。相比之下碟意粉已經係好正常嘅味道(本人都覺得極之普通)。 再有下次 ?除非我精神有問題。 continue reading
(The above review is the personal opinion of a user which does not represent OpenRice's point of view.)