36
8
0
Telephone
53959328
Opening Hours
Today
12:15 - 22:00
Mon - Sun
12:15 - 22:00
Payment Methods
Cash
Review (48)
Level4 2021-01-20
656 views
來到長洲竟然不是吃大魚旦,吃海鮮,竟然是專誠為餃子而來!餃子的口味有創意,是坊間少見,而且味道亦是一絕。以後來長洲又有一個新理由。餃子套餐有八款任君選擇。我們二人想試多一款,就點了兩個A 餐($37@, 煎餃加$1), 有六隻餃子及飲品。另單點了黑白土匪餃(四隻$30).鹹蛋黃黃金餃我就是這道而來的!每次也是非點不可!披上金黃色的餃子皮,滿身佔滿砂狀的鹹蛋黃,離遠已嗅到鹹蛋黃的香氣。一啖咬下,餃子皮應聲碎裂,香脆得像薯片般,鹹蛋黃起砂,相當有口感,味道鹹香。接踵而來是滾燙的肉汁,差點燙到嘴巴,吃時要當心啊!肉汁滿滿是油香及肉香。豬肉餡料柔嫩鮮美。黑白土匪餃平時常常吃土匪雞翼,把「土匪」的元素融合在餃子當中,又是什麼的花樣?黑白的意思我想就是雞翼面層上的黑白芝麻了!除了芝麻外,還撒滿孜然粉。入口滿滿都是孜然的味道,味道霸道得來惹味,真的以為自己食了土匪雞翼呢!餃子餡仍是飽滿的豬肉餡,多汁鮮甜。蔥爆牛肉餃食完兩個相當邪惡的煎餃,來個相對上清淡的蒸牛肉餃。餃皮透薄,口感煙韌。一口爆汁,內裡的牛肉餡鮮香味濃,加了些少香蔥,令味道更香口,頗有食清真牛肉餅的感覺。另加$12 把飲品升級為冰糖紅棗桃膠,桃膠份量多,真材實料,味道低甜,既解渴又滋潤。 continue reading
(The above review is the personal opinion of a user which does not represent OpenRice's point of view.)
Level4 2020-11-20
770 views
而家放假無得去旅行,唯有坐船去離島,感受下不一樣既香港生活。距離上一次黎長洲已經係一年半既事,期間亦有新既特色餐廳崛起,今次呢間係其中一間新店,中意食餃子既我,又豈會錯過!!?我地到達餐廳既時候剛好12點,成為當日第一枱客人,但只係半個鐘,餐廳已經滿座,人氣相當高企!!由於已經食左正餐,加上又有下間餐廳要試,所以四個人只係點左三個全日餐,剛好$123,符合到每位最低消費。餐茶 – 四季春茶茶味偏淡,無任何苦澀味,亦唔覺有解膩功效。黑白土匪雞肉餃6隻 $41友人中意食土匪雞翼,當然要試下呢款餃子夠唔夠土匪啦!! 熱辣辣上枱,一陣陣孜然粉味撲鼻,餃子煎炸到三面金黃,相當誘人!!齋望個樣以為佢外皮係硬脆型,但原來只係小小焦脆,入口唔會有”卡嗦”聲,卻好有焦香味;肉餡算多,而且好多汁!! 我咬第一啖果陣仲噴左d汁去朋友度添由於雞肉本身味淡,所以其味道既來源係來自表面上既孜然粉同芝麻,個人覺得加上辣醬更好味。鹹蛋黃黃金餃6隻 $41黃金乜乜乜一直都係人氣之選,何謂百吃不厭。呢款餃子煎炸到三面金黃外,仲掛上滿滿既鹹蛋黃,再用上金色碟裝盤,真係金碧輝煌,非常耀眼!!咬落去會先試到蛋黃香,之後豬肉香會慢慢滲出,味道比較有層次,個人覺得比土匪餃好味。蔥爆牛肉餃4隻配酸辣湯 $40+煎餃+$1呢款餃子有別於前兩款,只係煎左一面金黃,另外兩面保留其薄皮既原貎,肉餡隱約透出。味道係三款餃子中最濃郁、湯汁最多既一款,蔥味相當特出,牛味有點比蓋過,但整體味道唔差。酸辣湯我無試到,但友人表示唔夠辣,自行加左兩小匙辣醬。如果食厭左d傳統餃子,想試下新口味、fusion野,黎開長洲都可以試下。 continue reading
(The above review is the personal opinion of a user which does not represent OpenRice's point of view.)
Level3 2021-04-06
0 views
平時食開餃子嘅大家,係咪已經食厭咗冬菇雞肉、韭菜豬肉餃呢啲大路嘅款式?今次介紹呢間餃子專門店,主打特色餃子,好似將大家平時食開嘅土匪雞翼加落餃子入邊。店主係土生土長嘅長洲人,雖然冇餐飲經驗,但發覺長洲冇專賣餃子嘅舖頭就開咗。一開始為咗研究新口味,每日朝早八點就開始備料,忙到夜晚11點先完,每款餃子都係自家研製同不斷試出黎,直到而家店舖提供10款餃子,比較有香港特色平時食唔到嘅好似家鄉肉餅餃、南乳豆卜餃、鹹蛋黃黃金餃等。餐廳以傳統冰室作為設計藍本,加上舊式地磚同埋有香港特色嘅掛畫同標語牌,令到鋪頭充滿懷舊氣氛。不過環境唔算寬敞,人多時會坐得比較迫。-1️⃣ 酸辣湯 跟餐 4隻餃子+ 酸辣湯💰41(👅: 7/10)兩個人食就咁叫兩個六隻餃子唔夠飽,所以就叫咗呢個餐,有四隻餃子架一酸辣湯。酸辣湯唔算辣,辣味會比酸味重,飲落比較普通,我覺得酸味同辣味唔夠重,但呢個份量加餃子會食到飽,天氣熱嘅時候食會出汗。嘢飲叫咗四季春茶,飲有淡淡的茶味,加上天氣幾熱,飲落好冰涼。-2️⃣ 鹹蛋黃黃金餃 💰38(👅: 8.5/10)特別餃子得煎餃無蒸餃,實際係半煎炸既餃。餃子食落好脆口,尤其係餃子邊煎到好香脆。咬落會爆鹹蛋黃汁,鹹蛋醬炒到起沙,食落會覺得有啲油膩,而且餃子會比起泡嘅鹹蛋黃汁包住,口感上食到不過唔算話超重鹹蛋味,可能因為豬肉餡味道重啲而蓋過咗,反而入邊嘅豬肉餡幾好食同有份量。-3️⃣ 黑白土匪雞肉餃 💰30(👅: 8/10)特別餃子得煎餃無蒸餃,實際係半煎炸既餃。餃子食落好脆口,肉汁豐富會爆出黎,會聞到同食到大家熟悉既三哥土匪孜然粉味,略嫌土匪味唔夠重,同埋黑白芝麻炒得未夠香。而入邊嘅雞肉都幾大舊,份量充足,但佢係免治雞肉,食落比較腍啲,比較起上嚟黃金餃嘅豬肉好食啲。-4️⃣ 五香芋頭臘腸餃(蒸) 💰48(👅: 8/10)叫左兩款特色餃都係得煎餃,所以就特登叫咗個蒸餃試一試。餃子食落皮算薄,咬落去係煙韌,內餡足料,芋頭同臘腸食到粒粒分明,口感豐富,芋頭幾甜,而臘腸帶少少肉汁,所以餃子食落唔乾身,蒸餃食到嘅啲內餡幾新奇幾滿足。-🌟餐廳唔止得個樣好似懷舊冰室,而係餃子嘅味道都係充滿香港嘅特色,如果我要介紹黎長洲玩嘅外國人想食香港嘅特色野,會諗到呢一間小店,餃子價錢唔算貴,仲可以跟餐有野食同其他小食。煎餃炸餃口感上未算係食到最好食,但口味比較獨特,而蒸餃比較少機會係小店食到,而且仲會有埋個蒸籠,總括嚟講喺長洲係一間味道唔錯非常有特色嘅小店,值得一試。-👅味道: 8.5/10🍴環境: 7/10💰消費: $157 (服務費: NA) continue reading
(The above review is the personal opinion of a user which does not represent OpenRice's point of view.)
當初見到「餃子冰室」名就被佢吸引咗餃子黎黎去去都係韮菜豬肉、白菜豬肉等等點知望一望餐牌 先發現原來餃子嘅世界好大😲!!平時至愛嘅土匪雞翼、咸蛋黃薯片都變咗做餃子仲有住家餸咖喱薯仔、家鄉肉餅、南乳豆卜再特別啲 仲有每日限量嘅印第安餃添❤️🔖 黑白土匪餃(只限煎)食落有驚喜 將餃子煎脆再係灑上孜然粉 再加幾粒黑白芝麻做點綴 成件事更加香口😋但用咗雞肉做餡料口感無豬肉咁正( ・᷄ὢ・᷅ )🔖 惹味咖喱薯仔餃咖喱薯仔本身已經炆得夠腍夠入味 蒸咗後咖喱味更加香溢 如果有機會小編會再食!🔖鹹蛋黃黃金餃(只限煎)一上碟嘅時候 真係香到哇哇聲😍將起沙嘅鹹蛋黃醬淋係餃子上面 超邪惡~不過食落味道無乜 同期望有啲落差 continue reading
(The above review is the personal opinion of a user which does not represent OpenRice's point of view.)
閒日入左去長洲慢遊唔想食海鮮,魚旦,豆沙餅既野。上openrice揾到餃子冰室,就來試一下。本身我們都鍾意吃餃子的。午巿有套餐,係幾抵食既。不過我唔記得左價錢,又冇影到餐牌。小小既店舖,裝修傢俬都好特式。餐具都好有風格。2杯餐飲,1杯係跟餐既茶,清香解暑。另1杯加錢點的係桃膠飲品,唔太甜,都好好飲。平時d餃子店都有酸蘿蔔任食,呢度要加錢。因為我太愛吃酸蘿蔔,就叫左一碟試下。睇佢清清地,但原來好夠味,但又唔會醃到好咸好酸,蘿蔔仲爽脆,會係一粒接一粒咁食唔停口。第1個餐係煎韮菜餃+酸辣湯+黑醬油雞飯韮菜餃,大大隻,餡料都好足夠。煎餃夠香口。酸辣湯,小小碗,熱辣辣。夠酸辣,但料有d碎濕濕。不能用正宗來比較,但小店都做得不錯。黑醬油雞飯,跟餐都係小碗。唔錯,可以試到多款野食。其實都係老抽煮雞肉飯,這個沒太大特別,一般。另一個餐點左10隻既黑白土匪餃好香既孜然粉,但感覺應該唔係煎餃,似炸餃子。入面都有好香既孜然味配上雞肉。我略為嫌佢太燶,整體都好食,味道都好夾。上菜都好快全場最有驚喜係佢個辣椒醬,好香好惹味,配餃子一流。我諗食左佢地半盅都有。真係唔好意思。哈哈哈哈 continue reading
(The above review is the personal opinion of a user which does not represent OpenRice's point of view.)