152
6
1
10-min walk from Exit A2, Kwun Tong MTR Station continue reading
All Branches (3)
Telephone
28160617
Opening Hours
Today
12:00 - 15:00
18:00 - 23:00
Mon - Sun
12:00 - 15:00
18:00 - 23:00
Payment Methods
Visa Master AlipayHK Alipay Cash
Number of Seats
28
Other Info
May Bring Your Own Wine
Spot payment
Review (164)
Level4 2021-07-16
52 views
當大家都衝去銅鑼灣及灣仔分店時,我就襯星期六去較隱秘的觀塘工廠區分店!因為餐廳推出了午市優惠,光顧二人前的「席前商務鐵板燒套餐 (二人前)」,周末及公假第二套半價,平日13:45後入座則可享有8折優惠!🌟「櫻.席前鐵板燒二人前」更贈送活龍蝦一隻!🌟套餐內並有刺身、活鮑魚、牛肉薄燒、銀鱈魚等,每款都矜貴美味。前菜 - 蓴菜、秋葵、酸汁。時令沙律 - 海葡萄、粟米、腰豆、菜等等。海葡萄 配柚子醋,好味醒胃。《時令刺身5款》今日有 帆立貝、姫鯛配柚子胡椒、鱚魚(沙錐)、伊佐木及深海池魚腩。款款都新鮮,只面輕蘸醬油就夠提味!《銀鱈魚 配香草牛油汁》旁邊有些少岩鹽提味,魚皮薄身並煎過,可口香脆。魚肉多汁嫩滑,無骨好吃。油潤不膩,味道清甜。《鉄板燒活南非鮑魚》先吃原味,既鮮味又爽口彈牙,燒得恰到好處不會韌,蘸少許鹽吃已夠提鮮!**送鉄板燒活龍蝦(1隻)**本身配蝦膏作醬汁,但因為小編不吃蝦,所以廚師細心地換作牛油汁,雖然香濃感減少,但依然美味可口,鮮甜味十足!肉皿《美國牛肉薄燒 (2片)》雖然不是和牛,但牛肉質素亦不差,牛肉味香,再連蔥花和蒜片一併入口更美味又有口感。《炒飯》材料豐富,煙肉、炒蛋、香蔥。米飯粒粒分明又不會太乾身。煮野菜湯 - 《龍蝦頭湯》剛才的鮮活龍蝦殻並沒有浪費,用來做了味噌湯,令湯更加鮮味。甜品雪糕多士,飽上加飽但滿足。服務到位,經常換水,廚師少話做事專注。 continue reading
(The above review is the personal opinion of a user which does not represent OpenRice's point of view.)
Level4 2021-07-13
34 views
這家餐廳在幾年前開幕的時候吃過一次,當時觀塘中高檔餐廳不算很多,顯的這家很特別。午市時間到了,餐廳分為幾個用餐區域,用餐環境舒適。最近有優惠,週末指定套餐第二個套餐有半價優惠,非常划算。⭐️美國牛肉薄燒$1080有不同的鐵板套餐,我們選擇櫻·席前鐵板燒2人前的美國牛肉薄燒,非常豐富。🔸前菜前菜是明太子方塊裹上沙律,明太子本身較鹹,但這個入口吃不到鹹味,味道清新。🔸時令沙律有沙律菜加上紅腰豆、海蜇沙律和胡麻醬,入口清爽,我最喜歡海蜇夠爽脆。🔸時令刺身5款五款刺身分別是深海池魚、赤身、門鱔和鱧魚,刺身各有特別,口感也有不同,整體新鮮。🔸銀鱈魚銀鱈魚先起了魚皮,入口魚肉柔嫩而不散,煎得剛剛好,魚味淡香。🔸鐵板燒活南非鮑魚新鮮鮑魚放在鐵板上燒,程序一點也不簡單,師傅起了鮑魚再加入調味,反覆燒,再加入岩鹽黑椒調味,入口韌度剛好,很鮮美!🔸鐵板燒活龍蝦接下來是燒活龍蝦,一大隻龍蝦拆肉烹調實在不簡單,師傅加入茄膏和蝦膏,入口既有龍蝦的鮮味,口感彈牙,加入茄膏和蝦膏更添滋味,龍蝦實在好惹味!🔸美國牛肉薄燒牛肉偏瘦,薄薄一片,加上蔥、玉米脆脆和蒜蓉片,入口油脂恰當,肉味濃郁。🔸炒飯炒飯配料很豐富,有火腿、蛋、蔥等,但重點是師傅在鐵板上的表演,把蛋液倒在鐵板上,像即席繪畫般,烹飪出一碗炒飯。🔸煮野菜野菜上加上木魚,清爽解膩。🔸湯湯用龍蝦殼熬煮的,味道鮮甜。🔸甜品甜品是蛋卷,還有師傅製作的焦糖吐司,很香很脆,很喜歡。▫️以大約$1000二人的價錢享受到鐵板燒,很划算呢! continue reading
(The above review is the personal opinion of a user which does not represent OpenRice's point of view.)
Level4 2021-06-06
3269 views
早早預訂左午市因為呢排做緊假日午市優惠四個人去真心抵午市二人set從$1180到$2280,第二set半價人均不到五百我地第一次黎,想揀銅鑼灣新店or灣仔海景店諗住食好西睇靚view最後黎左觀塘總店,因為方便朋友之後gathering店舖風格係簡潔,分左幾個房,其實4人以上等於包左房啦~仲正,可以自成一閣,幾cozy而且可以泊車係店舖隔離,我地黎到先知,記得訂位時順道預約喔,唔緊要,泊日升中心都ok,行一條直路都方便初嘗板神鐵板料理,我地都本住小試心態就叫左個started price $1180 set,而其他set主要係“肉皿“果part,牛肉唔同前菜麵豉青瓜蘆薈粒田園沙律有紅腰豆,蕃茄仔,粟米,沙律菜清爽帶少小酸,酸甜開胃刺身5點甜蝦,帶子,爐魚,深海池魚,吞拿魚驚豔到我的係甜蝦爽甜帶少少腍口,時令池魚,魚質實,爽身帶甜煎銀雪魚煎得外脆乾身,食落油脂滿嘴都係,多汁香滑另分開魚皮處理,不停用煎壓方式煎香魚皮所以未食,一睇都知佢脆口師傅十分有心思,煎完魚皮立刻造型,擺盤立刻精緻哂,除左味覺,視覺都係享受我地梗係“相機食先“,用打咭一流鮑魚焗煮少少豉油加油做調味爽彈腍身,新鮮就係唔通d未煮之前係望住鮑魚仲郁緊二人前每位送龍蝦半份師傅先原隻煎,再拆肉分開煎,之後亮點係用蝦膏爆炒龍蝦肉,整間房香味四處,邪惡美味之後,待應同我地講聲會拎龍蝦頭同穀去整一個龍蝦味噌湯,稍後送上間埸時間,送上甜甜的牛油砂糖多士好邪惡肉皿就薄身牛肉包住炸蒜,蔥炸蒜好香脆,冇油膩感,係爽底下麵包墊住香蔥炸蒜牛肉卷,吸下油食落冇咁油膩今日時疏係櫻花蝦娃娃菜,作為尾聲食個菜疏爽下最後食埋炒飯同甜品結尾一路食一路睇住師傅表演式處理食材值回票價P.S.值得讚揚店員同師傅分別食之前,詢問有冇咩唔食,中途都問及味道作調節,每個食客的鹹甜度不一,呢點係好貼心而且抽風系統好,冷氣夠,食完冇油煙味 continue reading
(The above review is the personal opinion of a user which does not represent OpenRice's point of view.)
Level4 2021-06-02
1718 views
難得行開觀塘朋友話想食鐵板燒佢話上網睇到呢一間好多人講高質價錢都算高價位好彩原來係兩個人套餐嘅價錢咁除翻開又可以接受入到去發現都已經坐滿左所以店員安排咗一間冇人嘅房俾我哋兩個人可以霸一間房好有私密嘅空間今次叫咗最平嘅日本牛肉薄燒套餐點完餐冇幾耐店員就送上前菜同沙律分別係「麥味增醃青瓜」同「明太子野菜沙律配和風柚子醋」-青瓜好清爽而且配上麥味增比較特別本身聽完我都唔知乜嘢係麥味增味道有啲鹹鹹地又幾好食-而沙律係撈好咗食每一啖都有好清新嘅柚子醋味面頭有三粒橙色嘅我以為係紅蘿蔔原來佢哋係明太子😂咬落嘅口感好實在,脆脆地同柚子醋嘅味道好搭配-時令刺身五款分別係「帆立貝」、「甜蝦」、「赤身」、「吉備奈子」同「沙追」「吉備奈子」同「沙追」比較罕見之前從來都未食過沙追嘅味道幾鮮甜吉備奈子魚味比較濃所以店員都建議最後先食上邊有配黃色既柚子味增剛好有提鮮既效果又可以中和魚嘅腥味食緊前菜嘅時候廚師哥哥就拎住一大盤海鮮入嚟見到呢一個擺盤真係超誇張呢餐飯就靠佢哋回本廚師哥哥仲好細心拎住等我哋打完卡影夠相佢先開始烹調第一樣燒嘅係「銀鱈魚」一開始見到廚師先剝咗佢塊魚皮我心諗做咩剝咗佢我最鍾意就係食塊皮原來佢塊魚皮會另外燒再壓到脆一脆好似薯片一樣銀鱈魚本身已經用鹽同黑椒調過味入口好嫩滑仲有油脂嘅甘香而「鐵板燒活南非鮑魚」真係非常生猛一放上鐵板佢就不斷郁動苦苦咁掙扎都係唔可以逃離俾我食嘅命運第一次試到鐵板嘅方法煮鮑魚果然新鮮嘅鮑魚係唔會有腥味口感彈牙同時神奇地唔會韌套餐送嘅龍蝦十分豪氣,超級大隻廚師會先將龍蝦肉拆出來再用蝦膏去炒龍蝦嘅頭同殼就會攞去熬湯-用蝦膏炒過嘅龍蝦肉特別濃郁龍蝦香味瞬間提升啖啖肉真係非常滿足「櫻花蝦煮野菜」食咗咁多海鮮要食返啲蔬菜中和一下櫻花蝦同菜一齊煮令到蔬菜變得鮮甜剛好可以中間過渡一下期待食燒牛肉「美國牛肉薄燒」煮之前廚師哥哥有問我哋食唔食蔥同蒜重口味嘅我就當然非常喜歡煮嘅過程非常之快相機都未影得切廚師就已經快手卷好兩份牛肉卷放喺我哋面前牛肉包住大量嘅青蔥同炸蒜片嫩滑嘅牛肉完全唔會過火再加上香脆嘅炸蒜片口感好豐富墊底嘅麵包印住餐廳嘅名係我哋打算食佢之際廚師哥哥叫住我哋唔好食因為陣間佢會再燒過一塊新嘅俾我哋係我哋好好品嚐緊燒牛肉嘅時候廚師哥哥就開始製作「炒飯」每一次食鐵板燒炒飯都係最療癒嘅一幕一路食一路睇住廚師雙手不停咁翻炒飯粒不斷係鐵板上跳動望住絕對係視覺上嘅享受放到我面前碗內嘅炒飯仍然在出煙炒得乾爽唔油膩邊食炒飯嘅同時可以飲住剛才龍蝦熬製出嚟嘅龍蝦湯龍蝦配上味增短時間就可以令到湯頭非常濃郁廚師哥哥開始製作第二塊麵包俾我哋食喺鐵板上放白糖同牛油加熱後再放上麵包片焦糖麵包就咁樣誕生左朋友大贊想學點樣整到咁好食嘅麵包廚師哥哥超級好人再額外煎多一塊仲慢動作教學話俾我哋知竅門本身我以為焦糖麵包就係甜品已經食飽到捧住個肚但原來仲有抹茶蛋糕好彩抹茶蛋糕唔會太甜茶味香濃食完都唔會覺得漏總評服務非常之好服務員會喺旁邊照顧我哋加上坐包廂剛好旁邊冇其他客人廚師一對一嘅服務有更加多嘅時間同我哋交流一路食一路傾偈唔經唔覺都食到兩個鐘呢餐飯絕對值回票價 continue reading
(The above review is the personal opinion of a user which does not represent OpenRice's point of view.)
Level4 2021-05-27
1900 views
去完參觀半億噴泉,心情其差,要食好西發洩。係駿業街就揾到呢間板神,日式鐵板燒,同我內心既怒火一齊燒啦!店子用房間分隔,每房可坐七人。有膠板分隔,環境衛生很好。櫻。席前鐵板燒二人前 $1080送活龍蝦一隻。同個半億噴泉相比,呢餐真係好抵食😋😋前菜青瓜粒,青甜爽口時令沙律有粒粒蘆薈配青新既沙律菜,粟米和蕃茄仔,味道清爽開胃,作為開胃一流👍。時令刺身(五款)帆立貝,池魚,鯖魚,金木鯛,深海池魚,款款都新鮮厚切。柔嫩的魚肉配以手作的青芥末和濃郁既醬油,青芥末凸顯刺身的美味。鐵板燒銀雪魚廚師以香草牛油和特製醬油調味,魚肉入口溶化,加埋啲魚油,滿口都滋味無窮。先把魚皮和魚肉分離,然後把魚皮弄至金黃色,燒到似油炸般香口,脆卜卜。鐵板燒活南非鮑魚廚師巧手地把鮑魚拆殼,先煎香後焗,然後切片上碟。鮑魚味道鮮甜,肉質緊緻爽嫩,入口彈牙,不用醮調味料已經很好吃。鐵板燒龍蝦龍蝦是贈品,但一樣屬上等貨,絕無欺場。廚師先起肉,再以龍蝦汁和龍蝦膏一齊炒,惹味非凡,龍蝦肉鮮甜彈牙。真的不能相信這是贈品。賺了。龍蝦麵豉湯用上剛才剩下既龍蝦頭弄成既麵豉湯。龍蝦頭一向我都覺存有大量精華,吃不了很浪費。現在做到物盡其用,更讓麵豉湯帶點咸甜味。血皿:美國牛肉薄切二片牛肉大大塊,油脂分佈平均,包裹著大量蒜片,香蔥,燒至牛肉變色,然後放在多士上,讓多士吸去多餘既油份。把口張大一點,整份牛肉卷放入口,牛味,蒜味,蔥味直湧口腔,味道完全滲透進各個味蕾,滋潤了每一個味蕾。煮野菜食左咁多美食,食返啲青菜,剛好可以清洗一下味蕾。入面其實有很多材料,除了大量青菜,仲有櫻花蝦,香菇,蝦米和木魚碎,味道清新。炒飯配料簡單,但就色香味俱全。甜品迷你蛋卷,有綠茶和朱古力味各一件,一口一件,剛好。意外仲有贈送既烤焦糖牛油多士。對!又是送的!而且也很好吃,脆脆的,甜甜的。足足有成十一道菜,有得食好西,又有得睇廚師表演,呢餐食完好滿足。 continue reading
(The above review is the personal opinion of a user which does not represent OpenRice's point of view.)