165
10
8
Yau Tong MTR Station A1 or Mini Bus from Jordan, Mongkok, Hunghom or ferry from Saiwanho
continue reading
Telephone
27274628
Opening Hours
Today
11:00 - 23:00
Mon - Sun
11:00 - 23:00
Public Holiday
11:00 - 23:00
Above information is for reference only. Please check details with the restaurant.
About
About Reward Scheme
Recommended Dishes
兩個女生日，指明想食海鮮，於是買了5款佢哋最鍾意的海鮮🦞🐟來到鯉魚門加工。一直鯉魚門俾人的感覺都係比較貴，其實而家透明度十分高，加工費在餐牌上寫得一清二楚，收費也不貴。非窗邊位以人頭計$130一位。我哋一家四口，$520可包烹調4款海鮮。如加面底另加$50。另加一款海鮮加$100。我哋自來5款海鮮共買了約$1000。豉椒炒蟶子皇：火候🔥掌握啱啱好，蟶子皇炒得好爽口，十分惹味。開邊上湯焗龍蝦🦞煎米粉底：超級無敵好食，龍蝦肉啱啱熟，啖啖肉肥美飽滿清甜。煎米粉底沾滿上湯龍蝦汁，好好味😋蒜蓉粉絲蒸扇貝：肥美的扇貝鋪滿了生熟蒜🧄粉絲、三色椒🫑及香蔥粒，淋上微甜的豉油，無得頂。椒鹽瀨尿蝦：極度惹味的一道菜，原隻瀨尿蝦上超級滿足。師傅廚功一流。油鹽焗奄仔蟹🦀️：又係整得好美味，美中不足是自己買的奄仔蟹唔算太肥。最後奉上南瓜糖水，兩大兩小食到捧住個肚，完美的結局。整體用餐的體驗10分滿意👍👍，南大門環境十分舒適，靠窗的位置望住180度鯉魚門海景。餐廳的侍應服務十分好，而且出菜的速度也控制得很恰當。大約每隔十至十五分鐘出一道菜，唔會好快成枱菜擺到凍哂。價錢也十分合理，我哋已經諗定下次再買啲海鮮過嚟食。😋😋
continue reading
大概嚟咗5次左右，價錢雖然小貴，但質素絕對成正比。員工服務態度好，會主動上前同你傾計，嚟多幾次，甚至會認得你，送漁湯，甜品…..坐窗邊有大海景，今次嚟到落咗大雨，有啲可惜，但係適合一家大細過節嚟食最推介阿拉斯加皇帝蟹，一隻大到可以拆成三道送，蟹腳超淨，味道鮮甜多汁以往有叫龍蝦，不過今次冇，但係都幾推介椒鹽鮮魷超好食，好大份蟶子每次我哋都必叫，又大又甜東星班同蟹殼蒸蛋都唔錯，不過唔太推總體來講，四星，推
continue reading
呢間舖餐牌明碼實價,味道亦都可以,俾人感覺好似係唔會呃人咁,但魔鬼就在細節裡,D海鮮可以偷既地方就會唔見左一截, 忍無可忍既情況唯有寫夠200字俾負評今次6人食飯,按人頭收費可以有5碟海鮮加工,海鮮係外面街市買(唔係鯉魚門檔口)首先黎D冇得呃既送1. 清蒸西星魚蒸得剛好,豉油同蔥都係冇問題,由於魚整條上,店家冇得偷2. 芝士焗琵琶蝦伊底 (芝士焗 +$40, 伊底 +$50)芝士味濃上湯底夠味,味道係唔錯,由於細隻只可以開邊煮,店家亦冇偷既空間,(但上次食過原隻斤半左右法國藍龍,當時已經有D懷疑點解唔見左個頭,經過今次體驗再翻查之前影既相,的確係唔見左,如下圖)3. 油鹽水貴妃蚌正常水準,呢度係3斤,出黎都叫做大碟,唔知有冇偷喇4. 白灼石爪我買左隻4斤既,就算扣左下欄同D水,都唔應該得咁少,呢度睇落兩斤肉都冇,明顯被黑心店家偷左D肉5. 蒜蓉粉絲蒸元貝估唔到呢味間黑心店家都落到手,元貝薄左一截,然後佢再特登蒸過火等你以為係縮水,但係縮水應該係平均咁縮而唔係薄左,交去黑心店家時已劏好,唔存在俾佢劏冇左忽肉既可能,同埋D潤係完全被移除,極度過份如果睇唔清,下圖ZOOM近D,會見到個面係平既,明顯係被介過,正常蒸完唔會係咁為左對比下,我上周係同一檔同同一價錢買返屋企整完係以下既樣之前食過呢間,雖然有懷疑但都未算過份,依家疫情過後生意好左就露出本來面目,從此永久BLACKLIST此店
continue reading
尼間餐廳由疫情期期幫襯到宜家 都食咗3，4次 睇住佢嘅質素真係直線下跌!!! 服務質素差 特別係啲打軚嘅經理 句句都凶住人咁! 我book咗枱8個人食飯 黎到叫我坐張4人枱 話最多加大少少俾你 我當下都唔知講咩好😅個經理就走埋黎話 “好宜家準定啦” 要我勉強坐落去咁俾幾千蚊黎食個海鮮 只係唔想食到好似快餐廳 所有野一次過上曬姐 叫佢2樣2樣咁上 都話唔得 一係又凶我話”你要預啲野要好慢先上到 到時要等唔好嘈” 真心俾錢黎食飯都想開心姐 但尼啲經理態度真係令成餐飯嘅質素大打折扣!! 黎食飯好似受氣咁食物質素就好一般 未去到難食 不過比起第一次黎食真係差得遠 淨係以上湯龍蝦煎米底就已經好大分別 以前食嘅煎米底係係真。煎米粉 今次嘅煎米底係變成炸米粉 (可能成本效益要快煮好？) 但其實個米粉底都要加錢囉🙃 汁又唔太夠咁🤷🏻♀️ 可能真係好似佢地啲經理話齋 佢地太好生意唔休做 多你一單生意唔多 少你一單又唔少 總之唔會再黎 太差勁
continue reading
同屋企人去鯉魚門食飯, 由於自己去觀塘買海鮮帶去加工, 爬文後因為評分唔錯, 明碼實價及服務好, 所以選擇了南大門, 我枱範圍的服務員工作細心, 特別是翠英姐十分親切, 今次對鯉魚門食海鮮改觀了！至於來料加工海鮮入幾多出幾多, 有水準唔會overcook味道好滿意, 飯後的南瓜薏米糖水好好味。豉椒炒蟶子皇開邊上湯龍蝦米粉底酥炸生蠔油鹽水蜆清蒸海斑陳皮蒸鮑魚咕嚕肉南瓜薏米糖水自己帶酒加開瓶費買料連加工=人均500日落海景無價
continue reading