Gallery

Service是好的，但食物種類及質素可以更好，才對得起酒店名及價錢。lunch buffet冷盤只有蝦，螺，青口。Parma Ham係全場最好味。配芝士的餅乾已淋了。燒味有點柴，熱盆普通款式也少，牛肉比較老，燉湯有點咸。甜品不過不失。…Read More

今日要low carbs飲食，想找個地方食較優質的protein 及牛油，所以放工一個人去了這兒，好好享受食物、氛圍同埋服務。由於係walk-in, 只能坐在外面近甜品吧枱的位置，也好，比大廳裏面較為寧靜🩵 開始先吃一件無鹽牛油（已習慣了take it in by chunks)，跟着吃柚子醋油甘魚，非常醒胃，魚脂滿滿的，feel so nourishing😊生蠔配了3種seasoning:檸檬、洋蔥香醋及紫蘇葉鹹牛油，其實幾種材料分開品嚐也很精彩，尤其是我今日要食牛油，這個punchy 的鹹牛油做法，大開眼界，空口食咗兩個portions，細味廚師的心思。本來冇打算食甜品，可惜對酒店自己做的朱古力破戒了，跟隨吃了一個小小的洛神花甜品（因為洛神花是本地的食材，也好奇變成酒店甜品會是什麼味道🤔）。過多一排會再嚟，睇吓配料同埋牛油會有什麼新意思👍…Read More

這個high tea 推介俾喜歡茶嘅朋友。Gallery 與瑜茶舍合作，結合現代與傳統技藝，定製出多款中式茗茶，包括標誌性的招牌款式，每季轉換的時令精選。我選了鴨屎香單叢，烏龍茶香，有金銀花、腰果香氣，屬輕焙火。咸點：•魚子醬伴南瓜栗子撻🌰•香煎鵝肝伴燴龍蝦配薑多士🦞• 日式燒汁牛柳包• 鮮蝦帶子炸雲吞🍤甜點：• 西西里開心果朱古力法式泡芙• 燴梨子配雲呢拿cream• 雜莓撻🍓🫐•香料朱古力蛋糕• 桂花鬆餅配傳統英式忌廉及自家製果醬 …Read More

吃下午茶是英式料理的經典體驗，找個優雅地方坐坐，吃著鬆餅加果醬配美茶，絕對是一項享受英國人累積了幾世紀的傳統。對上一次來「四季酒店」吃下午茶也有好一段日子，難忘那杯「貓屎咖啡」，店的出品我也是非常讚賞。由以前「The Lounge」變成現在的「Gallery」，裝修環境更優雅，紅色沙發配襯白色擺設，貴氣得來不失stylish：這次的下午茶加入了不少花、水果及中式元素，來形造清新的感覺。先挑選飲品，「Omoresando Koffee」點了我喜愛的熱濃咖啡，用來配襯稍後的甜點：侍應另外推介「Rain Flower Tea 南京雨花茶」沒有選英國茶，即管品嚐這個被推介的中式花茶：這裏的花茶都有標示每個圍度的分數，此綠茶清，且帶少許蜜瓜的香，相當好喝啊，用來搭配下午茶的點心很不俗：二層食物架上埸，第一層是甜點，底層是鹹點，先由底層食起。Savoury「French Cheese Pie and Quince Jam 法國木梨醬芝士批」「Beetroot Tart with Pistachio and Hibiscus Jelly 紅菜頭撻伴開心果及洛神花啫喱」，這個相當有驚喜！以開心果做主角，將它煮成蓉，鋪在曲奇撻上，再在兩層開心果蓉中間混入紅菜頭粒，上面鋪上洛神花啫喱來造成多重口感，清酸怡人。「Crispy Shrimp Roll with Caramelized Walnut Crust 蝦春卷焦糖合桃酥」「Sweet and Sour Barbecued Pork Bun 墨西哥叉燒包」賣相漂亮，而且很多款都感受到 fusion 的新意；一小口一小口，和食友邊談邊吃，很快便享受完。Sweet到上面的甜點：「Coconut and Vanilla-Pineapple Eclair 椰子及雲呢拿菠蘿法式泡芙條」相信很多朋友都喜歡吃 Eclair，用椰子、雲呢拿及菠蘿打成慕絲造成泡芙條，菠蘿香氣配香脆椰子脆片，香甜得宜。「Cold Oolong Tea Infusion Cream and Fresh Figs 凍烏龍茶忌廉伴鮮無花果」以茶配襯忌廉減低甜度，新鮮無花果再加上柚子皮絲，很酸香的搭檔，感覺也健康輕型：「Cacao and Pepper Corn Sphere 可可豆胡椒忌廉奶凍」「Honey and Yuzu Tart 蜜糖柚子撻」撻造成星星的形狀，內充滿柚子肉，口感像吃蛋糕。上面再配上白朱古力球，精緻：另上的鬆餅，「Osmanthus Scone with Devonshire Clotted Cream and Homemade Jam 桂花鬆餅配傳統英式忌廉及自家製果醬」鬆餅巧妙地加入桂花，增添香氣。焗得金黃鬆餅一定要趁熱吃，外層香脆，內裡亦有做到鬆軟的感覺。配鬆餅吃的有 Clotted Cream、及黃梅果醬，在鬆餅上塗滿厚厚的忌廉，再喝啖咖啡，就是我最喜愛的享受方法：傳奇性的英式下午茶已不像維多利亞時代的方式，現在是在傳統中變得更摩登，有新意。可以邊品嚐美食，邊享受半日休閒，是千金難買的優美一刻。…Read More

好耐冇更新了 拖延症發作(´•̥ ω •̥` )👧🏽少有覺得cp值頗高的自助早餐✨翻開舊照片 發現之前在四季酒店staycation的用餐體驗還未分享🙈現在來隨心寫一下～這次staycation的早餐選擇了在Gallery享用 因為覺得環境較開揚 想不到食物款式也不少～印象最深刻係外脆內軟的waffle同French toast🧇 加少少maple syrup同雜莓一齊食 超正！仲有熱食的麵豉烤三文魚🐟 調味剛好而且肉質不會乾 可以自製日式早餐🤣果汁感覺幾新鮮同natural 早餐有甘筍汁係加分位🥕🧡另外仲叫咗份蛋白奄列🥚Noodle bar有瀨粉揀 煙三文魚都好高質 值得一提 酒店早餐的點心一般都偏遜色 而👧🏽覺得呢度嘅點心 暫時係試過咁多間入面最好 (雖然只有三款)▻整體質素平均 環境同食物都唔錯😋幾有驚喜的一餐◅▻ 純自費post ◅－－－－－－－－－🍴食物：4/5🏝環境：4/5🛋服務：3.5/5💲價錢：3/5✨CP值：3.5/5…Read More

提到食自助餐，經常會有人問係咪食四季，今次會詳細介紹四季自助午餐有咩食。四季酒店沒有自助晚餐，只有午餐，星期六日貴一點，多了生蠔。自助午餐分了Argo和Gallery兩處用餐位置，由於座位很少，通常要預早兩個月訂位。首先介紹熱葷，熱葷有兩部份，近門口和最入位置。今次先介紹近門口位置的熱葷。入口位置先有兩款湯，「香茅忌廉雞湯配蟹肉」，忌廉湯濃郁，有雞肉有蟹肉，但味道較淡，難得竟然有淡淡地不會勁甜的忌廉雞湯，應該是廚帥刻意的。另一款是「牛鬆金粟豆苗羹」，材料充足，可惜湯羹要非常滾燙先好飲，一涼了就很易變成粘稠狀。「金沙炸淮山」，淮山沾上鹹蛋黃醬再油炸，鹹蛋黃利用鹽的滲入，使蛋黃產生鹽析作用而固化，而有特殊的沙質感。鹹蛋黃在油中炒過化開，會帶有沙礫般的質感，充滿鹹蛋黃鹹香。「X.O.醬紫洋蔥炒澳洲鴨胸」，充滿鑊氣的中式美味小炒，有大排擋大酒樓風味。「韓式烤豬肋骨」，煮得入味，肉質軟腍，骨肉輕易分離，夠晒火候。燒味有兩款，秘製香妃雞和叉燒，兩款都正常出色，不會失望。點心有四款，麻辣蝦餃、鮮蝦菜苗餃、豬肉燒賣和素菜餃。麻辣蝦餃比較特別，之前未食過加了麻辣汁的橙紅色蝦餃，其他點心就正正常常，唔差，無乜特別，無乜驚喜。麵包有三款，三款味道其實差不多，只是形狀不同，都幾軟熟新鮮，要試可試有車厘茄那款，但一般正常人食自助餐都不會食麵包。四季酒店自助午餐熱葷最入位置，首先見到有烘焗過的比得包，葡萄乾香飯，比得包和這款印度飯就無乜特別，但隔離有三款幾美味的自家製醬汁，乳酪醬、果醬和薄荷咖喱醬，果醬酸甜味道適中，薄荷咖喱醬是非常正宗印度味道，不錯。「北非辣椒醬焗鱈魚枊」，香炸過的鱈魚枊，配上北非辣椒醬，惹味。「焗海鮮配忌廉汁」海鮮材料豐富。「焗茄子意式千層麵」，新鮮熱烘烘，面層充滿芝味的千層麵。 「燴西班牙五花肉配血腸布甸及燒烤汁」，五花腩肉半肥瘦，應該是很多人的至愛。另外還有「薯蓉」、「香烤雜菜」、「廚師精選薄餅」和「紅味噌炸雞配泡菜」，基本上沒有難食的熱葷熱葷隔離有粉麵檔、香煎鴨肝配馬鈴薯薄餅和車厘子果醬，即點即煮，會送餐到座位，不需要排隊等候，六星級酒店服務。烤肉部份有「慢烤西冷扒配芥末及燒汁」和酥皮焗海鱸魚配鼠尾草蒜香忌廉汁。這塊西冷肉質普通，酥皮焗海鱸魚就幾美味，酥皮焗得香脆其中一款我有encore的食物。相對於四季酒店自助午餐的熱葷品質平均有保證，甜品我會以出色來形容，這亦是最令我驚喜的部份，甜品全部都非常新鮮，蛋糕軟滑，賣相精緻，花了不少心思，沒有交出行貨甜品，味道不會太甜，細細件，份量適中。「朱古力綿花糖批」，朱古力超級濃郁，濃到帶點苦，可見朱古力濃度非常高，首推這個甜品。其次「胡桃批」亦出色。另外還有「冧酒提子乾麵包布甸」、「紅桑子幼滑朱古力忌廉」、「南瓜撻」、「車厘子栗子法式脆泡芙」、「法式蛋白杏仁餅」、「鮮士多啤梨柚子芝士蛋糕」、「鮮水果燴橙汁馬鞕草」、「木糠布甸」、「宇治抹茶紅豆卷」。點完餐茶後，每人會派一小盒Movenpick雪糕，這天就有 Espresso Croquant味和Creme Brulee味可選。不用擔心無任食雪糕，因為酒店亦希望食客先試酒店出色的甜品，Movenpick雪糕只為錦上添花，畫上完美句號。最後介紹海鮮、凍肉、沙律、芝士、刺身和壽司。海鮮是大部份人最關心的回本食物。若果諗住重點食海鮮的話，應該會失望，款式不算多，新鮮，但未算很突色。有琵琶蝦、青口、海螺、加拿大雪蟹腳和虎蝦。當中最出色是虎蝦，非常大隻，肉質彈牙，是我食過最大隻最高質的虎蝦。沙律和凍肉方面有「醃雞肉沙律配醃蘿蔔及青瓜」、「素肉球」、「脆乾火腿片」、配料有牛油果片、芝士碎片、香烤粟米粒、石榴子可選。「烤牛肉配鮮辣根蓉」、「豬舌啫喱配開心果」、「法式豬肉肝醬批」、「西班牙白毛豬火腿」、「松露莎樂美腸」。刺身和壽司是比較普通的部份，而我吃自助餐亦甚少會食刺身和壽司。這部份有「玻璃蝦壽司」、三文魚、油甘魚、八爪魚，藍蝦他他配煙魚籽，伯爵茶醃三文魚，白葡萄酒帶子凍批，煙燻三文魚，可點日本芥末、日本萬字豉油、各款醃菜。芝士有四款，意大利芝士、瑞士芝士、法國芝士、荷蘭芝士。四款芝士都是新鮮好味的。生果最後值得一提是訂座慶祝生日會有一個小蛋糕送，當天就送了一個紅絲絨蛋糕。紅絲絨蛋糕是四季酒店行政糕點總廚Ringo Chan的招牌作之一，質感柔滑，濕潤輕盈。…Read More

友人因為某日本化妝品牌送咗兩位afternoon treat, 所以就相約一齊去試下Four Seasons嘅 Gallery諗返起原來四季酒店嘅用餐體驗只係有一次, 就係Caprice; 當然嗰次嘅感覺非常良好今次由於我哋係一行四人, 而贈券係二人用，所以我哋另外order咗二份普通嘅afternoon treat然後再share而贈送嘅tea set menu同正常menu係有分別, 所以一齊share就可以試哂唔同嘅食物 (詳見附圖餐牌) 當然兩款menu都有鹹點同甜點, 其中覺得比較出色嘅係焗迷你叉燒包, 開心果撻, scones, 焦糖黑加侖子macaron👍當然去Four Seasons食tea係食氣派嘅, 而且可以同朋友一齊傾吓計, 開開心心咁渡過一個下午, 希望後疫情時段大家生活都可以過得好啲…Read More

四季酒店的下午茶精緻而輕盈。差不多早一個月前book位，終於可以試吓the gallery嘅下午茶。入到嚟，就知點解要早一個月book，因為枱都比較少，坐得都比較鬆動。一坐低，侍應給了我們welcome drink，是類似功夫茶的冷泡茶。有小朋友同行，餐廳亦送上一些蠟筆和畫簿。小朋友餐具亦是不需要提醒侍應，一坐低就提供了，這方面幾貼心。我們點了二人份的下午茶，the gallery 的下午茶可配中式茶，今日有紅茶，普里和白茶。比平時開英式茶感覺特別些。紅橙很重花香和果香味，很好飲。普洱茶入口比較濃郁，培根味重。他們的沖茶師也很友善，主動過來和我們聊天，介紹茶的特色。下午茶的鹹點和甜點都非常好食，鹹點類到時皮薄餡靚。甜點類酸酸甜甜，加上一些脆脆，口感豐富。鬆餅就較為失色，外層鬆脆，但內層不夠軟淋，比較結實。個人幾喜歡它的芒果醬，有小小的芒果肉，味道不是很化學的果醬味，配上鬆餅，沒有很滯的感覺。…Read More

由四季酒店正門入口進入，右手邊就係Gallery職員先安排我地入座，座位好寬落，枱同枱之間有充足間隔，空間感充足Afternoon tea係計人數上Tea set，即使係單數，甚至係一個人都可以享用分左2層既Afternoon tea set，下層係鹹點，上層係甜點，鬆餅另上焗迷你叉燒包 - 雖然細細個，個皮都仍然好脆，叉燒料都好足鴨鬆雲吞威化伴酸梅醬 - 炸過既撻皮好特別，口感好鬆化康堤芝士泡芙 - 芝士味濃郁，配泡芙口感好特別 迷你青豆火腿撻 - 一口Size，青豆味重，反而火腿味唔係好食得出加勒比朱古力及西西里開心果撻  - 朱古力濃滑，甜度岩岩好玫瑰法式焦糖泡芙蛋糕 - 玫瑰味好出，外型討好日本紫蘇葉伴菠蘿 - 入口有清新既果味，好食紅桑子樹莓酒蛋糕 - 酸酸地既味道，好清新桂花鬆餅配英式忌廉及芒果青檸果醬 - 鬆餅濕度同鬆化程度合適，忌廉同果醬份量好多，可以搽多一個整體食物有水準特別一提服務好殷勤，職員每一款食品都會詳細介紹，同埋會介紹可以搭配既茶類…Read More

之前食龍景軒試過tea pairing 覺得唔錯，可以用茶配合唔同食物嘅味道。就好似食西餐配酒咁… 前幾日去Gallery 先知原來gallery 都有茶藝師！ 之前龍景軒位茶藝師落咗去。 講起先知原來Gallery 散叫同下午茶都可以另外叫茶，價錢都唔算貴同酒一樣，會定期轉茶品，今次有3款茶，分別係紅茶普利，白茶銀針，同另一款金牡丹茶。💰價錢嚟講就唔覺貴，$128-158 🫖 濃茶大約沖到6-8次，同朋友坐喺度吹水就啱晒！ 本來想試金牡丹，但因為唔飲得咖啡因，就揀咗款發酵比較輕嘅白茶試。 茶藝師好詳細地介紹每款茶有咩唔同有咩香味，回甘，厚身簿身等.. 好專業👍🏻 喺bar 枱位置可惜無櫈，就好似睇咖啡師沖泡咁，應該比人坐喺度欣賞就好了！ 茶藝師好有禮咁慢慢沖泡，一邊做一邊講解泡茶過程，同唔同茶要沖幾多次先出味等等到茶沖好，仲有咖啡咁一張卡仔寫返茶嘅特性！ 茶具採用西式，同另一間茶館走完全唔同風格！（大館果間係走被式傳統路線，茶壺沖泡手法亦有唔同） 今次呢款白茶好清淡，會有淡淡茶香。如果鍾意淡口味可以一試。 我個人就覺得呢款茶飲落好滑身好香，但就略為淡口，比較鍾意啲茶有回甘味同茶香味多啲。 四季嘅茶有少少半中半西… gallery 同龍景軒就已好唔同。 反而覺得將呢套茶藝搬咗入西式為主嘅gallery 有少少高不成低不就… 唔中得晒，但配西點又會被蓋過風頭…有啲可惜. 如果gallery 係想做埋茶做到咖啡咁，不如加多啲茶款或者加啲同西點會配搭嘅花茶會更好！ 整體茶體驗唔錯，茶藝師好健談好詳細介紹，只係酒店將茶嘅定位變得有啲奇怪… 希望好好加強為賣點就好了！ …Read More

好耐冇食過酒店嘅自助餐午餐難得 Klook有做推廣。刺身大路野有蝦，三文魚，赤貝 ，螺，蟹腳。但有質素，起碼無雪味， 處理食材有誠意 湯方面就一定主打龍蝦湯，中式都不俗。熟食點心一流，尤其叉燒半肥瘦，乳豬燒鵝。當日推介西班牙黑毛豬 用慢煮方法。有一個鵝肝班戟，感覺好特別。當然甜品都係重頭戲，不論設計，大小，味道，甜道品質都好好。整體食物款式大路，但心思煮法一定食客先體會到。加上員工服務好，環境輕鬆舒適。最可惜平日沒有生蠔提供。…Read More

之前晚餐仲未開返，所以會周圍去食下午茶。今次嚟四季酒店The Gallery之後佢哋呢度嘅下午茶，weekdays $338/pax唔算貴，佢哋嘅afternoon teaset食物係inspired by佢哋其他既米芝蓮餐廳，好似好有睇頭。The Gallery位於酒店大堂，充滿落地玻璃，陽光充足，樓底極高，所以唔覺得好嘈，環境舒服。先講講鹹點，inspired by 龍景軒，下層左至右：1）鰹魚碎燒鵝盞 - 鰹魚碎提升左成哥撻既層次及味道，口感豐富2）焗迷你鰻魚包 - 望落去以為係叉燒包，但係佢又點會俾啲咁普通嘅嘢你呢，入邊嘅餡係鰻魚，而作為鰻魚迷嘅我對呢一個點心非常滿意3）慢煮八爪魚沙律撻 - 清新嘅配搭，煥然一新4）水牛芝士半蕃茄蓉及法國風乾火腿 - 好似食緊一個一口pizza咁輪到甜點，上層左至右：1）柑橘香橙半圓蛋糕 - 逢親橙味嘅嘢我都係鍾意，蛋糕非常清甜，夏天食係一流2）法式士多啤梨忌廉蛋糕 - 冇得輸嘅一款蛋糕3）迷你香片蜜糖茶壺 - 非常香嘅茶味，配上朱古力片，配搭唔輸比咖啡加朱古力，係呢四款蛋糕入面我最鍾意嘅一款4）木槿花馬達加斯朱古力蘑菇 - 朱古力配上花香，呢個配搭冇得輸最後奉上Scone + 英式忌廉 + 自家製jam。個自家製jam簡直冇得頂，酸酸甜甜，今次係芒果味，我查完個scone後仲有剩，結果我將剩餘嘅jam直接食晒🤣最後不得不介紹佢嘅iced mochaccino，味道好好，但係又唔會好甜令到你覺得飲完之後好濟，非常值得推介👍🏻…Read More

四季酒店嘅high tea勁難book就係人都知😔😔😔😔分分鐘book3個月都未食到今次我揀咗易book啲嘅Gallery 質素同樣有保證💯仲食到米芝蓮三星餐廳龍景軒嘅出品添!🤗🤗🤗🤗❤咸點中嘅鰻魚包同燒鵝盞就係出自龍景軒架啦🌟🌟🌟其中鰻魚包同平時嘅叉燒餐包有異曲同工之炒但又高檔咗些少😋雖然喺high tea set入面添上中式元素🥳🥳🥳但兩者都糅合得相當出色Scone個果醬真係超級無敵好食有芒果同熱情果味🥭🥭好特別呀，有熱帶風情從來未試過類似口味嘅jam甜點方面造型同口味各具心思有個好精緻嘅茶壺仔🫖原來係香片＋蜜糖味蛋糕🍯不過我都係鐘意個法式士多啤梨蛋糕🍓🍓🍓🍓淨係鮮味都有好多唔同層次連飲杯茶都有tasting note相當專業🍵🍵🍵🍵我揀嘅滇紅金針以甜為主口感輕盈，餘韻回甘能夠中和返甜品嘅味道呀!…Read More

甜品控又來了🍰Gallery 位於四季酒店大堂咖啡廳, 翻新完大約七月中開業, 環境舒適、樓底高, 不過位置不多, 所以大家要早點預約☺️下午茶一共有十款中西式的甜點一開始就有一小杯Welcome Drink抹茶珍珠奶茶淡淡綠茶配上香濃杏仁奶味桂花鬆餅配上英式忌廉, 還有芒果青檸果醬, 芒果醬帶有芒果肉, 很清新中式鹹點：崧子雞粒盞、慢煮三文魚醬伴三文魚籽菠菜蓉、懷舊經典又地道的叉燒焗餐包、蘑菇慕絲撻全部都是Mini Size, 精緻可愛西式甜點：柚子抹茶蛋糕、香檳榛子金箔朱古力、香滑朱古力血橙蛋糕、青蘋果白蘭地慕絲服務員建議最後才品嘗香檳榛子金箔朱古力, 因為較其他濃味, 最喜歡是青蘋果白蘭地慕絲, 酸酸甜甜, 餅底很脆口這Set Afternoon Tea適合輕食, 比較適合女仕…Read More

臨近聖誕，星期六與閨密一起到Four Seasons的Gallery一嚐聖誕限定的下午茶🫖/𝑮𝒂𝒍𝒍𝒆𝒓𝒚🎄𝑭𝒆𝒔𝒕𝒊v𝒆 𝑨𝒇𝒕𝒆𝒓𝒏𝒐𝒐𝒏 𝑻𝒓𝒆𝒂𝒕下午茶1500才開始，可能我們早於1430到達的緣故，員工都比較空閒，服務都很殷勤且友善，茶藝師都很詳細指教我品茶的知識和技巧，拎茶杯的手勢(就連歷史古人的服裝也有關聯)，令我大開眼戒和長知識了💯/飲品分別有俞茶舍的侍茶師和Omoteasando咖啡師坐陣的茶葉和咖啡，貪心的我們當然兩樣都要試😆/🌟滇紅金針ɢᴏʟᴅᴇɴ ɴᴇᴇᴅʟᴇ茶香淡雅，入口清甜而不澀/🌟 ɪᴄᴇᴅ ᴄᴀᴘᴘᴜᴄɪɴᴏ朱古力咖啡是Omoteasando的招牌，喝過它們的Americano都很不錯，Cuppucino也果然出色😍首先，賣相比平常的外賣杯更ig-able，朱古力味和咖啡味也十分濃郁，味道和諧又不會各搶風頭！我地飲完之後都覺得下次會再去encore！/⭐️ ᴡᴇʟᴄᴏᴍᴇ ᴅʀɪɴᴋ是一杯泰茶，玉桂味香濃，入口還好，唔太岩我🙈但喜歡玉桂的閨密就幾鍾意/𝕊𝕒v𝕠𝕦𝕣𝕪(上層從左至右)/🌟叉燒菠蘿包ʙᴀᴋᴇᴅ ʙᴀʀʙᴇᴄᴜᴇᴅ ᴘᴏʀᴋ ʙᴜɴ ᴡɪᴛʜ ꜱᴡᴇᴇᴛ ᴄᴜʀꜱᴛ來自米芝蓮中菜廳龍景軒的出品，即使上枱時影相也影了好一陣子，菠蘿包的外皮仍然好！酥！脆！有菠蘿的香甜🤤內餡是滿滿的蜜汁叉燒，鹹甜適中，不油不膩，好喜歡😍/🌟忌廉帶子盒ᴄʀᴇᴀᴍʏ ꜱᴄᴀʟʟᴏᴘꜱ ᴘᴜꜰꜰ撻底非常出色，充滿牛油香，酥脆鬆化，不會過厚。餡料有粒粒帶子、菇菇、香脆瑤柱絲和蟹籽，味道恰到好處，十分惹味😋試完兩件龍景軒的出品之後，我們都好想去龍景軒飲茶，一嚐它們的點心🥺❤️/🌟法式鵝肝醬伴辣越橘醬配薑餅ꜰᴏɪᴇ ɢʀᴀꜱ ᴛᴇʀʀɪɴᴇ ᴀɴᴅ ꜱᴘɪᴄʏ ʟɪɴɢᴏʙᴇʀʀɪᴇꜱ ᴊᴀᴍ ᴏɴ ɢɪɴɢᴇʀʙʀᴇᴀᴅ ꜱQᴜᴀʀᴇ另外兩件鹹點側來自另一間米芝蓮西餐廳caprice。薑餅脆卜卜，鵝肝醬入口驚為天人，口感有如忌廉芝士般柔軟細滑，吃完其獨突的香氣仍於口中久久不散，非常美味👍🏻/⭐️羊奶吉士配蕃茄粉及南瓜甜酸醬迷你撻ɢᴏᴀᴛ ᴄʜᴇᴇꜱᴇ ᴄᴜʀᴅ, ᴛᴏᴍᴀᴛᴏ ᴘᴏᴡᴅᴇʀ, ᴍᴀɴɢᴏ ᴀɴᴅ ᴘᴜᴍᴘᴋɪɴ ᴄʜᴜᴛɴᴇʏ ᴍɪɴɪ ᴛᴀʀᴛ羊奶芝士撻就見人見智，撻底都是出色的，夠脆夠鬆化，可惜羊奶芝士真的好🐑蘇到飛起🙈閨密的比喻也差點笑翻了我🤣🤫/𝕊𝕨𝕖𝕖𝕥(底層從左至右)/🌟西西里開心果撻 ꜱɪᴄɪʟɪᴀɴ ᴘɪꜱᴛᴀᴄʜɪᴏ ᴛᴀʀᴛ甜點的賣相十分精緻，脆脆餅底，甜甜的開心果👌🏻穩陣的配搭/⭐️ 雲呢拿忌廉及燴榲桲蛋糕 Vᴀɴɪʟʟᴀ ᴄʀÈᴍᴇ ᴀɴᴅ Qᴜɪɴᴄᴇ ᴄᴏɴꜰɪᴛ ᴄᴀᴋᴇ口感與開心果撻差不多，而雲呢拿忌廉的味道會清淡一點/⭐️ 聖誕香料佐野莓朱古力 ꜱᴀɴᴛᴀ’ꜱ ʙᴇʟᴛ ᴄʜᴏᴄᴏʟᴀᴛᴇ (ɢʟŰʜᴡᴇɪɴ ʙᴇʀʀɪᴇꜱ ᴄʜᴏᴄᴏʟᴀᴛᴇ ʙᴏɴʙᴏɴ)可愛的聖誕老人腰帶造型，可惜它的野莓衣服超級甜，螞蟻人也表示受不了😗/⭐️ 冬令香料朱古力法式泡芙ᴡɪɴᴛᴇʀ ꜱᴘɪᴄʏ ᴄʜᴏᴄᴏʟᴀᴛᴇ ᴄʜᴏᴜx這個都是正常的朱古力榛子醬我味道，好味但唔算話好特別/🌟 桂花鬆餅配傳統英式忌廉及自家製果醬ᴏꜱᴍᴀɴᴛʜᴜꜱ ꜱᴄᴏɴᴇꜱ ᴡɪᴛʜ ᴅᴇVᴏɴꜱʜɪʀᴇ ᴄʟᴏᴛᴛᴇᴅ ᴄʀᴇᴀᴍ ᴀɴᴅ ʜᴏᴍᴇᴍᴀᴅᴇ ᴊᴀᴍꜱ很喜歡這裡的桂花鬆餅，餅底和鬆餅都非常香脆，內裡鬆軟，濕潤度恰好，同時又散發桂花的淡淡清香🥰配自家製的芒果青檸果醬，香氣特別，甜甜的和鬆餅很夾；英式忌廉夠滑但就冇咩特別。/🌟朱古力火鍋伴配料(週末和公共假期供應）ᴄʜᴏᴄᴏʟᴀᴛᴇ ꜰᴏɴᴅᴜᴇ ᴡɪᴛʜ ᴄᴏɴᴅɪᴍᴇɴᴛꜱ (ᴀVᴀɪʟᴀʙʟᴇ ᴏɴ ᴡᴇᴇᴋᴇɴᴅꜱ ᴀɴᴅ ᴘᴜʙʟɪᴄ ʜᴏʟɪᴅᴀʏꜱ)終於明白點解咁多人話Gallery就咁食個tea set好似食風咁，因為每件鹹甜點都是one bite size，與車厘子差不多大🙈一啖一件好快就食完！/節日限定多左個朱古力火鍋和buffet bar，可以自助無限添加不同款色的生果和蛋糕、曲奇等，成個體驗即刻唔同好多，多左好多野食，仲食得好飽好漏添🥰/朱古力火鍋最喜歡是雪糕球，珍寶珠的外型，甜甜的雪糕內裡還有內餡，令人有驚喜❣️但我食唔出係咩🙈總之就好食啦lol 至於薑餅人就岩哂我呢啲港女打卡玩樂🤣短手短腳笨笨的好可愛，而口感比較厚實，食一塊試下味就算了~棉花糖都冇咩特別../而Buffet Bar的貝殼蛋糕有檸檬清香，唔會太重牛油味，我都幾鍾意💕Brownie就太黏口了；朱古力曲奇和杏仁曲奇也不錯；窩夫也不要哂quota了🙂/水果放題有：哈密瓜、密瓜、士多啤梨、車厘子和藍莓，正正常常啦！/第一次試Gallery的下午茶，好快就打入我心中三甲，個人認為可以媲美The Drawing Room🥰整個聖誕限定的Tea set於週六至週日及公眾假期供應，每位508 +10%，環境有落地大玻璃，陽光感十足☀️加上服務及味道也很不錯，我覺得都值既！仲會有下次添☺️但我地一致認為如果下次冇左朱古力火鍋，我地可以食個lunch過黎都唔怕食滯😝又或者見倒隔離單點左個龍蝦包都好似好唔錯咁🤤…Read More