Gaia Veggie Shop

一早book咗枱，一行10人張枱得8個位，朋友禮貌地用廣東話請店員攞多兩張凳，店員呆咗咁望住我地，朋友再禮貌地用普通話複述，店員都係唔出聲，我以為佢啞既，轉頭就見到佢同其他員工用唔知咩話傾計，原來係廣東話普通話都唔識聽（睇怕都唔會識英文）😂想問下呢間食肆係點請人？搵個溝通唔到既做樓面，仲要呆咗咁望住我地唔識搵其他店員招呼？朋友再同另一個店員講，終於順利攞到兩張凳，菜都未上，另一個店員就過黎sale coupon，仲要下次先用得，唔該哂😂終於上菜，佢地竟然係食客頭上上菜，上咗幾次我朋友頂唔順，叫佢唔好係食客頭上上菜佢先識得講唔好意思成間野都係笑料，野食都係普通，請埋哂啲倒米員工祝佢生意興隆…Read More

家人壽宴在黃大仙現崇山商場一樓，挺容易找到。裝修一般，服務人員稍為不足，基本上她們也盡力了。全家20人，五六十年代的有8人，其他便是兒孫們。日式魚生刺身拼盤，像真度十分高，食材是蒟蒻，好健康👍🏻，老一輩的我們全清，但年青一代就不感趣😂。豬排木瓜沙津，新鮮沙津菜加上鮮甜木瓜好清新。牛油果焗多士，熱辣辣好香口，法飽煙韌有咬口。原盅椰皇和甜酸魚扒不過不失。而蘆筍牛柳卷的蘆筍不錯，但我不喜歡其芡汁，味道稍濃。黃耳扒吉品鮑炒飯伊麵，各有捧場客，我已經好飽，肚皮不爭氣，但我都食了抄飯，乾身，黑松露再加上牛油果十分配搭😋綜合各人食評，年長嘅一輩就讚譽有加，較年青的一台，看著其賸餘食物便知其一二，長輩們便二話不說拿了數個飯盒全打包😂…Read More

年初一晚去食，只怪自己入去前沒有看門口poster寫住要加3（加30%），服務員都沒提醒，本身食素價位都唔平，加左3更不值。不會再農曆新年去食飯。6位原價大概14xx,加左3就要接近2000佢有新年菜單，我地叫左半席，有壽司，西蘭花猴頭菇，炒麵，炒飯，素翅，素魚，娃娃菜，甜品係腰果露，食物唔好食，最好食係腰果露，如果散叫會更抵更好食。至於服務，食開都知有幾位服務員一貫係扮聽唔到，要行出去搵人先會聽得返野，唔好要求服務質素。今日大年初一其實都仲有位，飲食界難做，但咁既香港飲食業咁既經營手法同服務態度都解釋到消費者的選擇。…Read More

今日諗住中午1點去食下齋, 黃大仙冇乜選擇, 呢間舖頭都已經經過幾次, 所以試一試.入去冇人帶位, 問過阿姐嗰度坐唔坐得佢已經唔理你, 答又唔答人, 跟住行到埋張吉枱度問隔離買緊單個阿姐, 好晦氣話坐啦. 坐低之後一直都冇人理, 其他員工望到都唔會過嚟理你, 等咗好耐,跟住阿姐經過, 我問佢係咪已經收, 佢只會啤住你. 可憐, 做一間素食餐廳食齋嘅搞成咁咁多怨氣, 嗚呼哀哉！ 跟住我哋都唔食喇走喇, 仲同嗰個阿姐大大聲講拜拜！ 希望佢哋能夠淨化心靈！…Read More

媽咪生日指定要食呢間素食佢好鍾意食個黑松露炒飯但我就覺得一般般⋯三色骨係幾特別，原來豆製品都做到三種口味，可以值得一試嘅其他菜式不過不失la，店員態度就一般啦～整體價格偏貴⋯…Read More