Fung Shing Restaurant (Closed)

到訪沙田開會，午飯就近選了鳳城酒家。酒家環境普通，服務亦不算勤快。蒸點如蝦餃、燒賣、菜苗餃等賣相食味普遍合預期。煎炸點如春卷、蘿蔔糕等賣相偏向老火，不過不失。炒粉麵飯只吃了海鮮炒麵，麵質略濕身不夠脆，一般。…Read More

上次星期六晏晝去D部長忙到爆炸!今次去就好D, 起碼都識得過黎serve下你! 同埋態度都好好多今次冇book枱都唔洗等好耐, 今次又係同親戚食...冇計 親戚住開呢頭今次叫左鐵官音...又係茶包.....另外又係叫左點心啦...第一次叫呢度D雞包, 真係唔錯, 雖然唔太大舊, 但係個包唔會太軟/太硬, 同埋個餡都豐富另外值得一提ge趣事係....個粉果....黎到雖然好熱, 但係個口合唔埋...點睇loll叫左碟腸粉..中距中具, 都唔會太難食ge, 不過好難夾到上手lol…Read More

講真，呢度真係幾貴，茶位$12/人，中點$27， 大點 $32， 仲要加一。不過，質量同份量都算令人滿意，上菜速度算快。兩個人叫左以下食物：蟹籽燒賣皇（大點）：每隻燒賣有兩隻大蝦仁，搭瘦肉，唔肥膩瑤柱鮮蝦豆苗餃（大點）：一籠三隻，皮薄餡多，好飽滿，入面的菜好爽口煎芋絲糕（中點）：夠厚身，粉唔多，啖啖都食到芋絲，非常香。無over-fry, 唔熱氣煎蝦米腸（大點）：幾大份，蝦米多D會更好千層馬拉糕（中點）：中間個層係奶黃，甜度適中呢度嘅茶係用茶包沖的，不過茶包裡面係原片茶葉，兩大包一壺，沖幾次都仲有茶味。埋單總共$192，雖然好食，但飲茶嚟講，真係偏貴咯。…Read More

今日同老婆休息，去沙田宜家行下，去到中午兩點幾，未食午飯，見到地下有間鳳城，入去食個下午茶，兩人叫左三個點心一個飯，點心有牛肉腸粉，牛栢葉，菜肉蝦粉果，籠仔河鮮蒸飯。其實點心味道一般，但牆上掛了幾個金牌，愕然！至於籠仔河鮮蒸飯，即叫即蒸，時期有d耐，味道好但河鮮全是魚頭骨頭，魚肉只有一磈，吹漲！講到服務，九成阿'蟬' 個個態度似係你債主，動作似死土，雖然唔要求對住客笑，但咁嘅態度一定趕客。…Read More

同男友去到沙田行IKEA，諗住飲下茶食個LUNCH，咁見鳯城無人排隊，但入面又高朋滿座，應該都吾會好差。坐低，先開茶，見到竟然係用茶包，飲茶吾係用茶葉咁點算係飲茶。。。再嗅下竟然啲茶係一陣怪味，不過都吾係好過份。之後再睇下有咩食，見到人哋食籠仔河鮮蒸飯，賣相都吾差，便ORDER左一個，再加兩個點心，一個流沙奶皇包，一個小籠包，味道如下：籠仔河鮮蒸飯 - 飯吸晒河鮮味道，感覺好腥，可能蒸得耐，所以河鮮上枱時已經散晒，感覺好似食魚仔飯咁小籠包 - 一籠得三件，蒸得未夠熟，皮邊尚有少少白邊，但還可以做到皮薄餡靚，尚算可以流沙奶皇包 - 以前食過真係好流沙，但今次食好似有少少偷工減料，包厚左好多，流沙好少，味道還可以服務方面，好差，叫人加茶及俾豉油，應完你竟然會一聲不響咁走左去，要叫好多次先有人做。以後有機會去開沙田食飯，真係吾會再去，除左茶品食物吾係得之外，服務都吾得，去來都無謂。…Read More