鳳城1954 (愉景新城)

Open Now

Now Closed

特式點心，飲過兩次，平日lunch time都要等15分鐘先有位，因酒樓細細地，價錢貴少少，味道整體都ok，但服務態度一般。👍比較推介大家試鳳城水餃，有傳統嘅味道😋👍櫻花蝦香煎蘿蔔糕，口感幾好有一條條嘅蘿蔔絲，唔會太粉😅大良炸鮮奶，一心諗住甜食，但原本係咸點，感覺麻麻地👍香炸魷魚鬚，真材實料，大大條份量比其他酒樓多三式蒸包，外型吸引，但味道一般

星期日去飲茶，只需等4個號碼，居然等了一個小時仍未有位置安排，已經有多個排隊客人向門口果位知客查詢，佢都係回答，無位要等，沒有一個積極解決，佢仲叫我訂枱，，當日因為有好多客人訂枱，即使有枱都會先安排給他們。我眼見有一其熟客，佢提個客要訂位麻，當日根本沒有訂位，客幫佢買左糭劵，就即時有位。我眼見當日訂枱只係3數張，根本理解唔到點解要等超過1小時，我帶住個坐輪椅90歲既老人家，我非常無助。我當日向其總公司反映，希望改善一下，但超過一星期都無人回應，極到令人失望既餐廳。之前

看到這間酒樓的點心和菜式比較新穎，加上這個集團在香港算是老字號，所以想來一試。😀我們兩個人看到座位時，既驚訝又驚喜！特搜魷魚鬚：外皮炸得香脆惹味，炸粉厚度適中，內裏的魷魚香滑入味，鮮味可以接受，不過質地硬了點。😀瑤柱馬蹄肉餅荷葉蒸飯: 肉餅做得非常出色，不會太乾，而咬下去的感覺就像咬威化餅一樣，有融化的感覺。 充滿濃郁的新鮮豬肉和魷魚味，間中咬到 爽脆的馬蹄粒。唯一美中不足的是底下的炒飯太乾，而且整體的溫度不夠。 包羅萬有: 裏面有三款麵包，分別是流沙包、抹茶醬包和叉燒包。 外貌是豬仔的叉燒包十分趣緻！三個包的餡料調味適中，包皮軟綿綿的。 我最喜歡抹茶醬包，因為它的包皮也是抹茶味，與餡料非常配合。大良炸鮮奶： 這一碟我們退回了級餐廳而侍應亦很爽快地幫我們取消。 我們吃了一塊，發覺裏面是鹹的，而且完全沒有牛奶味。整體來說，這餐廳的食物質素可以很好，但食物的製作過程不太穩定甚至出了問題，不過這餐廳應對問題的態度值得一讚。

好耐冇同屋企人飲茶，今次決定揀間靚d既試下先。黎到荃灣既愉景新城，本來有2間目標餐廳，除咗呢間，仲有旁邊既愉花園，因為見到上網見到有點心小菜放題，可惜今日冇做。 蟲草花荷葉蒸雞飯 $68份量ok，炒飯賣相唔錯，金黃色澤，但食落一般，既冇炒飯既油香味，亦冇吸收到荷葉香氣，感覺上似係分開整好再放上去上菜咁。蒸雞幾滑，食落嫩口唔錯。 安格斯牛腸 $48腸粉皮晶瑩剔透，隔住都見到入面有滿滿既牛肉。入口咀嚼時牛味好足，冇乜油脂味都幾好，唔會重口味。 龍蝦湯鮮竹卷 $39第一次見到呢個配搭，想像唔到咁夾同好味。鮮竹卷既肉餡實淨，中間剪開咗小小，索哂d湯汁超正。食哂鮮竹卷之後，我地仲用埋d湯汁整龍蝦湯泡飯，成功救活咗蒸飯。 櫻花蝦燒賣 $36櫻花蝦蒸到味都冇哂咁滯，但燒賣舊肉食落幾彈牙，有飽足感。 三式炸作 $36炸蝦餃同春卷都係常規作品，不過不失，係咸少少。中間既啤梨造型其實食落係抹茶版既咸水角，幾有新鮮感，一試無妨。

屋企人以前細個都帶我食過鳳城酒家，佢地精緻點心都好令我印象深刻。今日到我帶返佢地黎食，仲要係2018年先出既副線，行young line既鳳城1954 古法灌湯餃 $32好耐冇食灌湯餃，呢個係用蒸籠加個小鏟仔裝住，同坊間既唔同，侍應會另外再比隻碗我地拎起黎食。皮薄料靚，一打開就就聞到濃郁湯汁，有蟹肉冬菇翅等材料，享受到舊時既功夫味道。 溶岩流沙包 $42賣相幾得意，好似心心眼emoji咁。屋企人都讚賞咸蛋黃夠香，餡料啱啱好流心又唔會太熱。 宮廷紅棗糕 $36比較普通，紅棗味唔算好濃，利苑既會好食啲。唔太煙韌，但冇黏口。

吃貨小妹今日本來想去吃傳統嘅灌湯餃，可惜佢話冇貨🥺🥺1）煎蝦餅 $88倘算爽彈，可惜超鹹2）魚湯龍躉泡飯 $128我未見過絲瓜多過主要材料，絲瓜仲要未煮熟，湯唔夠熱，魚肉勁小，超鹹我真係食得好唔開心，點解個廚師唔試味，我明依家生意難做.但都唔可以咁環境： 🌻🌻（滿分5個🌻）正常服務：⭐️（滿分5個⭐️）職員態度差，様串串，其實唔想做可以唔做，依家又話留住份工好重要，我一點都不覚得。點解要同有需要的人爭！ 🤬🤬食物：👅 （滿分5個👅）超難食，超鹹，唔係將啲野放埋一齊就係廚師。仲要唔平，仲有生意真係奇蹟。～～～～～～～～～～～～～整體：💖 （滿分5個💖）👉🏻👉🏻完全不推介👈🏻👈🏻

鳳城在商場內，附近又係工商大廈，諗住午飯時間會好多人，所以去飲下午茶，試吓古法灌湯餃，原來兩點前去到都可以隨便坐😂生拆魚蓉粥經理介紹，魚蓉唔腥，粥底味道唔錯，可惜溫度微暖，唔明點解當時我哋唔叫佢攞入廚房加熱古法灌湯餃用料豐富，湯汁清甜正宗灌湯餃唔係週圍可以食到，風城嘅灌湯餃比我喺其他地方食過嘅味道較清淡，個人覺得濃味少少更好啜腳趾（豉味雞腳）味道似滷水鳳爪，冇乜特別三式炸作（甘筍鹹水角、芥末卷、蒜味春卷）張相靚過實物，普通，$36得三件唔值胡椒豬肚雲吞湯湯唔夠胡椒味，豬肚、鹹菜都冇要求，可取的是雲吞大粒，鮮蝦爽口🙂可能人客唔多，餐廳服務員態度和藹，已反映食物嘅溫度及加多啲懷舊點心，希望下次嚟可以有驚喜。

以前飲茶都會去鳳城酒家，因改革後以加入新派元素「鳳城酒家1954」，第二分店設於荃灣愉景新城3樓。餐廳裝修跟九龍灣店是一樣的，設計上簡約中帶有時代感，跟一般老牌的酒家，感覺截然不同。來到酒家，吃點心必定是首選，這個『黑松露野菌餃(三粒)』 單看賣相已經晶瑩通透，餃皮煙韌，稱得上為皮薄餡靚，一口吃到香濃的黑松露，野菌也很惹味。『鮑魚雞粒酥(二件)』鮑魚鮮香入味，雞粒肉質彈牙，酥皮鬆化。『紫砂壺燉螺頭』用紫砂茶壺盛載，火候十足，湯水味道清甜，入口濃稠，很有膠質，充滿骨膠原。最後必吃推介『1954蝦多士』，蝦餃彈牙，多士鬆化脆口，一點油膩感也沒有。點甜個人喜歡『紫薯流奶球』賣相很精緻，外層是煙韌糯米的脆皮，內裡是流心的奶皇，很美味很完滿！

難得有晚市堂食，相約好友去了荃灣愉景新城3樓的「鳳城酒家1954」，鳳城是一家老字號的酒家，近來改變印象轉為年輕化，走休閒及簡約中餐模式，食物保持水準，傳統風味。鳳城十大名菜之一「1954蝦多士」，必食介紹，蝦餃彈牙，多士鬆化脆口，一點油膩感也沒有。「脆皮bb鴿 」即叫即製，脆皮可口，BB鴿肉超嫩， 齒頰留香。「生菜夾豬(六件)」 生菜超新鮮，爽脆鮮綠，包著炒得乾身的豬肉餡料，果真美味。「欖角骨(六件)」件件都大大塊，啖啖肉，加上醬汁包滿整塊肉，超香口惹味。「紫砂壺燉螺頭」湯底清香甜美， 湯料十足夠，曬火候。 用紫砂茶壺盛載， 紫砂茶壺可保持湯的溫度，飲到最後還是很熱的，厲害！「杏仁茶配杏仁餅」傳統的風味，杏仁茶超濃郁的杏仁味，還加上蛋白，順喉滋潤一點也不甜，配上杏仁餅，真是一個最完美的作結甜品。

燈燈燈凳！係飲茶第二彈呀😍Dpark相信係好出名嘅親子商場！大朋友同小朋友過去除左可以去cafe 仲可以去鳳城1954一家飲下茶😍🍞包羅萬有 💰46包羅萬有就包左熔岩流沙包、青趣奶黃子同埋豬嘜叉燒包 流沙包都係不過不失 啱曬我口味😋綠色嘅青趣奶黃包入面都流沙！不過流嘅係綠色嘅抹茶心😍唔會太甜亦都唔苦！好啱抹茶控 叉燒包唔會話汁太多 肉都唔會太肥 幾好味！🥟春風得意腸粉 💰48腸粉入面其實係春卷！入面又包住D蝦同埋其他菜 就住層皮食又唔會話太油膩！可以接受～🥟伍肆蒸粉果 💰32入面係榨菜同肉碎 整體口感會偏鹹乾 我仲以為係偏多菜的😥不過批就黏黏糯糯可以接受🤙🏻🫔三式炸作 💰36分別係鹹水角、腐皮卷同埋春卷 其實就偏油 不過預左🤣鹹水角又脆又黏呢種口感真係好正😍推薦叫鹹水角就足夠了！🍩紫薯流奶球 💰39真係好鍾意出面係脆卜卜入面係黏糯嘅口感😍佢入面嘅紫薯味道幾濃下 入面流奶就真係估唔到有咁多！一咬入去就見到成個波裝著D流沙 可以攞來飲添🤣十分推介！🍲胡椒豬肚雲吞湯 💰39呢個湯有三舊蝦肉雲吞 三條豬肚 同三條酸菜🤣胡椒味都算重 但係湯味就一般 阿媽話好大陣加左牛奶嘅味道😥呢個就唔係咁推薦啦

四人吃了三小時，食物質素可以接受，叫了六個dishes. 但service 好差，三小時的晚餐，只有六枱客。6.45pm 入坐，9.30走，冇人refill tea, 冇人換碟, 職員lazy 吾主動換碟，ok, 但manager 見到都冇叫職員做野，咁管理層好有問題，坐得舒服因為少人，anyways，愉景新城咁多選擇，下次吾再去。

去到荃灣，打開OpenRice睇吓有乜嘢優惠，喺愉景新城外賣自取有優惠，最後選咗鳳城1954，睇菜單有我最愛的欖角骨，即刻買返去嘆考古欖角骨6件 $76好香嘅欖角及蜜汁味，就咁聞都覺得好味道，佢係用金沙骨，不似外間好多時都用咗排骨來代替，又或者係用瘦猛猛嘅金沙骨，呢舊肉好靚啖啖肉，肉質實淨下次行過都要買返份外賣返屋企先得

年初二有節目，與家人一起 去飲茶，11:30 到了，客人不多，環境裝潢幾好，坐得舒服，噢！冷氣有啲凍，要求職員 關了，ok豉味雞腳「啜腳趾😀」（4 件）$39色澤比較深色，夠入味，炆得淋😋龍蝦湯鮮竹卷 （3件） $42灑上白芝麻，配濃郁湯汁，滋味啦金藏牛肉球 （3粒） $42用腐皮包住嫩滑牛肉，夠創意咁係要試吓鳯城餃餃者（鳯城水餃） $40餡料有蝦及肉，伴生菜及上湯三式炸作$39甘荀咸水角、泰式腐皮卷、蒜香蝦春卷每款一件😊香脆可口價錢有點昂貴，偶然一次，未嘗不可

今日三人行去了愉景新城的「鳳城1954」午餐，這兒有出名的古法灌湯餃，久違了的懷舊點心，每隻$32，價錢合理，但要看看質素如何。古法灌湯餃 好快便送上，外面一如既往懷舊的樣子，肥肥的充滿湯汁，小心翼翼取起個不鏽鋼盛器，怕一有閃失湯汁便全傾。哈哈，三人功力深厚，全部都安全放到碗中。正宗的灌湯餃是將湯包在餃中，餃子皮夠薄，可從外看到它在蕩漾，一口咬下，湯汁全傾。湯的味道濃郁，以火腿、老雞等熬出，餡料豐富有鮮蝦、瘦肉、雞肉、火腿絲、瑤柱絲和冬菇等，一碗餡和湯送口中，清甜無比。

路過成日見到佢有一個好似high tea咁嘅下午茶tea set，覺得幾得意，一直想試下黎飲茶。佢地嘅點心同傳統嘅有少少分別，某部份加入了其他國家嘅風味，有少少fusion嘅感覺，幾得意。整體黎講，地方幾舒服，食物唔錯，係同家人飲茶嘅好地方。