富臨皇宮 (Closed)

團年飯吃了個套餐乳豬皮不脆。然後就上發財好巿大利，珍菌時蔬，糯米飯都黎埋。最後才上龍虾和魚。上菜次序亂晒龍。上菜速度又慢。食物又差。得個糯米飯夠味。其他都唔好食，又唔熱。蒜蓉蒸龍虾都可以冇味既。又唔新鮮 啲肉一啲都唔彈牙，仲要過熟。龍虾後就上脆皮雞，凍既。究竟整完放左幾耐先上菜?食物衛生惹人質疑。如果唔係屋企人揀都唔會黎。食完隻凍既雞，魚才上。都唔知點做中菜，衰過茶餐廳。蒸魚又係凍既。做唔住就執左佢啦，都未試過食團年飯食得咁勞氣。

野食黎得慢都算，叫啲員工幫手添水，等了半小時都無人幫我們，一係話等一等，一係當睇吾到。結果全程無水飲！但其實佢地係到傾計，場內一個經理都無，想搵人幫手又無。。。

純分享。落漏單呢d小事唔緊要。比較令人難忘既係，因為老人家唔想食牛仔骨，所以叫左錫紙香菜牛仔肉。睇餐牌幅圖唔錯，黎到見到成碟滿布辣椒，香菜同辣椒既比例為1:10，食落真係好辣(會咳個隻辣)，老人家唔太食到。即刻搵左個黑色衫既職員(經理?)問一問點解同圖差咁多，佢求其答句係咁辣嫁喎就走左，想問多句都唔得。好彩叫左個芝士香芋南瓜煲，比較水，不過可以用黎點牛肉，減輕d辣。如果個餐牌可以寫清楚咩餸係辣會方便好多。

星期六同屋企人食個晚飯, 好多時都會選中菜，適合一家大細。見富臨皇宮最近餐牌選擇款式什多，而且價錢大衆化，埸地較大，餐桌亦比較大張，一家人坐埋一齊好宽敞，很適合家庭聚會。是晚點了冬瓜盅。豉汁帶子。薑葱焗蠔。竹笙扒時蔬。生煎菜肉包。冬瓜盅大大個很足料.很多冬瓜肉，豉汁带子亦十分大隻。特別值得一提，薑䓤焗蠔($168），蠔身非常大隻，什有口感，可惜份量偏少。生煎包亦十分驚喜，同上海店不遑多讓。總括而言，個人觉得富臨皇宮的晚饭菜式大有進步，款式多樣，不斷創新，價錢平民化。

今晚同屋企人一齊食晚飯，同屋企人食飯多數都係去酒樓，所以今晚我地揀去食富臨。呢排天氣超熱，我地一見到有海皇冬瓜盅就即刻叫，諗住食個冬瓜盡消消暑。呢個海皇冬瓜盅，好足料，有肉又有蝦。另外我地叫左一份頭抽走地雞，好大隻好大一盆，啖啖都係肉海參花菇玉掌煲好大隻鴨掌，個汁好濃味，海參花菇每件都好大件，份量岩岩好蒸帶子，有蒜蓉有粉絲，一啖入口好滿足荷香豉味蒸白鱔，白鱔好肥美，好多肉，重有豆豉香味，配飯一流鐵板黑椒豬手好大隻豬手啊，黎到果陣將汁倒上鐵板，即刻吱吱喳喳，黑椒味好香，豬手好容易切，好多肉，豬皮連埋肉一齊食好正

上星期去了親戚屋企打牌，晚飯當然以方便為主，去附近的酒樓解決完後再來開戰。頭抽走地雞雞肉件件嫰滑，色香味俱全，入口更帶一點點甜味。大扇貝因沒有蟶子，所以選了大扇貝，口感爽鮮，香蒜令鮮甜扇貝的味道帶多多一份惹味。荷香豉味蒸白鱔這裡的食材碟碟都份量十足，白鱔帶一點荷葉香味，不錯。鐵板黑椒豬手原隻豬手上枱，黑椒味甚重，豬手肉質口感非常嫰滑，帶豬皮一起吃，口感更為豐富。薑蔥焗蠔煲一煲有六件，相當大隻，吃一隻感覺已非常滿足。菜肉包份量滿多，一碟六件，熱乎乎的，飽足感十足。

今晚同家人來到富臨食飯，因為佢晚市好抵食，白幾蚊有好多組合菜式，仲有海鮮！頭抽走地雞配蒜蓉蒸檉子走地豉油雞好大一隻，啖啖肉，肉感豐富蒜蓉蒸帶子都係好大一隻，好多蒜，我鍾意！海參花菇玉掌煲有成3、4隻玉掌；花菇都好大舊，好香～海參彈牙荷香豉味蒸白鱔呢個係我最鍾意食，非常好味，白鱔好鮮甜；而且好肥好香魚油，正啊！鐵板黑椒豬手豬手好大一隻，香噴噴海皇冬瓜盅足料，夏天像夠晒下火生煎菜肉包六隻$38有成6隻，真係好抵，枱枱都有嗌。

為慶祝父親節，家人愛吃中菜酒樓絕對是不二之選，開開心心聚在一起頭抽走地雞單看色澤，已感入味雞肉來得嫩滑，脂肪比例均勻，雞肉來得入味蒜蓉蒸帶子帶點嚼勁，幸好蒜蓉粉絲吸盡精華一人一隻，剛剛好鐵板黑椒豬手黑椒汁濃郁惹味，豬手軟淋，肉汁豐富不錯荷香豉汁蒸白鱔蒸魚時間得宜，配上豉汁，很惹味真想配碗白飯同吃海皇冬瓜盅天氣熱，最好吃多一點瓜來個冬瓜盅絕對不錯湯頭鮮味，沒有半點油份，更有夜香花的清香冬瓜厚身綿密，很好的消暑良品

富臨皇宮📍香港仔南寧街ac3 1樓Kay Gor 都好耐無約香港仔好朋友食中菜啦🙈係時候係酒樓飲杯茶食個飯4個人叫左幾個菜食下木桶雞🐔配蒜蓉蒸帶子$138👍🏻👍🏻👍🏻👍🏻雞用木桶上既豉油雞,雞唔會好柴,但亦唔滑,味道和口感都做到恰到好處當日無聖子酒樓換左帶子俾我地帶子配粉絲，同蒜蓉蒸既時間岩岩好無腥味阿，超入味正阿生煎包🍞$38👍🏻👍🏻👍🏻👍🏻我地仲叫多左份試試睇到佢煎到黃金光滑既外表,已經夠吸引,食落口啖啖肉,而且唔會煎得太油膩,岩岩好姖松茸燉響螺🐚$128👍🏻👍🏻👍🏻👍🏻👍🏻非常足料同火喉既燉湯，而且響螺肉都有好幾件。燉湯很清得來飲起來潤，老火湯好入味，抵👍🏻鐵板黑椒豬手🐷🐽$128👍🏻👍🏻👍🏻👍🏻豬皮煮得幾軟上台先淋黑椒汁，鐵板夠熱👍🏻👍🏻👍🏻豬手肉夠鬆化又滑，汁夠惹味異常地有驚喜！而且服務員用心幫我地分菜加大分👍🏻👍🏻總結服務同食物有高質素Kay Gor 推介 👍🏻👍🏻👍🏻👍🏻👍🏻備注👍🏻5粒代表最推介——————#kayGorfoodie #foodie #hkblogger #foods #hkfood #hkfoodie #foodie #hongkongfoodie #

今日收工同朋友行街街，係度搵嘢食嘅時候，見到富臨皇宮有個特價孖寶餐，咁既然大家冇咩意見就去試吓！因為朋友係唔食肉，淨係食海鮮，嘅咁我就唯有叫海鮮🦞，嚟到呢度啲酒樓一定係食龍蝦芝士伊面！另外見佢有個勁抵嘅八頭鮑魚扣金錢！$38位，仲要一人只限叫一份，咁我哋當然要叫黎try try!估唔到個龍蝦係新鮮，好友鮮味而且個芝士伊面冇得頂！唔會煮到過灑火冧灑，相反有啲咬口！雖然龍蝦唔算好大隻但係肉質夠鮮味！ 另外個鮑魚亦都非常之彈口，花菇亦都入晒味，$38來講真係算好抵！我同朋友都唔算大食，就咁食咗兩款野已經飽飽地！但係我哋又見到一個疏乎里唔住又叫埋！平時西式嗰啲都食得多！喺酒樓就真係未試過。一嚟到見到個份量真係嚇親人，但食落又幾好味，兩條友真係食得晒！佢比與西式嗰啲冇咁硬身，而且更加有空氣感！真係估唔到原來咁好食！贊！

每逢放假就想嘆返一盅兩件，富臨皇宮是區內不錯之選。今天很幸運，一坐下就有侍應小姐來招呼，平常都是很久也沒有員工協助，要自助開茶的。一拿到點心咭，就到小食亭拿了熱辣辣的鳳瓜排骨飯，蒸飯粒粒分明，入D軟硬適中，最怕那些淋pad飯重點只是$9.8。叫了2份孖寶，1份是蜜汁义燒腸+冬菇蒸鴨掌，$25.8，味道不錯。义燒腸滿滿芫茜，香噴噴！另一份孖寶：北菇綿花雞、香麻流沙包，都是抵食夾大件之選。蝦餃是做得比較差的，皮太厚吧！但只是$20.8，這價錢也沒投訴了！茶錢每位$9，埋單$121，人均$60，味道不差，可回頭！

平時過時過節會同屋企人黎富臨食飯 今次同事生日都揀黎呢到慶生 因為優惠期間 叫左半隻乳豬 豬皮又香又脆肉都唔算肥 點埋甜醬好好味啊每人都有三至四件 唔錯再黎個大冬瓜盅 見到每枱都叫 我地都叫個黎試好中盅好足料 有蟹柳有蝦仁有瘦肉有冬菇仲有冬瓜肉 飲落口好鮮甜 配料撈飯都好味 再黎個黑椒鐵板德國豬手原隻上 侍應好好 肯比我影張相先再淋上黑椒汁最後仲好貼心幫手切埋 啖啖肉出哂黎 豬皮好煙韌又爽 唔會好咸但好快入味個個都中意食 最後一個餸係豉汁蒸白鱔怕骨既我覺得幾好味 鱔肉冇咩骨但幾大啖肉 都好彈牙 豉汁又入味 送飯一流主食叫左生煎包比想像中大個 食餸都食到飽哂 再黎6大個生煎包 每人食左半件都食唔哂 但好香 岩岩新鮮煎起菜肉餡加上咸咸地 飲茶既話點黎食就最好 侍應好好人 仲比埋甜品 係我每次飲茶必點既 桂 花 糕 呀咁多餐廳既桂花糕 我真係最中意食呢間好香濃既桂花味仲有杞子 糕狀唔會好結都唔硬 岩岩好！咁多酒樓 屋企人就比較中意富臨 今次帶完同事食評價都唔錯食得開心就好！四人食埋單都係650左右！

一大班朋友行完山由香港仔水塘出返香港仔搵食初時想去街市熟食檔 但怕沒冷氣又坐得不舒服於是上了酒樓 上到去左右都有見到富臨皇宮的裝潢比較舒服就進去了 剛有一張大枱 自成一角後面還有一大個窗台可以讓我們放背包小菜有很多選擇 我們每人點一個餸還有冬瓜盅 當晚雞有特價 我們叫了兩份其他還有節瓜蝦乾粉絲煲 金銀蛋莧菜 釀勝瓜 叉燒 咸魚蒸肉餅 咕嚕肉 海棠豆腐 蒜蓉白菜仔 什菜粉絲煲 牛仔骨 茄子煲 一個全是什菌和菇的 還有一個有牛肉薯仔的 全部都好吃又大碟 不過也吃剩了一些 做了大嘥鬼🙈最後還有桂花糕😋

今晚和好朋友慶祝生日，朋友提議去富臨皇宫，因為話富臨D野好食又抵食，而且我們有四個人可以試多D菜式。喜慶事緊係唔少得乳豬la堂剪乳豬半隻$88吓！$88可以食到半隻乳豬?係真ga! 仲要係剪到大大件，乳豬皮真係好鬆脆，雖然有少少肥肉，但D肉好嫩滑，超正，好好味呀海皇冬瓜盅$98~好耐無食過冬瓜盅，呢個係大冬瓜，所以好多肉， 料非常豐富，有鮮蝦，夜香花，瘦肉絲，火鴨皮，陳皮，蟹柳，磨菇等，所以湯頭好甜，又清，夏天飲真是好消暑海参花菇玉掌煲$108~海参好大條，鴨掌炆得幾腍，最正係隻花菇，真係好大隻，好厚身，啖啖肉，成個鍋炆得好入味，good ah鉄板黑椒德國豬手$108~嘩！好味到呢隻豬手炆到好腍和好入味，最正係層豬皮真係入口即融，好有東坡肉feel，生日果位朋友簡直讚不絕口，食過不停豉汁蒸白鱔$108~份量好大多，依家D鱔好貴，所以呢碟鱔好抵！生煎菜肉包$38(6隻)~見到差不多枱枱都叫，我哋緊係唔執輸la, 大大個肉包只係大約6元一個，超值！最後仲有甜品送，呢個桂花糕晶瑩曲通透，好香桂花香味，仲有杞子，又唔係太甜，軟硬適中，食落口清清涼涼，好舒服呀呢一餐大家都食得好開心，估唔到今時今

朋友生日相約4人去富臨皇宮食生日飯，環境唔錯，地方夠大，唔會太迫太吵。生日緊係要叫隻乳豬賀一賀去啦，由於得4人，所以決定叫半隻，乳豬皮非常脫，而且帶有啲肥肉，口感相當唔錯，唔會靜係得瘦肉同皮食，半肥瘦岩岩好。鐵板黑淑豬手，原隻燒，有伙記幫你切埋，呢個豬手真係必食，豬手既皮入口即溶，肉岩岩好嫩滑唔會太老，好味既。豉汁蒸黃鱔，黃鱔唔夠爽口，豉汁味唔夠入味，有啲失望既。冬瓜盅，真係好足料，有蝦，草古，豬肉，夜香，火鴨，蟹柳，夏天消暑解渴，湯料仲可以食埋，唔錯。生煎包，入面有豬肉同菜，唔差既。甜品桂花榚，呢個都相當出色，一啲都唔甜，入口好濃桂花味