Video
Exit B1/ N5, Tsim Sha Tsui / East Tsim Sha Tsui MTR Station
continue reading
Telephone
27362228
Introduction
Fu Ho restaurant is renowned in Hong Kong for their roast chicken and delicious dim sum. Come here with friends or family for a delicious bite.
continue reading
Awards and Titles
Michelin 1 Starred Restaurant (2015-25)
Good For
Business Dining
Opening Hours
Today
11:00 - 23:30
Mon - Sun
11:00 - 23:30
Above information is for reference only. Please check details with the restaurant.
RELATED ARTICLES
很久沒見飲食前輩翁生喇！我這後輩這天和他及翁太見面吃飯，一起慶祝小弟的生日，開心樂事 ! : )今晚和他一起吃由他親自就帶領其團隊設計的「阿翁鮑魚名菜宴」，可以吃盡很多此米芝蓮一星的著名出品，確是食客們的福音。這晚我們一起先小酌紅酒：為套餐拉開序幕的有「紅燒砂鍋包翅」或「蟹肉竹笙燴花膠」，我選了後者：足料得誇張！用生拆花蟹的肉，加粗，花膠條配上高湯烹調而成：湯盡是蟹的鮮味，花蟹肉是吃得出的鮮活，份量多而且肉質甜美，每條花膠爽滑有致，吃完很有窩心的感覺：來到怎能不吃鮑魚？「養殖吉品鮑鵝掌」用 30頭養殖吉品鮑，以濃郁帶膠的鮑汁燜煮至軟熟有彈性：鮑汁是鮑魚、老雞、金華火腿等熬成的精華，也是此菜的靈魂，從深黑色光澤便能看出它的濃度：鮑魚切下去，少許黏刀及見亮麗醣心，口感帶煙韌，仍保留彈牙的神髓：鮑汁味道濃醇，配一咬脫骨的炆鵝掌嫩，沾盡鮑汁精華，更令人陶醉：「金銀黃皮老虎斑」這裡一定堅持用海魚，不用養魚，今趟的老虎斑起肉，一邊用來炒球，肉甜緊緻帶鮮，絕不是一般養魚可比：另一件用「黃金式」做法，表面包滿鹹蛋黃金沙，以惹味鹹香帶出魚甜，有更精彩：此套餐兩位送「富豪脆皮炸子雞」半隻 (五位送一隻) 或「生炸金牌燒乳鴿」，我們挑了前者：我和另一食評友 E 先生常常說，這裏的炸子雞在香港真係可以話係數一數二。極之皮薄、香脆、肉嫩，淋油功夫到家：用新鮮走地雞，以自家醬汁醃製上皮風乾，由生雞開始一下一下將熱油倒到雞身上，至其表面變得亮紅脆身，以滾油淋至熟：皮薄，肉嫩，淋油功夫到家，單是心機已物有所值，此「脆皮炸子雞」單點原價 $660 一隻，能贈送享用此雞，確是精選之安排：「方魚生炒芥蘭仔」芥蘭仔炒得翠綠爽翠，脆的方魚就如畫龍點睛地替整碟炒菜加添惹味和層次口感：「海蝦仁叉燒炒飯」炒飯加添新鮮游水蝦，飯粒炒得乾身分明，叉燒及瑤柱等海味令整體味道更立體化：「蛋白生磨杏仁茶」，用上生磨的杏汁，香滑順喉，在這時節吃最適合：餐單原有「精選甜美點兩款」，改了做「壽桃」替小弟賀壽：還有有翁生翁太的生日大利是，謝謝你們啊！餐單每位 $880，另可選25頭鮑 (每位 $980) 或 18頭鮑 (每位$1,280)，比單點超值得多，性價比相當高！
continue reading
中菜大家就食得多啦唔知呢一間被譽為「香港粵菜一級食府 」大家有冇食過呢？佢就係連續14年榮獲米芝蓮一星嘅富豪酒家，咁犀利我當然要過嚟食吓啦。聽聞佢哋嘅鮑魚真係好出名㗎，一於要食吓佢嘅鮑魚套餐。 阿翁鮑魚美食宴 $1680/位 紅燒砂鍋包翅個砂鍋拎到出嚟嘅時候，入面嘅汁仲滾緊，一打開個蓋真係好香，佢哋係採用頂級18吋牙揀翅，每碗足2兩翅，真係好足料啊，配上湯汁芡，真係好味都停唔到口。 28頭特選吉品點為之一隻好嘅鮑魚？大家有冇食過溏心鮑魚，佢嘅口感真係好好彈牙，配上鮑魚汁，口感一流。食完鮑魚，仲有鮮甜嘅生菜用嚟點剩返嘅鮑汁，味道更上一層樓。 瑤柱炸釀蟹蓋唔好睇落個蟹蓋細細隻咁，佢入面真係超足料啖啖肉，全部配料都係由新鮮蟹拆肉製成，外脆內軟，加入咗瑤柱同埋洋蔥，食落好有口感。 富豪海皇炒飯出色嘅炒飯當然係粒粒分明，而且海鮮非常多每一啖都有，炒得乾身，一啲都唔油膩。 原燉杏汁官燕呢一份官燕書飯後甜品真係非常出色，官燕非常多，每一啖都係。而且佢嘅杏汁係非常香濃，加入咗蜜糖，真係好滋潤，冬天飲就一流啦。 精選甜點兩款椰汁馬荳糕 - 椰汁嘅奶香非常重，清甜好味。欖仁核桃酥 -真係超酥脆，鬆脆可口一啖一口。 富豪脆皮炸雞(兩位奉送)佢嘅脆皮雞真係好大隻，米芝蓮嘅餐廳果然名不虛傳送出嚟嘅食物都係非常出色，雞皮超級脆，而且裏面嘅肉係燒鮮嫩多汁，一咬落去雞汁同埋油脂喺個口度徘徊好香。
continue reading
頭盤鱼翅是凍的，上湯是熱的,就咁淋上鱼翅上，鲍魚過淋，冇鮑魚味，如食麵粉,其各樣餸都可以，但份量少，服務態度真係太差了,第一次我朋友食鵝掌，都未食完，正想吐骨，服務員就企係我朋友身邊伸手收骨碟，狀似吹我朋友快啲食，第二次朋友還未食完就收走筷子，可否先問吓才收走筷子，這樣真的很冇禮貌。這家店我已幫襯過3次，今次是4人用餐亦是最差的。
continue reading
一個月前諗緊老豆生日去邊到慶祝好，咁啱睇到幾個YouTuber都話呢度個$980餐抵食又好食，就即刻book台諗住帶老豆黎試下啦。Book台果時仲問埋佢一個月後仲有冇呢個餐食，佢仲話就算冇左都可以做返比我地。尋晚醒起佢冇打黎confirm booking，10點幾打去冇人聽，可能就收工。今日中午再打去問，佢竟然話搵唔到我地個booking，但就幫我地即刻落返。我心諗，如果我地係到左餐廳先搵唔到個booking，我老豆餐生日飯點算呢？食野方面，唔知係咪我地唔識食呢。明明呢到好多人都讚，但我真心覺得麻麻地，所有野都好濃味，但都冇乜食材既味道。燴花膠有d咸，吉品鮑既口感係特別既係同出面既鮑魚唔同既，鵝掌好淋，生菜係食鮑魚汁味，蟹蓋係食洋蔥味，雞係好味既皮香有雞味，炒飯都ok，杏仁茶超級杏仁，美點雙輝好食。可能只係我地唔識欣賞，又可能因為食完每樣野都要飲好多水。服務方面，本身覺得普普通通啦，酒樓咁囉，對熟客好好笑容，對生客梗係生疏d啦，都冇咩問題既，但收碟就有d搞笑。因為佢地每樣野都係位上，所以每次食完都要收碟，我地坐中間果行4-5人台，兩邊行人路，我感覺佢係想企係同一個位收哂全部碟。咁佢收完近果d，要收遠d果隻碟，佢係企係度期望我地遞隻碟比佢，佢係冇諗住要行近d拎既。我果一刻就諗起，上次團餐食12人一圍三千幾蚊果間酒樓，個姐姐直情叫我地遞d碟比佢啦，起碼今次佢係冇出聲，佢企係度等啫，而咁啱又有人忍唔住好心咁遞左比佢啦。去到食炒飯既時候，可能佢又expect你只係會用匙羹食飯啦，因為佢係會收左你對筷子。整體黎講，可能我地唔係富豪啦，所以食唔慣，係我地問題。感覺應該係：試過就算啦。
continue reading
鮑參翅肚有邊個唔鍾意食啊？宜家富豪酒家嘅鮑魚名菜宴只係980就食到啦～ 身為連續14年嘅米其林一星餐廳，品质真的是很不错！一個套餐8道菜，每道都各有特色，作為主角嘅吉品鮑魚，做出近乎溏心嘅效果，每一啖都係一種享受啊～-蟹肉竹笙燴花膠食材十分足料，每一口都能夠食到彈牙嘅花膠、爽口嘅竹笙同鮮甜嘅蟹肉🦀，令人開胃養殖吉品鮑鵝掌吉品鮑一刀輕鬆切開，非常軟淋，炆鵝掌的火侯亦控制得很好，加上鮑魚汁一同食用，更加鮮味鮑魚汁唐生菜膽唐生菜稍微灼了一下，令到生菜口感清脆，加上鮑魚汁味道更清甜川汁脆皮釀遼參好難得食到遼參係脆皮嘅，感覺好特別，加上川汁少少辣辣地，剛好可以解咗遼參嘅油膩感生炸金牌燒乳鴿乳鴿鮮嫩多汁，燒到恰到好處，外皮香脆又能夠鎖住肉汁，真係好juicy🥳蔥花江瑤柱炒飯飯炒得好乾身一啲都唔油，瑤柱嘅鹹香剛好為炒飯調味，令飯更香口蛋白生磨杏仁茶香港已經好少地方可以食到呢個甜品，而且仲係生磨杏仁，呢個糖水好重杏仁味，但又唔會太甜，我非常欣賞🌿精選甜美點兩款當中嘅椰汁馬豆糕好香椰子味但又唔太甜，感覺好健康
continue reading