富豪酒家

Open Now

Now Closed

一直都知富貴酒家出名，除了因為有阿翁鮑魚之外，仲因為係連續多年取得米芝蓮一星餐廳。呢日特登同朋友過來食午餐，品嘗下佢哋嘅小菜係咪都一樣咁好。點了午餐特享小菜套餐 $788自選雞或鴨 + 3款小菜落單之後即刻上了一人一碗明火例湯。♥️白菜魚翅頭湯好好飲，有排魚翅。♥️蒜蓉豬扒蔥蒜嘅味道一上枱已經撲鼻而來，豬扒厚肉且嫩滑。♥️砂鍋朝煮黃花魚潮州煮法加咗菜譜，黃花魚起骨拆肉，魚塊煮得剛好唔會散，是用心的功夫菜。♥️方魚炒芥蘭仔方魚即是大地魚，炸到脆卜卜，十分香。♥️富豪炸子雞(半隻)雞皮好薄，炸到好脆，雞肉剛剛熟，極之嫩滑！仲有甜品，經理好好，每款比一樣我哋試吓。♥️合桃糊，杏仁茶蛋白，陳皮紅豆沙全部都好香，絕對比傳統糖水店好食。經理話套餐是跟人頭配湯同甜品，每位都有，咁真係好好。我哋剛好被安排坐係得獎牌匾前面，睇到餐廳已經由2011年開始連續13年獲米芝連推介的一星餐廳，真係唔簡單。食完之後真係覺得絕對值得推介，食得出每一道菜都用心製作。用餐途中都見職員會同食客閑談，會主動同小朋友傾偈，又用心製作食物，又有人情味的餐廳真係好值得贊賞。

同屋企人去富豪食新年菜，“富豪”一下XDDD，發財一下，食下D傳統菜。爵士湯。以鄧肇堅爵士而得名。主要材料為密瓜、螺頭及花膠。當中亦有雞肉、豬肉等。用生果煲湯應該是比較少有的作法，因為生果大多是甜的，咸甜交錯比較難掌握。但最終出來味道真不錯，密瓜的清甜味、螺頭的海鮮味、花膠的香滑口感，說不出的清甜，本身花膠湯因當中膠質會令湯水變得膩，密瓜的清甜正正可以化降其膩感，完美。鮑汁發菜金蠔。以鮑魚汁作為茨汁，金蠔作為主菜，發菜及豆苗作為吸收鮑魚汁及金蠔汁精華的“配菜”。金蠔先煎一下，煎後不單為了煮熟蠔，還可以令金蠔更加香口，亦會令其口感更好。鮑汁的出現會提升了整道菜的口感和風味層次，將鮑汁的鮮味與金蠔的風味相互融合。發菜含有大量膳食纖維，具有柔軟的口感和特殊的風味，而且是一個吸收精華的好材料，金蠔海鮮香加上濃郁鮑汁，好好味呀。豆苗就可以發揮佢降膩同時有鮑汁香既角色。發菜豬手。代表著新一年的豐盛和好運。發菜象徵富貴和好運；豬手象徵團圓和豐盛。食過發菜豬手，下年幸福和繁榮。豬手炆得剛，有點咬口但又軟糯入味。豬手肉質鮮嫩，含有大量膠原蛋白，是美顏的一大良品。與發菜一同燉煮，增加發菜豬手的口感和層次。

這家餐廳連續十三年獲得米芝蓮一星，最近餐廳有精選套餐，我感到非常開心。以半價的價錢享受到了鮑參翅肚等豪華食材，實在是太划算了！店員上了一份花生作為小菜。⭐️高湯紅燒官燕這碗官燕份量十足，搭配濃稠的高湯紅燒，頂層還點綴了金華火腿碎，入口時散發出鹹香的味道。⭐脆皮原隻花膠這是我第一次嚐到脆炸花膠，它的粉漿非常薄脆，入口即化。配上辣椒、芹菜、蔥等做成的芡汁，吃起來微辣開胃。⭐關東遼參鵝掌遼參入口爽彈，味道爽脆。配上鵝掌味道不俗。⭐阿翁炆班頭腩接著是阿翁炆班頭腩，裡面有竹笙、豆腐、班頭腩和薑片，味道非常鮮美。⭐生炸脆皮乳鴿這是我第一次嚐到這麼又脆又多汁的脆皮乳鴿，乳鴿的外皮又薄又香脆，肉汁都鎖在肉內，非常美味。⭐原隻吉品糯米飯鮑魚的香氣融入了糯米，香蔥、臘味和蝦肉的味道也很美味。糯米飯入口煙煙韌韌，很香。⭐陳皮蓮子紅豆沙濃濃的陳皮味讓人回味無窮。紅豆粒粒分明，入口卻很軟，沒有額外甜味，健康又美味。⭐精選甜美點兩款他們還提供了精選甜美點，包括馬豆糕和核桃酥，兩款點心各有特色，非常美味。

96年開業嘅「富豪酒家」，自2011年起，連續13年獲得米芝蓮一星殊榮。所以係呢度食鮑魚就一定有保證。宜家30-35頭嘅吉品鮑未計煮都要四五百蚊一隻。今日下午過嚟就係食佢$488嘅「阿翁鮑魚美食套餐」。可以一試阿翁鮑魚呢個價錢簡直係超值。套餐包括一碗是日靚湯、三件點心、荷葉飯、蛋白杏仁茶、甜點兩款、仲有主菜35頭吉品鮑燴鵝掌。先上一碗白菜魚唇湯，味道唇厚，應該都係老火雞湯底，非常出色。之後三件點心楝咗蝦餃、燒賣、炸芋角。點心都係保持到高水準，唔係一間普通酒樓可以比較。之後主菜吉品鮑拼鵝掌出場，隻碟連鮑魚相當適合打卡。名貴嘅乾鮑經過反覆曬製，味道濃縮，而且肉質發生變化。之後浸發3-4日，再用老雞、腩排、瑤柱等材料燜焗超過24小時，先至可以製成呢一味千錘百煉嘅廣東名菜。鵝掌亦都係用燜鮑魚嘅鮑汁燜成，鵝掌燜到非常之入味，又夠淋。鮑魚一刀切開，𥚃面溏心軟糯。其實鮑汁先係靈魂，火腿咸香味濃，點鮑魚、菜心都非常好食。之後食埋瑤柱鮮蝦荷葉飯就一定夠曬飽。呢啲等級嘅粵菜做荷葉飯都非常好食，據聞都係落咗鮑汁，不過冇得正實。之後甜點有馬豆糕同合桃酥，再加埋一碗蛋白杏仁茶。呢碗係非常之香滑，而且糖份特別少，

富豪酒家 - 尖沙咀米芝蓮一星粤菜食府位於尖沙咀美麗華廣場一期4樓連續13年獲得米芝蓮1星餐廳的富豪酒家，高級粵菜富豪酒家由翁先生主理，他所經營的《富豪酒家》連續13年榮獲米芝蓮一星，以其卓越的名聲而聞名於世。臨近冬至，氣溫下降，於是安排了一家三口享用了一頓豐富鮑參翅肚盆菜宴。食材包含四種珍貴的海味，即鮑魚、海蔘、魚翅、魚肚，豐盛美味的珍饈，令人垂涎欲滴。首先品嚐到「紅燒砂鍋包翅」，紅燒砂鍋包翅採用頂級18吋牙揀翅，每碗足2兩翅，配以香而不膩的上湯汁芡，魚翅質感爽口，掛滿高湯後更添滋味，伴上芽菜及金華火腿絲一同吃，口感更豐富接下來「30頭特選吉品」吉品屬日本頂級鮑魚，質素高品質，以砂鍋將鮑魚與老雞、排骨等炆24小時，入口鮮甜彈牙，配以清灼唐生菜膽，口感更清新。另一道推薦的是「花膠遼參鵝掌」。原條遼參鵝掌採用肉厚鮮味的波蘭鵝掌，配合阿翁秘制烹調的鮑汁，非常入味且具嚼勁，配合口感彈牙的原條遼參，讓人回味無窮。發財好市團圓盆菜有發菜、日本北海道金蠔、潮汕蝦圓、炸鯪魚球、南澳魷魚、瑤柱、天白花菰、豬脷、豬手、肉卷、枝竹、蓮藕、蘿蔔、紹菜等18款上乘食材，滿載著最豐富暖心的幸福滋味。發財好市團圓

之前睇咗YouTuber介紹、知道富豪酒家做緊個吉品包368餐，所以今日星期六去試一下 眼見大堂很多人都是點了這個套餐，這個套餐包括每人三件點心吉品鮑加鵝掌荷葉飯杏仁茶及兩件甜品，仲有一個例湯，先嚟例湯，並沒有YouTuber嗰碗咁好彩沒有魚翅，只係一碗例湯沒有湯渣，味道係普通老火湯味，之後六件點心也到，點心質素沒有特別不算有任何驚喜，主菜吉品鮑加鵝掌，吉品鮑並沒有想像中咁好味鵝掌好腍，那個鮑汁也是沒有想像中好味、之後荷葉飯，這個飯反而味道不錯，最後杏仁茶同兩件甜品，反而成個套餐最好味係碗杏仁茶。這個套餐原本係488 、現在做368可以值得一試，但如果488我就不會試.

今天一行3人，中午到這飲茶，點了6款點心包括蝦腸，义燒酥，和待應推介的煎蘿蔔糕等和一份炒飯，炒飯偏乾硬和咸。埋單 950元，只可說服務還好，但味道普通，如以這價，會去其他酒樓飲茶。

呢次就嚟試一下佢哋既個超值優惠菜單「，阿翁名菜蟹宴」👨🏻‍🍳👨🏻‍🍳「生拆蟹黃蟹肉翅」✨～優質的蟹黃和蟹肉，當用匙羹把滿滿的蟹肉和翅那刻就知道什麼是真材實料👍🏽👍🏽👍🏽「脆皮百花釀花膠」✨～擺盤簡約但釀花膠香口惹美，口感十足彈牙，加上廚師的秘製鮑魚汁，鮑魚汁完全有一種想把所有食都點這個汁的感，可想而知點解阿翁鮑魚點解會咁出名「阿翁官燕焗蟹蓋」✨～賣相精緻啖啖滿足，爆滿的蟹肉份量絕對唔係講笑，鮮味十足、調味剛剛好，喜歡食蟹既朋友必食邪惡之選「金牌脆皮燒乳鴿」✨～今次我就試咗燒乳鴿，食肉獸既我有時好怕食乳鴿有時好怕乳鴿無咩肉，呢度既乳鴿絕對唔會有呢個問題，啖啖肉之餘仲外脆內軟，朋友即刻咬落口仲有啲熱，證明火喉十足👍🏽👍🏽👍🏽👍🏽「瑤柱鮮蟹肉炒飯」✨～講到火喉十足一定要講呢一個蟹肉炒飯，足料真係唔駛講見到相都無得呃，瑤柱、蟹肉多種鮮味材料互相平衡，加埋炒飯炒到粒粒分明，開胃醒神！最後清爽既「蛋白石磨杏仁茶」✨同埋懷舊精緻既「中式甜品」✨結尾，真係好耐無試過食中菜可以咁滿足🫶🏻🫶🏻🫶🏻

朋友介紹呢間富豪酒家午膳，話係「名人飯堂」🤣 呢間酒家連續13年拎咗米芝蓮一星🤩🤩，水準高！質素有保證🥳🥳今日我地三個人黎食午市特惠套餐，價錢都好相宜，售價$780，有三款小菜，仲包半隻雞和湯和甜品。大白菜魚翅頭湯- 好大塊魚翅🥳🥳好足料😍😍蒜蓉豬排🥩- 好有住家風味😋 好有肉汁！砂鍋潮煮黃花魚- 好岩怕魚骨但又鐘意食魚既我😁方魚炒芥蘭仔- 方魚好香脆😗😙😙炸子雞- 正☺️☺️雞皮炸得金黃酥脆，香脆得黎又唔過份油膩🤪🤪甜品- 蛋白杏仁茶- 陳皮紅豆沙- 合桃糊見到仲有岩四人享用既商務套餐😝下次再同朋友同事黎試🤩🥳🥳富豪酒家 (尖沙咀)尖沙咀彌敦道132號美麗華廣場1期食四方4樓402號舖

以阿翁鮑魚成名嘅富豪酒家，除咗鮑參翅肚之外，一樣有提供午餐茶市。點心一樣不用人造色素、味精去營造色香味美。每一款點心都樸實無華，好似珍珠雞為例，用咗大量瑤柱絲調味，冬菇、雞粒切成幼末，加上糯米飯，口感細膩。蝦餃嘅荀絲蝦肉比例恰當，13摺晶瑩透薄嘅外皮，完整包著，一啖剛好入口。牛肉球有陳皮香，唔似坊間咁多粉，以牛肉為主，似食緊牛肉餅嘅口感。冬菇炆鵝掌都唔會輸蝕俾鮑汁扣鵝掌，一樣入味淋滑。午市都有老火湯可以提供，仲有我最鍾意嘅生磨蛋白杏仁茶，又滑又夠杏仁味。要拎米芝連一星，果然要兼顧唔同菜式嘅品質，由點心到鮑參翅肚都做得好真係好難得。

富豪酒家🍗 富豪脆皮炸子雞  去富豪酒家，唔食下佢哋嘅炸子雞就等於白去！呢款炸子雞同平時見到嘅炸雞完全唔同，佢哋先將雞醃好，然後掛起來，用熱油不斷噴上去，直至雞皮達到又脆又滑嘅完美狀態。成隻雞外觀誘人，金黃酥脆，每一口都係滑嫩多汁，令人一試難忘。加上點鹽或者豉油，味道立即提升，每一口都充滿驚喜。🍲 荔芋臘味煲  另一道必食嘅係荔芋臘味煲，每次去我都必定會點。煲仔裏面滿滿嘅臘味、芋頭同臘鴨脾，每樣食材都喺彼此之間嘅味道中取得咗完美平衡。芋頭軟糯吸滿咗臘鴨嘅精華，而臘味嘅濃郁香氣又完美融合，每一啖都係滿足感爆棚，絕對係配飯嘅極品。📝 總結  富豪酒家唔單只環境舒適，服務態度亦相當好，最重要嘅係，佢哋嘅食物真係好有水準。每一次嚟到都會有新嘅發現，特別係富豪脆皮炸子雞同荔芋臘味煲，如果你想同家人或者朋友享受一頓豐富嘅晚餐，富豪酒家絕對係你嘅好選擇。📍 地址：尖沙咀彌敦道132號美麗華廣場1期食四方4樓402號鋪

這間酒樓是阿翁鮑魚的出品酒樓，位於美麗華中心一期。從一踏入這裡，我就感受到一種宏偉而氣派的氛圍，真的難以相信這是一家榮獲米芝蓮一星的餐廳。我們點了他們的招牌螺頭湯，這湯味道濃郁，充滿海鮮的鮮甜，真是讓人回味無窮。此外，我們還點了燒雞帶子和炸蝦等精緻美味的菜餚。每一道菜都展現出名師的高超廚藝，而價格並不算昂貴，但卻能帶給人驚艷的味覺享受。除了這些主菜，他們的香芹蘿蔔煮斑腩和砂鍋富豪炒飯也是我們的必點之選。香芹蘿蔔煮斑腩的煮法獨特，肉質鮮嫩多汁，搭配蘿蔔和香芹的清新口感，真是一道美味的佳餚。而砂鍋富豪炒飯則是香氣四溢，米飯入口鬆軟，配上各種豐富的食材，口感豐富多樣。最後，他們的甜品蛋白杏仁茶是我們的絕對推薦。這杯茶香氣撲鼻，杏仁的濃郁味道與蛋白的柔滑口感完美融合，既不過於甜膩，又充滿健康的口味。對於都市人來說，這絕對是一道理想的健康甜品。總的來說，這家酒樓以其精湛的廚藝和出色的菜品贏得了我們的讚賞。無論是菜餚的口味還是價格的親民，都讓人難以忘懷。如果你正在尋找一家獨特而美味的餐廳，這家酒樓絕對是一個不容錯過的選擇。

這家酒樓的菜單中的主菜、香芹蘿蔔煮斑腩和砂鍋富豪炒飯，以及甜品蛋白杏仁茶，確實聽起來非常美味。香芹蘿蔔煮斑腩的獨特煮法讓肉質鮮嫩多汁，並搭配蘿蔔和香芹的清新口感，味道應該非常好。砂鍋富豪炒飯的香氣四溢，米飯鬆軟，加上豐富的食材，應該能提供豐富多樣的口感體驗。至於甜品蛋白杏仁茶，這杯茶應該具有香氣撲鼻的特點，杏仁的濃郁味道和蛋白的柔滑口感相互融合，既不過甜膩，又帶有健康的口味。對於都市人來說，這絕對是一道理想的健康甜品。

呢間酒樓係阿翁鮑魚嘅出品酒樓，位於美麗華中心一期入到去已經覺得有一種好有氣勢嘅感覺，真係估唔到原來係米芝蓮一星嘅餐廳。我哋點咗佢哋嘅螺頭湯，燒雞帶子同埋炸蝦等等嘅嘢食，仲有佢哋嘅香芹蘿蔔煮斑腩，砂鍋富豪炒飯等等，感覺係名師嘅出品每樣嘢都唔算真係好貴，但係可以煮出一種令人讚嘆嘅味道。最後甜品係佢哋嘅蛋白杏仁茶，杏仁味好濃，當然亦都唔會太甜，適合都市人嘅健康口味。What a nice experience!

由細到大都鐘意🫖飲茶，可以食到唔同點心，不過大個咗就食唔到咁多啦，所以最好一班人食，熱鬧又食得多啲嘢😋🥢晶瑩野生鮮海蝦餃皮薄餡靚，都幾大粒漲卜卜咁，新鮮熱辣蒸完出嚟啲皮都唔易爛，蝦肉爽口彈牙🉐🥢時菜牛肉球比平時食開有少少唔同，冇咁多粉所以牛肉較軟滑，汁都濃好多🥢珍珠糯米雞好耐無食，入面有冬菇粒、鹹蛋黃、瑤柱，糯米煙韌🥢冬菇燜鴨掌燜得入味，醬汁好食🤍生磨蛋白杏仁茶超鐘意嘅中式糖水，如果酒樓有，一定會叫😍蛋白同杏仁茶一樣咁滑溜，熱食一流🚩富豪酒家 (尖沙咀) @fuhorestaurant 📍尖沙咀彌敦道132號美麗華廣場1期食四方4樓402號舖